Вопросы священнику

Задайте интересующий вопрос прямо на сайте и получите ответ от священника

Полезные материалы

Житие Ксении Петербургской - история любви

Биография Питерской святой, блаженной Ксении

Как и для чего читают акафист Матроне Московской

Кто такая блаженная Матрона Московская

Как молиться иконе "Неупиваемая Чаша", чтобы близкий человек не пил

Икона Божией Матери "Неупиваемая Чаша" почитается Православной Церковью как чудотворная.

Великий пастырь - Иоанн Кронштадтский

Биография праведного Иоанна Кронштадтского

Спасибо что зашли на наш сайт, перед тем как начать чтение вы можете подписаться на интересную православную mail рассылку, для этого вам необходимо кликнуть по этой ссылке «Подписаться»

Акафист Пресвятой Богородице пред иконой «Троеручица» 

 

Икона Богородицы "Троеручица"

Иконография: Троеручица (Дамаскинская икона Божией Матери) Датировки: XIX в. Конец XIX века.Материал: дерево, левкас, темпера. Размеры иконы:  высота 22,2 см, ширина 17,8 см Иконография восходит к типу Одигитрии. Отличительная особенность – изображение дополнительной руки в нижней части иконы, которое варианты сказания о ней объясняют по-разному. По одному из них, история иконы связана с чудесным исцелением отрубленной руки Иоанна Дамаскина, который в благодарность приложил к ней выполненную из серебра кисть руки. Согласно другой легенде, изображение третьей руки само три раза проявлялось на иконе Богоматери, которую писал некий иконописец. КП 1558. © Центральный музей древнерусской культуры и искусства имени Андрея Рублева

Кондак 1
Взбранной Воеводе, Богообрадованной Приснодеве Богородице, посетившей Гору Афонскую явлением чудотворныя иконы Своея и многия милости ею дарующей роду христианскому, похвальное возглашаем ныне пение; Ты же, о Богомати, яко имущая державу непобедимую и Матернее о нас попечение, предвари на помощь к нам и от всяких бед избави зовущих Ти:

Радуйся, Помощнице наша, Троеручною иконою Твоею нам помогающая.

Икос 1
Ангел земный и человек небесный преподобный Иоанн Дамаскин от любве теплыя к Тебе, Богомати Владычице, икону Твою святую соорудити потщася и сию в келлии своей благоговейно поставив, пред нею сице Тебе в молитвах усердных глаголаше:

Радуйся, Радость вечную, Спасителя миру рождшая; радуйся, всегубительнаго ада силу Рождеством Твоим поправшая.

Радуйся, пророческих глаголов исполнение принесшая; радуйся Адама и Евы преступление загладившая.

Радуйся, Единаго от Троицы на руку Твоею нетрудно носившая; радуйся, Огнь Божества неопально во чреве Твоем вместившая.

Радуйся, Помощнице наша, Троеручною иконою Твоею нам помогающая.

Кондак 2
Видя преподобный Иоанн Дамаскин десницу свою, много писавшую в защиту чести и поклонения святых икон, по навету царя иконоборца немилостиво отсеченную, испроси ю от невернаго мучителя и, приложив к усеченному ея составу, пред честною иконою Твоею, Пречистая Дево, слезно моляшеся Ти, о еже исцелитися ей. Ты же, Всеблагая и Всемощная рода нашего Заступнице, молитву его скоро услышала еси и, во сне представши ему, исцеление усеченной руце его даровала еси, да благодарственно поет Богу: Аллилуиа.

Икос 2
Разум человеческий не может постигнути силу исцелений благодатных, иконою Твоею, о Богомати, чудесно являемых, не может изъяснити и чудо велие, како отсеченная десница преподобнаго во едину нощь цела и здрава обретеся, на нейже токмо червленный знак бывшия язвы оставлен бысть Врачебницею Благою, слышащею от нас сия похвалы:

Радуйся, скоро являющаяся утешительнице скорбящих душ; радуйся, радостотворная посетительнице болезнующих сердец.

Радуйся, безнадежных страдальцев надеждою исцеления ободряющая; радуйся, врачми оставленных болезнующих на Свои руце приемлющая.

Радуйся, усеченную десницу Божия избранника целу и здраву вышеестественно соделавшая; радуйся, яко ничтоже невозможно Тебе, Милосердая Предстательнице, нам всегда заступление показующая.

Радуйся, Помощнице наша, Троеручною иконою Твоею нам помогающая.

Кондак 3
Силу десницы Всевышняго в исцелении усеченный десницы своея познав богоглаголивый Иоанн, песньми красными воспе Тя, Владычице Всеблагая, и подобие усеченныя руки своея приложи к целебному Твоему образу ради памяти всегдашния о великом чудеси. Тем ныне видима есть и именуется сия святая икона Твоя Троеручица, тремя руками, на ней написанными, проявляющая таинство Святыя Троицы, чудесы же, от нея бывающими, всех приводящая хвалебно взывати ко Господу: Аллилуиа.

Икос 3
Имеяй велию ревность по Бозе, духоносный песнописец Святыя Церкве и Божественный славитель ея, сладкий преподобный Иоанн, хвалебными пеньми до конца жизни своея прославляше Твою к нему дивную милость, Богородительнице, в память же бывшаго чудесе плат, имже усеченная рука его обязана бе, на главе своей ношаше, икону же Твою многоцелебную, яко наследие богатое, святей Лавре преподобнаго Саввы Освященнаго по себе остави, да вси вернии зовут к изображенней на ней Целительнице душ и телес сице:

Радуйся, врагов святыя православныя веры крепкая поборнице; радуйся, проповедников Евангельскаго учения покровительнице.

Радуйся, благочестивых христиан защито и похвало; радуйся, боголюбивых иноков утешение.

Радуйся, ведущим брань противу мира, плоти и диавола добрая споспешнице; радуйся, ревнующим о целомудрии и чистоте изрядная пособнице.

Радуйся, Помощнице наша, Троеручною иконою Твоею нам помогающая.

Кондак 4
Буря недоумения смущает ми ум, како возмогу недостойными усты воспети славу Твою, Пречистая Дево, юже во иконе Твоей святей явила еси, даровавши ю нам в помощь и защиту от враг видимых и невидимых. Темже, величая неисчетныя милости Твоя к роду христианскому, исповедую чудеса Твоя и смиренномудренно пою Вседержителю: Аллилуиа.

Икос 4
Слышавше иноцы святыя Лавры Саввы Освященнаго о великих добродетелех пришедшаго в Лавру на поклонение первосвятителя сербскаго Саввы, по внушению Твоему, Богомати, дароваша ему на благословение святую икону Твою Троеручицу, юже он со благоговением, яко дар многоценен, в страну Сербскую принесе, поучая паству свою звати Тебе:

Радуйся, от востока и до запада силу всемогущества Христова иконою Твоею возвещающая; радуйся, болезни душевныя и телесныя иконою Твоею скоро врачующая.

Радуйся, Сербстей стране икону Твою в залог благоволения даровавшая; радуйся, чудесы Твоими Православие в ней крепко утвердившая.

Радуйся, Симеона Мироточиваго область благодатно посетившая; радуйся, Саввы первопрестольнаго паству Матерним покровом Твоим приосенившая.

Радуйся, Помощнице наша, Троеручною иконою Твоею нам помогающая.

Кондак 5
Боготечней звезде подобна явися икона Твоя, Богородительнице, по воли Твоей святей на осля поставленная и отпущенная из Сербии: осляти, никимже водиму, принесеся им на Гору Афонскую ко вратом обители Хиландарския, юже яко дар небесный восприимше иноцы, поставиша в алтаре соборныя церкве обители, зовуще во умилении глубоцем благих Подателю Богу: Аллилуиа.

Икос 5
Видевше иноцы хиландарстии Твое к ним благоволение, Преблагословенная Дево, в чудеснем пришествии к ним святыя иконы Твоея Троеручицы явленное, с радостию и любовию ей поклоняхуся, целующе и песненно возглашающе Ти благохваления сицевая:

Радуйся, путеводительнице подвижников благочестия к горнему Сиону; радуйся, пустыннолюбивых иноков приводящая к небесному Иерусалиму.

Радуйся, безсловесное осля воли Твоей святей чудесно покорившая; радуйся, на осляти икону Твою благодатную от Сербии на Афон дивно принесшая.

Радуйся, пустыню Афона благоуханием святыни исполнившая; радуйся, Хиландарскую обитель благоволением Твоим облагодатствовавшая.

Радуйся, Помощнице наша, Троеручною иконою Твоею нам помогающая.

Кондак 6
Проповедует обитель Хиландарская на Афоне богатство милостей и щедрот Твоих, Богородице Дево, и светло красуется, имущи святую икону Твою Троеручицу во игумена себе, ибо таковая бысть воля Твоя, еже пребывати иконе Твоей тамо на игуменстем месте во храме Божием и в душах братии, от Тебе Единыя благословение на всякое послушание приемлющей и хвалебно зовущей тако благоволившему о них Творцу: Аллилуиа.

Икос 6
Возвестила еси волю Твою, Богомати, иноком хиландарским, разногласием во избрании игумена смущенным, чудесно поставивши святую икону Твою на игуменстем месте во храме Божием и открывши единому от них в видении, яко Сама Ты хощеши пребывати настоятельствующею в обители их иконою Твоею честною, и да прочее не избирают себе игумена. Они же во умилении душ и сердец, обрадованнии возопиша к Тебе:

Радуйся, иноков благоподвизаюшихся известная и всемощная Покровительнице; радуйся, к Сыну Твоему и Богу теплая о них Предстательнице.

Радуйся, жезл игуменский в Хиландарстей обители невидимо приемшая; радуйся, обитель сию доселе целу и благоустроену сохраняющая.

Радуйся, страхом и благоговением сердца братии, благословение от иконы Твоея приемлющих, исполняющая; радуйся, неблагоговейныя и дерзостныя грозно наказующая.

Радуйся, Помощнице наша, Троеручною иконою Твоею нам помогающая.

Кондак 7
Хотя соделати не токмо Афон, но и вся иныя страны православныя причастны благодати великих чудес, иконою Твоею Троеручною изливаемых и бываемых, Пречистая Владычице, сию во всех градех, весех, церквах и обителех иноческих распространила и дивными чудесы прославила еси. Темже вся верная чада святую икону Твою Троеручицу любовию чествуют и на ней вкупе с Тобою изображенному Христу усердно зовут: Аллилуиа.

Икос 7
Дивно являеши, Преблагословенная Дево, милости верным людем и святою иконою Твоею Троеручицею преславныя чудеса содеваеши силою Благодати Христовы: слепыя просвещаеши, разслабленныя укрепляеши, недужныя врачуеши и всем прибегающим к целебному Твоему образу скорую помощь Твою присно являеши, подвизающи звати к Тебе:

Радуйся, Святую Гору Афонскую в жребий Себе избравшая; радуйся, и вся страны православныя покровом милости Твоея осенившая.

Радуйся, Хиландарския обители настоятельнице неизменная; радуйся, многих мест и пустынь сокровище исцелений неоскудное.

Радуйся, на Афоне, в России, Сербии и иных странах иконою Твоею преславно чудодействующая; радуйся, любящия и чтущия Тя от всяких бед избавляющая.

Радуйся, Помощнице наша, Троеручною иконою Твоею нам помогающая.

Кондак 8
Странно есть видети иноки хиландарския, к иконе Твоей, яко к игумену приходящия и от Нея благословение на послушания своя приемлющия. Но, о Всеблагая, якоже приемлеши их милостивно и благословляеши, тако и нас, недостойных, не лиши Матерняго Твоего милосердия и попечения, приими благоутробно молитвы наша пред святою иконою Твоею возносимыя, осени нас благословением Твоим благодатным, избави от всяких бед и скорбей и научи богоугодно пети Триединому Богу: Аллилуиа.

Икос 8
Весь мир преисполнен, яко звездами богосветлыми, чудотворными иконами Твоими, Богородице Дево, в нихже, яко денница лучезарная, икона Твоя Троеручица предивными чудесы благодатно сияет и согревает хладныя сердца наша знаменьми Твоего к нам милостиваго призрения. Сего ради чествуем пречистаго лика Твоего святое изображение и Тебе пред ним вопием:

Радуйся, Богообрадованная и Пренепорочная Приснодево; радуйся, Едина Чистая и Благословенная в женах.

Радуйся, нетленная и неискусобрачная Агнца и Пастыря Мати; радуйся, прекрасная и светоносная палато святых святейшаго Слова.

Радуйся, крине белоснежный и благовонный девства и чистоты; радуйся, Царице и Владычице Небесе и земли.

Радуйся, Помощнице наша, Троеручною иконою Твоею нам помогающая.

Кондак 9
Всяк возраст верных благопользуется Твоим Матерним попечением, Всеблагая Владычице: младенцы милосердно окормляеши, отроки невидимо руководствуеши, мужи во благочестии утверждаеши, старцы в немощех укрепляеши, всем же вся благая и душеполезная даруеши всесильным ходатайством Твоим у Престола Пресвятыя Троицы, Ейже благодарно поем: Аллилуиа.

Икос 9
Витии человечестии не могут достойно восхвалити Тя, Богородице, честнейшую Херувим и славнейшую Серафим, рождшую Единаго от Троицы Христа Жизнодавца. Мы же, любовию к Тебе воодушевленнии, смиренномудренно дерзаем приносити Тебе песни таковыя:

Радуйся, державная заступнице рода христианскаго; радуйся, благосердая Мати всех скорбящих и обремененных.

Радуйся, кротким сиянием Твоим мрак грехов и страстей наших разгоняющая; радуйся, на стези покаяния нас премудро наставляющая.

Радуйся, в грозный час смерти всем нам крепкая защитнице; радуйся, добраго ответа нам пред Судиею Праведным усердная ходатаице.

Радуйся, Помощнице наша, Троеручною иконою Твоею нам помогающая.

Кондак 10
Спасения залог даровася нам святая и всечестная икона Твоя, Богородительнице Дево, ибо, якоже древле прорекла еси божественному евангелисту Луце, с нею и доныне сила Твоя благодатно пребывает, чудесы преславными веру в нас утверждает, недужныя безмездно врачует и на путь спасения души наша приводит, да зовем прославльшему имя Твое во вселенней Царю Небесе и земли: Аллилуиа.

Икос 10
Стена еси девам и ликом иноческим, Богоневестная Дево, всем усердно к Тебе прибегающим, икону же Твою святую благоговейно чествующим, ибо сию дарова нам благих податель Господь в помощь и врачевство недугом душевным и телесным и сим внушает пети Тебе:

Радуйся, добрая младопитательнице дев и безматерних сирот; радуйся, иноков и инокинь благоскорбящих предводительнице к наградам небесным.

Радуйся, в узах и темнице седящих посещающая утешением благодатным; радуйся, благословение домов и супружеств благочестивых.

Радуйся, юных наставнице целомудрия и воздержания; радуйся, старцев приводящая к благому житию и мирней кончине.

Радуйся, Помощнице наша, Троеручною иконою Твоею нам помогающая.

Кондак 11
Пение молебное наше, Тебе пред пречистым образом Твоим с верою и любовию возносимое, милостивно услыши, Госпоже Всемилостивая, и сохрани нас от тлетворных учений, неверия и суеверия, имиже наветуется в нас святоотеческая православная вера, избави нас от лукавых совращений, сохрани нас и Отечество наше от всяких крамол и от всяких нестроений и злых развращений, врагами веры и Отечества нашего воздвизаемых, и сподоби в любви и единомыслии со всеми верными чадами Святыя Христовы Церкве богоприятно пети Создателю нашему: Аллилуиа.

Икос 11
Светоприемлемая свеща икона Твоя святая, Богородице Дево, мир весь сиянием чудес просвещает, сердца же наша любовию воспламеняет к Тебе, Пречистей и Преблагословенней Матери Сладчайшаго Господа нашего Иисуса Христа, даровавшаго нам Тебе в покров и защиту противу полчищ сатанинских, иже боятся и трепещут самаго имене Твоего, ведающе силу Твою, юже величаем и Тебе зовем:

Радуйся, враги наша видимыя и невидимыя премудро запинающая; радуйся, хулителей святыя православныя веры невидимо карающая.

Радуйся, духов злобы от нас державно отгоняющая; радуйся, преовладети им над нами не попускающая.

Радуйся, любовию к Богу и ближним нас воодушевляющая; радуйся, вся благая прошения наша скоро исполняющая.

Радуйся, Помощнице наша, Троеручною иконою Твоею нам помогающая.

Кондак 12
Благодать свыше даровася святей иконе Твоей Троеручице, Владычице Преблагая: скорбящия утешати, болящия исцеляти, слепыя просвещати, разслабленныя укрепляти, верныя во благочестии утверждати, неверныя к познанию истины приводити, знаменьми и чудесы от нея бываемыми, яже воистину превосходят разумение человеческое и токмо верою постигаются, приводяще верныя души к немолчному славословию Творца богокрасною песнию: Аллилуиа.

Икос 12
Поем чудеса Твоя, благодатная Богородительнице, не таим щедрот Твоих, исповедуем благодеяния Твоя, прославляем неисчетную милость Твою к роду христианскому, юже ведят вси концы земли, ибо от востока до запада хвально имя Твое святое, благословляемое от всех родов и в молитвах призываемое во всех странах. Тебе убо, сице прославленней и превознесенней Сыном Твоим и Богом, и мы хвалебно вопием:

Радуйся, тихое пристанище плавающих в пучине житейскаго моря; радуйся, треволнение страстей умиротворяющая Своим сердобольным участием.

Радуйся, во уныние и отчаяние впадших подъемлющая надеждою спасения; радуйся, сомнениями в вере колеблющихся вразумляющая знаменьми и чудесы.

Радуйся, в обителех иноческих подвизающимся богоугодно подательнице блаженнаго упокоения; радуйся, и в мире благочестно живущия не лишающая Твоего заступления.

Радуйся, Помощнице наша, Троеручною иконою Твоею нам помогающая.

Кондак 13
О Всепетая Мати Сладчайшаго Искупителя нашего Господа Иисуса Христа! Вонми гласу молебному, Тебе пред святою иконою Твоею нами смиренно возносимому, и Матернею молитвою Твоею к рождшемуся от Тебе святых святейшему Слову от всякия избави напасти и вечныя муки всех имя Твое молитвенно призывающих и о Тебе благодарно зовущих Богу: Аллилуиа

Этот кондак читается трижды, затем икос 1-й «Ангел земный…» и кондак 1-й «Взбранной Воеводе…».

Молитва

О Пресвятая и Преблагословенная Дево Богородице Марие! Припадаем и покланяемся Ти пред святою Троеручною иконою Твоею, воспоминающе преславное чудо Твое исцелением усеченныя десницы преподобнаго Иоанна Дамаскина, от иконы сея явленное, егоже знамение доныне видимо есть на ней, во образе третия руки, к изображению Твоему приложенныя. Молимся Ти и просим Тя, Всеблагую и  Всещедрую рода нашего Заступницу: услыши нас, молящих Ти ся, и якоже  блаженнаго Иоанна, в скорби и болезни к Тебе возопившаго, услышала еси, так и нас не презри, скорбящих и болезнующих ранами страстей многоразличных и к Тебе от души сокрушенныя и смиренныя усердно прибегающих. Ты зриши, Госпоже Всемилостивая, немощи наша, озлобление наше, нужду, потребу нашу в Твоей помощи и заступлении, яко отвсюду враги окружени есмы, и несть помогающего, ниже заступающего, аще не Ты умилосердишися о нас, Владычице. Ей, молим  Ти  ся,  вонми гласу болезненному нашему и помози нам святоотеческую Православную веру до конца дней наших непорочно сохранити, во всех заповедех Господних неуклонно  ходити, покаяние истинное о гресех наших всегда Богу  приносити  и  сподобитися  мирныя христианския кончины и добраго ответа на Страшнем Суде Сына Твоего и Бога нашего, Егоже умоли за нас Матернею молитвою Твоею, да не осудит нас по беззаконием нашим, но да помилует нас по велицей и неизреченней милости Своей. О Всеблагая! Услыши нас и не лиши нас помощи Твоея державныя, да, Тобою спасение  получивше, воспоем и прославим Тя на земли живых и рождшагося от Тебе Искупителя нашего, Господа Иисуса Христа, Емуже подобает слава и держава, честь и поклонение, купно со Отцем и Святым Духом, всегда, ныне и присно, и во веки веков. Аминь.

Молитва 2-я 

О Пресвятая Госпоже Владычице Богородице, велие чудо святому Иоанну  Дамаскину  явившая,  яко веру истинную и надежду несумненную показавшему! Услыши нас, грешных, пред чудотворною Твоею иконою усердно молящихся и просящих  Твоея  помощи: не отрини моления сего многих ради прегрешений наших, но, яко Мати милосердия и щедрот, избави нас от болезней, скорбей и печалей, прости  содеянныя  нами грехи, исполни радости и веселия всех, чтущих святую икону Твою, да радостно воспоем и любовию прославим имя Твое, яко Ты еси от всех родов избранная и благословенная во веки веков. Аминь.

Тропарь

Днесь све́тло красу́ется ца́рствующий град Москва́, име́ющи в себе́, о  Всеми́лостивейшая, всея́  тва́ри  Честне́йшая,  Засту́пнице  на́ша  Де́во  Богоро́дице, честны́й о́браз Тво́й, и́мже подсо́лнечныя концы́ земли́  удивля́еши  и мир ми́рови да́руеши, во  о́браз  бо  Святы́я  Тро́ицы  явля́еши  трие́ ру́це: двема́ у́бо Сы́на Своего́, Христа́  Бо́га  на́шего,  но́сиши,  тре́тиею  от напа́стей и бед ве́рно к Тебе́ прибега́ющих избавля́еши, и от  потопле́ния  изыма́еши, и всем поле́зная да́руеши, и  преподо́бному  Михаи́лу  Малео́нскую  го́ру показа́, и всех всегда́  ми́луеши,  честно́ю  ри́зою  Свое́ю  покрыва́еши  жи́тельство сие́ и вся гра́ды и страны́ на́ша, да  зове́м  Ти:  ра́дуйся,  Обра́дованная.

Тропарь

Я́ко звезда́ светозаря́ющая, из  Се́рбии  на  Афо́н  чуде́сно  прии́де  всечестна́я  ико́на  Твоя́  Троеру́чица,  ю́же  оби́тель  Хиланда́рская  благогове́йно  восприе́мши, я́ко Боже́ственный дар свы́ше, прославля́ет Тя, Влады́чицу, и уми́льно вопие́т: не оста́ви ми́лость Твою́ от нас, но пребу́ди с на́ми во ве́ки.

Кондак

Днесь весе́лое наста́ ны́не Твое́ торжество́,  Богома́ти  Пречи́стая,  вси́ ве́рнии  испо́лнишася  ра́дости  и  весе́лия,  я́ко  сподо́бльшеся  изря́дно  воспе́ти  преди́вное явле́ние честна́го о́браза Твоего́ и ро́ждшагося из Тебе́  Младе́нца,  и́стинна же Бо́га, Его́же двема́ рука́ма объе́млеши, и тре́тиею от напа́стей и бед нас изыма́еши, и избавля́еши от всех зол и обстоя́ний.

Кондак: 

Де́ва днесь благоволе́ние к нам явля́ет, Гора́ же  Афо́н  благодаре́ние  Ей  прино́сит,  А́нгели  и  и́ноцы  славосло́вят,  Троеру́чица  из  Се́рбии  чуде́сно  путеше́ствует: нас бо ра́ди прии́де и всели́ся во святу́ю оби́тель Хиланда́рскую.

Величание 

Велича́ем Тя, Пресвята́я Де́во, Богоизбра́нная Отрокови́це, и чтим  о́браз  Твой  святы́й, и́мже то́чиши исцеле́ния всем с ве́рою притека́ющим.

 

Краткая история чудотворного образа

11 и 25 июля Церковь чтит образ Божьей Матери «Троеручица»прославившийся в разгар иконоборчества. 

Икона «Троеручица» относится к типу Одигитрия (Путеводительница). Но, в  отличие от других икон, Богородица держит Младенца не на левой, а на правой руке. В нижнем левом углу изображена кисть, напоминающая о чуде исцеления преподобного Иоанна Дамаскина.

На Руси икона известна с 1662 года, о чем сообщает рукопись XVIII века:

«сия святая икона списана в той же святой обители  Хиландарской с сущия  самыя  чюдотворнью  иконы греческим изуграфом и принесена от святыя горы тоя же обители Хиландарской  архимандритом Феофаном во обитель сию Воскресенскую, еже есть Новый Иерусалим, Святейшему Никону Патриарху от создания мира 7171-го году  (1662 г.) месяца октоврия в 16 день. Написана сия ведения ради сумнения имущих о иконе сей Пресвятыя Богородицы Троеручицы лета от Рождества Христова 1710 году августа в 10 день». 

Чудотворные списки находятся:

  • в Даниловом монастыре;
  • в Храме Успения Пресвятой Богородицы в Гончарах (список 1716 года);
  • в Храме святых Симеона Богоприимца и Анны Пророчицы (г. Санкт-Петербург).

Но, конечно же, как высказался архимандрит Феоктист (Димитров), настоятель Болгарского подворья в Москве:

«Каждая икона является чудотворной. Только нужны искреннее желание и непоколебимая вера, когда мы приступаем к этой иконе. Хиладарские монахи перед каждым своим послушанием прикладывались к иконе, прося благословения на это дело. Так же и мы перед каждым нашим делом ежедневным, маленьким и большим, должны приучать себя молиться Пресвятой Владычице, потому что она является Дивной Заступницей, Помощницей и Утешительницей нашей». 

Полезные материалы

 

У этого образа люди молятся Божией Матери об исцелении рук, ног и суставов.  После того, как в 80-е годы прошлого века у реставратора иконы восстановилось зрение, к ней обращаются с просьбами о врачевании глазных болезней.  Люди верят, что молитва к Божией Матери пред этой святыней помогает в трудах ремесленников, особенно иконописцев.

История иконы начинается в VIII веке в эпоху византийского императора Льва  III  Исавра, лютого иконоборца. Мало кто решался  противостоять  властителю.  Одним из смельчаков был советник сирийского халифа — Мансур ибн Серджун ат-Таглиби  (известный в православии как преподобный Иоанн Дамаскин).

По подложному письму враги оклеветали советника, обвинив его  в  обещании  всяческой поддержки императору в случае военного похода на  Сирию.  Разгневанный  халиф, не разбираясь, приказал палачу отсечь несчастному Мансуру кисть правой руки.

Всю ночь молился истерзанный страданиями советник  пред  образом  Богородицы,  стоящим у его постели. Рядом на подносе лежал пожалованный «подарок» халифа – отрубленная кисть, та самая, которой были написаны «Три защитительных слова против порицающих святые иконы».

Утомленный волнениями, советник забылся. В сонном видении явилась ему  Пречистая Дева и, пообещав исцеление,  призвала  послужить  Божественному  Сыну  сочинением церковных канонов.

Очнувшись, страдалец закрылся рукой от пробивающегося утреннего луча, и внезапно понял, что отрубленная кисть снова на месте! Возблагодарив  Утешительницу,  он  приказал отлить из серебра кисть человеческой руки и  подвесить  к чудесному образу.

После этого дивного случая советник принял монашество под именем Иоанна и всю жизнь носил на голове тряпицу, которой в ту страшную ночь была забинтована его рука. Таким и изображают его на иконах. Почил преподобный около 775-780 года.  День его памяти – 17 декабря.

В XIII веке образ был подарен святителю Савве Сербскому, но при турецком нашествии, спасая святыню от поругания, монахи возложили ее на осла и пустили животное на волю. По Божьему Промыслу осел беспрепятственно дошел до Хиландарской обители на святой горе Афон, где икона обрела свое место и явила множество чудес.

Интересный факт
Хиландарские монахи разместили икону в алтаре, но она трижды неведомым образом переносилась, преодолевая дверные запоры, на престол почившего в те дни игумена.  С той поры должность игумена в Хиландаре упразднена, а за благословением братия обращается непосредственно к чудесному лику. 

Подобно святому Иоанну Дамаскину, много веков назад получившему  утешение  от Пречистой Девы, верующие и сейчас притекают непрестанно к чудотворной Ее иконе, изливающей бесчисленные милости на человеческий род.

Это интересно: История появления иконы Богородицы «Троеручица»

Татьяна Расновская

Похожие статьи

Хотим привлечь ваше внимание к проблеме разрушенных храмов, пострадавших в безбожные годы. Более 4000 старинных церквей по всей России ждут восстановления, многие находятся в критическом положении, но их все еще можно спасти.

Один из таких храмов, находится в городе Калач, это церковь Успения Божией Матери XVIII века. Силами неравнодушных людей храм начали восстанавливать, но средств на все работы катастрофически не хватает, так как строительные и реставрационные работы очень дорогие. Поэтому мы приглашаем всех желающих поучаствовать в благом деле восстановления храма в честь Пресвятой Богородицы. Сделать это можно на сайте храма

Помочь храму

Рекомендуем статьи по теме

Добавить комментарий

Получать новые комментарии по электронной почте. Вы можете подписаться без комментирования.

Следите за нами в социальных сетях

В России 8109 храмов находится в разрушенном или полуразрушенном состоянии.

В наших социальных сетях мы собираем информацию о них, а также рассказываем о самых интересных действующих храмах и монастырях.

Подписывайтесь!

icon icon icon icon
+