Вопросы священнику

Задайте интересующий вопрос прямо на сайте и получите ответ от священника

Полезные материалы

Икона Матроны Московской: история, значение, примеры помощи

Незрячая от природы, она видела больше, чем многие из нас.

Акафист Семистрельной (Умягчение злых сердец) иконе Божией Матери

Образы «Семистрельная» и «Умягчение злых сердец» похожи, однако есть некоторые отличия.

Как и для чего читают акафист Матроне Московской

Кто такая блаженная Матрона Московская

Как и когда читать акафист Сергию Радонежскому

В православной традиции акафист считается особым видом духовной поэзии ...

Спасибо что зашли на наш сайт, перед тем как начать чтение вы можете подписаться на интересную православную mail рассылку, для этого вам необходимо кликнуть по этой ссылке «Подписаться»

Молитва Пресвятой Богородице пред иконой Ея «Владимирской» 

О, Всеми́лостивейшая Госпоже́ Богоро́дице, Небе́сная Цари́це, Всемо́щная Засту́пнице, непосты́дное на́ше Упова́ние! Благодаря́ще Тя о всех вели́ких благодея́ниях, в ро́ды родо́в лю́дем росси́йским от тебе́ бы́вших, пред пречи́стым о́бразом Твои́м мо́лим Тя: сохрани́ град сей (или: весь сию́, или: святу́ю оби́тель сию́) и предстоя́щия рабы́ Твоя́ и всю Зе́млю Ру́сскую от гла́да, губи́тельства, земли́ трясе́ния, пото́па, огня́, меча́, наше́ствия иноплеме́нных и междоусо́бныя бра́ни. Сохрани́ и спаси́, Госпоже́, Вели́кого Господи́на и Отца́ на́шего (имярек), Святе́йшего Патриа́рха Моско́вского и всея́ Руси́ и Господи́на на́шего (имярек), Преосвяще́ннейшего епи́скопа (или: архиепи́скопа, или: митрополи́та) (титул), и вся Преосвяще́нныя митрополи́ты, архиепи́скопы и епи́скопы правосла́вныя. Даждь им Це́рковь Росси́йскую до́бре упра́вити, ве́рныя о́вцы Христо́вы неги́блемы соблюсти́. Помяни́, Влады́чице, и весь свяще́ннический и мона́шеский чин, согре́й сердца́ их ре́вностию о Бо́зе и досто́йно зва́ния своего́ ходи́ти коего́ждо укрепи́. Спаси́, Госпоже́, и поми́луй и вся рабы́ Твоя́ и да́руй нам путь земна́го по́прища без поро́ка прейти́. Утверди́ нас в ве́ре Христо́вой и во усе́рдии ко Правосла́вной Це́ркви, вложи́ в сердца́ на́ша дух стра́ха Бо́жия, дух благоче́стия, дух смире́ния, в напа́стех терпе́ние нам пода́ждь, во благоде́нствии – воздержа́ние, к бли́жним любо́вь, ко враго́м всепроще́ние, в до́брых де́лех преуспе́яние. Изба́ви нас от вся́каго искуше́ния и от окамене́ннаго нечу́вствия, в стра́шный же день Суда́ сподо́би нас хода́тайством Твои́м ста́ти одесну́ю Сы́на Твоего́, Христа́ Бо́га на́шего, Ему́же подоба́ет вся́кая сла́ва, честь и поклоне́ние со Отце́м и Святы́м Ду́хом, ны́не и при́сно и во ве́ки веко́в. Ами́нь.

Тропарь

Пресвятой Богородице пред иконой Ея «Владимирской», глас 4

Днесь све́тло красу́ется сла́внейший град Москва́,/ я́ко зарю́ со́лнечную восприе́мши, Влады́чице,/ чудотво́рную Твою́ ико́ну,/ к не́йже ны́не мы притека́юще и моля́щеся Тебе́, взыва́ем си́це:/ о, пречу́дная Влады́чице Богоро́дице!/ Моли́ся из Тебе́ воплоще́нному Христу́ Бо́гу на́шему,/ да изба́вит град сей и вся́ гра́ды и страны́ христиа́нския/ невреди́мы от всех наве́т вра́жиих,// и спасе́т ду́ши на́ша, я́ко Милосе́рд.

Кондак

Пресвятой Богородице пред иконой Ея «Владимирской», глас 8

Взбра́нной Воево́де победи́тельная,/ я́ко изба́вльшеся от злых/ прише́ствием Твоего́ честна́го о́браза, Влады́чице Богоро́дице,/ све́тло сотворя́ем пра́зднество сре́тения Твоего́ и обы́чно зове́м Ти́:// ра́дуйся, Неве́сто Неневе́стная.

Она видит все наши скорби

Владимирская икона Божией Матери это во многом особенный образ. Владычица смотрит на Божественного Сына, и одновременно – на предстоящего, точно видя все наши скорби. Недаром именно молитва перед Владимирской не раз спасала не только отдельных страждущих, но целую страну.

Читайте также: Когда праздник Владимирской иконы Божией Матери

Происхождение образа и его иконография

Несколько веков считалось: это, может быть, первая из икон, написанных самим Евангелистом Лукой, причем еще при земной жизни Пречистой, на доске стола, за которым много лет собиралась к трапезе Семья Господа.

По преданию, Сама Богоматерь благословила творение Луки словами:

«Отныне ублажат Меня все роды. Благодать Рождшегося от Меня и Моя с этой иконой да будет». 

Однако новейшие исследования не подтверждают раннюю датировку образа. Историки полагают, что икона не написана св. Лукой, а является копией с не дошедшего до нашего времени его творения, сделанным византийским мастером около X-XI вв.

Это интересно: Какие иконы Пресвятой Богородицы написал апостол Лука?

Богоматерь Владимирская_3703

Иконография: Владимирская икона Божией Матери. Датировки: XII в. Первая треть XII в. Иконописная школа или художественный центр:  Византийская иконопись. Происхождение: Из Константинополя. Около 1130 года привезена в Киев и помещена в женском монастыре Богородицы в Вышгороде. В 1155 году князь Андрей Боголюбский перенес икону Богоматери из Вышгорода во Владимир, украсил ее дорогим окладом и поместил в Успенский собор, построенный в 1158-1161. В 1395 году, 26 августа, во время нашествия Тамерлана икона была торжественно перенесена в Москву. Икона была помещена в Кремлевском Успенском соборе.Материал: Дерево, темпера. Размеры иконы:  высота 104 см, ширина 69,78 см. Изображение Богоматери поясное. Богоматерь держит Младенца Христа на правой руке, голова ее склонена вправо. Младенец прижимается щекой к лицу Богоматери  и обнимает ее левой рукой за шею, лицо Его обращено вверх. Правая рука Младенца протянута вперед и касается плеча Богоматери. Ножки Христа до ступней закрыты хитоном, левая согнута так, что видна ступня. Икона неоднократно поновлялась. На оборотной стороне изображен Престол и Орудия Страстей. Инв. № 14243 © Государственная Третьяковская галерея, Москва Литература: Государственная Третьяковская Галерея. Каталог собрания. Древнерусское искусство X — начала XV века. Том I. №1

Иконы «Умиление», к числу которых относится и Владимирская, стали распространяться  в Византии как раз с XI в. Они изображают Мать и Сына  приникшими  друг к другу в порыве любви. На Владимирской Младенец обнимает  Пречистую левой рукой, правая лежит на Её плече. Особенность образа – грустный, скорбный Лик Пречистой, как бы предвидящей судьбу Своего Сына.

А на обороте образа написаны престол с Евангелием, а также орудия Страстей Господних. Предполагается, что автор этого изображения, созданного около XV в. – прп. Андрей Рублев. Сама же изначально икона была «выносной», то есть предназначенной для крестных ходов. Именно поэтому она – двусторонняя.

Читайте также: Древнейшая святыня Руси: Владимирская икона Божией Матери

Реставрации

Известно, что за долгую историю образа его не раз «поновляли», реставрировали. Это происходило по крайней мере четырежды:

  • к XIII в. относят следы «поновлений» на одеждах Господа;
  • в начале XV в. образ подвергся более значительной реставрации, практически его полностью переписали, исключая лики;
  • фон, частично – одежды Богородицы, Христа мы видим сейчас такими, какими их сделала реставрация 1514 г.; кроме того, тогда же к образу были приделаны поля (изначальный его размер – 75х55 см);
  • известны также «малые поновления» святыни XVIII, XIX вв.;
  • наконец, последняя по времени реставрация проведена накануне коронации последнего российского императора Николая II (1895-96).

Современные искусствоведы полагают, что ныне от творения византийского иконописца сохранились только Лики, кисти рук, некоторые части одежд.

Подарок митрополита Михаила

Образ оказывается на Руси с 30-х гг. XI в. Именно тогда, согласно летописи, Киевский князь Мстислав получает его как подарок от прибывшего нового митрополита, грека Михаила.

Владимирская Заступница 

Сначала икона была при женской обители Вышгорода, который тогда был уделом князя Андрея, позже известного как Боголюбский. Согласно летописи, с 1155 г. местом пребывания святыни стала столица его княжества, Владимир. Почитание образа было таково, что все местное летописание представляет историю княжества как непрерывный поток чудотворений Пречистой:

  • икона была с князем Андреем на войне с волжскими булгарами (1164 г.);
  • спустя 10 лет крестный ход со святыней, устроенный иереем Николаем,  остановил  мятеж во Владимире, возникший по смерти князя Андрея;
  • затем последовало новое явление Богоматери, прекратившее войну князей за Владимирский престол.

Местом пребывания образа был Успенский собор Владимира. Отсюда икону удалось спасти во время монгольского нашествия 1238 г.

«Державы Русския заступление»

С 1395 г. святыня оказывается в Москве. Поводом к ее перенесению стало нападение на русские земли Тамерлана, завоевателя из Средней Азии. Сын блгв. Димитрия Донского, князь Василий I, уповая на помощь Богородицы, просил владимирцев отпустить образ.

26
Августа
1395 года
Близ города состоялась встреча святыни. Позже, к XV-XVII вв. здесь строится монастырь, престольным праздником которого становится 26 августа – день пришествия образа в Москву.

В тот же день Тамерлан, опытный воин, был напуган видением: во сне он видел полки, идущие на помощь русской столице. Их возглавляла некая Жена, гневно грозившая завоевателю. Узнав, что это «Мать христианского Бога», Тамерлан почел за лучшее немедленно отвести войска.

Впоследствии икона во Владимир не вернулась, местом ее пребывания стал Успенский собор Москвы. Перед ней:

  • избран митрополитом свт. Иона (с 1448 г.), первый предстоятель Русской Церкви после ее автокефалии от Константинополя;
  • молились о заступничестве москвичи во время противоборства с ханом Ахматом (1480 г.); именно поэтому реку Угру, которую не так и не смогли перейти татары, называли «поясом Богородицы»;
  • совершилось избрание первого русского патриарха – Иова (1589 г.);
  • молился Иван IV перед началом войны с Казанским ханством; впоследствии в духовном завещании царь именует образ «державы Русския заступлением».

Старец Авраамий Палицын, келарь Сергиевой обители, описывает, как крестным ходом со святым образом народ «умолил» боярина Бориса Годунова стать русским царем (1598). Монах оценивает это как почти кощунственное действие:

«И нескверныя и неблазныя и нетленныя Пречистыя Царицы воображение всех  с Богом пред тленным человеком стоит на умоление». Последующие события Смуты показали: «Двигнут бысть той образ нелепо, двигнута же и Россия бысть нелепо». 

Впоследствии Владимирская становится покровительницей царствующего дома: перед ней венчались на царство. Последнее церковно значимое событие произошло перед образом 18 ноября 1917 г. В храме Христа Спасителя, куда святыню перенесли из Успенского, совершилось избрание на патриаршество свт. Тихона.

После революции 

С 1928 г. икона конфискована советской властью, с тех пор находилась в фондах Третьяковской галереи. Здесь она пребывала до конца 1990-х гг. Церковь неоднократно обращалась к властям с просьбой о ее возвращении. Наконец, был найден компромисс: при самом музее возродился храм, известный с XVII в., именуемый «Николы в Толмачах».

Владимирская икона Божией Матери

Владимирская икона Богородице в храме свт. Николая Чудотворца

15
Декабря
1999 года
С этого дня Владимирская находится в храме в специальных условиях, предотвращающих разрушение, за ней следят сотрудники. Вместе с тем, Владимирская ныне доступна для поклонения христиан.

О чем молятся верующие 

Перед этой иконой к Пречистую просят:

  • о умирении вражды;
  • о помощи власть предержащим в несении бремени правления;
  • об излечении тяжелых недугов.

***

История нашей страны, «дома Пресвятой Богородицы» предстает как непрерывная цепь знамений Её защиты, поддержки. Свидетельство этого – древняя святыня, прошедшая с народом путь от Киевской Руси до наших дней.

Акафист 

Кондак 1

Взбранной Воеводе, Заступнице нашей, взирающе на первописанный образ Твой, хвалебное пение воспеваем Ти раби Твои, Богомати. Ты же, яко имущая державу непобедимую, сохрани и спаси благодарне Тебе вопиющия:

Радуйся, Пречистая, от иконы Твоея милости нам источающая.

Икос 1

Ангельския Силы на Небеси немолчно воспевают Тя, Пречистая, зряще Славу Пребожественную, еюже Сын Твой прослави Тя; но и нас, земных, не оставила еси, яко некую лучу, низпославши нам икону Твою, святым Лукою первописанную. О ней бо некогда изрекла еси: «С сим образом благодать Моя и сила да пребудут». Темже вернии раби Твои, по вся дни и на всяком месте сбытие словес Твоих зряще, ко образу Твоему цельбоносному притекаем и, якоже Самой Ти, с нами сущей, вопием:

Радуйся, Ангелов Царице;

радуйся, всего мира Владычице.

Радуйся, на Небеси присно славимая;

радуйся, и на земли величаемая.

Радуйся, благодать Твою иконе Твоей сей даровавшая;

радуйся, на спасение человеков тую поставившая.

Радуйся, Божия благости скорая Подательнице;

радуйся, молений наших усердная послушнице.

Радуйся, Пречистая, от иконы Твоея милости нам источающая.

Кондак 2

Видя чудес множество, от принесенныя в Вышград святыя иконы Твоея бываемое, благоверный князь Андрей возгореся духом и умоляше Тя, да скажеши святую волю Твою и да благословиши его в пределы Ростовския отъити. Темже улучив желаемое и икону Твою взем, идяше в путь свой, радуяся и поя Богу: Аллилуиа.

Икос 2

Разумеша вси людие дивное шествие Твое, Царице Небесная, от Киева в землю Ростовскую, болящии бо исцеляхуся и ина знамения и чудеса бываху всем с верою притекающим ко образу Твоему. Сего ради воспеша Тебе:

Радуйся, чудесы шествие иконы Твоея знаменавшая;

радуйся, многи немощныя исцелившая.

Радуйся, воздыхания наша не отвергающая;

радуйся, недостойныя молитвы наша приемлющая.

Радуйся, Матерния щедроты Твоя на нас изливающая;

радуйся, иконою Твоею нам благодеющая.

Радуйся, во обстоянии сущим скорую помощь дарующая;

радуйся, отчаянным надежду возвращающая.

Радуйся, Пречистая, от иконы Твоея милости нам источающая.

Кондак 3

Силою Твоею ограждаемь, благоверный князь Андрей предел Владимирских достиже и зде благую волю твою, Владычице, позна. В нощном бо видении тому явльшися, повелела еси от места сего не отходити и чудотворную икону Твою зде, во граде Владимире, поставити, да будет северней стране нашей в благословение и людем Твоим в покров, вопиющим Богу: Аллилуиа.

Икос 3

Имея в себе благодатное сокровище, икону Твою Владимирскую, преуспеваше от силы в силу Отечество наше. Во дни бо обстояний и напастей не оставила еси род наш, Владычице, и во благовремении близ была еси, всесильным предстательством Твоим верныя люди Твоя заступающи, поющия Ти:

Радуйся, гнев Божий, праведно на ны движимый, утоляющая;

радуйся, на милость к нам, грешным, Господа преклоняющая.

Радуйся, яко смиренным мольбам рабов Твоих внемлеши;

радуйся, яко утешение Твое нам подати поспешаеши.

Радуйся, яко иконою Твоею от всяких нас бед ограждаеши;

радуйся, яко тою козни вражия разрушаеши.

Радуйся, в час скорби люди Твоя укрепляющая;

радуйся, тихое и безмятежное житие тем дарующая.

Радуйся, Пречистая, от иконы Твоея милости нам источающая.

Кондак 4

Бурю помышлений сумнительных пройде благоверный князь Андрей, от множества врагов некогда обстоимь; Ты же, Всепетая, дивным от иконы Твоея знамением славную победу тому предвозвестила еси. Темже верою обновився и о имени Твоем дерзая, воспе Богу: Аллилуиа.

Икос 4

Слышавше мятежницы убиение благовернаго князя Андрея, град Владимир расхитити устремишася, но икону Твою чудотворную, на стогны града изнесенную, внезапу узревше, умилишася сердцем и, на колена падше, во гресе своем покаяшася. Благочестивии же людие, таковому от иконы Твоея благодатному явлению радующеся, песнь благодарственную воспеша Тебе:

Радуйся, междоусобных браней утоление;

радуйся, ожестевших сердец умягчение.

Радуйся, яко заблуждшия на путь правый возвращаеши;

радуйся, яко от соблазнов суетных нас ограждаеши.

Радуйся, пагубы вседушевныя низлагающая;

радуйся, душевредная научения обличающая.

Радуйся, к Царствию Небесному путь невозбранный нам указующая;

радуйся, мир вечный и радость нам подающая.

Радуйся, Пречистая, от иконы Твоея милости нам источающая.

Кондак 5

Боготечная звезда отцем нашим бысть икона Твоя, Владычице, еяже светом ведоми, многажды побеждаху царствия, возмогаху от немощи, обращаху в бегство полки чуждих и путь к земному преуспеянию и небесному спасению обретаху. Сего ради по долгу славит Тя земля Российская, поющи Богу: Аллилуиа.

Икос 5

Видевше некогда людие владимирстии в чуднем видении град свой на воздусе вознесен, и икону Твою верху его, якоже солнце, сияющу, со умилением разумеша, Владычице, неотступный покров Твой граду их и, Твое милостивое промышление о них славяще, воспеша Ти:

Радуйся, Мати милосердия;

радуйся, источниче чудес.

Радуйся, бодрая наша Хранительнице;

радуйся, граду нашему Покрове.

Радуйся, горе к Небеснем сокровищем ум наш возводящая;

радуйся, любовь к Богу в сердцах верных насаждающая.

Радуйся, маловерныя вразумляющая;

радуйся, неверных смыслы просвещающая.

Радуйся, Пречистая, от иконы Твоея милости нам источающая.

Кондак 6

Проповедник неизреченных чудес Твоих, Владычице, явися соборный храм Твой во граде Владимире, святою иконою Твоею украшенный. Попущением бо Божиим все благолепие его некогда во огни погибе, икона же святая Твоя, якоже купина неопалима пребысть, да и видевше и осязавше присутствие Твое, вернии воспоют: Аллилуиа.

Икос 6

Возсия паки свет иконы Твоея, Богородице, во дни лютаго нашествия Батыева. Аще бо нечестивии агаряне и пожгоша огнем соборный храм Твой, и святителя Владимирскаго и люди, молящияся в церкви, умертвиша, и вся конечному истреблению предаша, обаче икона Твоя и паки невреждена обретеся, подвизающи пети Тебе:

Радуйся, Купино Неопалимая;

радуйся, Сокровище неиждиваемое.

Радуйся, Стено несокрушимая;

радуйся, прибежище всем уповающим на Тя.

Радуйся, икону Твою и во пламени целу сохранившая;

радуйся, нам во утешение и спасение тую оставившая.

Радуйся, Ты бо еси наше защищение;

радуйся, Ты бо еси всех благочестивых непрестанное радование.

Радуйся, Пречистая, от иконы Твоея милости нам источающая.

Кондак 7

Хотя великий князь Василий защищение стяжати стольному граду своему, повеле Владимирскую икону Твою в Москву пренести. И во сретение ея усердно изшедше князь и святитель московский Киприан со освященным собором и всем множеством людей, до земли пред нею поклонишася, якоже бо Самую Тя, Пречистая, к ним приходящую, сретаху, зовуще Тебе: «О Мати Божия, спаси землю Русскую», вкупе же и поюще Богу: Аллилуиа.

Икос 7

Новое знамение сотворила еси, Пренепорочная, в день празднования сретения иконы Твоея Владимирския в Москве: в грозном бо видении, яко всемогущая Царица, множеством воинств Небесных обстоима, со святители Московскими явилася еси нечестивому агарянскому хану и от предел земли Русския отъити повелела еси. Тогда вернии людие Твои, врага видевше посрамлена и бежавша, с веселием пояху Тебе:

Радуйся, Победо непобедимая;

радуйся, Царице Небесных Сил.

Радуйся, врага грозное посрамление;

радуйся, рабов Твоих Радосте нечаянная.

Радуйся, Надеждо всех лишенных надежды;

радуйся, спасение во дно адово низшедших.

Радуйся, пришествием иконы Твоея Москву возвеселившая;

радуйся, заступлением Твоим и град Владимир не оставившая.

Радуйся, Пречистая, от иконы Твоея милости нам источающая.

Кондак 8

Странную победу всесильною помощию Твоею, Владычице, без брани совершившуюся, и до ныне Церковь Православная светло прославляет, сретение иконы Твоея Владимирския празднующи и вся верная чада Своя созывающи милости Твоя благодарне исповедати, Сыну же Твоему и Богу пети: Аллилуиа.

Икос 8

Всю Тя Бог освяти, Пренепорочная, и, яко Матерь Свою, в готовое прибежище и теплый покров всем нам дарова. Темже от меньших земли и незнаемых возвеличися благословенный Тобою град Москва, благочестно икону Твою почитаяй; вся бо племена русская воедино собра и область свою над окрестными языки от моря и до моря и даже до конец земли распростре, всем веру Христову возвещаяй, Тебе же вопия:

Радуйся, земли нашея забрало;

радуйся, Церкве утверждение.

Радуйся, молитвенников наших похвало;

радуйся, людей Твоих спасение.

Радуйся, враги наша устрашающая;

радуйся, полки чуждих далече отгоняющая.

Радуйся, яко Тобою Русь православная содержится;

радуйся, яко Тобою род христианский хвалится.

Радуйся, Пречистая, от иконы Твоея милости нам источающая.

Кондак 9

Всякое естество ангельское восхваляет Тя, Богородительнице, у престола Сына Твоего предстоящую и за страну нашу и вся христианы молящуюся. Мы же, людие Твои, молитв Твоих действо разумевающе, к чудотворней иконе Твоей с любовию притекаем и Богу прилежно вопием: Аллилуиа.

Икос 9

Витий земных художество не довлеет по достоянию благохвалити Тя, Пресвятая Всенепорочная, и иконы Твоея чудеса исчислити, имиже Церковь Православная величается, гради наши утверждаются и вси христиане Божественне веселятся. Темже, за премногую любовь Твою к нам и вся милости Твоя, приими от нас сие хвалебное пение:

Радуйся, собором святых, в стране нашей просиявших, окружаемая и славимая;

радуйся, предстателей наших, чудотворцев российских, моления приемлющая.

Радуйся, ходатайством Твоим о нас Бога умилостивляющая;

радуйся, честным покровом Твоим нас присно осеняющая.

Радуйся, страны нашея преславная Защитнице;

радуйся, призывающим Тя скорая Помощнице.

Радуйся, труждающихся благодатное укрепление;

радуйся, кающихся грешников несумненное спасение.

Радуйся, Пречистая, от иконы Твоея милости нам источающая.

Кондак 10

Спасения ищуще, к Тебе прибегаем, Милосердная Мати, и, чудотворную Твою икону ныне обстояще, вся милости Твоя, тою отцем нашим явленныя, с любовию воспоминаем. Да не тщетна будет, Владычице, и наша надежда на Тя, на немощь нашу умилосердися и спаси вопиющия Богу: Аллилуиа.

Икос 10

Стена еси и заступление всем с верою прибегающим к Тебе, Всеблаженная Отроковице; всегда бо милости Твоя роду христианскому являла еси и отцем нашим многочастне и многообразне благодеяла еси, от нашествия иноплеменник и от всякия беды и нужды тех избавляющи. Не оскудей и ныне, Владычице, утоляющи лютыя на ны возстания греховныя, и облак искушений отжени, Тебе бо навыкохом пети:

Радуйся, Мати Божия, Матернюю любовь к нам, грешным, простирающая;

радуйся, силою Твоею нашу немощь восполняющая.

Радуйся, милосердие Божие разумети нас научающая;

радуйся, к делом милосердия и нас возбуждающая.

Радуйся, страх Божий в сердца верных влагающая;

радуйся, грешники к покаянию призывающая.

Радуйся, невниманию нашему долготерпящая;

радуйся, от сна лености нас возставляющая.

Радуйся, Пречистая, от иконы Твоея милости нам источающая.

Кондак 11

Пение похвальное воспеша московстии людие, спасение Твое некогда улучивше; верху бо явльшися, светозарною одеждою одеяна, храм Твой и град Москву от запаления огненнаго ризою Твоею защитила еси. Неотступна пребуди, Всемощная, от места сего и ныне, и нам избавление Твое видети даруй, да веселящеся воспоем: Аллилуиа.

Икос 11

Свет радости возсияла еси, Владычице, и во дни тыя, егда смотрением Божиим древняя красота церковная к нам паки возвратися и священный собор граду Москве Патриарха, всей же стране нашей единаго пастыря и молитвенника утверди. Ты же, Пречистая, от иконы Твоея Владимирския жребий первосвятительства сего избраннику Твоему даровала еси, да расточенныя овцы словеснаго стада Церкве Российския паки воедино соберет. Сего ради вопием Тебе:

Радуйся, скорбящих радосте;

радуйся, обуреваемых пристанище.

Радуйся, в напастех нас не оставившая;

радуйся, во уничижении нашем свет надежды нам возсиявшая.

Радуйся, на смиренныя призревшая;

радуйся, низшедшия возвеличившая.

Радуйся, Церкве нашея Похвало;

радуйся, людей Твоих веселие.

Радуйся, Пречистая, от иконы Твоея милости нам источающая.

Кондак 12

Благодать Твою не отъими от нас, милости Источниче, якоже во дни лихолетия святителей наших Иова и Ермогена услышала еси и землю Русскую от конечнаго расхищения, православную же веру в ней от истребления спасла еси, да избавленнии Тобою Богу воспоем: Аллилуиа.

Икос 12

Поюще неисчетныя милости Твоя, от лет древних роду нашему явленныя и доныне не оскудевающия, хвалим Тя, Пречистая, яко неусыпную Хранительницу нашу и заступление, и, Матернюю любовь Твою к стаду Сына Твоего ведуще, со дерзновением, аще и раби неключими есмы, вопием Тебе:

Радуйся, Русь Православную возлюбившая;

радуйся, веру истинную в ней утвердившая.

Радуйся, отцы наша во благочестии сохранившая;

радуйся, и наше неможение не отринувшая.

Радуйся, утверждение наше незыблемое;

радуйся, Надеждо наша непостыдная.

Радуйся, Молитвеннице наша теплая;

радуйся, Заступнице усердная.

Радуйся, Пречистая, от иконы Твоея милости нам источающая.

Кондак 13

О Всепетая Мати, Заступнице Всемилостивая, Дево Богородице, обычным Твоим милосердием малое моление сие наше приемлющи, якоже древле, тако и ныне помилуй землю нашу Русскую и от всяких бед рабы Твоя избави, о Тебе вопиющия: Аллилуиа.

Этот кондак читается трижды, затем 1-й икос «Ангельския Силы…» и 1-й кондак «Взбранной Воеводе…».

Акафист и молитва перед иконой Божией Матери Селигерской (Владимирской)

Селигерская икона

Икона Божией Матери Владимирская (Селигерская)

Образ Селигерской Богородицы является списком с Владимирской иконы. Пред этм образом возносил свои молитвы русский подвижник преподобный Нил Столобенский.

Тропарь, глас 4

Днесь светло красуется Нило-Столобенская обитель, совершающе празднование чудотворному образу Божия Матере, пред ни́мже мы ныне припа́дающе и моля́щеся, взываем си́це: о Пречудная Владычице Богородице, моли́ся Христу Богу нашему, да избавит обитель сию́ и вся грады и страны христианския невредимы от всех навет вражиих и спасет ду́ши наша, яко Милосерд.

Кондак, глас 8

Взбранной Воеводе победительная, яко изба́вльшеся от злых, благодарственная воспису́ем Ти, раби Твои, Богородице, и светло сотворяем празднество чудотворному образу Твоему, с верою и любовию вопию́ще Ти: Радуйся, Невесто Неневестная.

Кондак 1

Взбранной Воеводе, Заступнице нашей и Покровительнице, взира́юще на чудотворный образ Твой, похвальное пение воспису́ем Ти, раби Твои, Владычице; Ты же, яко исполненная благодати Божественныя, Сына Твоего о нас умоли́, да со умилением зовем Ти: Радуйся, Благодатная, радость духовную в сердца́ наша изливающая.

Икос 1

Ангельскими Силами на Небеси немо́лчно воспеваемая, Пречистая Дево, и нас, на земли́ живущих, не оставила еси милостию Твоею, вся потребная для спасения нашего низпосыла́ющи. Темже мы, вернии раби Твои, ко святому образу Твоему притекаем и, яко же Самей Ти, с нами сущей, вопие́м:

Радуйся, Ангелов Царице.

Радуйся, всего мира Владычице.

Радуйся, на Небеси присно сла́вимая.

Радуйся, и на земли́ величаемая.

Радуйся, благодать Твою иконам Твоим даровавшая.

Радуйся, всю вселенную лучами тех озаряющая.

Радуйся, Божия благости скорая Подательнице.

Радуйся, молений наших усердная Послушнице.

Радуйся, Благодатная, радость духовную в сердца́ наша изливающая.

Кондак 2

Видящи, Всемилостивая Владычице, чудеса многая, чрез иконы Твоя святыя нам присноявля́емыя, с радостию несказа́нною припадаем к Тебе, Пречистая, и из глубины души́ благодарим Тя, нашу дивную Заступницу, воспевающе Богу: Аллилуиа.

Икос 2

Разум человеческий не может постигнути великаго Твоего милосердия, Преблагая Мати, Ты бо еси необоримая ограда, охраняющая нас от всяких болезней душевных и телесных и заступающая всех притекающих к Тебе с верою. Сего ради, дивное заступление Твое о нас восхваляюще, радостно вопием Ти:

Радуйся, чудеса от икон Твоих источающая.

Радуйся, недуги наша скоро врачующая.

Радуйся, воздыхания наша не отвергающая.

Радуйся, недостойныя молитвы наша приемлющая.

Радуйся, матерния щедроты Твоя нам подающая.

Радуйся, иконами Твоими нам благодеющая.

Радуйся, во обстоя́нии сущим скорую помощь да́рующая.

Радуйся, отчаянным надежду возвращающая.

Радуйся, Благодатная, радость духовную в сердца́ наша изливающая.

Кондак 3

Силу благодати Божественныя да́руеши, Пресвятая Дево, всем с верою и любовию Сыну Твоему и Богу нашему служа́щим, вся бо мо́жеши матерним дерзновением у Него нам испроси́ти. Сего ради, благодарни суще Господеви за вся великия милости Его, Тобою нам щедро низпосылаемыя, вопием Ему: Аллилуиа.

Икос 3

Имущи Тя, Мати Божия, Премилосердную Ходатаицу за ны, пред возлюбленным Сыном Твоим о нас непрестанно молящуюся, пред святым образом Твоим умильно вопие́м:

Радуйся, гнев Божий, праведно на ны дви́жимый, утоляющая.

Радуйся, на милость к нам, грешным, Господа преклоняющая.

Радуйся, яко смиренным мольбам рабов Твоих вне́млеши.

Радуйся, яко утешение Твое нам подати поспешаеши.

Радуйся, яко иконою Твоею от всяких нас бед ограждаеши.

Радуйся, яко тою ко́зни вражия разрушаеши.

Радуйся, в час скорби люди Твоя укрепляющая.

Радуйся, тихое и безмятежное житие тем да́рующая.

Радуйся, Благодатная, радость духовную в сердца́ наша изливающая.

Кондак 4

Бурею страстей в море житейском потопляемых спасаеши, Преблагословенная Дево, и победу на враги видимыя и невидимыя да́руеши с верою и любовию притекающим ко святей иконе Твоей, да уведят вси, яко Ты еси воистину всесильная христиан Помощница и с радостию воспоют о Тебе Богу: Аллилуиа.

Икос 4

Слышавше разбойницы, зла́та и сребра́ жаждущии, словеса святаго Нила: «Сокровище мое в углу келии пребывает», та́мо иска́ху его, не разумеюще, яко об образе Пречистыя глаголет преподобный; егда́же за дерзость свою зрения лиши́вшеся, тогда сле́зно во гресе́ своем покаяшеся и вку́пе с богоно́сным отце́м возопи́ша Преблагословенней:

Радуйся, обидящих всегрозная Устрашительнице.

Радуйся, обидимых всеблагая Заступнице.

Радуйся, яко заблуждшия на путь правый возвращаеши.

Радуйся, яко от соблазнов су́етных нас ограждаеши.

Радуйся, неразумных премудро вразумляющая.

Радуйся, па́губы вседушевныя низлагающая.

Радуйся, к Царствию Небесному путь невозбранный нам указу́ющая.

Радуйся, мир вечный и радость нам подающая.

Радуйся, Благодатная, радость духовную в сердца́ наша изливающая.

Кондак 5

Яко боготечная звезда явися икона Твоя, Пресвятая Дево, преподобным Нилом в пу́стынь на Селиге́рстем е́зере принесенная; сего ради притекающии к Тебе ки́йждо ну́жды своя и потребы пред нею приносят и, скорую помощь от Тебе прие́млюще, радостно вопию́т Сыну Твоему и Богу нашему: Аллилуиа.

Икос 5

Видяще Божественное сокровище – дивную икону Богоматере, пред не́юже усердно молящеся и, в неду́зех исцеление, в скорбех утешение, в напа́стех избавление приемлюще, радостно поем Заступнице нашей:

Радуйся, Мати милосердия.

Радуйся, источниче чудес.

Радуйся, бодрая наша Хранительнице.

Радуйся, обителей и́ноческих покрове.

Радуйся, горе́ к Небесным сокровищем ум наш возводящая.

Радуйся, любовь к Богу в сердцах верных насаждающая.

Радуйся, маловерныя вразумляющая.

Радуйся, неверных смы́слы просвещающая.

Радуйся, Благодатная, радость духовную в сердца́ наша изливающая.

Кондак 6

Проповедница неизреченных чудес Твоих, Владычице, яви́ся Нило-Столобенская Пустынь, святою иконою Твоею украшенная, всем бо приходящим в обитель сию и пред чудотворным образом Твоим молящимся милости и щедроты милостиво изливаеши, благодарственно поющим о Тебе Богу: Аллилуиа.

Икос 6

Возсия светом неизреченных чудес пречестная икона Твоя Селигерская, Пресвятая Дево, е́юже исцеления и помощь верным обильно подаеши. Сего ради, таковому промышлению о нас дивя́ся, во умилении зовем Ти:

Радуйся, Купино Неопалимая.

Радуйся, Цвете Неувядаемый.

Радуйся, сокровище неиждиваемое.

Радуйся, стено несокрушимая.

Радуйся, всем уповающим на Тя прибежище.

Радуйся, в скорбех и печалех утешение.

Радуйся, Ты бо еси наше защищение.

Радуйся, Ты бо еси всех благочестивых непрестанное ра́дование.

Радуйся, Благодатная, радость духовную в сердца́ наша изливающая.

Кондак 7

Хотя преподобный Нил спасение вечное улучи́ти, икону Твою, Владычице, в келии своей поста́ви, пред не́юже дни и но́щи со умилением моля́шеся, в помощь Тя призываше, яко верную Споручницу пред Сыном Твоим и Богом, Ему́же ныне со Ангелы воспевает: Аллилуиа.

Икос 7

Дивную Хода́таицу за род человеческий даровал еси нам, Господи, Пречистую Матерь Твою, Ея́же всемо́щным покровом невидимо покрываеми, от всяких бед и напа́стей избавляемся, вопию́ще такова́я:

Радуйся, мира го́рняго первейшее украшение.

Радуйся, мира до́льняго благонадежное заступление.

Радуйся, чистотою Твоею род человеческий возвеличившая.

Радуйся, всесвятым рождеством Твоим землю освятившая.

Радуйся, вождей и воинств христианских непобедимая Воеводо.

Радуйся, во бранех крепкая победо.

Радуйся, рабов Твоих нечаянная радосте.

Радуйся, врагов видимых и невидимых грозное посрамление.

Радуйся, Благодатная, радость духовную в сердца́ наша изливающая.

Кондак 8

Странствие наше земное, многоско́рбное и многомяте́жное услаждаеши нам, Владычице, и во дни лютых обстояний помощь Твою являеши нам во спасение; о сем у́бо радующеся и благодаряще Тя, вопие́м: Аллилуиа.

Икос 8

Весь мир христианский славит Тя, Преблагословенная Дево Богородице, и всем верным утешительно есть взирати на святую икону Твою, на не́йже зрим Тя, на руку́ Твоею держащую Богомладенца Христа, и, покланяющеся чудотворному образу Твоему, душею и сердцем радуяся, глаголем Ти:

Радуйся, земли нашея забра́ло.

Радуйся, Церкве утверждение.

Радуйся, молитвенников наших похвало́.

Радуйся, людей Твоих спасение.

Радуйся, враги наша устрашающая.

Радуйся, полки́ чужди́х дале́че отгоняющая.

Радуйся, яко Тобою гра́ды и ве́си содержатся.

Радуйся, яко Тобою род христианский хвалится.

Радуйся, Благодатная, радость духовную в сердца́ наша изливающая.

Кондак 9

Всякое естество ангельское восхваляет Тя, Богородительнице, у Престола Сына Твоего предстоящую и за вся христианы молящуюся. Мы же, недостойнии, молитв Твоих действо разумева́юще, к чудотворней иконе Твоей с любовию притекаем и Богу прилежно вопие́м: Аллилуиа.

Икос 9

Вити́й земных художество не довле́ет по достоянию благохвали́ти Тя, Пресвятая Дево, и иконы Твоея́ чудеса исчи́слити, и́миже Церковь Православная величается, гра́ды наша утверждаются и вси вернии божественне веселятся. Темже, за премногую любовь Твою к нам и вся милости Твоя, приими́ от нас сие хвалебное пение:

Радуйся, собором святых, в стране нашей просиявших, окружаемая и сла́вимая.

Радуйся, на Небеси и на земли́ величаемая.

Радуйся, хода́тайством Твоим о нас Бога умилостивляющая.

Радуйся, честны́м покровом Твоим нас присно осеняющая.

Радуйся, страны нашея преславная Защитнице.

Радуйся, призывающим Тя скорая Помощнице.

Радуйся, труждающихся благодатное укрепление.

Радуйся, кающихся грешников несумненное спасение.

Радуйся, Благодатная, радость духовную в сердца́ наша изливающая.

Кондак 10

Спасительное прибежище в скорбех и напа́стех Ты еси, Пресвятая Дево, те́мже испроси у Сына Твоего и Бога нашего милости нам, грешным, поющим: Аллилуиа.

Икос 10

Стеною несокрушимою бу́ди всем с верою прибегающим к Тебе, Заступнице наша усердная, никто́же бо притека́яй к Тебе тощь и неуслышан отходит. Те́мже и нас под всемо́щный покров Твой приими́, с любовию Тебе взывающих:

Радуйся, Мати Божия, ма́тернюю любовь к нам, грешным, простирающая.

Радуйся, силою Твоею немощь нашу восполняющая.

Радуйся, милосердие Божие разумети нас научающая.

Радуйся, к дело́м милосердия нас возбуждающая.

Радуйся, страх Божий в сердца́ верных влагающая.

Радуйся, грешники к покаянию призывающая.

Радуйся, невниманию нашему долготерпя́щая.

Радуйся, от сна лености нас возставляющая.

Радуйся, Благодатная, радость духовную в сердца́ наша изливающая.

Кондак 11

Пение похвальное, от любве и усердия Тебе приносимое, не пре́зри, Пресвятая Владычице, и не отвратися от нас, многими грехми́ Тя преогорчева́ющих, оба́че помози́ нам покаянием очи́ститися от скверны греховныя и преуспе́ти в богоуго́днем житии, да поем о Тебе Творцу и Богу нашему: Аллилуиа.

Икос 11

Светлыми лучами преславных чудес просвещаеши весь мир христианский, Мати Божия, и благодатно озаряеши с верою пред иконою Твоею молящихся, прогоняющи всякое вражие действо силою Божиею, от нея́ исходящею. Темже радуемся, иму́ще таковую благую Заступницу, и благодарственно взываем Ти:

Радуйся, безпо́мощных на Свои всемо́щныя ру́це прие́млющая.

Радуйся, к Сыну Твоему и Богу моления верных принося́щая.

Радуйся, яко в напа́стех нас не оставляеши.

Радуйся, яко путь к вечной жизни нам указу́еши.

Радуйся, под сень крова Твоего притекающих милующая.

Радуйся, мглу греховную от нас отгоняющая.

Радуйся, в час исхода душ наших верная о нас пред Богом Предстательнице.

Радуйся, пред Престолом Сына Божия неотступная за мир Ходатаице.

Радуйся, Благодатная, радость духовную в сердца́ наша изливающая.

Кондак 12

Благодать Божественную испроси нам у Сына Твоего, Всеблагая Владычице, с надеждою и упованием прибегающим к чудотворному образу Твоему, не лиши нас богатыя Твоея милости, даруй нам покаяние во гресе́х, да чистым сердцем и устны́ взываем Богу: Аллилуиа.

Икос 12

Поюще Твоя неисче́тныя милости и чудеса и ма́тернее милосердие к роду человеческому, хвалим Тя, Преблагословенная, яко твердую Предстательницу и неусыпную Хранительницу нашу, веруем бо, яко испро́сиши нам вся благая, временная и вечная, вопиющим Ти си́це:

Радуйся, с верою молитвенно призывающих Тя не посрамляющая.

Радуйся, грешных к покаянию приводящая.

Радуйся, спящия совести пробуждающая.

Радуйся, из ро́ва погибельнаго отчаянныя исхищающая.

Радуйся, в день судный наша надеждо и защищение.

Радуйся, от козней вражиих ограждение.

Радуйся, Тобою бо низхо́дит к нам Божие благоволение.

Радуйся, Тобою бо и́мамы вя́щшее к Богу дерзновение.

Радуйся, Благодатная, радость духовную в сердца́ наша изливающая.

Кондак 13

О Всепетая Мати Сладчайшаго Господа нашего Иисуса Христа, Всемилостивая Госпоже Дево Богородице! Приими сие малое моление наше, от любящих сердец с умилением Тебе приносимое, и умоли Сына Твоего, да помилует и спасет нас и причастниками жизни вечныя соделает, верно славящих Тя и поющих Ему: Аллилуиа.

(Этот кондак читается трижды, затем икос 1 и кондак 1 )

Молитва

О Пречистая Владычице Богородице, Царице Небесе и земли, вышшая Ангел и Архангел и всея твари честнейшая, миру Благая Помощнице, всех христиан поможение и утверждение и всем во всяких ну́ждах избавление! Призри ныне, о Всемилостивая Госпоже, на рабы Твоя, умиленною душею и сокрушенным сердцем Тебе молящияся, со слезами к Тебе припа́дающия и пречистому и цельбоносному образу Твоему покланяющияся, Твоея же помощи и заступления в скорбех и напа́стех своих просящия. Буди за нас Ходатаица к Сыну Твоему, Христу Богу нашему: мы бо, грешнии, не имамы иныя Помощницы разве Тебе, Владычице. Ты еси наша надежда и упование, Ты еси Заступница и Предстательница наша, Ты обидимым защищение, печальным утешение, скорбящим ра́дование, си́рым прибежище, вдовам Хранительница, девам слава, слезящим веселие, больным посещение, немощны́м исцеление, грешным спасение. Сего ради, о Богомати, к Тебе прибегаем и, на Твой святый образ взирающе, с любовию покланяемся Тебе с Предвечным на руку Твоею держимым Младенцем, Господем нашим Иисусом Христом, и молебное пение приносим, вопиюще: помилуй ны, Мати Божия, и прошения наша исполни во благо, вся бо возможна суть хода́тайству Твоему к Сыну Твоему и Богу нашему, Емуже подобает всякая слава, честь и поклонение, со Безнача́льным Его Отцем и со Присносу́щным Его Духом, ныне и присно и во веки веков. Аминь.

Похожие статьи

Хотим привлечь ваше внимание к проблеме разрушенных храмов, пострадавших в безбожные годы. Более 4000 старинных церквей по всей России ждут восстановления, многие находятся в критическом положении, но их все еще можно спасти.

Один из таких храмов, находится в городе Калач, это церковь Успения Божией Матери XVIII века. Силами неравнодушных людей храм начали восстанавливать, но средств на все работы катастрофически не хватает, так как строительные и реставрационные работы очень дорогие. Поэтому мы приглашаем всех желающих поучаствовать в благом деле восстановления храма в честь Пресвятой Богородицы. Сделать это можно на сайте храма

Помочь храму

Рекомендуем статьи по теме

Добавить комментарий

Получать новые комментарии по электронной почте. Вы можете подписаться без комментирования.

Следите за нами в социальных сетях

В России 8109 храмов находится в разрушенном или полуразрушенном состоянии.

В наших социальных сетях мы собираем информацию о них, а также рассказываем о самых интересных действующих храмах и монастырях.

Подписывайтесь!

icon icon icon icon
+