Его читают перед началом важного дела: акафист Святому Духу

Акафист Святому Духу

Кондак 1

Приидите, вернии, Духа Святаго прославим сошествие, Иже от Отеческих недр на апостолов излився яко водами, боговедением покры землю, и живоносныя благодати богоусыновления, и горния славы сподобляет чисте притекающих к Нему, освящает же и обожает зовущих:Прииди, Утешителю Душе Святый, и вселися в ны.

Икос 1

Ангели на небеси светлыми хорами Духу Святому несмолкаемо славу поют, яко источнику жизни и свету невещественному, божественными молниями мир просвещающему. С ними же и мы прославляем Тя, Душе непостижимый, за вся явныя и тайныя милости Твоя, и смиренно просим блаженнаго осенения Твоего:

Прииди, свете истинный и радосте духовная; прииди, росоносный облаче и красото неизреченная. Прииди, и приими яко курение благовонное хвалу нашу; прииди, и даждь нам вкусити радость явления Твоего. Прииди, и сотвори сей день днем милосердия Твоего; прииди, и возвесели нас обилием даров Твоих. Прииди, святость безмерная, и всяку скверну далече от нас отжени; прииди, вечное солнце незаходимое, и обитель Твою в нас сотвори.

Прииди, Утешителю Душе Святый, и вселися в ны.

Кондак 2

Видением огненных языков, во свете и дыхании бурнем и радостотворнем сниде Дух Святый на апостолов. Пламенем Его объятии, рыбари мир весь в Церковь Христову призваша, беды на суши и водах радостно терпяще, лютых смертей не убояшася, и во всю землю изыде вещание их: Аллилуиа.

Икос 2

Чаша дождеродно огнеточивая, излившаяся на апостолов в горнице Сионстей: Тебе поем, Тебе благословим, Тебе благодарим, Боже Душе Святый, низпосли и на нас премудрость Твою:

Прииди, Освятителю и Хранителю Церкви; прииди, и даждь едино сердце и едины уста верным Твоим. Прииди, и воспламени наше хладное и безплодное благочестие; прииди, и разжени огустевающий над землею мрак безбожия и нечестия. Прииди, и даждь нам вкусити, яко Благ еси; прииди, и настави нас на всяку истину. Прииди, и вся помышления наша покори владычеству Твоему; прииди, Мудросте непостижимая, и имиже веси судьбами спаси нас.

Прииди, Утешителю Душе Святый, и вселися в ны.

Кондак. 3

Тайна глубочайшая, Боже Душе непостижиме, со Отцем и Словом Создателю всех! Ты украсил еси горния чины ангелов в храме неприступнаго света, Ты воззвал к бытию хоры огненных светил с великолепием славы, Ты, плоть и дух в чудное единство согласуя, сотворил еси род человеческий, и всякое дыхание поет Тебе хвалу: Аллилуиа.

Икос 3

Альфа и омега, начало и конец Ты, Душе вечный, необъятною силою парения над водами и страшным кругообстоянием животворил еси всех и вся. От живоноснаго дыхания Твоего из безвидныя бездны возсияла есть неизреченная красота первозданнаго мира. Сего ради взываем Ти:

Прииди, великий и в малом цветке, и в небесней звезде; прииди, всяким дыханием на небеси и на земли хвалимый. Прииди, сокровище многообразных даров неисчерпаемое и красото вечная; прииди, и озари мрачный хаос моея души. Прииди, и благодатию Твоею семя жизни духовныя оживи в нас; прииди, и духом света и крепости колеблющееся произволение наше утверди. Прииди, и в светлый образ Твой устрой мрачное безобразие души моея; прииди, и яви нас новою тварию во Христе.

Прииди, Утешителю Душе Святый, и вселися в ны.

Кондак 4

Непостижимый и Всеблагий! Ты облекл еси Пречистую Деву Марию в ослепительный и неприступный блеск Твоего Божества, соделав Материю Бога, Царицею ангелов, спасением людей! Силою премирною Ты возносиши их до третияго небесе! Ты уязвляеши их сердца красотою небесною, влагая в их речи жгучее стремление, влекущее людей к Богу. Ты обращаеши последних грешников, и полные горняго восторга, поют они Тебе: Аллилуиа.

Икос 4

Святым Духом всяка душа живится, Его силою возстановятся к общению воскресения вся создания в последний час нынешняго века и в первый будущаго. Тогда воздвигни нас из гробов, не к осуждению, но к божественному блаженству со всеми святыми и с близкими нам:Прииди, и избави нас от смерти духовныя; прииди, и даждь нам всегда память смертную. Прииди, и пред кончиною насыти нас телом и кровию Христа; прииди, и даждь нам успение тихое и с чистою совестию. Прииди, и сотвори светлым наше пробуждение от смертнаго сна; прииди, и буди с нами, егда предстанем оному Страшному Судии. Прииди, и сподоби нас увидети с радостию ликующее утро вечности; прииди, и яко солнце просвети тогда безсмертная телеса наша.

Прииди, Утешителю Душе Святый, и вселися в ны.

Кондак 5

Услышав глас Твой: аще кто жаждет, да грядет ко Мне и да пиет, молим Тя, Сыне Божий, утоли нашу духовную жажду, даждь нам воду живую, излей нам от Духа Святаго Твоего, да не возжаждем во веки, со умилением поюще: Аллилуиа.

Икос 5

Нетленный и несотворенный, вечный и щедрый Душе, праведных хранителю и грешных очищение, свободи нас от всяких нечистых дел, да не погаснет в нас сияние благодатнаго света Твоего, вопиющих Ти:

Прииди, Всеблагий, и даждь нам умиление и источник слез; прииди, и научи нас покланятися Тебе духом и истиною. Прииди, истине вечная, и уясни недоумения ума нашего скуднаго; прииди, жизнь нестареемая, и отжени от нас прельщения краткаго века сего. Прииди, свете незаходимый, и разсей мрак страстей наших и уныния; прииди, вечно юная сило, освежи изнемогающих чад Твоих. Прииди, безконечная радосте, и забудутся невзгоды временныя; прииди, и изсохшую землю душ наших плодоносну покажи.

Прииди, Утешителю Душе Святый, и вселися в ны.

Кондак 6

Ликуй, дщерь света, святая мати Сион, украшайся, великая невесто, небеси подобная светло блистающая вселенская Церковь Христова, на тебе почивает Дух Святый, немощная врачуя, оскудевающая восполняя и мертвыя Духом оживляя, и к вечной жизни приводя всех, достойно и праведно о Тебе зовущих: Аллилуиа.

Икос 6

В мире скорбни будете, рече Господь. Где обрящем отраду и кто утешит нас? Душе Утешителю, Ты утоли наша печали, ходатайствуй о нас воздыхании неизреченными, облегчи сердца молящихся Тебе:

Прииди, сладкая прохладо труждающихся и обремененных; прииди, собеседниче узников и спутниче гонимых. Прииди, пище алчущих и нищетою изнуренных; прииди, пристанище сирым и вдов утешение. Прииди, и уврачуй страсти душ и телес наших; прииди, и посети всех жаждущих Твоего озарения. Прииди, и поддержи безпомощных и слабых; прииди, и научи нас в привременных скорбех обретати надежду вечныя радости.

Прииди, Утешителю Душе Святый, и вселися в ны.

Кондак 7

На Святаго Духа хулившему не простится ни в сем веце, ни в будущем, рече Господь. Слышаще сие трепещем, да не осудимся с непослушными Тебе и богоборными; не уклони сердца наша в словеса лукавствия, обрати от расколов, ересей и безбожия всех заблуждших, и в Церкви первенец сподоби во веки веков воспевати: Аллилуиа.

Икос 7

Егда отступил Дух Святый от Саула, тогда страх и уныние постиже его, и тьма отчаяния низверже его в преисподнюю. Тако и аз в день уныния и ожесточения моего да разумею, яко несть во мне Бога, но даждь мне неослабно звати Тя, души моея отрадо, дондеже свет Твой озаряет мя малодушнаго:

Прииди, и не отвержи мене за роптание и нетерпение мое; прииди, и умиротвори лютую бурю смятения и раздражения. Прииди, и успокой озлобленных житейскими невзгодами; прииди, и смягчи сердце в день ожесточения и гнева. Прииди, и облегчи согбенных тяжестию креста; прииди, и сокруши козни смущения и страхования духов тьмы. Прииди, и возсияй нам свет Твой благий; прииди, и вдохни в нас великодушие, да терпением спасем души наша.

Прииди, Утешителю Душе Святый, и вселися в ны.

Кондак 8

Спаси нас, Отче Небесный! Мы несчастны и жалки, и слабы, и наги духовно; даруй нам злато Твое, огнем очищенное, покрый нас от срама одеждою белою, исцели помазанием Твоим очи наша, благодать животворящаго Твоего Духа да снидет в нечистии сосуды душ наших, и возродит поющих: Аллилуиа.

Икос 8

Яко Вавилонская башня рушится счастье земное, жалки вся начинания человеческия! Благо мне, яко смирил мя еси, яко открыл еси мне в согрешениих и падениих моих всю слабость и ничтожество мое! Без Тебе не можем творити ничесоже, но благодатию Твоею уповаем спастися:

Прииди, премудрый строителю жизни; прииди, да разумеем и мы спасительныя пути Твоя. Прииди, яко молния, и освети цель нашего бытия; прииди, и благослови всякое благое начинание. Прииди, и буди помощником в добрых делех; прииди, озаряя в час недоуменный. Прииди, даруя дух покаяния, да отвратятся тем грядущия на мир беды; прииди, и научи нас присно творити волю Твою.

Прииди, Утешителю Душе Святый, и вселися в ны.

Кондак 9

Тако возлюби Бог мир, яко и Сына Своего единороднаго дал еси, Иже от Духа Святаго и Марии Девы вочеловечився, кровию Своею весь мир искупил, на кресте простирая зиждительныя руцы до звезд; темже всю тварь свободи, чад Божиих содела. Сего ради Отцу Возлюбленному, Сыну Искупившему и Духу Освящающему поем: Аллилуиа.

Икос 9

Дух животворящий, яко голубь сошедый на Христа на Иордане, опочил есть и на мне при купели крещения, но помрачися доброта Его от тьмы грехопадений моих. Яко путник заблуждшийся нощию в лесу ожидает зари, тако и аз жажду лучей Твоих, Блаже, да не погибну до конца:

Прииди ко мне, запечатленному страшным и великолепым именем Твоим; прииди, и даждь ми зрети моя прегрешения. Прииди, и облегчи совесть мучимую, нещадно палимую; прииди, обнови омраченный Твой образ. Прииди, и разсей греховная видения; прииди, и научи сострадати чуждему горю. Прииди, и подвигни мя любити всякое создание Твое; прииди, и воздаждь ми радость спасения Твоего.

Прииди, Утешителю Душе Святый, и вселися в ны.

Кондак 10

Дух Святый возраждает в жизнь вечную, Дух Святый вдохновляет мучеников, венчает праведников, хлеб и вино совершает Телом и Кровию божественными. О глубино богатства и премудрости Божией! Даруй нам венец Твоих даров, всепрощающую вечную любовь, скорбящую за врагов, хотящую всем спастися, да озареннии ею, яко чада света поем: Аллилуиа.

Икос 10

Кто нас отлучит от любве Божией? Скорбь ли, или теснота, или гонения, или глад, или нагота, или беды, или меч? Аще и всего лишимся на земли, имамы наследие неувядаемое на небеси. Но даруй нам, Господи, любити Тя не словом или языком, но истинным делом и подвигом всея жизни:

Прииди, Душе всесильный, и умножи в нас всепобеждающую веру; прииди, и даждь нам непрестанное горение молитвенное. Прииди, да не охладеет любовь наша в среде беззакония; прииди, и не даждь нам отпасть во дни гонения и посмеяния веры. Прииди, и сохрани нас от непосильных искушений и соблазнов; прииди, и оживи сердца наша кроплением росы Твоея. Прииди, и непостыдное упование на милость и помощь Божию всели в нас; прииди, уврачуй, освяти и возстави нас, Блаже, Твоею благодатию.

Прииди, Утешителю Душе Святый, и вселися в ны.

Кондак 11

Тако глаголет Господь: излию от Духа Моего на всяку плоть, и прорекут сынове и дщери ваши, и юноши ваши видения узрят, и старцы сония увидят. Душе всежеланный, даждь хотя единую от крупиц с трапезы сынов утешения Твоего и нам, пламенно зовущим: Аллилуиа.

Икос 11

Аще и на краткое мгновение, яко блистание молнии Ты возсияеши в тайнике души, но незабвенно есть светолитие откровения Твоего, от него же страшным и боголепным изменением преображается бренное естество. Сподоби еще в земном житии чистым сердцем узрети Тя и нам, молящимся Тебе:

Прииди, светоподательная молние вечности; прииди, и озари нас невечерним сиянием Твоим. Прииди, сокровище смиренномудрых и веселие кротких; прииди, водо живая и прохладная среди зноя страстей. Прииди, ибо вдали от Тебе несть радости ни покоя; прииди, ибо с Тобою всюду Небесное Царство. Прииди, и возгрей любовь Божию в охладевших сердцах наших; прииди, и напечатлей в души солнцевидный лик Твой.

Прииди, Утешителю Душе Святый, и вселися в ны.

Кондак 12

Благости реко неистощимая, Душе, грехов разрешителю, приими моления наша о всем мире, о верующих и неверующих, и о сынах противления, всех приведи к вечному царствию Святыя Троицы, да упразднится Тобою и последний враг смерть, и мир, возрожденный очистительным огнем, воспоет новую песнь безсмертия: Аллилуиа.

Икос 12

Зрю духом град Божий, Иерусалим небесный, яко невеста украшенный, солнцевидный, торжествующий, слышу ликование праведных на трапезе Господней, и гласы ангелов, и пресветлаго Господа посреде избранных Своих! Се, отбеже болезнь и печаль и воздыхание. Царь Небесный, седмерицею даров Своих сподоби нас сея вечныя радости в Бозе зовущих Ти:

Прииди, Царю Небесный, и седмерицею даров Твоих нищету нашу духовную покрый; прииди, и Духом ведения и благочестия сердца наша умили. Прииди, и возбуди в нас жажду загробнаго бытия; прииди, и запечатлей в души чаяние жизни нетленнаго века. Прииди, и открой нам радость грядущаго Царствия; прииди, и даждь нам снегосветлую ризу чистоты. Прииди, и возьми нас на брак Агнчий; прииди, и сподоби в вечней славе Твоей царствовати.

Прииди, Утешителю Душе Святый, и вселися в ны.

Кондак 13

О светоносная пучино спасающей любве, Душе животворящий, согрей дыханием Божества Твоего оледеневший в беззакониих род человеческий, силою непостижимых судеб Твоих ускори погибель зла, и яви вечное торжество Божественныя правды, да будет Бог всяческая и во всех, и всяко колено небесных и земных и преисподних да воспоет: Аллилуиа.

(Этот кондак читается трижды, затем снова 1-й икос и 1-й кондак.)

Молитва

Царю Небесный, Утешителю Всеблагий, Душе истины, от Отца предвечно исходяй и в Сыне выну почиваяй, независтный источниче дарований божественных, разделяя их коемуждо, якоже хощеши, Имже и мы недостойнии освятихомся и назнаменани есмы в день крещения нашего! Призри на молитву раб Своих, прииди к нам, вселися в ны, и очисти души наша, да будем уготовани в жилищи Пресвятыя Троицы. Ей, о Всеблагий, не возгнушайся нашея нечистоты и ран греховных, но исцели я всеврачующим помазанием Твоим. Просвети наш ум, да разумеем суету мира и яже в мире, оживи нашу совесть, да немолчно возвещает нам яже подобает творити и яже отметати, исправи и обнови сердце, да не источает день и нощь помышлений злых и желаний неподобных. Укроти плоть и угаси росоносным дыханием Твоим пламень страстей, имже помрачается в нас драгоценный образ Божий. Духа праздности, уныния, любоначалия и празднословия отжени от нас, подаждь же нам духа любве и терпения, духа кротости и смирения, духа чистоты и правды, да исправив разслабленная сердца и колена, неленостно течем по пути заповедей святых, и тако избегая всякаго греха и исполняя всяку правду, сподобимся улучити кончину мирну и непостыдну, внити в Иерусалим небесный, и тамо покланятися Тебе купно со Отцем и Сыном, поя во веки веков: Троице Святая, слава Тебе. Аминь.

Молитва иная

Душе Святый! Всю вселенную собою наполняяй, и всем жизнь подаваяй, от скверных же человек удаляяйся, смиренно молю Тя: не гнушайся нечистоты души моея, но прииди и вселися в мя и очисти мя от всякия греховныя скверны. Да помощию Твоею прочее время живота моего поживу в покаянии и творении дел благих, и тако прославлю Тя со Отцем и Сыном во веки веков. Аминь!

Сошествие Святого Духа

Священнослужители часто рекомендуют при сложной ситуации, или приступая к важному делу, заказать или самому прочесть акафист Святому Духу. Обращение к Нему, как Руководителю жизни верующего, известно было еще ранним христианам.

Учение Православной Церкви о Святом Духе

Говорить о Духе начал Господь Своим Апостолам еще во время земной жизни, особенно в последние дни перед Своим страданием. Он не раз повторял обещание «послать Святого Духа» на учеников, называя Его также «Утешителем» (Ин 14:16), «Духом Истины», совершающем на земле, среди верующих, дело Божие.

Это обетование сбылось на 50-й день после Воскресения, когда Дух сошел на Апостолов видимым образом, подобно языкам пламени (Деян.2). Дары Его дали ученикам Господа смелость, дерзновение проповеди, умение нести учение Господа на разных языках, чему свидетелями были множество людей, пришедших в Иерусалим на иудейскую Пасху.

Их слова записал св. Лука в «Деяниях Апостолов»:

«Сии говорящие не все ли галилеяне? Как же мы слышим каждый собственное наречие, в котором родились. Парфяне, и Мидяне, и Еламиты, и жители Месопотамии, Иудеи и Каппадокии, Понта и Асии, Фригии и Памфилии, Египта и частей Ливии, прилежащих к Киринее, и пришедшие из Рима, Иудеи и прозелиты, Критяне и Аравитяне, слышим их, нашими языками говорящих о великих делах Божиих? (Деян. 2:7-11)

Но главным даром стало знание тайн Божиих, опыт Богообщения, причастности Господу, который не оставлял Апостолов до конца их земной жизни. Ныне эти дарования продолжают присутствовать в Церкви.

Но само учение о Третьей Ипостаси окончательно сложилось только ко II Вселенскому Собору 381 г. Тогда возникла ересь епископа Константинопольского Македония, который отрицал Духа как Бога, считая Его лишь творением. Как ответ на эти рационалистические «умствования», отцам Собора удалось облечь в словесные формулы то, что опытно было известно христианским подвижникам с первых веков Церкви.

Так, по определению Собора от 9 июня 381 г., появилось известные нам слова Символа Веры о Святом Духе.

Согласно ему:

• Он является Господом, как Отец и Сын;
• Ему воздается равно с Ними поклонение;
• Дух исходит от Бога Отца;
• Он животворит, просвещает всех людей;

Его присутствие в мире известно со времен Ветхого Завета, когда Он говорил устами пророков. Сейчас Он также действует среди верных христиан и Церковь через Таинства.

Дары Духа неизменны с рождения Церкви по сей день, и останутся такими до конца мира.

Что говорит о Святом Духе Священное Писание

В 1 главе Книги Бытия упоминается «Дух Божий», Который «носился над водою», когда сотворенная земля была еще «безвидна и пустынна» (Быт. 1:1-3). В других писаниях Ветхого Завета Он раскрывается как «Благой», «Святой», то есть принадлежащий Господу.

По ветхозаветным текстам можно выделить свойства Духа:

• Он присутствует везде в мире. По слову св. царя Давида: «Куда пойду от Духа Твоего, и от лица Твоего куда убегу?» (Пс. 138:7);
• Он непостижим, никто из людей не может понять путей Божиих.
• Им создан мир, сам человек. «Словом Господним сотворены небеса, и Духом уст Его все воинство их» (Пс. 32:6).
• Наконец, не раз говорится о людях, через которых Дух может действовать на земле. Это праотцы (например, прав. Иосиф Прекрасный, имевший дар прозорливости, пророчества), ветхозаветные праведники, пророки.
• Но с наибольшей определенностью о Третьей Ипостаси Троицы говорит Новый Завет, где Дух не просто передает волю Божию через отдельных людей, но прямо действует в мире через Церковь Христову.

Свт. Григорий Богослов говорит:

Высказывания святых отцов о Третьем Лице Святой Троицы

Святоотеческая литература не дерзает излишне подробно рассуждать о внутренних свойствах Духа, как и вообще подробно разбирать Сущность Бога. Многое здесь не выразимо словами, познается опытом, доступным лишь великим духоносным отцам.

Куда больше высказываний посвящены действию Третьего Лица среди людей, а также тому, как приготовить себя к должному восприятию Его даров.

Блаж. Августин указывает, что дары Духа ныне те же, что при рождении Церкви, «только какого размера сосуд каждый приносит к источнику, такой и наполняет», то есть человек вмещает столько благодати, сколько для него возможно.

Что же разделяет человека с Богом? По слову свт. Василия Великого, это грехи.

Но, с другой стороны, человеку невозможно избавиться от страстей своими силами. Как говорит свт. Игнатий (Брянчанинов), «только Святой Дух может вполне очистить человека от страстей и возвратить ему власть над самим собою, похищенную диаволом».

А потому выход остается один – просить Самого Бога помочь. Именно это прошение об очищении содержит короткая молитва «Царю Небесный…», не случайно читаемая при начале каждого богослужения.

Почему Святому Духу молятся перед началом всякого дела

Третьей Ипостаси Троицы молятся не только перед началом церковной службы, но вообще при начале всякого дела, даже самого прошения к Господу.

Как говорит одна из молитв Псалтири, «яко что помолимся, якоже подобает, не вемы, аще не Ты, Господи, Духом Твоим Святым наставиши ны», то есть даже понять, что именно просить на молитве, можно тоже только при Божией помощи.

Из церковной практики известно, что иногда небесную помощь дарует не только молитва Духу, но просто вздох души.

К Святому Духу многократно обращались многие угодники Божии, чьи молитвенные воздыхания теперь – сокровище для верующих. Среди таких богослужебных произведений:

• каноны, прп. Феофана Начертанного, известного борца с иконоборчеством, не раз пострадавшего за православие;
• канон Святому Духу прп. Максима Грека; в начале XVI в. святой несправедливо томился в узах, и написал эти боговдохновенные слова на стене своей темницы;
• Акафист Святому Духу, созданный в начале XX в., во время антицерковных гонений, авторство произведения многие приписывают свт. Тихону, патриарху Московскому, либо кому-то из его близких сотрудников.

Будем же помнить, что современным христианам даровано великое сокровище. Чуть более 2000 лет назад случилось то, о чем мечтали многие поколения: Дух Божий пришел в мир и дарует Свою благодать всем просящим. А потому не будем пренебрегать Его помощью.

Наталья Сазонова.