Все молитвы к Киккской иконе Божией Матери

Молитва Пресвятой Богородице пред иконой Ея, именуемой «Милостивая» (Киккская)

Икона Божией Матери «Киккская»

О, Пресвята́я и преблагослове́нная Ма́ти Го́спода, Бо́га и Спа́са на́шего Иису́са Христа́, Ми́лостивая Богоро́дице и Присноде́во Мари́е! Припа́дая к святе́й и чудотво́рней ико́не Твое́й, смире́нно мо́лимся Тебе́, Благо́й и Милосе́рдой Засту́пнице на́шей: вонми́ гла́су гре́шных моле́ний на́ших, не пре́зри воздыха́ний от души́, ви́ждь ско́рби и беды́ на́с обыше́дшия, и я́ко любвеоби́льная вои́стину Ма́ти потщи́ся на по́мощь на́м безпомо́щным, уны́лым, во мно́гия и тя́жкия грехи́ впа́дшим и при́сно прогневля́ющим Го́спода и Созда́теля на́шего, Его́же умоли́, Предста́тельнице на́ша, да не погуби́т на́с со беззако́ньми на́шими, но яви́т на́м человеколю́бную Свою́ ми́лость. Испроси́ на́м, Влады́чице, у бла́гости Его́, теле́сное здра́вие и душе́вное спасе́ние, благоче́стное и ми́рное житие́, земли́ плодоно́сие, возду́ха благорастворе́ние, дожди́ благовре́менны и благослове́ние свы́ше на вся́ блага́я дела́ и начина́ния на́ша, и я́коже дре́вле призре́ла еси́ ми́лостиво на смире́нное славосло́вие послу́шника Афо́нскаго, воспева́вшаго Ти́ пе́снь хвале́бную пред Пречи́стою ико́ною Твое́ю, и посла́ла еси́ к нему́ Арха́нгела Гаврии́ла научи́ти его́ пе́ти пе́снь небе́сную, е́юже славосло́вят Тя́ а́нгели горе́, си́це приими́ благоутро́бно и на́ше ны́не усе́рдно приноси́мое Тебе́ молитвосло́вие, и принеси́ е́ Сы́ну Твоему́ и Бо́гу, да ми́лостив бу́дет О́н на́м гре́шным, и проба́вит ми́лость Свою́ все́м чту́щим Тя́ и с ве́рою покланя́ющимся Свято́му О́бразу Твоему́. О, Цари́це Всеми́лостивая, Ма́ти Бо́жия Всеблага́я, простри́ к Нему́ Богоно́сныя Твои́ ру́це, и́миже Его́, я́ко младе́нца носи́ла еси́, и умоли́ Его́ вся́ ны́ спасти́ и изба́вити поги́бели ве́чныя. Яви́ на́м, Влады́чице, Твоя́ щедро́ты: боля́щия исцели́, скорбя́щия уте́ши, бе́дствующим помози́: благопоспеши́ все́м на́м носи́ти и́го Христо́во в терпе́нии и смире́нии, сподо́би на́с благоче́стно житие́ сие́ земно́е сконча́ти, христиа́нскую непосты́дную кончи́ну получи́ти, и Небе́сное Ца́рствие унасле́дити, Ма́терним хода́тайством Твои́м к ро́ждшемуся от Тебе́ Христу́ Бо́гу на́шему, Ему́же со Безнача́льным Его́ Отце́м и Пресвяты́м Ду́хом, подоба́ет вся́кая сла́ва, че́сть и поклоне́ние, ны́не и при́сно, и во ве́ки веко́в. Ами́нь.

Тропарь

глас 1
Притеце́м, лю́дие, со дерзнове́нием к Ми́лостивей Цари́це Богоро́дице, и умиле́нно воззове́м к Не́й: ниспосли́, Влады́чице, ми́лости Твоя́ бога́тыя, сохраня́я во здра́вии и благоде́нствии гре́шныя рабы́ Твоя́. Боля́щия исцели́, скорбя́щия уте́ши и бе́дствующим помози́. И сподо́би на́с, Преми́лостивая, благоче́стно житие́ сие́ земно́е сконча́ти, христиа́нскую непосты́дную кончи́ну получи́ти и Небе́сное Ца́рствие унасле́довати. Гра́д на́ш изба́ви от вся́каго зла́го обстоя́ния, огражда́я Твои́м ми́лостивым заступле́нием. Ми́рови ми́р да́руй и спасе́ние душа́м на́шим испроси́.

Величание

Акафист

Конда́к 1.
Избра́нная от все́х родо́в Де́во Ма́ти Го́спода Бо́га Вы́шняго, в лучеза́рней сла́ве Небе́сней превы́ше Херуви́мов и Серафи́мов Цари́це Влады́чице, приклони́ ми́лость Твою́ к на́м гре́шным, утоли́ печа́ль серде́ц на́ших; простри́ над на́ми покро́в Тво́й честны́й, посети́ ско́рбную жи́знь на́шу, не и́мамы бо ины́я по́мощи, не и́мамы бо ины́я наде́жды ра́зве Тебе́, Ма́ти ро́да на́шего. В стра́хе и в тре́пете пред вели́чием милосе́рдия Твоего́, коленопрекло́ньше, хода́тайства Твоего́ пред безсме́ртным Сы́ном Твои́м про́сим, со умиле́нием зову́ще:

Ра́дуйся, Ми́лостивая Ма́ти Бо́жия, ми́лости Твоя́ на на́с излива́ющая.

И́кос 1.
Арха́нгел благове́стник с Небесе́ по́слан бы́сть пра́ведному Иоаки́му ра́дость рождества́ твоего́ возвести́ти, и возра́довавшеся ста́рец святы́й, вели́чие Твое́ в ми́ре Бо́жием прови́дя, те́мже и мы́ Богоро́дице, с ни́м ра́достно вопие́м Тебе́:

Ра́дуйся, всего́ ми́ра Влады́чице; ра́дуйся, А́нгелов цари́це.

Ра́дуйся, Пречи́стая; ра́дуйся, все́х цвето́в благоуха́ннейшая.

Ра́дуйся, любвеоби́льная; ра́дуйся, кро́тости и милосе́рдию науча́ющая.

Ра́дуйся, покро́в Тво́й святы́й над все́ми на́ми простира́ющая; ра́дуйся, Де́во светоза́рная.

Ра́дуйся, Ми́лостивая Ма́ти Бо́жия, ми́лости Твоя́ на на́с излива́ющая.

Конда́к 2.
Ви́дяще Тя́ на о́блацех, честны́й покро́в Тво́й простира́ющую, и те́м на́с соблюда́ющую, благода́рственно вопие́м Бо́гу: Аллилу́иа.

И́кос 2.
Ра́зум на́ш обурева́емый плотски́ми помышле́ниями, око́вы земны́я сокруши́ти тща́шеся. Немощны́я и лени́выя во греха́х на́ших валя́емся, но сле́зно к Твоему́ милосе́рдию взыва́ем: воздви́гни из бе́здны грехо́вныя, наста́ви на́с на пу́ть спасе́ния, да со а́нгелы Тебе́, Ма́ти Пречи́стая, прославля́ем:

Ра́дуйся, покро́ве на́ше и спасе́ние; ра́дуйся, ко благоче́стию на́с наставля́еши.

Ра́дуйся, гре́шников моли́твеннице; ра́дуйся, воздыха́ний на́ших не отверга́ющая;

Ра́дуйся, на́ши сле́зы утира́ющая; ра́дуйся, Ма́ти милосе́рдия.

Ра́дуйся, Живоприе́мный Исто́чнице; ра́дуйся, мно́гие не́мощи на́ши исцеля́ющая.

Ра́дуйся, Ми́лостивая Ма́ти Бо́жия, ми́лости Твоя́ на на́с излива́ющая.

Конда́к 3.
Си́ла Вы́шняго храня́ше Тя́, егда́ младе́нческими стопа́ми твори́ла еси́ восхожде́ние ле́ствицы хра́ма Госпо́дня и мы́, гре́шнии, упова́я на Ма́тернюю ми́лость Твою́, го́рестно мо́лим: возведи́ на́с по ле́ствице спасе́ния; да прибли́зимся ко Престо́лу сла́вы Бо́жия, благода́рственно зову́щи: Аллилу́иа.

И́кос 3.
Иму́ще се́рдце все́х де́в чисте́йшее и ра́зум, устремле́нный в Го́рнее, Де́во Мари́е, в хра́ме Бо́жием пребыва́юще, о земно́м не помышля́я, все́ существо́ свое́ к восприя́тию Царя́ царе́й пригото́вила еси́. Си́лы Небе́сныя пред чистото́ю Твое́ю преклоня́ются, и ве́сь ро́д челове́ческий ра́достную пе́снь Тебе́ возсыла́ет:

Ра́дуйся, Пречи́стая Де́во все́х де́в чисте́йшая; ра́дуйся, ра́зум плотски́м грехо́м не повреди́вшая.

Ра́дуйся, кро́ткая лампа́да всему́ ми́ру сия́ющая; ра́дуйся, се́рдце Твое́ все́х серде́ц чисте́йшее.

Ра́дуйся, Богоизбра́нная отрокови́це; ра́дуйся, красото́ неизрече́нная и неопи́санная.

Ра́дуйся, украше́ние всего́ Не́ба и земли́; ра́дуйся, все́м святы́м ра́дость.

Ра́дуйся, Ми́лостивая Ма́ти Бо́жия, ми́лости Твоя́ на на́с излива́ющая.

Конда́к 4.
Бу́ри отча́янные в сердца́х на́ших претерпева́я, во греха́х житие́ свое́ ижди́вшии к Тебе́, Богоро́дице прибега́ем и смире́нно мо́лим: пода́й на́м си́лу ду́ха, пода́й на́м кро́тость и смире́ние, терпе́ние и му́дрость к перенесе́нию все́х скорбе́й на́ших, да воспои́м Бо́гу: Аллилу́иа.

И́кос 4.
Смиренному́дренно Ты́ приняла́ благу́ю ве́сть арха́нгелом Гаврии́лом принесе́нную и, уразуме́в ча́с се́й святы́й, рекла́ еси́: «Се́ раба́ Госпо́дня, бу́ди ми́ по глаго́лу Твоему́», – о, Пресвята́я Де́во, научи́ и на́с храни́ти поко́рность во́ле Бо́жией и безро́потно перенести́ низпосыла́емыя на́м Бо́гом испыта́ния, да очи́стятся ду́ши на́ша огне́м страда́ний; да измету́тся из серде́ц на́ших вся́ скве́рны грехо́в на́ших; восста́нем бо́дры и чи́сты се́рдцем, возсыла́я Бо́гу благода́рственныя восхвале́ния: благодари́м Тя́ Бо́же, Царю́ Небеси́ и земли́, вся́ прему́дростию Твое́ю стро́яй и сокрове́нная челове́ков я́ве предве́дый, се́ досто́йное по дело́м на́шим прие́млем. Да бу́дет над на́ми свята́я во́ля Твоя́. Тебе́ же, Преблагослове́нная Де́во, Бо́га все́х ро́ждшая, умиле́нно прославля́ем:

Ра́дуйся, смире́нная раба́ Госпо́дня; ра́дуйся, на́с приме́ром Свои́м ободря́ющая.

Ра́дуйся, Де́во Пресвята́я; ра́дуйся, ю́ность Свою́ Бо́гу посвяти́вшая.

Ра́дуйся, кро́тость неизглаго́ланная; ра́дуйся, сто́лп ве́ры непоколеби́мый.

Ра́дуйся, упова́ние все́х конце́в земли́; ра́дуйся, любви́ мо́ре неизмери́мое.

Ра́дуйся, Ми́лостивая Ма́ти Бо́жия, ми́лости Твоя́ на на́с излива́ющая.

Конда́к 5.
Боготе́чная звезда́ волхва́м на небеси́ яви́вшася, и ди́вным верте́п озари́вшая, показа́ Царя́ сла́вы в я́слех лежа́ща; и с ни́м Ма́терь Его́, Де́ву чи́стую и святу́ю, в се́рдце Свое́м пе́сни а́нгелом слага́ющую. О, Де́во кро́тости и смире́ния, вознеси́ Го́споду и на́ше славосло́вие: Аллилу́иа.

И́кос 5.
Ви́дяще волхвы́ сла́ву предве́чнаго младе́нца Христа́, на́с ра́ди пло́тию ро́ждшагося, возда́ли Ему́ Бо́жеское поклоне́ние. А́нгел же Госпо́день ста́рцу Ио́сифу яви́ся, повеле́в безсме́ртное Отроча́ и Ма́терь Его́ во Еги́пет от я́рости И́родовой спасти́. Со умиле́нием помышля́я, Богоро́дице, о многотру́дном пути́ Твое́м, мы́, гре́шнии, смире́нно к Тебе́ прибега́ем: облегчи́ на́ш земны́й пу́ть, скорбя́ми испо́лненный, подыми́ па́дающих ду́хом, поддержи́ сла́бых и боля́щих, простри́ ру́ку спасе́ния уныва́ющим, укрепи́ Правосла́вие в стране́ на́шей, кро́вию истека́ющее. О, Пресвята́я, Всепе́тая Де́во Богоро́дице, бу́ди ми́лостива ны́не к на́м гре́шным о греха́х свои́х пла́чущим; умоли́ Сы́на Твоего́ изли́ти ми́лость Его́ на на́с гре́шных и немощны́х: да ра́достно во умиле́нии серде́ц на́ших вопие́м Тебе́:

Ра́дуйся, Богоро́дице, матери́нския ско́рби утоля́ющая; ра́дуйся, вдови́ц и си́рых покрыва́ющая.

Ра́дуйся, люде́й Твои́х спасе́ние; ра́дуйся, моли́твенников похвало́.

Ра́дуйся, ста́рцев утеше́ние; ра́дуйся, ю́ности ободре́ние.

Ра́дуйся, убо́гих призре́ние; ра́дуйся, всему́ ми́ру весе́лие.

Ра́дуйся, Ми́лостивая Ма́ти Бо́жия, ми́лости Твоя́ на на́с излива́ющая.

Конда́к 6.
Про́поведь любви́, кро́тости и всепроще́ния ми́рови возвеща́ющая со Христо́м, Сы́ном Твои́м, все́ го́рести земны́е претерпе́вшая. Апо́стола Иоа́нна и с ни́м ве́сь ро́д христиа́нский Своему́ матери́нскому се́рдцу усынови́вшая. О, Присноде́ва Пренепоро́чная, бу́ди на́м Ма́терию на́шею Небе́сною, утеше́ния и матери́нскаго тепла́ нужда́ющихся, да со благодаре́нием зове́м Го́споду: Аллилу́иа.

И́кос 6.
Возсия́вши все́й вселе́нней, я́ко ди́вный благоуха́нный хра́м Бо́жий, испо́лненный Боже́ственныя сла́вы и благода́ти, о, Де́во Ма́ти Пречи́стая, Цари́ца Небе́сная, Цари́ца челове́ков и а́нгелов, апо́столов и му́чеников; бу́ди и на́м путево́дною звездо́ю во мра́ке ско́рбных дне́й на́ших, возвесели́ сердца́ на́ша, тьмо́ю страсте́й объя́тыя; возста́ви си́лы на́ши во страстя́х изся́кшия; умно́жи ве́ру на́шу, укрепи́ наде́жду на́шу и согре́й огне́м пла́менныя любви́ ожесточе́нныя и озло́бленныя ду́ши на́ша, да зове́м Ти́ со умиле́нием:

Ра́дуйся, Ма́ти ро́да христиа́нского; ра́дуйся, страны́ на́шея защи́тнице.

Ра́дуйся, призыва́ющим Тя́ ско́рая помо́щнице; ра́дуйся, гре́шников упова́ние.

Ра́дуйся, пра́ведных весе́лие; ра́дуйся, па́че все́х свети́л сия́ющая.

Ра́дуйся, еди́на благослове́нная.

Ра́дуйся, Ми́лостивая Ма́ти Бо́жия, ми́лости Твоя́ на на́с излива́ющая.

Конда́к 7.
Хотя́щи с Сы́ном твои́м единоро́дным до кре́стныя сме́рти неразлу́чно бы́ти, Ты́ возпосле́довала еси́ неви́нному Страда́льцу до са́мыя Голго́фы и у подно́жия Креста́ слы́шала во́пли со́нмища разъяре́нного, и в молча́нии страда́ла еси́. И Тебе́ само́й ду́шу Твою́ напо́лни сия́ ско́рбь вели́кая. Мы́ же, удивля́яся Твоему́ неизрече́нному матери́нскому му́жеству, зове́м: Аллилу́иа.

И́кос 7.
Но́вую ве́сть арха́нгел Госпо́день возвести́ Тебе́, Богоро́дице, о Воскресе́нии Сы́на Твоего́; с ни́м же и вся́ во́инства Небе́сныя велегла́сно сла́вят безсме́ртнаго Христа́. Сподо́би и на́с, Христе́ Бо́же, сра́доватися ны́не Ма́тери Твое́й, умиле́нно восклица́я:

Ра́дуйся, Благода́тная, я́ко Госпо́дь с Тобо́ю; ра́дуйся, Де́во чи́стая.

Ра́дуйся, сла́ва бо Госпо́дня на Тебе́ возсия́; ра́дуйся, о возста́нии Рождества́ Твоего́.

Ра́дуйся, незаходи́мая заря́ И́стины; ра́дуйся, путево́дная звезда́.

Ра́дуйся, к пра́вде Бо́жией веду́щая на́с; ра́дуйся, ду́ши на́ши умиротворя́ющая.

Ра́дуйся, Ми́лостивая Ма́ти Бо́жия, ми́лости Твоя́ на на́с излива́ющая.

Конда́к 8.
Вели́кое и пресла́вное та́инство вознесе́нием Твои́м, Христе́ Бо́же, ми́ру яви́вый и одесну́ю Бо́га Отца́ седя́й и на́м, живу́щим на земли́, о селе́ниях ра́йских скорбя́щим, низпосли́ Уте́шителя, Ду́ха И́стины и всели́ в ны́, Жизнода́вче, моли́твами Ма́тери Твоея́, да зове́м: Аллилу́иа.

И́кос 8.
Ве́сь на́ш земны́й пу́ть испыта́ний и скорбе́й преиспо́лненный, но к Тебе́ вопие́м, Богоро́дице Де́во, умилосе́рдися над на́ми, Боже́ственная на́ша покрови́тельнице, и приюти́ на́с под Твои́м честны́м покро́вом, укрепи́ ста́рцев немощны́х, уврачу́й боля́щих, насы́ти на́с а́лчущих, напои́ на́с жа́ждущих, воодушеви́ ю́ношей к све́тлым по́двигам стремя́щимся, вразуми́ роди́телей воспита́нию дете́й свои́х, сохрани́ младе́нцев от вся́кия беды́, осени́ благода́тию Твое́ю на́ших па́стырей духо́вных, вознеси́ на́ши моли́твы ко Престо́лу Всевы́шняго, да славосло́вим Тя́ Ма́терь Бо́жию зову́ще:

Ра́дуйся, Отра́да на́ша и утеше́ние; ра́дуйся, скорбя́щих све́тлая ра́дость.

Ра́дуйся, Ма́ти все́м и́щущим спасе́ние; ра́дуйся, огражде́ние де́вства.

Ра́дуйся, пра́вды Небе́сныя побо́рнице; ра́дуйся, неистощи́мый исто́чниче святы́ни.

Ра́дуйся, благода́тию на́с пита́ющая; ра́дуйся, непреста́нная хода́таице о душа́х на́ших.

Ра́дуйся, Ми́лостивая Ма́ти Бо́жия, ми́лости Твоя́ на на́с излива́ющая.

Конда́к 9.
«Вся́к, и́же призове́т и́мя Госпо́дне, спасе́тся, и на вся́ку пло́ть излию́ от Ду́ха Моего́», –рече́ Госпо́дь. На Тебе́ же, Ма́ти Бо́жия, излия́ся благода́ть Свята́го Ду́ха превы́ше вся́кия ме́ры. Зане́ Творца́ и Зижди́теля на́шего вмести́ла еси́. Изле́й же и на на́ши стра́ждущия ду́ши ми́лость Сы́на Твоего́, да облегче́нным се́рдцем вопие́м: Аллилу́иа.

И́кос 9.
Святи́и апо́столы, ничто́ земно́е не помышля́я, с благогове́нием и тре́петом сла́вят пресла́вное Твое́ Успе́ние. Ца́рь бо ца́рствующих и Госпо́дь госпо́дствующих, соше́д на зе́млю, восприя́т святу́ю Твою́ ду́шу, и в вели́кой сла́ве вознесе́ Ея́ на Не́бо, иде́же угото́ва одесну́ю Престо́ла Своего́ оби́тель Тебе́. Мы́ же к Твоему́ милосе́рдию, Богоро́дице, взыва́ем: пода́ждь прию́т на́м бездо́мным, собери́ воеди́но все́х на́с, пошли́ на́м ми́р и благослове́ние, да пое́м Тебе́:

Ра́дуйся, на́с погиба́ющих спаса́ющая; ра́дуйся, за на́с моля́щаяся.

Ра́дуйся, Боже́ственный покро́в рабо́м Твои́м; ра́дуйся, люде́й твои́х спасе́ние.

Ра́дуйся, моли́твенников похвало́; ра́дуйся, све́тлый ли́к Тво́й от на́с не отвраща́ющая.

Ра́дуйся, по Успе́нии Свое́м ми́р не оставля́ющая; ра́дуйся, я́ко Тобо́ю ро́д христиа́нский хва́лится.

Ра́дуйся, Ми́лостивая Ма́ти Бо́жия, ми́лости Твоя́ на на́с излива́ющая.

Конда́к 10.
Спасти́ хотя́ ми́р, Па́стырь До́брый все́х ко спасе́нию зову́щий и вся́к к себе́ привлека́ющий; пра́ведныя любя́й и гре́шныя ми́луяй, спаси́ на́с гре́шных моли́твами Богоро́дицы, да пое́м: Аллилу́иа.

И́кос 10.
Покро́в и предста́тельство все́х ка́ющихся гре́шников, приими́ и на́ше покая́ние о, Всеблага́я Де́во Мари́е, умягчи́ сердца́ на́ша, исцели́ боле́зненное блужда́ние умо́в на́ших, низве́ргни го́рдость на́шу в пучи́ну смире́ния, подыми́ горе́ о́чи на́ша, земле́ю ско́ванныя; разомкни́ уста́ на́ша, да воспое́м славосло́вие сие́:

Ра́дуйся, Живоно́сный Исто́чниче; ра́дуйся, на́с росо́ю живи́тельной окропля́еши.

Ра́дуйся, гла́сом моля́щихся вне́млющая; ра́дуйся, погиба́ющим ру́ку спасе́ния простира́ющая.

Ра́дуйся, ско́рби челове́ческой стра́ждущая; ра́дуйся, я́ко утеше́ние Твое́ на́м подае́ши.

Ра́дуйся, прекра́сный цве́те ра́йский; ра́дуйся, две́рь на́шего спасе́ния.

Ра́дуйся, Ми́лостивая Ма́ти Бо́жия, ми́лости Твоя́ на на́с излива́ющая.

Конда́к 11.
А́нгельское пе́ние сопровожда́ет пра́ведных, отходя́щих по́сле сме́рти. Ка́ко же и мы́, гре́шнии, обря́щем спасе́ние, ка́ко предста́нем пред Судие́ю пра́ведным; но на Тя́, Богоро́дице, наде́ющиися умиле́нно про́сим: спаси́ Твои́м Матери́нским предста́тельством ду́ши на́ша пою́щия: Аллилу́иа.

И́кос 11.
Пою́щи о ми́лости Твое́й, Благода́тная между́ жена́ми, еди́на благослове́нная, Спаси́теля ми́рови дарова́вшая, и те́м ве́чную сла́ву и поклоне́ние стяжа́вшая, бу́ди хода́таицею и засту́пницею о на́с, гре́шных, и рцы́ Сы́ну Твоему́: Го́споди, покры́й и́х ми́лостивым про́мыслом Твои́м и испо́лни и́х сердца́ ра́дости и утеше́ния, мы́ же благода́рнии Тебе́, Влады́чице, восклица́ем:

Ра́дуйся, Све́те Небе́сный неугаси́мый; ра́дуйся, из Тебе́ бо возсия́ Со́лнце пра́вды, Христо́с Бо́г на́ш.

Ра́дуйся, непостижи́мая та́йна Боговоплоще́ния; ра́дуйся, невмести́маго Бо́га вмести́вшая.

Ра́дуйся, одесну́ю Бо́га Сы́на Твоего́ седя́щая; ра́дуйся, Си́л Небе́сных превы́сшая.

Ра́дуйся, просты́х умо́в утеше́ние; ра́дуйся, возводя́щая гре́шников на Не́бо.

Ра́дуйся, Ми́лостивая Ма́ти Бо́жия, ми́лости Твоя́ на на́с излива́ющая.

Конда́к 12.
Благода́ть Сы́на Твоего́ ми́рови яви́ла еси́ Присноде́во Пренепоро́чная, спаси́ и на́с гре́шных, зову́щих о ми́лости Твое́й: Аллилу́иа.

И́кос 12.
О, Всеми́лостивая Ма́ти Бо́жия, Ты́ излива́еши Матери́нскую любо́вь Твою́ на все́х к Тебе́ притека́ющих, и на́ши сердца́ любо́вию Твое́ю наполня́еши. Ка́ко мы́, гре́шнии, возблагодари́м Тебя́ за Твои́ неизрече́нныя ми́лости к на́м недосто́йным де́тем Твои́м; да́й на́м с благогове́нием и со смире́нием воспе́ти Тебе́:

Ра́дуйся, сердца́ на́ши любо́вию соединя́ющая; ра́дуйся, еди́ными усты́ и еди́ным се́рдцем пе́ти Сы́на Твоего́ на́с науча́ющая.

Ра́дуйся, умиле́ние и ра́дость в ду́ши на́ша излива́ющая; ра́дуйся, и ненави́дящих на́с возлюби́ти науча́ющая.

Ра́дуйся, любо́вию ду́ши на́ша от грехо́в и боле́зней очища́ющая; ра́дуйся, на Тебе́ бо на́ше упова́ние.

Ра́дуйся, и на земли́ ра́йское блаже́нство лю́бящим Тя́ подаю́щая; ра́дуйся, благода́тную сла́дость в сердца́ моля́щихся Тебе́ влага́еши.

Ра́дуйся, Ми́лостивая Ма́ти Бо́жия, ми́лости Твоя́ на на́с излива́ющая.

Конда́к 13.
О, всепе́тая Ма́ти, о Ма́ти благода́ти испо́лненная. Приими́ на́ши сле́зныя моли́твы к Тебе́, е́же в ны́нешнее вре́мя на милосе́рдие Твое́ дерза́юще, из глубины́ душе́вныя Тебе́ прино́сим пе́снь: Аллилу́иа.

Этот конда́к читается трижды, затем и́кос 1-й и конда́к 1-й.

Загадочный образ

Одна из самых загадочных икон Пречистой – древняя святыня, Лик Которой более 500 лет скрывает завеса. Такой же тайной покрыто ее происхождение. Но неисчислимы знамения милости Божией по молитвам пред ней.

Образ в Киккском монастыре

Краткая история

Сказание о появлении иконы известно с 1422 г., оно составлено иеромонахом Киккского монастыря на Кипре Григорием. Излагая известное церковное предание, он рассказывает, что Апостолом Лукой, руководимым самим Архангелом Гавриилом, написаны были три иконы Пречистой Богоматери, одна из которых, именуемая «Елеуса» — как раз является Киккской иконой. После того, как Владычица благословила Свои образы, св. Лука увез их в Египет, где проповедовал. Впоследствии образ попал в столицу Византийской империи, Константинополь, где пребывал при царском дворце.

О том, как образ оказался на Кипре, Григорий приводит следующее сказание о событиях XI в. Столичный военачальник Мануил, будучи на острове по делам государства, заблудился, сбившись с дороги. Раздраженный, он выместил свое огорчение на отшельнике по имени Исайя, который ничем не смог ему помочь с поиском дороги. Избив старца, Мануил удалился. Однако вскоре его поступок был наказан болезнью. Поняв это, воин отправился искать Исайю, чтобы испросить прощения. Монах и передал ему повеление Самой явившейся ему Богоматери: во исполнение епитимии привезти Её образ из царского дворца на Кипр.

Предание повествует, что после того, как икона оказалась на Кипре, ее Лик был закрыт завесой. Однако церковное историки сомневаются, что это произошло сразу по прибытии, так как на самом Кипре существовало множество копий святыни, то есть иконописцы имели возможность ее видеть. А Серафим Писидиец, редактор «Сказания» об иконе (1782 г.), упоминает, что еще в конце XVI в. ее украсили окладом, а это предполагало, что лик был открыт. По слову Серафима Писидийца, причина сокрытия иконы завесой точно не известна:

Сейчас завеса на образе меняется каждые несколько лет, но монахи делают это, стоя позади иконы, дабы не дерзнуть увидеть ее лик.

Иконография

Судя по сохранившимся копиям, важнейшей отличительной чертой изображения является то, что Младенец представлен, играющим на коленях Матери, Которая держит Его за правую руку. Необычен и хитон Христа – короткий, открывающий часть ног.

С XVI в. образ скрыт серебряным окладом (его меняли в конце XVIII в.). Никаких исследований иконы не проводилось, так что время ее создания не установлено. Признается возможным, что это – действительно одна из икон кисти св. Луки.

Чтимые списки

Сейчас церковные историки насчитывают около 20 списков иконы, самый древний из которых находится в Синайской обители вмч. Екатерины и относится к XII в.

Списки чудотворного образа во множестве известны по храмам Греции. На многих позднейших копиях иконы (с XVII-XVIII вв.) на полях изображаются храма Киккской обители. Такие образы часто делались для паломников.

Два чтимых списка есть в Русской Церкви:

• в Московском монастыре Зачатия Пресвятой Богородицы;

• в Никольской обители Мукачево (Украина).

О чем принято молиться

Киккская более всего известна чудесами, связанными с ниспосланием дождя. К северу от Киккской обители находится гора, на вершине которой некогда стоял деревянный трон, именуемый «троном Богородицы». Сюда ставили святыню для совершения пред ней молебна во время засухи (завеса при этом снималась). Ныне на этом месте – часовня.

Известны также чудеса:

• исцеления больных, даже – помощи иноверцам, мусульманам;
• прекращения эпидемий после молебнов перед образом;
• духовной поддержки, помощи во время тяжелых обстоятельств.

Многие и явные чудеса, происходившие от Киккской раньше, не прекращающееся до наших дней – зримое свидетельство присутствия Пречистой в нашей жизни, Её любви, помощи, поддержки.

Читайте также: Милостивая Божия Матерь: о Киккской чудотворной иконе

Наталья Сазонова