'

Вопросы священнику

Задайте интересующий вопрос прямо на сайте и получите ответ от священника

Полезные материалы

История святых Веры, Надежды, Любови и матери их Софии

Житие святых мучениц Веры, Надежды, Любови и матери их Софии

Как и для чего читают акафист Матроне Московской

Кто такая блаженная Матрона Московская

Как правильно читать акафист свт. Николаю Чудотворцу

Текст акафиста свт. Николаю на русском языке с ударениями

В болезни читают акафист Пантелеимону Целителю

Будущий святой бессребренник целитель Пантелеимон родился в самом конце 3 ...

Спасибо что зашли на наш сайт, перед тем как начать чтение вы можете подписаться на интересную православную mail рассылку, для этого вам необходимо кликнуть по этой ссылке «Подписаться»

Акафист

Кондак 1

Избранному и дивному новому сибирския страны чудотворцу всерадостно ныне приносим ти, святе Симеоне, хвалебная пения; ты же, яко имеяй дерзновение ко Христу Богу, от всяких нас бед свободи, да зовем ти: Радуйся, Симеоне, чудотворче предивный.

Икос 1

Ангел во плоти и небесный человек явился еси, блаженный Симеоне, ангельски бо в мире сем пожил еси, темже и ангельстии чини удивишася непорочности твоего жития и, по преставлении твоем, с веселием прията праведную твою душу; сего ради и мы, чудящеся высоте твоея добродетели, прославляем тя сице:

Радуйся, яко свято и богоугодно на земли пожил еси;

Радуйся, яко подвигом добрым зде подвизався, течение свое праведно скончал еси;

Радуйся, яко ныне преселился еси в покоища небесная;

Радуйся, яко в обителех премирных, яже уготова Бог любящим Его, на нескончаемыя веки водворяешися;

Радуйся, яко Царь царствующих прият тя в Небесное Царствие;

Радуйся, яко присно со ангелы в небеси обитаеши;

Радуйся, яко с пророки и апостолы вселяешися;

Радуйся, яко с постники и преподобными торжествовати сподобился еси;

Радуйся, яко предстоиши ныне со всеми святыми Престолу Божию;

Радуйся, яко Пресвятую Троицу несредственне зрети сподобляешися;

Радуйся, яко неизреченную славу Господню явственне созерцаеши;

Радуйся, яко тоя причастника быти удостои тя Господь;

Радуйся, Симеоне, чудотворче предивный.

Кондак 2

Видя вдовицу зело плачущую, якоже бо тогда умилосердився, и изнемогшу телом и бывшу близ конечнаго издыхания и очима нимало зрети могущу, явився исцелил еси, сице и о мне умилосердися, угодниче Божий, и от многих грехопадений немощствующее тело мое исцели и душу мою ко спасению настави, да в радости воззову к Богу песнь: Аллилуиа.

Икос 2

Разумети хотящу архиерею сибирския страны имя твое, егда обретены быша святыя твоя мощи, ты в видении явлься ему, о имени своем возвестил еси; он же, удивився чудеси и прославив Бога, и похвальныя глаголы вещая, вопияше тебе сице:

Радуйся, великий праведниче Божий, в чудесех просиявый;

Радуйся, целебниче недугов всем, призывающим тя с верою;

Радуйся, яко и прежде прошения помощию предваряеши;

Радуйся, яко и недоумевающих о прославлении нетленных мощей твоих чудесы твоими вразумил еси;

Радуйся, яко разслабленных укрепил еси;

Радуйся, яко слепым прозрение даровал еси;

Радуйся, хромым хождение устрояяй;

Радуйся, от беснующихся бесов отгнателю;

Радуйся, скорбных утешителю;

Радуйся, нищих и убогих покровителю;

Радуйся, православных утверждение;

Радуйся, ересей посрамление;

Радуйся, Симеоне, чудотворче предивный.

Кондак 3

Сила Вышняго утверди тя в житии твоем святом; и ты подвизался еси о спасении души твоея, трудами бо и воздержанием увядил еси плотския страсти и в непрестанных молитвах твоих всегда взывал еси к Богу: Аллилуиа.

Икос 3

Имеяй милосердие многое, о призывающих тя с верою присно молишися к Богу, у Него же равноангельным житием твоим великое дерзновение стяжал еси; не презри и нас недостойных, требующих твоея помощи, и яко дары, приими от нас песнь сию:

Радуйся, яко вся, елика просиши от Бога, дарует ти Господь;

Радуйся, яко молитвы твои о нас, якоже кадило благовонное, от Бога приемлются;

Радуйся, яко возжада душа твоя к Богу крепкому;

Радуйся, Христа единаго возлюбивый;

Радуйся, яко невозвратным желанием последовал еси Ему;

Радуйся, добродетельное житие всегда имевый;

Радуйся, возненавидевый страсти мира сего;

Радуйся, маловременнаго утешения на земли не искавый;

Радуйся, смиренномудрием украсивыйся;

Радуйся, твердый адаманте и столпе непоколебимый прилоги вражиими;

Радуйся, яко нетлением тело твое прослави Господь;

Радуйся, яко от гроба твоего и персть приемлющии исцеляются;

Радуйся, Симеоне, чудотворче предивный.

Кондак 4

Буря недоумения смущает мя, како возмогу достойно воспети чудеса твоя, блаженно Симеоне, кто бо многих чудотворений твоих дары по достоинству изрещи может? Обаче и аз дивно в тебе прославляющемуся Богу вопити дерзаю: Аллилуиа.

Икос 4

Слышавше, блаженне и предивне Симеоне, о величии чудес твоих, яко молитвами твоими сущих в бедах и скорбех предваряеши, скоро от них избавляя, вопием тебе таковая:

Радуйся, избавление наше от печалей и скорбей;

Радуйся, яко твоим предстательством даруется духовная благодать всем, с теплою верою к тебе притекающим;

Радуйся, яко твоими молитвами козни нечистых духов побеждены;

Радуйся, яко и неведущим и неслышавшим о прославлении твоем исцеление подаеши;

Радуйся, яко целебныя дары всюду точиши;

Радуйся, яко страну сибирскую присно присещаеши;

Радуйся, скорый обидимых заступниче;

Радуйся, сущим в лютых обстояниих пособниче и предстателю;

Радуйся, малодушныя утешаяй;

Радуйся, недужным крепкое исправление;

Радуйся, плененным скорое свобождение;

Радуйся, грешным ко спасению наставление;

Радуйся, Симеоне, чудотворче предивный.

Кондак 5

Пресветлая звезда явился еси, праведный Симеоне; сущих бо во тьме умныя очи озаряя светом Евангелия Христова и избавляя заблуждших от сетей змиевых и от всех коварств его, научил еси я благодарственно и всерадостно с лики святых ко Христу Богу вопити: Аллилуиа.

Икос 5

Видевше в житии твоем, блаженне, духовных подвигов твоих высокая исправления, всякий разум удивляющая, прославляем давшаго ти таковую благодать Бога, тебе же хвалебными гласы сице вопием:

Радуйся, яко юрод быв Христа ради, высоту смиренномудрия стяжал еси;

Радуйся, яко странник и пришлец на земли обрелся еси;

Радуйся, яко ныне гражданином небесным быти на нескончаемыя веки сподобился еси;

Радуйся, яко незлобивый агнец в терпении твоем был еси;

Радуйся, яко кротостию ко озлобляющим тя землю живых наследовал еси;

Радуйся, чистыми душу и тело твое сохранивый, и ныне чистым сердцем зряй Бога;

Радуйся, яко мудрою мыслию утвердивый душу твою во спасение;

Радуйся, яко с невозвратною надеждою благ вечных преставился еси к Богу;

Радуйся, яко деснаго стояния со избранными удостоился еси;

Радуйся, яко не скрыл еси таланта, ввереннаго ти Богом;

Радуйся, благий рабе и верный, вшедый в радость Господа своего;

Радуйся, яко ныне утешаешися, якоже древний оный евангельский Лазарь, на лоне Авраамли;

Радуйся, Симеоне, чудотворче предивный.

Кондак 6

Проповедника богоноснаго Павла вещание и глаголы исполняя, Симеоне святе, юродственное Христа ради на земли пожил еси житие, и болезни многия претерпевая, всегда благодарственныя Богу возсылал еси хвалы, сице глаголя Ему: Аллилуиа.

Икос 6

Возсиял еси велие просвещение светлостию чудес твоих, праведный Симеоне, от святаго гроба твоего непрестанно истекающих, и тем далече отгнал еси тьму ересей и расколов от окрестных мест, идеже в правоверии и благочестии подвизался еси и в нетлении телеси почиеши; мы же, чудящеся сим, взываем ти сице:

Радуйся, яко явился еси во стране сибирстей крепкий защитник православия противу развратников и хульников Христовы Церкве;

Радуйся, яко и ныне борющимся с ними усердный пособник обретаешися;

Радуйся, противников Святыя Церкви посрамителю;

Радуйся, злых волков от стада Христова отгнателю;

Радуйся, облекийся во оружие света; Радуйся, лукавствующих обличителю;

Радуйся, православных тихое пристанище;

Радуйся, путешествующих благое поспешение;

Радуйся, яко и от многия скудости твоея разумевал еси на нища и убога;

Радуйся, яко милостив быв при жизни, благотвориши всем требующим и по смерти;

Радуйся, яко избрал еси добрая, еже Бога ради труждатися;

Радуйся, яко на тебе исполнися слово подвижническое, болезненно, еже труждатися, но блаженно восприятие;

Радуйся, Симеоне, чудотворче предивный.

Кондак 7

Хотящу некоему человеку от многих врачев исцелитися от очныя болезни, и егда ничтоже успе, прибегшу к тебе, врачу безмездному, ты очи его, наполнены кровию и зрети немогущая, перстию внезапу исцелил еси; он же возрадовався, благодаряше тя и, Бога прославляя, рече: Аллилуиа.

Икос 7

Дивна тя показа нам Творец и Господь всех чудотворца: егда бо нетлением прослави тело твое, тогда и земля не скры гроб твой и яви всем нам, яко многоценное сокровище; темже и мы чудящеся вопием сице:

Радуйся, цвете нетленный, в стране сибирстей прекрасно процветый;

Радуйся, доблий подвижниче благочестия, во граде Верхотурстем возсиявый;

Радуйся, яко являешися аки древо животное, от негоже недугующии получают исцеление;

Радуйся, яко предстательством твоим пред Богом, аки ветвь благосеннолиственная, покрываеши нас;

Радуйся, яко добре вкоренился еси в вертограде Христовы Церкве;

Радуйся, яко обильные плоды добродетелей принесл еси Богу;

Радуйся, яко пиеши ныне воду животную от неисчерпаемаго источника безсмертия;

Радуйся, заблуждших наставниче;

Радуйся, яко кающимся в согрешениях испрошаеши от Бога прощение;

Радуйся, и всех благих нам от Него ходатаю;

Радуйся, яко светлую одежду чистоты и целомудрия добре сохранив, вшел еси в чертог небесный;

Радуйся, яко чистая душа твоя к лику Евангельских мудрых дев сопричтеся и купно с ними (ангельски) водворяется в небесном чертозе Жениха Христа;

Радуйся, Симеоне, чудотворче предивный.

Кондак 8

Странное на земли житие пожив и удалився суетнаго мира, добродетельми к Богу приближился еси, сего ради высокий Бог, видя твое смирение, возвеличи тя Своею благодатию; Егоже восхваляюще, поем Ему купно с тобою ангельскую песнь: Аллилуиа.

Икос 8

Весь ум твой в вышний Иерусалим присно простирая, аще телом и на земли пребывал еси, вся красная мира сего возненавидел и равноангельское житие зде пожил еси, Симеоне блаженне, тем и от чтущих тя слышиши сия:

Радуйся, человече Божий досточудный;

Радуйся, зерцало добродетелей преизящных;

Радуйся, пременивый тленная настоящая на будущая вечная;

Радуйся, уподобивыйся Иову терпением;

Радуйся, селение честное Святыя Троицы;

Радуйся, святче Божий, со всеми святыми прославляемый;

Радуйся, ковчеже, от потопа греховнаго призывающих тя спасающий;

Радуйся, яко услаждал еси сердце твое веселием будущих благ;

Радуйся, воздержанием плоть твою изнуривый;

Радуйся, яко святостию жития твоего милость Божию обрел еси;

Радуйся, яко непрестанными молитвами о нас Бога умилостивлявши;

Радуйся, яко благим надеждам твоим исполнение приял еси;

Радуйся, Симеоне, чудотворче предивный.

Кондак 9

Все множество человеческое удивися еже на земли во плоти твоему терпению и незлобию, непорочна и праведна тя зряще, и ныне милостивым твоим предстательством в скорбех нас не оставляюща; темже и мы, радующеся, к Богу поем песнь: Аллилуиа.

Икос 9

Витии многовещанныя изнемогоша по достоинству поведати многое твое терпение и теплую ко Христу любовь; аз же многогрешный како возмогу изглаголати равноангельное твое житие и преславная чудеса! Но обаче дерзаю, надеяся на твое беззлобие, вопити тебе сице:

Радуйся, яко ангелом подобяся, выну пущал еси на небо очи твоего сердца;

Радуйся, яко доблими твоими подвиги спасение и венец нетленный от Христа Бога приял еси;

Радуйся, яко на всяк день и на всяку нощь славословил еси Творца всяческих;

Радуйся, яко победил еси диавола смирением своим;

Радуйся, яко нищ телом и духом был еси на земли, сего ради уготова ти Господь Царство Небесное;

Радуйся, кротости ради твоея наследивый землю обетования;

Радуйся, яко и иных, зрящих твою святость, научил еси праведно жити;

Радуйся, яко душевныя страсти испеляеши;

Радуйся, яко телесныя болезни врачуеши;

Радуйся, яко и многовременныя недуги от человек отгоняеши;

Радуйся, яко сущим близ конечнаго издыхания здравие даруеши;

Радуйся, яко и от смертоносных язв свобождаеши;

Радуйся, Симеоне, чудотворче предивный.

Кондак 10

Спасение восхотев дати Господь людем Своим, светлаго светильника всем нам даде тебе, точаща благодать цельбы всем, притекающим к раце мощей твоих; и мы, получивше милость от безмезднаго тя врача, благодарными гласы восхваляюще Бога, поем песнь: Аллилуиа.

Икос 10

Стена еси ты и покров всем притекающим к тебе, праведный Симеоне, ибо Господь прослави тя, украсив нетлением и чудесы и приглашати тебе научи:

Радуйся, столпе непоколебимый православия;

Радуйся, сокровище неоскудно многих исцелений;

Радуйся, подателю просящим у тебе яже на пользу;

Радуйся, уцеломудривый живущия студно;

Радуйся, наказателю помраченных умом;

Радуйся, учителю смиренномудрия и терпения;

Радуйся, яко в сониях являяся, научаеши доброму житию;

Радуйся, звездо, чудесно возсиявшая в сибирстей стране;

Радуйся, яко лучами чудотворений твоих просвещаеши и далечайшия страны;

Радуйся, яко некогда незнаем, ныне же со славою познаваешися от всех ищущих тя;

Радуйся, яко рыбарем быв, соделался еси ловцем человеков;

Радуйся, яко ходатайством твоим к Богу мук вечных свобождаеши нас;

Радуйся, Симеоне, чудотворче предивный.

Кондак 11

Пение умиленное приношу ти, недостойный, и вопию со слезами: ходатайствуй за мя присно к Богу, душею и телом от страстей, воюющих на мя, люте недугующаго, и подаждь ми молитвами твоими исцеление и грехов избавление, от сердца тебе сия приносящему, да и аз в радости воспою прославляющему тя Богу песнь: Аллилуиа.

Икос 11

Светоприемную свещу зрим тя, богомудре Симеоне: невещественным бо любве огнем возжеглся еси и наставляеши к божественному деянию вся, образом жития твоего, яко зарею, просвещая чувства наша; темже и достоин еси званием почитатися сим:

Радуйся, луче пресветлая, от Солнца Христа возсиявшая;

Радуйся, светило благочестия немерцающее

Радуйся, яко свет премудрости Божия просвети душу твою;

Радуйся, яко вечнаго сего света лучей чрез тебе и мы сподобляемся;

Радуйся, безмездный врачу;

Радуйся, яко источаеши обильныя струи исцелений;

Радуйся, благонадежный о нас предстателю и молитвенниче пред Престолом Господним;

Радуйся, спасительное пристанище всем, притекающим к тебе;

Радуйся, яко сущим в пучине скорбей добр обретаешися кормчий;

Радуйся, теплый заступниче сущим во обстояниих лютых;

Радуйся, благоухание духовное источаяй от многоцелебных твоих мощей;

Радуйся, елеем радования исцеляяй скорби душевныя верою молящихся тебе;

Радуйся, Симеоне, чудотворче предивный.

Кондак 12

Благодать превелию даде тебе Господь недужных болезни врачевати, демоны прогоняти и страсти целити; темже не забуди и нас, усердно призывающих тя во время тесных обстояний и тяжких напастей, и молитвами твоими от оных избави, да благодарно вопием к Богу: Аллилуиа.

Икос 12

Поюще твоя чудеса, праведный Симеоне, верою несомненною притекаем к многоцелебным и святым мощем твоим, и припадая к ним, с любовию и страхом лобызаем оныя. Ты же, о, святче Божий! Яко благоутробный, принеси моление ко Владыце, да сподобит нас деснаго стояния на суде Своем, вопиющих к тебе сицевая:

Радуйся, великий Христов угодниче;

Радуйся, молитвенниче усердный о воспевающих тя;

Радуйся, Божий избранниче, благодатию Духа Святаго приосененный;

Радуйся, праведниче, возвеселивыйся о Господе;

Радуйся, яко мзда твоя многа на небесех;

Радуйся, предстателю наш скорый и теплый;

Радуйся, ходатаю неусыпный о нас пред Богом;

Радуйся, иго благое и бремя легкое понесый;

Радуйся, за труды твоя и подвиги на земли вечное упокоение обретый на небеси;

Радуйся, яко временных и вечных благ от Бога нам присно просиши;

Радуйся, о кающихся споручниче пред Богом;

Радуйся, кадило благовонное, облагоухающее чтущих тя;

Радуйся, Симеоне, чудотворче предивный.

Кондак 13

О, пречудный и милостивый новый чудотворче, праведный Симеоне! Приими ныне малое сие моление наше и принеси е ко Христу Богу нашему, да сохранит нас от враг видимых и невидимых, от нашествия иноплеменник, от недуга и глада, от всякия скорби и внезапныя смерти и будущаго вечнаго мучения избавит, молитвами твоими, всех вопиющих к Нему: Аллилуиа.

(Этот кондак читается трижды, затем икос 1 и кондак 1)

Молитва 1-я

О, святый и праведный Симеоне, чистою душею твоею в небесных обителех в лице святых водворяяйся, на земли же телом твоим нетленно почиваяй! По данной ти благодати Господа молитися о нас, милостивно призри на нас многогрешных, аще и недостойне, обаче с верою и упованием ко святым и цельбоносным мощем твоим притекающих, и испроси нам от Бога прощение согрешений наших, в няже впадаем множицею во вся дни жития нашего и якоже прежде овым убо от очныя зельныя болезни ни мало зрети могущим исцеление очес, овым же близ смерти бывшим от лютых недугов врачевание, и иным иная многая преславная благодеяния даровал еси; сице избави и нас от недугов душевных и телесных и от всякия скорби и печали, и вся благая к настоящему житию нашему и к вечному спасению благопотребная нам от Господа испроси, да тако твоим предстательством и молитвами стяжавше вся нам полезная, аще и недостойнии, благодарне восхваляюще тя, прославим Бога, дивнаго во святых Своих, Отца и Сына и Святаго Духа и ныне и присно и во веки веков. Аминь.

Молитва 2-я

О, святый и праведный Симеоне, милостивно призри на нас, многогрешных раб Божиих (имена), и испроси нам от Бога прощение согрешений наших, в няже впадаем множицею во вся дни жития нашего. И якоже прежде овым убо от очныя зельныя болезни ни мало зрети могущим исцеление очес, овым же близ смерти бывшим от лютых недугов врачевание, и иным иная многая преславная благодеяния даровал еси: сице избави и нас от недугов душевных и телесных и от всякия скорби и печали, и вся благая к настоящему житию нашему и к вечному спасению благопотребная нам от Господа испроси, да тако твоим предстательством и молитвами стяжавше вся нам полезная, аще и недостойнии, благодарне восхваляюще тя, прославим Бога, дивнаго во святых Своих, Отца и Сына и Святаго Духа, ныне и присно и во веки. Аминь.

Икона 

Симеон Верхотурский

Иконография: Симеон Верхотурский, праведный. Датировки: XIX в. Иконописная школа или художественный центр:  Россия. Материал: дерево, темпера. Размеры иконы:  высота 13,2 см, ширина 10,8 см. Святой представлен в рост на берегу реки. На другом берегу реки изображён храм.  © Омский областной музей изобразительных искусств имени М.А. Врубеля

Православная Церковь богата своими святыми. Их молитвы спасали в трудные времена, укрепляли веру.

Краткое житие

Родился Симеон приблизительно в 1607 году. Богатые, принадлежащие к сословию дворян, глубоко верующие родители воспитали сына истинно православным, что показала вся его жизнь.

Еще в детстве Симеон чувствовал отвращение к богатству. Когда родители умерли, он ушел странствовать. Стремился вести простую жизнь, избегать суеты окружающего мира, кормиться собственным трудом. Поэтому выбрал уральское местечко Меркушино, около Верхотурья.

Дома бывал редко, больше странствовал. Бродил по поселениям, уединялся на речке Туре, ловил рыбу, беседовал с Богом. Зимой жил в крестьянских домах и шил шубы.

Чтобы избежать оплаты и благодарности за труды, оставлял мелкие недоделки в изделиях и исчезал. Так проявлялись его смирение.

Симеон частенько бывал в Меркушинском храме, где он проводил время в молитве, просил Бога укрепить веру сибиряков. Потом подвижник отправился в непроходимую тайгу и молился, стоя на коленях. Выбрал для этого не мягкую почву, а твердый камень. Скончался в молодые годы из-за чрезмерно аскетической жизни. Странника похоронили возле местного храма в 1647 году.

На месте погребения Симеона в Меркушино забил родник. Над ним сначала построили деревянную, а в 1808 году — каменную часовню.

Прошло 50 лет. Жители Меркушино обнаружили на погосте гроб, который сам вышел из земли. Останки оказались нетленными, а люди стали получать от них исцеление.

Св. Симеон Верхотурский

Прав. Симеон Верхотурский

Когда митрополитом Игнатием была отправлена группа помощников изучить все известные случаи чудотворений, иеродиакону Никифору Амвросиеву, задремавшему в пути, предстал человек в белоснежных одеждах. «Кто ты?», ─ спросил Никифор. Тогда русоволосый муж средних лет назвался Меркушинским Симеоном, а затем исчез.

Позднее Митрополит Игнатий воскликнет:

«Свидетельствую и я, что воистину это мощи праведного и добродетельного человека: во всем подобны они мощам древних святых. Сей праведник подобен Алексию, митрополиту Московскому, или же Сергию Радонежскому, ибо он сподобился от Бога нетления, подобно сим светильникам веры Православной».

В сентябре 1704 мощи праведного святого на руках понесли к Верхотурскому монастырю Святителя Николая. Шли с песнопениями и молитвами. Юродивому Косьме пришлось ползти за процессией на коленях. Когда он уставал, то кричал во весь голос, чтобы Симеон дал ему отдохнуть. Гроб становился таким тяжелым, что нести его было невозможно. Крестный ход останавливался, ждал, пока Косьма отдохнет и двигался дальше. Позже, на этих остановках построили несколько церквей и часовен.

Интересный факт
Святого праведного Симеона Верхотурского очень почитал император Николай II и его близкие. В 1914 году императорская семья преподнесла Николаевскому монастырю серебряную сень для раки преподобного, которая была принесена крестным ходом из Екатеринбурга в Верхотурье. Крестный ход в 350 километров занял 20 дней.

Дни памяти прав. Симеона Верхотурского: 25 (12) мая; 25 (12) сентября; 31 (18) декабря.

Это интересно: Симеон Верхотурский Чудотворец – покровитель Уральской земли

Случаи помощи святого людям

Сегодня Бог помогает, утешает, укрепляет, врачует всех, кто молится об этом Симеону Верхотурскому. Особенно помогает страдающим заболеваниями глаз, суставов, параличом.

Вот что рассказывают наши современники о помощи праведного Симеона:

Брала водичку из гробницы праведного Симеона, передала своему престарелому некрещеному отцу, у которого была болезнь — артрит ног. Вскоре после того, как он начал употреблять воду, получил сильное облегчение болезни. Через исцеление отец приобрел веру и крестился.

Чеканцева Лариса Романовна, г. Северск, Томская обл.

А вот другой случай помощи. Семейная пара с ребенком, у которого было плохое зрение (носил сильные очки), приезжали в Меркушино, взяли воду из гробницы. Дома стали промывать водой глазки ребенку, вскоре ребенок стал жаловаться, что плохо видит в очках. Родители, испугавшись, повели ребенка на прием к врачу. На приеме выяснилось, что зрение улучшилось, и врач отменил ношение очков. В то время мальчик был еще не крещен. После исцеления родители приехали в Верхотурье и окрестили ребенка.

Светлана Сушко

Похожие статьи

Рекомендуем статьи по теме

Добавить комментарий

Получать новые комментарии по электронной почте. Вы можете подписаться без комментирования.

Следите за нами в социальных сетях

+