Ватопедская икона Богородицы «Отрада и Утешение»

Афонский образ Божией Матери

 Образ Богоматери «Отрада и Утешение» – среди самых почитаемых.

Сегодня различают несколько вариантов названий чудотворного образа. Традиция допускает как минимум три: не только «Отрада и Утешение», но и «Отрада», «Утешение». В Греции принято название «Парамифия». 

Образ Божией Матери «Отрада и Утешение» из Ватопедского монастыря на Афоне

 История иконы 

 Об обретении иконы источники рассказывают по-разному. По одной версии образ никогда не писался на доске, как это обычно происходит. В киот поместили небольшой фрагмент стенной росписи.  

Иконописец XVI века написал образ Божьей Матери на стене храма монастыря Ватопед на Афоне. По обычаю после утрени монахи подходили к изображению Богородицы и прикладывались к Ее руке. Именно в такой момент Приснодева обратилась к настоятелю и предупредила его о предстоящем нападении врагов. Обитель была спасена, а в благодарность за помощь монахи вырезали фреску и заключили ее в киот. 

 Название «Отрада и Утешение» восходит к другому рассказу об обретении иконы. 

В самом начале IX века на Ватопедский монастырь напали разбойники. Во время утренней молитвы игумен обители услышал голос, источником которого была икона. Богоматерь предупреждала его о предстоящих испытаниях и приказывала не открывать дверей монастыря, но подняться на крепостные стены и отразить нападение врага. 

Божественный Сын возразил Своей Матери. Его слова были суровы:

Потрясенные насельники обители  увидели, как фигуры на иконе изменили свое положение. С тех пор икона «Отрада и Утешение» почитается как свидетельство милосердия Божьей Матери, Ее заступничества и помощи людям. По Ее молитвам Господь прощает людям грехи и отменяет справедливое наказание. 

В акафисте Ватопедской Богоматери есть такие слова:

Значение

Икона Божией Матери «Отрада и Утешение»

 «Одигитрия» (от греческого слова «Путеводительница») – один из самых древних и распространенных типов Богородчных икон. Божья Матерь держит на руках Младенца Иисуса и показывает Его зрителю. Ее жест – призыв ко спасению, предложение Пути, которым человек должен следовать за Христом. По преданию, автором такого вида икон был Евангелист Лука. 

Этот тип распространился на востоке, в частности, «Одигитриями» являются «Смоленская», «Иверская» и «Казанская» иконы Божьей Матери. 

На иконе «Отрада и Утешение» Приснодева изображена по пояс. Ее левая рука как бы служит престолом для Божественного Младенца. Иисуса иконописец изобразил как Архиерея. В одной руке у Него свиток, другую Он поднял, и к ней с нежностью склонилась Божья Матерь. 

Предание рассказывает о том, что свой нынешний вид икона обрела чудесным образом, когда Божья Матерь обратилась к Своему Сыну с заступничеством за монахов. Память об этом – жест Приснодевы Марии, которая останавливает карающую руку Господа. Лик Богородицы «Отрада и Утешение» отличает особое сострадательное выражение, милосердие и желание успокоить, утешить молящихся. 

День празднования

Празднование иконы совершается 3 февраля. 

В чем помогает молитва к Пресвятой Богородице пред этим образом

Пред этой иконой верующие молятся Божией Матери;

• о прощении грехов и помиловании;
• об отвращении праведного гнева Божия;
• об утешении в скорбях и печалях.

Где находится 

 Икона находится на Афоне, в храме Благовещения Ватопедского монастыря. 

Каждый день монахи служат молебен перед чудотворным образом, а каждую неделю – Божественную Литургию. 

 Особо почитаемы списки в России 

Свт. Димитрий Ростовский в молении прерд Ватопедской иконой. Вторая половина 18-го в. Школа или худ. центр Ростов.

 В Ростове в Спасо-Яковлевском мужском монастыре хранится список, чтимый богомольцами. Паломники часто едут в Санкт-Петербург, где в Казанском храме Новодевичьего монастыря есть икона «Отрада и Утешение».  

Копия чудотворной иконы Божьей Матери «Отрада и Утешение» была написана в Ватопедском монастыре в 2015 году для Ханты-Мансийской митрополии. 

Храмы в честь иконы «Отрада и Утешение» 

 Храмы, освященные в честь Богородичных икон, строились в России всегда. Церкви, которые верующие в обиходе называют просто «Отрада и Утешение», есть в Москве  — это Казачий храм на Ходынском поле, ул. Поликарпова, д. 16..  Церковь была построена в в память о великом князе Сергее Александровиче Романове 1907 — 1909 гг.. В советское время храм был закрыт и частично разрушен.

Автор: Мария Носкова

Фильм: «Отрада и Утешение» 

Икона Божией Матери «Отрада и Утешение»

Молитва

Наде́жда всем конце́м земли́, Пречи́стая Де́во Богоро́дице, Утеше́ние и Отра́до на́ше! Не гнуша́йся нас гре́шных, на Твою́ бо ми́лость упова́ем. Угаси́ пла́мень грехо́вный и покая́нием ороси́ изсо́хшие сердца́ на́ша. Очи́сти ум наш от грехо́вных помышле́ний. Приими́ моле́ния от души́ и се́рдца с воздыха́нием Тебе́ приноси́мыя. Бу́ди Хода́таице о нас к Сы́ну Твоему́ и Бо́гу и отврати́ гнев Его́ от нас Ма́терними моли́твами. Укрепи́ в нас ве́ру правосла́вную, вложи́ в нас дух стра́ха Бо́жия, дух смире́ния, терпе́ния и любви́. Душе́вныя и теле́сныя я́звы исцели́, утиши́ бу́рю злых нападе́ний вра́жеских. Отыми́ бре́мя грехо́в на́ших и не оста́ви нас до конца́ поги́бнути. Пода́ждь нам ми́лость Твою́ и свято́е благослове́ние Свое́ всем зде предстоя́щим и моля́щимся и всегда́ пребыва́й с на́ми, подава́я приходя́щим к Тебе́ отра́ду и утеше́ние, по́мощь и заступле́ние, да сла́вим и велича́ем Тя вси до после́дняго на́шего воздыха́ния. Ами́нь.

Акафист

Кондак 1
Взбранной Воеводе Победительная, яко избавльшеся от злых, благодарственная восписуем Ти раби Твои, Богородице, но яко имущая державу непобедимую от всяких нас бед и скорбей свободи, да зовем Ти:
Радуйся, Радосте наша, отраду и утешение верным дарующая.

Икос 1
Ангел множество и вся небесныя воинства славят Тебе, Матерь всех Богородицу, яко источаеши радости и утешения сердцам человеков в скорби обретающихся. Тем же и мы печальми обремененнии, надежду спасения в Тебе улучивши, умиленно взываем:
Радуйся, материнское к нам грешным благоволение;
Радуйся, прибегающих к Тебе крепкое заступление.
Радуйся, Божественный благости Подательнице;
Радуйся, христианского рода Заступление.
Радуйся, яко Тебе вся колена земная Материю Божиею исповедуют;
Радуйся, яко Твоими молитвами скорби наша утишаются.
Радуйся, Твоим ходатайством прошения благая наша исполняются;
Радуйся, благодать и милость иконами Твоими нам являющая.
Радуйся, мир от потопа греховнаго спасающая;
Радуйся, яко молящиеся Тебе от всякаго зла сохраняются.
Радуйся, яко Твои честныя иконы чудесами прославляются;
Радуйся, Радосте наша, отраду и утешение верным дарующая.

Кондак 2
Видя чудес множество от честных икон Твоих изливающееся, яко Ты еси молящихся Благая Помощнице, обидимых Заступнице, ненадеющихся Надеждо, скорбных Отрада и Утешение, болящих исцеление, труждающихся помоще, благодарственно вопием о Тебе Богу: Аллилуиа.

Икос 2
Разум подаждь нам, Всеусердная Предстательнице наша, в находящих на нас лютых скорбех к Тебе прибегати, утешения ищущи. Ты же яко Благая, не остави нас во всякой требуемой нам помощи, да таковую получивше взываем Тебе радостно:
Радуйся, обуреваемых тихое пристанище;
Радуйся, сомневающихся известное утверждение.
Радуйся, скорая Помощнице в скорбех и напастех;
Радуйся, теплая Заступнице во всяких обстояниях.
Радуйся, печали наша Твоим утешением умоляющая;
Радуйся, скорбями грехи наша очищающая.
Радуйся, в страданиях наших утешение нам подавающая;
Радуйся, от внезапныя смерти без покаяния молящихся Тебе избавляющая.
Радуйся, от враг видимых и невидимых нас охраняющая;
Радуйся, от нападения злых человек спасающая.
Радуйся, во всяких нуждах прибегающим к Тебе помогающая;
Радуйся, Радосте наша, отраду и утешение верным дарующая.

Кондак 3
Силою свыше укрепи нас, Благая Владычице, к Твоему заступлению с верою притекающих и Твоего посещения и промышления сподоби, мрак уныния и скорбей облегших нас отгоняя, да спасаеми Тобою вопием Богу: Аллилуиа.

Икос 3
Имущи богатство милосердия неизреченное, всем просящим руку помощи простираеши, недуги врачуя, скорби утоляя, страсти угашая. Не презри нас, Благая Владычице, в печалях и скорбех наших к Тебе притекающих и вопиющих:
Радуйся, Единая всех Мати, милосердие нам являющая;
Радуйся, милости Своей сокровищницу всем открывающая.
Радуйся, родителей скорбящих о чадах своих заблудших печаль утоляющая;
Радуйся, вдовствующих подкрепляющая.
Радуйся, сиротствующих добре устрояющая;
Радуйся, всех скорбящих утешение.
Радуйся, отчаявающихся едина Надеждо;
Радуйся, изнемогающих от уныния Заступнице и подкрепление.
Радуйся, болящих телом и душею благонадежное посещение;
Радуйся, различными недугами одержимых премудре уврачевание.
Радуйся, яко Тобою по мере веры подается совершенное исцеление немоществующим;
Радуйся, Радосте наша, отраду и утешение верным дарующая.

Кондак 4
Буря многих бед и напастей содержит нас и волнения их в мире терпим. Ты же, яко Милостивая Мати Спаса нашего Господа, воздвигни руце к Сыну Твоему, да призрит на лютыя сердец наших и исхитит нас из пучины отчаяния, вопиющих Ему: Аллилуиа.

Икос 4
Слышащи, Пресвятая Дево и Мати, яко являла и являеши многую милость роду христианскому, не оставляй нас во дни скорби и напасти и избавление от сих даруй, молим Тя: храни и заступи всех нас от всякия беды и печали, да в мире воспеваем Ти сице:
Радуйся, Заступнице наша, Твоим всемощным заступлением от всякия нужды нас избавляющая;
Радуйся, усердное моление ко Господу о нас приносящая.
Радуйся, Своим предстательством праведный гнев Божий утоляющая;
Радуйся, на милость Его к нам приклоняющая.
Радуйся, Твоею помощию уповающих на Тя не оставляющая;
Радуйся, добре подвизающихся укрепляющая.
Радуйся, на благое и душеполезное нас наставляющая;
Радуйся, души обремененныя заботами житейскими к попечению духовному направляющая.
Радуйся, всех верных благое мздовоздание;
Радуйся, в забвении долга и чести живущих правосудное наказание.
Радуйся, в пленении, во узах сущих подкрепление и возвращение;
Радуйся, Радосте наша, отраду и утешение верным дарующая.

Кондак 5
Богосветлые чины ангельския славят Тебе, яко Матерь всех и Богородицу. Мы же Тебе, Заступнице нашей, поклоняющеся, умиленное благоволение приносим и уповающи на Твою милость смиренно молим Тя: милостива пребуди к нам, Владычице, и избави нас от бед и скорбей, да всегда прославляем Твое милосердие зовуще Богу: Аллилуиа.

Икос 5
Видеша силы небесныя, яко Твоею молитвою гнев Божий утоляется, прославляют и величают Твое милосердие. Мы же грешнии на земли зряще Тебе, изображенную Пречистую Богоматерь, умиленно взываем:
Радуйся, Матерь рода христианского, милосердие нам являющая;
Радуйся, у Престола Сына Твоего непрестанно о христианах молящаяся.
Радуйся, любовию Своею грехи наши покрывающая;
Радуйся, Твоею милостию нас заступающая.
Радуйся, источник отрады и утешения всем источающая;
Радуйся, от междоусобия и распри нас охраняющая.
Радуйся, вражду и ненависть миром и любовию утоляющая;
Радуйся, скорбь и смущение сердец наших умиляющая.
Радуйся, гневливостью одержимых вразумляющая;
Радуйся, в мире со всеми живущих Отрада и Утешение.
Радуйся, суетная прелести мира сего презирати нас научающая;
Радуйся, Радосте наша, отраду и утешение верным дарующая.

Кондак 6
Проповедуют милости и чудеса Твоя, Богомати, вси люди православнии, ибо честным Своим покровом охраняеши весь род христианский. Тем же вопием Ти: избави Твоими молитвами всех нас от бед и напастей, да воспоим вси Богу: Аллилуиа.

Икос 6
Возсия благодать светозарная от пречудных икон Твоих, Богомати, пред ними мы припадающе молим Тя: отгони облак нашедших на нас искушений, да вопием Ти:
Радуйся, честныя иконы Твоя чудесами прославляющая;
Радуйся, молящимся пред сими иконами с верою прошения исполняющая.
Радуйся, в бедах сущих заступающая;
Радуйся, уповающим на Тя спасение подающая.
Радуйся, Предстательница пред Богом, за всех нас молящаяся;
Радуйся, Заступнице рода христианского, от Бога нам дарованная.
Радуйся, яко Ты еси храмов наших первейшее украшение;
Радуйся, домов христианских благословение.
Радуйся, православных людей Покров и Заступление;
Радуйся, всего мира очищение.
Радуйся, вся благополезны просящим у Тебе дарующая;
Радуйся, Радосте наша, отраду и утешение верным дарующая.

Кондак 7
Хотящи явити милосердия Своего бездну повелела, Пречистая, игумену обители Ватопедския на Афоне врат обители их не отверзати, да избегнут Твоим ходатайством по суду Божию предстоявшего нападения вражескаго и тако избавльшеся милостию Твоею беды и напасти вси иноцы воспеша Богу: Аллилуиа.

Икос 7
Дивное чудо явила, Богомати, инокам спасение, от святыя иконы Своея изрекла еси, но и зрак лика Твоего Пречистаго Сына сущии на иконе изменила еси. Сего ради видевше чудо сие велие и преславное вси люди возопиша Ти:
Радуйся, святыя иконы Своя на земли во спасение всем явити благоизволившая;
Радуйся, иконами Своими милосердное нам заступление являющая.
Радуйся, чрез святыя изображения Твоя чудеса и ныне источающая;
Радуйся, ими наша скорби и печали утоляющая.
Радуйся, яко на икону Твою взирающе Тебе Самой поклоняемся;
Радуйся, Твоим милостивым заступлением мы грешнии спасаемся.
Радуйся, Твоими святыми иконами град наш освятившая;
Радуйся, теми сердца верующих возвеселившая.
Радуйся, грады и веси Российския Своими чудотворными иконами от разорения спасшая;
Радуйся, страну нашу от порабощения избавлявшая.
Радуйся, утешением и радостию молящихся пред Твоею честною иконою возвеселяющая;
Радуйся, Радосте наша, отраду и утешение верным дарующая.

Кондак 8
Странники и пришельцы на земли вси есмы, по глаголу Апостолову: беды от врагов, скорби от близких, печали от лжебратии и сродник терпяще, в лишениях многих. Ты же, Владычице, яко Милостивая Утешительнице, настави нас к тихому пристанищу и моли Сына Твоего утешение и радости нам даровати, да всегда вопием Ему: Аллилуиа.

Икос 8
Все житие наше на земли болезненно и печали бывает причастно: слава не стоит, богатство мимо течет, друзи и искреннии смертию отъемлются, немоществует тело, изнемогает и дух наш. К Тебе убо прибегаем, о Богомати, пред Пречистою иконою Твоею припадающе, исполни радости и утешения скорбное сердце наше, да вопием Ти:
Радуйся, всех к Тебе прибегающих милостию Своею покрывающая;
Радуйся, Милостивая, и нас милующая.
Радуйся, Домостроительнице, жизнь нашу добре устрояющая;
Радуйся, отрадою и утешением печали наши утоляющая.
Радуйся, с Сыном Твоим и Богом вечно царствующая;
Радуйся, Ему о нас моления всегда приносящая.
Радуйся, жестокость сердца нашего умягчающая;
Радуйся, отчаявшихся надеждою возвеселяющая.
Радуйся, Твоим заступлением враждующия на нас отводящая;
Радуйся, от козней духа злобы нас спасающая.
Радуйся, верующим противу диавола силу и мужество подающая;
Радуйся, Радосте наша, отраду и утешение верным дарующая.

Кондак 9
Всякое естество ангельское виде Тя, Богомати, у Престола Сына Твоего, предстоящую и за вся христианы молящуюся, восхваляет Тя, яко сильным Своим предстательством грешных заступаеши, прибегающих к Тебе от бед избавляеши, печали наша отрадою утоляеши и молишися о всех верою зовущих: Аллилуиа.

Икос 9
Витийство человеческое не возможет по достоянию восхвалити Тя, Пресвятая Богородице, и воспети неисчетныя чудеса Твоя, ими же нас просвещаеши. Мы же Твои благодеяния ведающе, душею радующеся Тебе глаголем:
Радуйся, от напастей Твоим предстательством нас защищающая;
Радуйся, от всяких бед Своим ходатайством нас изимающая.
Радуйся, от належащего праведнаго прещения Божия Твоим умилением нас освобождающая;
Радуйся, от нашествия вражия нас спасающая.
Радуйся, от домашния вражды и брани единокровных миром ограждающая;
Радуйся, от смертоносныя язвы прибегающих к Тебе с несумненную верою исцеляющая.
Радуйся, правосудие Божие умилостивляющая;
Радуйся, страны нашея православныя Защитнице.
Радуйся, всех верующих Благая Заступнице;
Радуйся, всех труждающихся помощь и укрепление.
Радуйся, теплая за всех нас Предстательнице;
Радуйся, Радосте наша, отраду и утешение верным дарующая.

Кондак 10
Спасти хотя род человеческий от вечныя муки и прелести вражия Человеколюбец Господь Тебе, Матерь Свою, дарова земным во отраду и утешение, да будеши обидимым Заступнице, отчаявающимся Надеждо, скорбящим радование, печальным утешение и всех в нуждах и напастех к Тебе прибегающих спасаеши вопиющих верно: Аллилуиа.

Икос 10
Стена еси и заступление всем с верою и любовию притекающим к Тебе, Пречистая Владычице, тем же молим Тя: заступи и покрый и огради всех сирых и безпомощных нас от искушений, озлоблений и бед с любовию взывающим:
Радуйся, Мати Божия, любовию материнскою нас возлюбившая;
Радуйся, яко Твоя материнская молитва много может, Владыку умилостивляющая.
Радуйся, Милосердная, двери милосердия Божия нам отверзающая;
Радуйся, к делам милосердия нас возбуждающая.
Радуйся, Святыя Заповеди исполняти нас научающая;
Радуйся, любити своего ближняго нас наставляющая.
Радуйся, грешники к покаянию призывающая;
Радуйся, находящий на нас облак печалей и скорбей разсеявающая.
Радуйся, пламень страстей наших угасающая;
Радуйся, мрак искушений изгоняющая.
Радуйся, Твоим к Богу прошением вся полезная нам подающая;
Радуйся, Радосте наша, отраду и утешение верным дарующая.

Кондак 11
Пение всеумиленное приносим Ти раби Твои, Богородице, яко всесильней Заступнице рода христианского: к Тебе бо в напастех и скорбех прибегаем и пред Тобою в бедах наших слезы проливаем, поюще Богу: Аллилуиа.

Икос 11
Светозарно сияют иконы Твои святыя, проявленныя на освящение наше и утешение. Мы же с любовию чтуще их с верою припадаем пред ними и вопием Ти:
Радуйся, Мати Бога Истиннаго, благочестивыя души просвещающая;
Радуйся, Утешительница наша, обремененныя сердца умиряющая.
Радуйся, всем Тебя призывающим руку помощи простирающая;
Радуйся, Тебе Материю Божией именующим и почитающим нам непрестанно помогающая.
Радуйся, уповающим на Тя и в вере живущим непостыдный конец живота подающая;
Радуйся, во внезапных бедах на нас находящих подкрепляющая.
Радуйся, от насилия и от внезапныя смерти охраняющая;
Радуйся, от татей ограждающая.
Радуйся, в сердцах наших зависть и небратолюбие искореняющая;
Радуйся, от наветов, клеветы и поношений защищающая.
Радуйся, отступающих от веры и церкви вразумляющая и на путь правый возвращающая;
Радуйся, Радосте наша, отраду и утешение верным дарующая.

Кондак 12
Благодать Божественную испроси нам у Сына Твоего, Пречистая Богородительнице, и простри руку помощи, покрый нас кровом крилу Твоею, избави от облежащия беды и напастей, отгони от нас всякаго врага, и супостата, умири нашу жизнь, Владычице, и в печалех бедствующим помози, да спасаеми Тобою воспеваем Богу: Аллилуиа.

Икос 12
Поюще Твои милости и чудеса, Богородительнице, хвалим Тя вси, яко твердую Предстательницу нашу, веруем и надеемся, яко испросиши, Благая, временная и вечная всем воспевающим Тя сице:
Радуйся, непостыдное наше Упование в животе и по представлении нашем;
Радуйся, уповающим на Тя в мире конец живота подающая.
Радуйся, всех искренне верующих благословляющая;
Радуйся, маловерных и суеверных вразумляющая.
Радуйся, непочитающих икон Твоих святых наказующая;
Радуйся, поклоняющимся иконам Твоим и Тя на помощь призывающим помогающая.
Радуйся, гордостию ума одержимых и от святыя Церкви отходящих смиряющая;
Радуйся, благами мира сего прельщающихся и попечение сугубое о них имущих светом блага истиннаго озаряющая.
Радуйся, в юности доброму и чистому житию Наставнице;
Радуйся, в старости от сердечнаго окаменения Охранительнице.
Радуйся, Радосте наша, отраду и утешение верным дарующая.

Кондак 13
О, Всепетая и Всемилостивая Мати, Пречистая Госпоже Богородице! Услыши глас молящихся рабов Твоих и приемши сие малое моление наше, избави нас от всяких бед, скорбей и напастей: подаждь нам в жизни руку помощи, враги наша разжени, недуги наша исцели, всякую злобу и вражду отжени от нас, в печалех житейских отраду и утешение даруй и будущия изми муки о Тебе вопиющих: Аллилуиа, аллилуиа, аллилуиа.

Этот кондак читается трижды, затем икос 1-й и кондак 1-й

Молитва
О Пресвятая Дево, Мати Господа, Царице Небесе и земли! Вонми многоболезненному воздыханию души нашея, призри с высоты святыя Твоея на нас, с верою и любовию поклоняющихся Пречистому образу Твоему. Се бо грехми погружаемии и скорбьми обуреваемии, взирая на Твой образ, яко живей Ти сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о Мати всех скорбящих и обремененных! Помози нам немощным, утоли скорбь нашу, настави на путь правый нас заблуждающих, уврачуй и спаси безнадежных, даруй нам прочее время живота нашего в мире и тишине проводити, подаждь христианскую кончину, и на страшном суде Сына Твоего явися нам Милосердая Заступница, да всегда поем, величаем и славим Тя, яко благую Заступницу рода христианскаго, со всеми угодившими Богу. Аминь.