Дарующая исцеление Валаамская икона Божией Матери

Икона Богоматери Валаамская

Есть убеждение, что по нуждам страждущих одаривают святые образы своей благодатью, возникая из незримого забвения. Их обретение — всегда чудо. Чудо, к которому невозможно привыкнуть, нельзя понять, но можно прикоснуться. Вот и события, связанные с обретением Валаамской иконы и казалось, не имеющие между собой ничего общего, с самого начала объединяет незримая связь. И лишь по прошествии многих лет обретают они единую нить повествования, являя нам Божий промысел.

Обретение образа

В 1878 году иеромонах обители Алипий создает образ Валаамской Богоматери. Приверженец старой иконописной школы строго следует канонам мастеров. За работу берется только в момент, когда чувствует особое молитвенное вдохновение, и обязательно — во время чтения акафиста Пресвятой Богородице. И вот проступает лик Девы Марии. Однако завершенной работе иконописца не находится места в храме. Долгие годы она будет храниться в запасниках. За это время о ней даже успеют забыть. А вспомнить поможет лишь чудо.

В лето, когда иеромонах Алипий завершил на Валааме работу над образом Пресвятой Богородицы, петербурженка Наталья Андреева очень сильно простудилась. Болезнь дала осложнения на суставы, и долгие годы женщина испытывала мучительные боли, не имея возможности нормально передвигаться.

Но однажды как будто внутренний голос сказал ей: «Поезжай на Валаам, и болезнь отступит». Уже и в поездку собралась паломница, но одолели ее в последний момент сомнения — надо ли? И как ответ на ее терзания было ей видение в ту ночь – статная женщина в красной накидке с ребенком на руках. От образа ее исходило свечение. Болящая Наталья на секунду подумала: «Не Матерь ли это Божья?». Словно ответ на ее вопрос прозвучал в словах Девы:

Видение ли, сон словно растворились в воздухе, оставив в душе измученной болезнью женщины надежду на исцеление.

Со светлым чувством отправилась паломница в поездку. На календаре 1887 год.

Валаамский Спасо-Преображенский ставропигиальный мужской монастырь

На Валааме готовятся заложить собор в честь Преображения Господня. Суетный, но торжественный день. Лишь перед отъездом Наталья Андреева успевает войти в Успенскую церковь, и застывает от изумления: икона, на которой запечатлен тот самый Образ, что явился ей во сне, находится здесь, в стенах храма.

Однако паломница успела лишь поставить свечку перед образом Богородицы и поспешила на пароход — уже был дан сигнал к отплытию. По возвращении в Петербург женщина почувствовала, что боли начали отступать. Надежда на исцеление поселилась в ее душе, и Наталья пообещала себе вновь вернуться на остров, чтобы воздать благодарение Царице Небесной.

Второй приезд состоялся лишь в 1896 году, но не оправдал ее ожиданий. Чудо случилось лишь годом позже, на праздник преподобных Сергия и Германа Валаамских. Со слезами молилась паломница перед ракой чудотворцев об обретении иконы.

Рака с мощами преподобных Сергия и Германа Валаамских

Обошла все храмы, но нигде не находила Образа Той, что подарила ей надежду. Не помог и ризничий, что вёл счет всему имуществу монастыря. Икона с изображением Богоматери как будто растворилась в воздухе, как и тот Образ Её, что явился Наталье много лет назад.

С почестями переместили икону в собор. После богослужения перед обретенной иконой паломница почувствовала себя совершенно здоровой. Путь, которым паломница столько лет шла к своему выздоровлению, оказался верным.

Богородица Валаамская — иконография, детали, символика

Иконография Валаамской Богоматери несколько отличается от других почитаемых Ее Образов. Дева Мария изображена в полный рост, Ее босые стопы касаются облака. В различных трактовках босоногость может служить символом смирения или почитания Бога.

Богомладенец, что восседает на руках Девы Марии, осеняет молящихся десницей, а в левой его руке — империя, увенчанная крестом.

Этот иконографический тип опирается на определенные каноны:

• наличие двух лиц — Богоматери и Сына;
• их фронтальное изображение (лицом к молящимся);
• немолебное положение рук Богоматери — они придерживают Младенца.

Еще с древних времен перед этим Образом императоры Византии возносили благодарственные молебны за дарованные победы над врагом на поле брани.

С середины IX века в византийских и русских памятниках это изображение встречается довольно часто. По некоторым источникам, в русской традиции реплики этого иконографического типа можно найти в работах киевского иконописца Алипия (XI век).

Видимо, не случайно в честь преподобного Алипия Печерского был наречен в монашестве и валаамский иеромонах (в миру Константинов), создавший Образ Валаамской Богоматери.

Особую смысловую нагрузку несет и цветовая палитра образа. Богородица на иконе изображена в традиционных одеждах — темно-синей тунике и красном мафории. Сочетание этих оттенков символизирует единение небесного и земного начала. Золотисто-желтый цвет хитона Богомладенца — прямое указание на Божественное его происхождение, принадлежность к Вечности. В христианской традиции это цвет света, сияния, не подразумевающий иной трактовки образа и потому являющийся своего рода «маркером» святости. Не случайно именно золотые дары преподносят волхвы новорожденному младенцу Иисусу:

Изображение Девы Марии в красном мафории, держащей перед собой Богомладенца в золотых одеждах рождает своего рода изобразительную аллюзию — огненный столп, в центре которого — золотое свечение.

Празднование

Дата празднования иконы установлено в 14 июля, в день обретения ее в 1897 году. Явление Образа Валаамской богоматери — свидетельство особого благоволения острову, поскольку еще основатели обители — преподобные Сергий и Герман возносили свои молитвы Богородице.

Почитаемые списки

Оригинал Валаамской иконы Богоматери находится в Ново-Валаамском Преображенском соборе мужского монастыря в Финляндии. На ее месте в Старом Валааме теперь находится почитаемый список, созданный  тем же иконописцем, иеромонахом Алипием. По разным источникам, дата его создания относится к 1900-1901 годам.

За свою жизнь иконописец успел написать 3 образа Богородицы. У каждого из них — своя судьба. Третья икона иеромонаха долгое время пребывала в Санкт-Петербурге. Сначала в монастырском подворье, а во время Великой Отечественной войны — в Смоленском храме на Васильевском острове. В начале 1990-х годов была возвращена на остров.

О чем молятся перед иконой

Поскольку икона была прославлена исцелением болящей петербурженки, в первую очередь ей молятся о даровании здоровья. Молитва перед иконой помогает также в обретении мира и гармонии в семейной жизни.

Как удивительно могут складываться события, как будто исподволь ведущие человека к его заветной мечте. Кто-то увидит в этом цепь случайных совпадений, кто-то Божий промысел — чудо, которое нужно выстрадать, чтобы обрести веру.

Авт. Евгения Пономарева

Молитва

О, Пресвятая и Преблагословенная Владычице Богородице, Небесе и земли Царице, обители Валаамския Покровительнице! Припадаем и покланяемся Тебе пред чудотворною иконою Твоею, и яко призрела еси милостивно на молитву болящия рабы Твоея и даровала еси ей исцеление, тако и ныне приими наше усердное моление, тебе приносимое. Спаси и сохрани, Всемилостивая, отечество наше и вся люди православныя, живущия в нем и к Тебе с любовию прибегающия, от нашествия иноплеменных, от глада и мора, и от всякаго зла; управи пути наша, да возсияют в земли Русстей правда и мир, радость и любовь, сохрани в ней до скончания века веру Православную. Воззри милостивым оком Твоим на обитель Валаамскую и соверши Сама о Господе спасение всех в вере и надежде подвизающихся в ней. Умоли Сына Твоего и Бога нашего, да избавит всех нас от всякия беды, скорби и болезни, да наставит на исполнение заповедей Своих, от вечныя муки избавит и да сподобит Твоим ходатайством вселитися во обителех Небесных и славити тамо Пресвятую Троицу, Отца и Сына и Святаго Духа, ныне и присно и во веки веков. Аминь.

Тропарь

глас 4-й:

Днесь светло красуется обитель Валаамская, и вси вернии в земли Российстей духовно торжествуют, прославляюще чудотворную икону Твою, Владычице, к нейже ныне мы притекающе с любовию глаголем сице: о Пречистая Дево Богородице, моли Сына Своего Христа Бога нашего, да избавит обитель сию и вся грады и веси страны нашея, от всех навет вражиих и спасет души наша яко Милосерд.

Ин тропарь, глас 4-й:

К Богородице прилежно ныне притецем и к Ея иконе чудотворней припадем и возопием Ей: о Пречудная Владычице Богородице, скорое нам яви заступление и помощь, землю нашу миром огради, ускори от всяких бед избавити ны по велицей Твоей милости.

Кондак

глас 8-й:

Избранной Воеводе, Владычице нашей Богородице, похвальныя песни приносим, прославляюще чудотворную Ея икону, на острове Валааме явльшуюся. Ты же, яко имущая Державу непобедимую, от всяких бед и печалей избави страну Российскую и сотвори мольбу за вся люди поющия Тебе: Радуйся, Невесто Неневестная.

Акафист

Взбранной Воеводе, Владычице нашей Богородице, благодарственное приносим пение о даровании чудныя Ея иконы Валаамския. Ты же, Всемилостивая Царице, яко имущая державу непобедимую и милосердие неизреченное, от всяких зол и бед свободи страну нашу православную, да зовем Ти:

Радуйся, Владычице, обители Валаамския и страны нашея дивная Заступнице.

Ангелов Царица и всея твари Владычица преславным прославлением иконы Твоея святыя всю страну Российскую благодатию озарила еси. Темже вернии людие с любовию припадающе к дивному образу Твоему Валаамскому, приносят похвалы сия:

Радуйся, спасения нашего Главизно;

Радуйся, Мати Господа Вышняго.

Радуйся, Церкве непоколебимый Столпе;

Радуйся, Царствия Нерушимая Стено.

Радуйся, страну Российскую в жребий и достояние Себе избравшая;

Радуйся, иконы Твоя чудотворныя, яко звезды в ней умножившая.

Радуйся, земли Русския Царице и Владычице;

Радуйся, яко Тобою Русь Православная хранится.

Радуйся, всю вселенную лучами Твоея благодати озаряющая;

Радуйся, светом радости души наша просвещающая.

Радуйся, непобедимая Воеводо царей и воинов православных;

Радуйся, врагов наших видимых и невидимых побеждающая.

Радуйся, Владычице, обители Валаамския и страны нашея дивная Заступнице.

Ведый благодать и славу места сего, благослови Господь Матерь Свою даровати Покров Ея над островом Валаамом, яко над северным Афоном, да вси спасающиися на нем от лет древних и до ныне взывают непрестанно Спасителю и Богу нашему: Аллилуия.

Разум имеюще Божественный, преподобнии отцы наши Сергий и Герман приидоша в земли севера во еже Господу невозбранно послужити и достигше острова Валаама, обитель иноческую тамо устроиша. Ты же, Пресвятая Дево, яко Игумения святых обителей православных, сохрани всех подвизающихся зде, единем сердцем и едиными усты воспевающих Ти:

Радуйся, от младенчества Богу посвященная;

Радуйся, в храме Иерусалимстем воспитанная.

Радуйся, яко житие Твое при храме прообразом жития монашескаго явися;

Радуйся, иноков чадолюбивая Мати.

Радуйся, остров Валаам, яко место явления благодати Твоея освятившая;

Радуйся, землю Карельскую благоуханием святости исполнившая.

Радуйся, обитель Валаамскую, яко северный Афон, прославившая;

Радуйся, храмы и скиты ея славою чудес Твоих осиявшая.

Радуйся, преподобных Сергия и Германа в молитву с Собою приемшая;

Радуйся, милостию Своею на острове Валааме дивный сад духовный насадившая.

Радуйся, святыя обители Валаамския Всечестная Игумения;

Радуйся, Наставнице иноков на путь Небесныя жизни.

Радуйся, Владычице, обители Валаамския и страны нашея дивная Заступнице.

Сила Вышняго осени изографа Алексия, егда он, дар художества от Бога имея, во обитель Валаамскую притече и ангельский образ восприя, в честь преподобнаго Алипия Печерскаго, перваго иконописца Святыя Руси. Темже даровася ему благодать святыя иконы писати и храмы обители дивно украшати, воспевая Творцу и Господу: Аллилуия.

Имущи любовь ко обители Твоей избранней, Преблагословенная, сподобила еси отца Алипия создати икону Твою честную, ейже силу чудотворную даровала еси во исцеление и спасение всех с верою и надеждою притекающих к ней, да видяще являемую Тобою милость, вопиют со умилением таковая:

Радуйся, священнаго иконописания Покровительнице;

Радуйся, почитания святых икон освящение.

Радуйся, иконы Твоя на молитвенное общение нам даровавшая;

Радуйся, чрез них благодатную силу источающая.

Радуйся, изографу благоговейному Алипию любовь Твою святую явившая;

Радуйся, в подвизех иноческих его наставлявшая.

Радуйся, в трудех иконописания его укрепившая;

Радуйся, икону Твою дивную создати благословившая.

Радуйся, на иконе сей с Сыном и Богом Твоим изображенная;

Радуйся, многими чудесы ю прославившая.

Радуйся, яко молитвою пред нею приемлем душевное утешение;

Радуйся, яко вкупе с иконою Твоею Сама невидимо среди нас пребываеши.

Радуйся, Владычице, обители Валаамския и страны нашея дивная Заступнице.

Буря смущения, воздвизаемая врагом спасения, поколеба корабль смирения твоего, отче Алипие, егда покинул еси обитель Валаамскую. Обаче молитвами Пречистыя Богородицы вся козни сопротивнаго попрал еси и весь был еси предан Богу, пощением, молитвами и труды многими сподобился еси в день Ангела своего преселитися во обители Небесныя, идеже с ликом Ангельским поеши Богу: Аллилуия.

Слыша Господь скорбь жены, дванадесять лет обуреваемыя тяжкою болезнию, дарова ей помощь благодатную Богоматере, Яже явися болящей в соннем видении и повеле ей направити стопы своя на Валаам, да прославится тамо икона Ея чудная, дотоле в небрежении пребывавшая, от неяже мнози обретут радость духовную и исцеление, вопиюще Преблагословенней:

Радуйся, молитву сердечную болящей рабы Божией услышавшая;

Радуйся, в соннем видении троекратно ей явившаяся.

Радуйся, недужную старицу со одра болезни воздвигшая;

Радуйся, во обитель Валаамскую ю направившая.

Радуйся, чудотворную силу иконы Твоея открывшая;

Радуйся, икону Твою дивную во обители показавшая.

Радуйся, прославление иконы Твоея исцелением тяжко болящия жены знаменовавшая;

Радуйся, сердца православных неизреченною радостию исполнившая.

Радуйся, в иконе Твоей яко солнце земли севера просиявшая;

Радуйся, сию яко сокровище безценное нам оставившая.

Радуйся, яко пред нею вернии благоговейно покланяются;

Радуйся, яко молящимся пред нею исцеления подаются.

Радуйся, Владычице, обители Валаамския и страны нашея дивная Заступнице.

Боготечней звезде подобна явися всечестная икона Твоя, Владычице, юже яко дар небесный восприимше, иноцы обители Валаамския поставиша в соборнем храме Преображения Господня, ими созданном, благодарственно взывающе Богу: Аллилуия.

Видевше чудо исцеления болящей от иконы Твоея, Пресвятая Дево, братия обители радости исполнишася и пречистому Твоему образу с любовию и благоговением поклонишася. Мы же, грешнии, зряще и ныне во обители славней изображенную на иконе Матерь Господа, руце к ней простираем и умиленно зовем:

Радуйся, остров Валаам благословением Своим осенившая;

Радуйся, обители Валаамския сокровище неоскудное.

Радуйся, любовь Твою ко обители показавшая;

Радуйся, благое промышление о ней явившая.

Радуйся, обитель сию милостию Своею посетившая;

Радуйся, в залог любве икону Твою чудную ей даровавшая.

Радуйся, во обители древней прославленная;

Радуйся, иноков валаамских Покровительнице.

Радуйся, подвизающимся в ней надежное заступление;

Радуйся, приходящим в ню на поклонение благая Предстательнице.

Радуйся, иноков обители ко служению Господу собирающая;

Радуйся, в служении сем путь показующая.

Радуйся, Владычице, обители Валаамския и страны нашея дивная Заступнице.

Проповедница благодатныя помощи Владычицы явися исцеленная раба Божия, и о чудеси, на ней бывшем, с радостию и благоговением поведа. Ейже подражающе и мы прославляем милости от иконы изливаемыя, яко грады и веси ограждаеши, обители иноческия защищаеши, недужныя исцеляеши и вся благая ниспосылаеши всем любящим Тя и поющим Сыну Твоему: Аллилуия.

Возсия образ равноангельнаго жития всем ищущим спасения на острове Валааме вдали от суеты мирския под державным Покровом Богоматере, Еяже образ сияет во обители яко знамение попечения Пречистыя о всех нас. Мы же, грешнии, ведуще, яко отцы наши нарекоша Русь Святую Домом Пресвятыя Богородицы, воспоим Ей:

Радуйся, Благодатная, обитель святую осенившая пречистым Твоим образом;

Радуйся, яко паче жемчуга слезами радости икона Твоя украшается.

Радуйся, силу Твою благодатную в сей иконе обильно явившая;

Радуйся, во всем мире источник исцелений от святых икон Твоих подающая.

Радуйся, покланяющимся иконе Твоей в печалех и бедах скоро помогающая;

Радуйся, и нас грешных ко спасению наставляющая.

Радуйся, о всех чтущих образ Твой промышляющая;

Радуйся, чудесы от него веру истинную в людех утверждающая.

Радуйся, Богом дарованная отрадо страждущим;

Радуйся, сокровище благодати неоскудеваемое.

Радуйся, руце Твои к Богу о нас простирающая;

Радуйся, вечною радостию нас одевающая.

Радуйся, Владычице, обители Валаамския и страны нашея дивная Заступнице.

Хотя благочестивый воин великий князь Николай благодарственная принести Тебе, Богородице, повеле в годину брани всемирныя устроити храм во имя Твое, да вси иноцы обители поминают вождей и воинов за веру, царя и отечество живот свой положивших, во вся дни поюще Богу: Аллилуия.

Икос 7

Новое чудо показа Господь, егда старцу Валаамскому Борису видение бысть: зрит святый старец стоящих у иконы Богоматере преподобных Сергия и Германа в схимах. Мы же, радующеся, вкупе с Пречистою ублажаем вас, угодницы Божии, помозите нам, да молитвами вашими сподобимся достойно воспети Всесвятую Матерь Господа:

Радуйся, обитель нашу вкупе с преподобными Сергием и Германом охраняющая;

Радуйся, старца валаамскаго видений сподобившая.

Радуйся, отечества нашего Печальнице;

Радуйся, державная Покровительнице наша во дни тяжких испытаний.

Радуйся, во дни брани скорая на враги Помощнице;

Радуйся, во дни мира ко благочестию Наставнице.

Радуйся, воинов православных на подвиг ратный укрепляющая;

Радуйся, мужество неодолимое им дарующая.

Радуйся, силу духа их возвышающая;

Радуйся, убиенным на поли брани венцы мученическия уготовляющая.

Радуйся, воинством Ангельским враги наша поражающая;

Радуйся, молитвами Твоими весь мир спасающая.

Радуйся, Владычице, обители Валаамския и страны нашея дивная Заступнице.

Странное и дивное видение дарова Господь старцу Борису в канун гибели Царствия Российскаго, виде бо праведник Тя, Матерь Божию, пред Сыном Твоим и Господом тепле Его умолявшую со слезами, да отверзет двери милосердия Своего к стране Российстей и людем ея. Темже убо восплачемся и мы о гресех своих и возопиим Богу дивному во святых Своих: Аллилуия.

Икос 8

Вся страна Российская в страх и трепет прииде, егда восхоте враг рода человеческаго веру Христову в ней истребити. Ты же, Всемилостивая, во дни лихолетия сохранила еси землю Русскую от погибели и веру Православную от истребления спасла еси. Помози убо нам, Владычице, с терпением и благодарением всякия скорби и беды претерпевати и взывати Тебе радостно:

Радуйся, избранным Твоим видения небесная открывающая;

Радуйся, дивная знамения иконою Твоею совершающая.

Радуйся, Царства Российскаго благодатное утверждение;

Радуйся, в годину испытаний державною рукою от погибели нас спасшая.

Радуйся, Церковь Русскую во дни гонений и крестных страданий омофором Своим покрывающая;

Радуйся, в страданиих за Христа мучеников и исповедников веры укрепляющая.

Радуйся, воинствующих на Церковь Божию вразумляющая;

Радуйся, злобу и коварство их посрамляющая.

Радуйся, вражду и ненависть миром и любовию побеждающая;

Радуйся, слезы чад Твоих отирающая.

Радуйся, лучами Божественными тьму вражию попаляющая;

Радуйся, во оружие света нас облекающая.

Радуйся, Владычице, обители Валаамския и страны нашея дивная Заступнице.

Всяческая, яко Мати всех живущих во ограде Церкве Христовы, ограждаеши, тако и людей русских в разсеянии сущих утешила еси иконою Твоею, егда обитель Валаамская от страны Российския отторжена бысть. Тогда же иноцы обители вкупе с верными чады Церкви Православныя к чудотворному образу Владычицы притекающе в единомыслии воспеваху Богу: Аллилуия.

Ветии человечестии недоумеют разумети тайну спасения отечества нашего во дни нашествия вражия, егда смерть и ужас по лицу земли Русския проидоша, плач и стенание ю огласиша. Тогда убо вси на Тя, Пречистая, упование возложившии и от Тебе Единыя спасения чающии, пояху со слезами:

Радуйся, Заступнице наша Усердная;

Радуйся, от всех врагов Избавление.

Радуйся, на подвиги брани воинския и духовныя нас вдохновляющая;

Радуйся, гордых силою Своею со стыдом вспять возвращающая.

Радуйся, яко Тобою милосердие Божие призываем;

Радуйся, яко много может молитва Твоя пред Сыном Твоим и Богом нашим.

Радуйся, икону Твою святую в бедах и испытаниих невредимо сохранившая;

Радуйся, русских людей в разсеянии сущих ею утешавшая.

Радуйся, всех разсеянных воедино собирающая;

Радуйся, раздоры и нестроения умирающая.

Радуйся, Надеждо и Прибежище наше;

Радуйся, Непобедимая Победа.

Радуйся, Владычице, обители Валаамския и страны нашея дивная Заступнице.

Спасти хотя страждущую страну нашу, явилася еси, Пречистая, в видении старцу Валаамскому Михаилу, яко Предстательница наша пред Богом и Заступница, и в грозный час беды на враги противостала еси, полки иноплеменных вспять обращая, и победу российскому воинству даровала еси, да вси людие страны нашея поют Спасителю Богу: Аллилуия.

Стена необоримая и источник чудес икона Твоя святая явися, Богородице Дево, не токмо обители Валаамстей, но и всей стране Российстей, землю нашу ограждающи и по Руси Святей незримо шествующи. Спаси и помилуй нас, чтущих Твой образ чудотворный, да вси притекающии к нему сподобятся всякаго утешения, воспевающе Тебе:

Радуйся, в сониих и видениих рабов Твоих посещающая;

Радуйся, тайны промышления Божия о стране Российстей им открывающая.

Радуйся, старцу Михаилу знамение Своего милосердия к народу нашему явившая;

Радуйся, державу Российскую паче прежняго славою Своею осиявшая.

Радуйся, пред Господом дерзновенная наша Предстательнице;

Радуйся, гнев Его праведный, на ны движимый, на милость преклоняющая.

Радуйся, противу слуг сатанинских ратоборствующая;

Радуйся, несокрушимый щите воинов российских.

Радуйся, войско врага поразившая;

Радуйся, из пределов земли нашея его отгнавшая.

Радуйся, воином России на поли брани победу даровавшая;

Радуйся, страну нашу от нашествия иноплеменных предивно избавившая.

Радуйся, Владычице, обители Валаамския и страны нашея дивная Заступнице.

Пение молебное с любовию приносит ныне братия обители Тебе, о Всеблагая Мати, во храме в честь иконы Твоея освященном. Услыши и нас, молящихся пред пречистым образом Твоим, и сохрани жизнь нашу в чистоте, от грехов избавитися помози, утоли болезни и печали, на спасения стези настави и научи воспевати Человеколюбцу Богу Ангельскую песнь: Аллилуия.

Светло сияет дивная икона Твоя, Мати Божия, и Российскую страну нашу благодатию озаряет. Сего ради грядут во обитель Валаамскую на поклонение православных собори, умиленно воспевая из глубины души пред пречистым образом Твоим таковая:

Радуйся, остров Валаам светом святыни озарившая;

Радуйся, обитель Валаамскую благодатию Твоею возродившая.

Радуйся, Домостроительнице, жизнь обители добре устрояющая;

Радуйся, от всея земли Российския во обитель людей православных призывающая.

Радуйся, паломников благочестивых непостыдное упование;

Радуйся, иноков валаамских присное радование.

Радуйся, образом Твоим честным обитель и ныне освящающая;

Радуйся, светом Божественным от иконы Твоея тьму неверия прогоняющая.

Радуйся, Мати Света, души верных просвещающая;

Радуйся, к Свету истины нас возводящая.

Радуйся, Огнь Божества в Себе вместившая;

Радуйся, любве Божественныя светильниче неугасимый.

Радуйся, Владычице, обители Валаамския и страны нашея дивная Заступнице.

Благодатное утешение даровала еси нам, Пресвятая Дево, прославлением образа Твоего Валаамскаго в знамение милости ко отечеству нашему, в защиту от врагов видимых и невидимых во дни смуты новыя. Даруй Покров Твой, Благодатная, на всех грядущих путех страны нашея, да весь мир узрит, яко с нами Бог, Емуже с любовию поем: Аллилуия.

Поюще Тя, Преблагословенная, преклоняем колена пред чудотворным Твоим образом Валаамским и молящеся пред ним веруем и исповедуем, яко Ты еси воистину Державная Владычице страны нашея и Заступница Усердная рода христианскаго. Темже молим Тя, подаждь державе Российстей мир, тишину, благоустроение, и не остави возлюбленную Тобою землю Русскую и народ ея, во умилении сердец приносящий Ти похвалы сия:

Радуйся, икону Твою Валаамскую всецерковно прославившая;

Радуйся, новое знамение благодати в Церкви Православней тем показавшая.

Радуйся, яко от списков иконы Твоея знамения и чудеса совершаются;

Радуйся, яко сердца благочестивых людей радостию исполняются.

Радуйся, страны Российския несокрушимое Ограждение;

Радуйся, нынешняго скорбнаго века Утешение.

Радуйся, святых печальников земли Российския возрастившая;

Радуйся, изнемогающих под тяжестию креста укрепляющая.

Радуйся, страх и уныние прогоняющая;

Радуйся, скорбь нашу в радость претворяющая.

Радуйся, стояти за веру Православную нас научающая;

Радуйся, двери райския верным отверзающая.

Радуйся, Владычице, обители Валаамския и страны нашея дивная Заступнице.

О Всепетая Мати, Российския страны дивная Заступнице, милостивно приими сие малое моление, пред чудотворным Твоим образом возносимое. Сохрани отечество наше, веру Православную в людех укрепи, избави нас от всяких бед, скорбей и напастей, и сподоби чистым сердцем зде и в будущем веце воспевати Богу: Аллилуия.

Молитва пред чудотворною иконою Пресвятыя Богородицы Валаамскою, чтомая в Спасо-Преображенском Валаамском монастыре

Пресвятая Госпоже, Владычице Богородице, страны нашея Заступнице, обители Валаамския красото и славо! Взирающе на Пречистый лик Твой, в чудотворней иконе явленный, молим Тя, сохрани от всякаго зла обитель сию, юже преподобнии Сергий и Герман основаша, во братии мир огради и соблюди, осени Покровом Твоим строителей, благотворителей и благоукрасителей ея.

О Всечестная наша Мати, Игумения всех православных обителей и иноческаго жития Покровительнице, пребуди неотступна от обители сия, сущаго достояния Твоего, и всесильными Твоими молитвами покрый и заступи нас, зде подвизающихся, от всяких бед и нужд, помози уставы преподобных отец непоколебимы сохранити, избави от падений греховных, даруй нам дух сокрушения и смирения, настави на исполнение обетов иноческих и всех заповедей Божиих.

Приими смиренное моление наше, согрей нас дыханием любве Твоея и никогда не отступай от нас, да не оскудеет вера в нас грешных, и да сподобимся внити в Царствие Небесное, в немже возвеличим Тя, Матерь нашу Всепетую, и прославим Сына Твоего и Бога нашего со Безначальным Его Отцем и Пресвятым и Животворящим Его Духом, ныне и присно и во веки веков. Аминь.