Святой защитник: молитва Димитрию Солунскому

Мироточцем именуют великомученика, воина и покровителя воинов. С молитвой к вмч. Димитрию Солунскому обращаются верующие в надежде на исцеление в болезни и защиту от всякого зла.

Память святого празднуется 8 ноября по новому стилю.

Вмч. Димитрий Солунский

Молитвы вмч. Димитрию Солунскому

Молитва первая
Святый и славный великомучениче Христов Димитрие, скорый помощниче и теплый заступниче с верою притекающих к тебе! Предстоя с дерзновением Небесному Царю, испроси у Него прощение согрешений наших и о еже избавитися нам от всегубительныя язвы, труса, потопа, огня, меча и вечныя казни. Моли благость Его, еже ущедрити град сей, обитель сию и всякую страну христианскую. Исходатайствуй у Царя Царствующих на враги победу и одоление православным христианам, всей державе православной мир, тишину, твердость в вере и преспеяние во благочестии; нам же, чтущим честную память твою, испроси благодатное укрепление на дела благая, да благоутробное Владыце нашему Христу Богу зде творяще, сподобимся молитвами твоими наследовати Царствие Небесное для вечнаго прославления Его со Отцем и Святым Духом. Аминь.

Молитва вторая
Святый великомучениче Христов Димитрие! Предстоя со дерзновением Небесному Царю, испроси у Него прощение согрешений наших и о еже избавитися нам, окаянным (имена) от всегубительныя язвы, огня и вечныя казни. Моли благость Его, еже ущедрити приход (дом) сей и храм наш. Испроси нам благодатное укрепление на дела благая, да благоугодное Владыце нашему Христу Богу зде творяще, сподобимся молитвами Твоими наследовати Царствие Небесное и тамо прославляти Его, со Отцем и Святым Духом, во веки веков.

Тропарь и кондак

Тропарь великомученику Димитрию Солунскому, глас 3 
Вели́ка обpе́те в беда́х/ тя побо́pника вселе́нная, стpастоте́pпче,/ язы́ки побежда́юща./ Я́коже у́бо Ли́еву низложи́л еси гоpды́ню,/ и на по́двиг деpзнове́нна сотвоpи́в Не́стоpа,/ та́ко, свя́те Дими́тpие,/ Хpисту́ Бо́гу моли́ся// даpова́ти нам ве́лию ми́лость.

Кондак великомученику Димитрию Солунскому, глас 2 0:24
Крове́й твои́х струя́ми, Дими́трие,/ Це́рковь Бог обагри́,/ да́вый тебе́ кре́пость непобеди́мую,/ и соблюда́я град твой невреди́м:// того́ бо еси́ утвержде́ние.

Канон

Канон великомученику Димитрию Солунскому
глас 4

Песнь 1
Ирмос: Моря чермную пучину невлажными стопами древний пешешествовав Израиль, крестообразныма Моисеовыма рукама Амаликову силу в пустыни победил есть.

Божественным мучения венцем увязен, при Бозе ликуеши, блистании отонудными сияя и просвещения исполняем, великомучениче досточудне.

Яко суща Истины свидетеля, и даже до крове подвигшася, блаженне, терпеливно; твердо же противление к мучителем показавша, тя Владыка прият.

Злобы обретателя низложил еси на землю, Димитрие, мученическим твоим копием убив, Божественною благостию, паче ума силою, на сие, блаженне, укрепляем.

Богородичен: Безматерен якоже Бог первее Сый, бысть еже по нам Безотчий из Тебе, Богородице Всепетая, плоть прием по единению, еже паче слова и разума.

Песнь 3
Ирмос: Веселится о Тебе Церковь Твоя, Христе, зовущи: Ты моя крепость, Господи, и прибежище, и утверждение.

Вменися в ничтоже мучителей от тебе повеление; Слово бо Божие паче всех, страстотерпче, предчествовал еси.

Свещник световиден мучения в скинии был еси, Божественным Светом сияющ, мучениче страстотерпче Димитрие.

Врачеваний тя источник священный и дивный, град твой и сокровище некрадомо стяжав, всяким веселием обогатися.

Богородичен: Врачуя образ истлевший земных, Пречистая, сим из Тебе облачится, пребыв якоже бе Человеколюбец.

Седален, глас 4.
Яко доблему страдальцу и воину крепку Всецарюющаго Христа, взываем псаломски: радуйся, мучеников украшение и лепота; радуйся, светлая Церкве звездо и стено, и пристанище прибегающих к тебе, великомучениче славне Димитрие, тя поющия спасай от всякаго вреда чуждаго и озлобления вся.

Песнь 4
Ирмос: Вознесена Тя видевши Церковь на Кресте, Солнце Праведное, ста в чине своем, достойно взывающа: слава силе Твоей, Господи.

Победившаго лжу нечестия, Божие Всевысочайшее видев Слово, славою венча тя, Димитрие, поюща: слава силе Твоей, Господи.

На лесть победу возставив, победительный венец правды приял еси, Димитрие, зовя Зиждителю твоему: слава силе Твоей, Господи.

Направляем дланию жизноносною, к пристанищем достигл еси тишайшим, идеже, ныне радуяся, зовеши, Димитрие: слава силе Твоей, Господи.

Богородичен: Яко тварей всех Священнейшая, Мати Бога быти Едина сподобилася еси, Сего бо рождши, мир благодатию Богознания просветила еси.

Песнь 5
Ирмос: Ты, Господи, мой свет в мир пришел еси, Свет Святый, обращаяй из мрачна неведения верою воспевающия Тя.

Огнь любве Божественныя в сердцы прием, огнь угасил еси безбожнаго идолонеистовства, славне Димитрие.

Избавляя ны от бед, явися, Димитрие, молитвами твоими покрывая верою и любовию восхваляющия тя.

Иже верою к твоему усердно притекающе храму, Димитрие, недугов и страстей душетленных вскоре избавляются.

Богородичен: Слово Божие, Отцу Единосущное, Твой бывает, Богомати, паче ума же и слова, Сын, Тебе Единосущен.

Песнь 6
Ирмос: Пожру Ти со гласом хваления, Господи, Церковь вопиет Ти, от бесовския крове очищшися, ради милости от ребр Твоих истекшею Кровию.

Согласно сошедшеся, поем славную и светоносную твою память, и чудес полную, и дарований Святаго и Честнаго, всеблаженне, Духа.

Разреши моя пленицы согрешений молитвами твоими, яко бо непобедим мученик дерзновение имаши ко Владыце, и буди ми прибежище и покров, Димитрие.

Богородичен: Чисту Тя посреде терния обрет, яко чистейший крин и удольный цвет, о Богомати! Жених во утробу Твою Слово вселися.

Кондак, глас 2
Кровей твоих струями, Димитрие, Церковь Бог обагри, давый тебе крепость непобедимую и соблюдая град твой невредим; того бо еси утверждение.

Икос
Сего великаго вси воспоим, сошедшеся верою, яко оружника Христова и мученика, Димитрия, в песнех и пениих совзывающе Владыце и Зиждителю вселенныя: избави ны труса и нужды, Человеколюбче, молитвами Богородицы и всех святых мучеников Твоих. На Тя бо вси надеемся избавитися бед и скорбей, Ты бо еси наше утверждение.

Песнь 7
Ирмос: В пещи Авраамстии отроцы персидстей, любовию благочестия паче, нежели пламенем опаляеми, взываху: благословен еси в храме славы Твоея, Господи.

Преукрашен Божественною славою и благодатию, мучениче страстотерпче, сияеши световидно и просвещаеши зовущия: благословен еси в храме славы Твоея, Господи.

Яко багряницею, украшен твоею кровию, имея вместо скиптра, славне, крест; со Христом царствуеши ныне, мучениче Димитрие, благословен еси, зовый, в храме славы Твоея, Господи.

Богородичен: Препрославленная, Просвещенная, Мати Дево, вся, чтущия Тя Всеистинную Богородицу, огради; благословена Ты в женах, Всенепорочная Владычице.

Песнь 8
Ирмос: Руце распростер Даниил, львов зияния в рове затче: огненную же силу угасиша, добродетелию препоясавшеся, благочестия рачители отроцы, взывающе: благословите вся дела Господня Господа.

Омрачил еси весь вражий гнев, славне, и, борения неотъемлемою силою Христа облечен и победоносец быв, мучениче Димитрие, вопиял еси: благословите вся дела Господня Господа.

Мучеников благостояние показав, мучеников благозвание, мучениче, наследовал еси; банею омывся святою, яже вторыми не оскверняется греховными прилоги, копием прободаем, и зовый: благословите вся дела Господня Господа.

Чудес твоих множество, паче ума дарований, ихже тебе подаде Христос, всем показует, славне, и благодать исцелений, яже паче слова, яве твою благодать проповедает нам, вопиющим: благословите вся дела Господня Господа.

Богородичен: Едину во всех родех, Деву Матерь и Богородицу Чистую, песнословим: Та бо спасения нашего Ходатаица, яко мира Избавителя, Слово рождшая, Емуже вопием: благословите вся дела Господня Господа.

Песнь 9
Ирмос: Камень нерукосечный от несекомыя горы, Тебе, Дево, краеугольный отсечеся, Христос, совокупивый разстоящаяся естества; тем, веселящеся, Тя, Богородице, величаем.

Раздери узы прегрешений тя поющих, страстотерпче, устави страстей прилоги, молву разори ересей и напастей утиши бурю молитвами твоими.

Направи к стезям правым Небеснаго Царствия священнейшую твою паству, венценосче мучениче Димитрие, на пажить спасительную, на место вечное.

Да венцев славы и Небеснаго Царствия получения поющим тя сего улучити моли, мучениче Димитрие, Жизнодавца Господа и Царя Сил.

Богородичен: Яко корень, источник и вину нетления Тя, Дево, вси вернии, надеющеся, хвалами почитаем; Ты бо Ипостасное нам Безсмертие источила еси.

Светилен
Крестом вооружил еси Нестора, чрез онаго Лиеву разорив гордыню, Димитрие, на тризнищи, якоже Христос, отверзаеши копием ребра твоя, имиже стадо твое храни.

Читайте также: О покровительстве воинам читают акафист св. Димитрию Солунскому

Защитник христиан

Возможно, семья его имела славянские корни – в Фессалониках, где служил его отец, селилось много славян. В детстве мальчик был тайно крещен. Достигнув совершеннолетия, занял пост после своего отца. Убедившись в способностях молодого воина, Галерий Максимиан, занявший престол в 305г., назначил Димитрия на пост проконсула. Истреблять христиан, а также защищать область от варваров – вот каковы были задачи проконсула Фессалоник, называемых также Солунью.

Император отправился в поход, а молодой стратег вернулся в Фессалоники. Ему было дано приказание безжалостно преследовать и убивать всех, кто исповедует христианскую веру, но первое, что сделал Димитрий, вернувшись на родину – исповедал себя христианином. Вместо истребления последователей Христа новый проконсул занялся искоренением язычества.

Когда вести о молодом христианине, обратившем в свою веру многих подданных, дошли до ушей Максимиана, тот разгневался настолько, что, возвращаясь из похода, специально выстроил путь так, чтобы пройти черед Фессалоники. Император хотел лично покарать того, кто осмелился противостоять его приказу.

Узнав об этом, молодой проконсул позвал верного слугу и распорядился продать все свое имение (а оно было немалым), а деньги раздать нуждающимся христианам. Сам же Димитрий, отказавшись от богатства земного, готовился искать сокровища небесного.

Прибыв в Фессалоники, Максимиан предался любимой забаве — боям гладиаторов, причем противникам его закаленным воинам были простые горожане. Особенно ценил император одного силача-германца – тот сбрасывал христиан на копья стоящих под трибуной солдат, этим кровавым зрелищем доставляя господину удовольствие.

Димитрий уже был заключен в темницу. Туда и пришел тайно молодой христианин Нестор. Он хотел посрамить варвара, показав, что не все решает сила и оружие, что победу дарует Господь. Димитрий благословил юношу на бой, и вскоре уже германец-гладиатор был нанизан на копья. Победивший его Нестор был убит.

Узнав, кто дал благословение христианину выйти на бой, император отдал приказ о казни Димитрия. В тюрьму явились солдаты. Святой был пронзен копьями, а его тело брошено диким зверям. Но христиане тайно забрали тело Димитрия, а омоченные в его крови ткань и перстень стали почитаться как особые святыни.

Положив конец преследованию христиан, император Константин выстроил церковь над могилой великомученика. Спустя век были обретены нетленные мощи, а в VI веке они замироточили.

Читайте также: Дмитрий Солунский (Фессалоники́йский) Мироточец: житие и почитание

О чем молятся великомученику

Солунский великомученик — покровитель воинов. Его почитали князья — защитники русской земли Дмитрий Донской и Александр Невский.

О чем еще можно помолиться святому Димитрию Солунскому:

• об исцелении;
• во всяких бедах и опасностях;
• на войне и при угрозе нападения врагов;
• при голоде;
• при пожаре;
• при землетрясении;
• при эпидемиях;
• о защите от бесов и всякого зла;
• об укреплении в вере.

 «Крове́й твои́х струя́ми, Дими́трие,/ Це́рковь Бог обагри́,/ да́вый тебе́ кре́пость непобеди́мую,/ и соблюда́я град твой невреди́м:// того́ бо еси́ утвержде́ние» (Кондак, глас 2).

Есть много примеров помощи великомученика людям, многие из преданий сохранились в памяти от древности. Так, святой хранил свой родной город, и отказался его покинуть, даже когда ему явились ангелы. И город был спасен от врага, а в другой раз – от жестокого голода, потому что святой являлся всем корабельщикам, у кого был груз зерна, и приказывал плыть в Солунь. Жители Солуни были спасены своим небесным покровителем от страшной эпидемии, причем те, кто пришел на молитву в храм и провел там ночь, исцелились, а те, кто по лени или малодушию остался дома — нет.

***

Димитрий Солунский — защитник христианской веры и родины, образец для всех, кто берет в руки оружие, чтобы поступать так же.

Марина Рогова