Вопросы священнику

Задайте интересующий вопрос прямо на сайте и получите ответ от священника

Полезные материалы

Как и когда читать акафист Сергию Радонежскому

В православной традиции акафист считается особым видом духовной поэзии ...

Молитва Николаю Чудотворцу о здравии

Православная молитва св.Николаю Чудотворцу об исцелении в болезни

Читаем акафист св. Спиридону Тримифунтскому

Об акафисте святителю Спиридону Тримифунтскому

О мощах великого русского святителя Луки Крымского

Путешественники, бывая в Крыму, зачастую заходят и в Свято-Троицкий женский монастырь ...

Спасибо что зашли на наш сайт, перед тем как начать чтение вы можете подписаться на интересную православную mail рассылку, для этого вам необходимо кликнуть по этой ссылке «Подписаться»

Акафист преподобному Стилиану Пафлагонскому

Кондак 1

Избранный чудотворче и угодниче Христов, скорый помощниче и молитвенниче наш, преподобне отче Стилиане, прославляя прославльшаго тя Господа, похвальная пения приносим ти, чтущии святую память твою. Ты же, предстоя пред Престолом Вседержителя, воздвигни о нас, грешных, многомощныя молитвы твоя, взывающих ти: Радуйся, преподобне отче Стилиане, преславный чудотворче.

Икос 1

Ангелов Творец и всея твари Создатель еще от утробы матерния избра тя, преподобне Стилиане, чудным житием своим на земли прославляти Троицу Святую, по блаженней же кончине твоей учини тя со святыми Ангелы воспевати Ему песнь сладчайшую на небеси. Мы же, таковому Божию благоволению о тебе радуяся, песнословим тя:

Радуйся, Святыя Церкви похвало.

Радуйся, Пафлагонии крепкий столпе.

Радуйся, добраго воспитания цвете благоуханный.

Радуйся, Божественнаго избрания сосуде благословенный.

Радуйся, Господа от юности возлюбивый.

Радуйся, веру и любовь в сердце своем возрастивый.

Радуйся, целомудрие души своея сохранивый.

Радуйся, смирение великое стяжавый.

Радуйся, пустыни великий молитвенниче.

Радуйся, благодатный иноков путевождю и наставниче.

Радуйся, отче Стилиане, преславный чудотворче.

Кондак 2

Видя чистоту сердца твого, отче Стилиане, Всевидец Господь исполни душу твою благодати Своея и освяти ю в сосуд Духа Святаго, да видящии тя восхвалят Бога Вседержителя и, вземши на рамо кийждо крест свой, во след Ему грядет, воспевая: Аллилуиа.

Икос 2

Разумом, просвещенным от Господа, исполнен быв, преподобне, не попустил еси страстем в души твоей воцаритися, силою Божиею вся хитрости тленнаго и временнаго жития отражая. Темже, усердие твое похваляюще, вопием ти:

Радуйся, земли Пафлагонския похвало.

Радуйся, Церкви Христовы зерцало.

Радуйся, на земли, яко на небеси поживый.

Радуйся, невозвратно за Господом последовавый.

Радуйся, молитвы, поста и воздержания хранителю.

Радуйся, истиннаго богопочитания насадителю.

Радуйся, смирением мир души своея стяжавый.

Радуйся, тленная и временная мира сего презревый.

Радуйся, от Господа дар чудотворения получивый.

Радуйся, врага злокозненнаго низложивый.

Радуйся, отче Стилиане, преславный чудотворче.

Кондак 3

Силою Божественныя любве, еюже исполнено бысть сердце твое, укрепляемый, святе Стилиане, вся имения твоя нищей братии раздал еси и, ко братии иночестей сопричтенный, сладце воспевал еси Богу: Аллилуиа.

Икос 3

Имея в сердце своем желание велие к непрестанному восхождению лествицею духовною и уединение возлюбив, братию свою оставил еси, подвижниче многотрудный, и в пещеру преселився, дни и нощи в славословии Бога пребывал еси. Таковому твоему дерзновению дивящеся, восхваляем тя:

Радуйся, Господа всем сердцем возлюбивый.

Радуйся, Царствия Небеснаго взыскавый.

Радуйся, мудре ко спасению стопы своя направивый.

Радуйся, Бога добродетельным житием прославивый.

Радуйся, великих дарований вместилише.

Радуйся, трезвения и воздержания хранилище.

Радуйся, яко житию безплотных поревновал еси.

Радуйся, яко подвигом древних отцев пустынножителей подражал еси.

Радуйся, Божественною благодатию сердца молящихся тебе напаяяй.

Радуйся, благодатныя исцеления детем малым источаяй.

Радуйся, отче Стилиане, преславный чудотворче.

Кондак 4

Бурю помыслов и страстей безбедно претерпел еси, отче преподобне, и пристанище тихое Христа обрел еси, Емуже во мнозе долготерпении неленостно работая воспевал еси: Аллилуиа.

Икос 4

Слышавше о богоугоднем житии твоем, отче Стилиане, многия страждущия и немощныя к пещере твоей прихождаху и, наставлением твоим внимая, в истинней вере укрепляхуся, в печалех утешение обретаху и во гресех слезное покаяние приношаху. Сего ради ублажаем тя:

Радуйся, светильниче присногорящий, путь спасения освещаяй.

Радуйся, крине пустынный, святостию благоухаяй.

Радуйся, рабе Господень, благий и верный.

Радуйся, небесными даровании обогащенный.

Радуйся, яко пред Престолом Царя Небеснаго предстоиши.

Радуйся, яко Богу молитвы о нас приносиши.

Радуйся, Господа кроткий и смиренный служителю.

Радуйся, заповедей Божиих ревностный исполнителю.

Радуйся, яко милосердие Отца Небеснаго к нам приклоняеши.

Радуйся, яко любовию к Богу сердца наша исполняеши.

Радуйся, отче Стилиане, преславный чудотворче.

Кондак 5

Боготечней звезде уподобился еси, преподобне отче, светом благочестиваго жития твоего пустыню освящая и вся приходящия к тебе учением Христовым просвещая и веровати во Единаго истиннаго Бога научая, да купно с тобою воспевают: Аллилуиа.

Икос 5

Видевше, яко чада малыя незлобиви суть, и словесем Евангельским внимая: «Аминь глаголю вам, аще не обратитеся и будете яко дети, не внидете в Царство Небесное», веру таковую стяжал еси, преподобне отче, и благодать от Господа молитися о чадех восприял еси. Мы же, воспевая величия Божия, на тебе явленная, глаголем ти сице:

Радуйся, младенцев благостный попечителю.

Радуйся, матерей болезнующих о чадех своих утешителю.

Радуйся, возложением рук немощи младенцев исцелявый.

Радуйся, веру чистую и искреннюю в себе стяжавый.

Радуйся, яко чадом малым покровительствуеши.

Радуйся, яко за безчадных родителей о даровании им чад Бога умоляеши.

Радуйся, душевныя и телесныя недуги исцеляяй.

Радуйся, ко благочестивому житию побуждаяй.

Радуйся, теплый наш молитвенниче.

Радуйся, милостивый наш заступниче.

Радуйся, отче Стилиане, преславный чудотворче.

Кондак 6

Проповедником евангельския кротости был еси, преподобне отче, образом жития твоего всем показуя, яко вся возможна человеку о укрепляющем Бозе, Егоже благодатию и наша сердца во истинней вере укрепи и буди нам скорый помощник и теплый молитвенник, вопиющим о тебе Богу: Аллилуиа.

Икос 6

Возсиял еси яко светильник, на свещнице церковней поставленный, святе Стилиане, да вси видящии многая чудеса исцелений тобою творимая и присно являемая, восхвалят Бога, дивнаго во святых Своих, тебе же воспоют сицевая:

Радуйся, равноангельный слуго Господень.

Радуйся, обиталище Духа Святаго.

Радуйся, благочестием себе украсивый.

Радуйся, в сосуд благоуханный душу твою обративый.

Радуйся, яко на земли имя твое прославляется.

Радуйся, яко сладостию небесною наслаждаешися.

Радуйся, жажду духовную утоливый.

Радуйся, на небесех обитель себе сотворивый.

Радуйся, яко со Ангелы Господа воспеваеши.

Радуйся, яко в лице преподобных пребываеши.

Радуйся, отче Стилиане, преславный чудотворче.

Кондак 7

Хотя явити миру новаго источника милости Своея неоскудевающия, Христе Боже наш, даровал еси нам предстателя и молитвенника к Тебе дерзновеннаго – преподобнаго Стилиана, да Тя, Всеблагаго Бога нашего славяще, во умилении сердечнем зовем: Аллилуиа.

Икос 7

Новаго ходатая и заступника имамы тя пред Богом, блаженне Стилиане, ты бо душею кроткою и милостивою непрестанно молишися Господеви, о еже ниспослати благодатную помощь всем людем, славящим Его, Всеблагаго Отца нашего Небеснаго, и вопиющим ти сице:

Радуйся, ароматы райскими благоухаяй.

Радуйся, неисчерпаемый источниче исцелений.

Радуйся, усердный о нас молитвенниче.

Радуйся, обидимых крепкий заступниче.

Радуйся, добродетельнаго жития учителю.

Радуйся, немощных искусный целителю.

Радуйся, в любви к Богу пламеневый.

Радуйся, небесных благ возжелевый.

Радуйся, праведности нас научаяй.

Радуйся, любити Бога и ближняго своего нас наставляяй.

Радуйся, отче Стилиане, преславный чудотворче.

Кондак 8

Странника и пришельца помышлял еси себе быти в мире сем, преблаженне отче, отечествия горняго взыскуя и Небеснаго Иерусалима гражданином быти желая, в немже ныне сладце воспеваеши Богу песнь: Аллилуиа.

Икос 8

Весь распалился еси любовию к Сладчайшему Иисусу, преподобне отче, дни и нощи в молитве и подвигах пребывая и, Духа Святаго исполнився, всему миру молитвенник изряден показался еси, реки чудес источаяй. Сего ради, почитая святую память твою, во умилении зовем:

Радуйся, на помощь тя призывающих спасаяй.

Радуйся, недужных и страждущих исцеляяй.

Радуйся, вражиих стрел прогонителю.

Радуйся, диавольских наветов разорителю.

Радуйся, яко Ангелы труды твоими возвеселил еси.

Радуйся, яко диавола подвигами твоими посрамил еси.

Радуйся, непоколебимый столпе иночествующих.

Радуйся, милостивый покровителю в супружестве живущих.

Радуйся, присный о нас к Богу молитвенниче.

Радуйся, в бедах скорый наш заступниче.

Радуйся, отче Стилиане, преславный чудотворче.

Кондак 9

Всякое естество удивил еси, предивне отче, единаго бо Бога возлюбив, в пустыни взыскал еси Того равноангельным житием твоим, ныне же на небесех блаженства райскаго наслаждаешися и воспеваеши Пресвятей Троице: Аллилуиа.

Икос 9

Ветия многовещанныя не могут по достоянию воспети вся подвиги и труды твоя, преподобне отче, во славу Господа тобою творимыя. Мы же, душами умиляяся, богоугодное житие твое восхваляем пении таковыми:

Радуйся, истинному служению Богу нас научаяй.

Радуйся, сердца наша радости исполняяй.

Радуйся, яко безропотному несению креста нас научаеши.

Радуйся, яко недуги наша душевныя и телесныя исцеляеши.

Радуйся, благочестия водами жаждущия спасения напоивый.

Радуйся, светом Богопознания верныя просветивый.

Радуйся, во бранех со страстьми помощниче.

Радуйся, младенцев от недугов защитниче.

Радуйся, лампадо любве неугасимая.

Радуйся, лествице на небеса возводящая.

Радуйся, отче Стилиане, преславный чудотворче.

Кондак 10

Спастися хотящии от различных напастей, бед и скорбей, тебе, преподобне отче, предстателя крепкаго и поборника непостыднаго имеют: приял бо еси от Бога благодать во всяких бедах заступати призывающия на помощь имя твое, да молитвами твоими ограждаеми, благодарно воспеваем о тебе Спасителю нашему: Аллилуиа.

Икос 10

Стена твердая и ограждение крепкое явился еси миру, преподобне отче Стилиане, ходатайством бо твоим Церковь Святая укрепляется, мир водворяется и вся во благо устрояется. Сего ради приими от нас сицевая:

Радуйся, от пагубных ересей отвращаяй.

Радуйся, очи наша душевныя просвещаяй.

Радуйся, яко благодатию Божиею сердца наша укрепляеши.

Радуйся, яко о прощении грехов наших Господа умоляеши.

Радуйся, спасению душ наших пособствуяй.

Радуйся, на путь праведный нас направляяй.

Радуйся, от козней вражиих защитниче.

Радуйся, на Страшнем Суде заступниче.

Радуйся, щедрот Божиих милостивый подателю.

Радуйся, у Престола Вседержителя предстателю.

Радуйся, отче Стилиане, преславный чудотворче.

Кондак 11

Песнь хвалебную приносим ти, преблаженне отче, почитающии святую память твою, ты же усердно моли Святую Троицу о еже избавитися нам от падений греховных и жизнь вечную наследовати, да непрестанно зовем Богу: Аллилуиа.

Икос 11

Светозарный светильник, от Истиннаго Света озаряемый, сущим на земли являешися, преподобне отче Стилиане, сердца бо верных просвещаеши и к разуму Божественному вся наставляеши, да со умилением зовут ти сицевая:

Радуйся, на земли яко Ангел поживый.

Радуйся, на небеси со святыми пребываяй.

Радуйся, Господу житием своим угодивый.

Радуйся, последователем стопам Его себе показавый.

Радуйся, яко венец безсмертия от Бога приял еси.

Радуйся, яко райское блаженство со святыми унаследовал еси.

Радуйся, во бдении пребывати нас наставляяй.

Радуйся, молитвенно нас покрываяй.

Радуйся, в тяжких обстояниих наш помощниче.

Радуйся, сирых и немощных заступниче.

Радуйся, отче Стилиане, преславный чудотворче.

Кондак 12

Благодать данную ти от Господа вемы, преподобне отче, во еже не токмо недужныя младенцы исцеляти и заступником и покровителем им быти, обаче и всему христианскому роду милости своя низпосылати; веруем, яко и по смерти вся сия твориши всем, с верою к чудотворным иконам твоим припадающим, Богу же о тебе вопиющим: Аллилуиа.

Икос 12

Поюще славное житие твое и о блаженнем отшествии твоем на небеса радующеся, пречудне отче Стилиане, ублажаем тя, яко угодника Божия и дивнаго чудотворца. Ты же, Богу предстоя, присно поминай нас, совершающих любовию память твою и со умилением зовущих ти таковая:

Радуйся, житие твое благочестиво скончавый.

Радуйся, в радость Господа твоего вшедый.

Радуйся, Горняго Иерусалима честнейший гражданине.

Радуйся, райских обителей достойный обитателю.

Радуйся, чтущих тя благодатный наставниче.

Радуйся, притекающих к тебе благостный покровителю.

Радуйся, младенцев целителю.

Радуйся, юных наставниче.

Радуйся, всех призывающих тя милуяй и питаяй.

Радуйся, и по кончине твоей исцеления обильно источаяй.

Радуйся, отче Стилиане, преславный чудотворче.

Кондак 13

О всехвальный и предивный угодниче Христов, преподобне отче Стилиане! Приими сие малое моление, от усердия нашего в похвалу тебе приносимое, и покрый молитвами твоими всех притекающих к тебе с верою и любовию, да покаяние наше приимше, Господь и Бог наш простит нам вся грехи наша и сопричастники Царствия Своего соделает, да выну с тобою и со всеми святыми воспеваем Ему: Аллилуиа.

(Этот кондак читается трижды, затем икос 1 и кондак 1)

Молитва

О священная главо, преподобне отче Стилиане! Подвигом добрым подвизався на земли, на небесех восприял еси венец правды от Христа Бога нашего. Темже на твой святый образ взирающе, о преславнем скончании жительства твоего радуемся и чтим святую память твою. Почитающе же твое велие дерзновение пред Господем, со смирением молим тя, преподобне отче: воззри убо благосердым оком любве твоея на нас, недостойных рабов твоих, и потщися богоприятным твоим ходатайством испросити у Царя царствующих и Господа господствующих, да пробавит великия и богатыя милости Своя на нас, грешных, да подаст нам дух правыя веры, дух любве, мира и радости о Дусе Святе, да избавит ны от всяких бед и напастей, да ниспослет вся полезная ко спасению душ наших. Ей, святче Божий, не посрами упования нашего, еже на тя по Бозе и Богородице возлагаем, но буди нам помощник и покровитель во спасение, да сподобимся скончати житие наше в покаянии и восприимем вечная благая во Царствии Христа Бога нашего, и прославим человеколюбие Отца и Сына и Святого Духа, и твое святое заступление, ныне и присно и во веки веков. Аминь.

Тропарь преподобному Стилиану Пафлагонскому, глас 3

Столп воодушевленный воздержания, столп неколебимый Церкве, Стилиане, соделался еси, блаженне. Господу от юности вверился еси, обиталище Духа явился еси, отче преподобне, Христа Бога моли даровати нам велию милость.

Кондак преподобному Стилиану Пафлагонскому, глас 4

От утробы матерния освятивыйся, яко Божественный Самуил, богоносне, подвижнически Христа Бога прославил еси. Темже исцелений показался еси кладязь и предстатель божественный отроков и младенцев, Христос бо тя светло славит, Егоже измлада, Стилиане, прославил еси.

Стилиан Пафлагонский

Прп. Стилиан Пафлагонский

Рождение ребенка является, пожалуй, самым сокровенным и наполненным особым смыслом моментом в жизни многих людей.

Как говорил святитель Иоанн Златоуст:

«Рождение детей сделалось величайшим утешением для людей, когда они стали смертными. Поэтому-то человеколюбивый Бог, чтобы сразу смягчить наказание прародителей и ослабить страх смерти, даровал рождение детей, являя в нем… образ воскресения».

Среди христианских подвижников есть удивительный православный греческий святой – преподобный Стилиан Пафлагонский. В нашей стране он становится все более известным как детский святой, чадозаступник и великий молитвенник о даровании чад.

Житие святого

Преподобный Стилиан родился около 550 года в знатной благочестивой семье в малоазийском городе Адрианополь, область Пафлагония. От названия области он и получил свое имя Пафлагонский или как можно встретить в некоторых источниках – Пафлагонянин. Сегодня эта территория – северная часть современной Турции, омываемая Черным морем.

Святой Стилиан, «еще от утробы матерния избранный», получил христианское воспитание. О его юношеских годах известны лишь краткие сведения. Однако уже с малых лет начал вызревать его духовный характер. Чем старше он становился, тем сильнее укреплялся в своем стремление к христианскому подвижничеству.

Полезные материалы

 

Достигнув совершеннолетия и став полноправным наследником отцовского имения, преподобный Стилиан принимает важное и определяющее его дальнейшую судьбу решение, к которому стремилась его душа с малых лет, — он выбирает монашеский путь, чтобы подвизаться ради угождения Богу. Раздав все унаследованное имущество бедным и особо нуждающимся, святой с радостью сказал:

«Я скинул тяжелый якорь, который держал меня на привязи желаний моего падшего тела. Отныне открыт передо мной путь к истинной жизни».

Со спокойным сердцем он уходит в один из монастырей малазийской области, где принимает монашеский постриг. Святой угодник Стилиан жил очень скромно, даже на грани нищеты. Суровая аскетичная жизнь молодого монаха помогает ему снискать такие важные добродетели как нестяжательность, духовная чистота и послушание. Из его жития известно, что благодаря смирению и послушанию старцу он успешно боролся с тремя искушениям: «наша брань против мира, плоти и дьявола».

Духовно окрепнув, великий подвижник стремится к большему совершенствованию. С этой целью он оставляет монастырь и удаляется в нелюдимую пустыню. Здесь святой  селится в уединенной  пещере, где многие десятилетия проводит в духовной борьбе, молитве и славословии Господа Бога.

В жизнеописании святого очень точно описывается момент сошествия на него благодати Святого Духа. Это произошло в одну из ночей, когда святой Стилиан совершал молитвенный подвиг. Утром, выйдя из своего уединенного жилища, он ощутил удивительное чувство радости и необыкновенный духовный покой, незнакомый ему никогда раньше. Это благодатное состояние до конца жизни не покидало его.

Особая Божественная сила дарованной благодати раскрылась у святого отшельника в тот момент, когда некая женщина принесла к нему своего тяжелобольного ребенка и со слезами просила его о молитвенной помощи. И святой Стилиан тогда сделал то, что никогда раньше не делал: по наитию Святого Духа он возложил свои руки на голову малыша и тот сразу исцелился. Таким образом, он сподобился особого дара Святого Духа – благодатного дара исцеления.

Конечно, после совершенного чуда молва о его святости быстро распространялась по всей Пафлагонии и за ее пределами. Всю жизнь святой отшельник держал в сердце евангельские слова: «истинно говорю вам, если не обратитесь и не будете как дети, не войдете в Царство Небесное». (Мф.18:1-4). И сердцеведец Господь даровал ему особую благодать – стать покровителем детей.

Христиане с верой в богоугодную молитву святого угодника приносили своих больных детей в его пещеру (каменную келью), и они получали исцеление. Удивительный  греческий святой, который, будучи аскетом и монахом, являлся великим молитвенником за простых мирян. Святой Стилиан помогал и отчаявшимся бесплодным женщинам, которые по его святым молитвам становились многодетными матерями.

Великий подвижник, прожив долгую, до глубокой старости жизнь, преставился ко Господу ближе к середине VII века. По преданию, во время похорон его улыбающееся лицо так же, как и при жизни было озарено Божественным сиянием.

День памяти

9 декабря (26 ноября по старому стилю)– день памяти преподобного Стилиана Пафлагонского.

Интересный факт
Христианки, не имея возможности самостоятельно сидеть со своими малышами, приносили их в пещеру к святому Стилиану как в детские ясли. Многие матери специально отдавали к нему на воспитание своих детей, чтобы они росли в духе христианского благочестия.

Чудеса

Преподобный Стилиан Пафлагонский, живший более 1500 лет назад, посвятил себя детям, которые страдали от физических недугов, а также нуждались в духовном окормлении. И в годы его земной жизни и сейчас к его помощи обращаются в надежде, что милостивый Господь по молитвам святого угодника дарует исцеление детям, избавит от бесплодия.

В нашей стране все больше верующих обращаются за подобной помощью к этому великому подвижнику, по молитвам которого Господь дарует просимое.

***

В 2012 году в городе Кемерово проходила православная выставка под званием «Святая Русь − великая Россия». Для этого события в келье Иоанна Богослова афонского монастыря Ватопед была написана икона преподобного Стилиана Пафлагонского. По молитвам пред этой иконой бездетные супруги стали родителями здорового малыша. Много лет эта семейная пара мечтала о потомстве, пройдя через длительное неутешительное медицинское лечение. По мнению врачей, единственной их надеждой оставалась только процедура ЭКО. Сегодня под покровительством святого чудотворца малыш благополучно растет и развивается.

***

Эта чудесная история произошла в Гатчинской епархии. В 2018 году у прихожан Покровского храма Мариенбурга случилось большое несчастье: вымоленный второй ребенок, очень долгожданная дочка появилась на свет раньше намеченного срока. Врачи делали все, что возможно, но не давали никаких прогнозов.

Несчастные родители сразу обратились к настоятелю храма, протоиерею Антонию Антипову, с просьбой окрестить их малышку. Ситуация была критической: у дверей реанимации дежурила команда врачей из реаниматологов-неонатологов г. Санкт-Петербурга. Поскольку в реанимационное отделение посторонним вход был запрещен, то восприемниками стали сам священник и дежурный врач (по счастливому стечению обстоятельств – тоже прихожанка Покровского храма).

После совершенного Таинства Крещения родители спросили совета у отца Антония, что им делать дальше. Настоятель посоветовал молиться преподобному Стилиану, и сам стал тоже молиться этому святому о здравии младенца. И чудо произошло – святой Стилиан услышал их горячие молитвы. Маленький комочек, боровшийся за жизнь, с каждым днем стал крепнуть.

Сегодня девочка Вера, так ее назвали родители, ничем не отличается от своих маленьких сверстников. Она растет и развивается на радость своим родным.

Как изображают на иконах

Стилиан Пафлагонский

Прп. Стилиан Пафлагонский

Отличительной чертой преподобного Стилиана Пафлагонского была легкая светлая улыбка на его лице. Несмотря на свое аскетичное житие, святой Стилиан жил по Евангелию: «Также, когда поститесь, не будьте унылы, как лицемеры…. А ты, когда постишься, помажь голову твою и умой лице твое, чтобы явиться постящимся не пред людьми, но пред Отцом твоим, Который втайне…» (Мф. 6:16-17). Чаще его именно так и изображают на иконах: улыбающимся и держащим на руках спеленатого младенца или нескольких младенцев, а также свиток с надписью:

«Дети – дар Божий, сходящий свыше».

О почитании в Греции и в России

Преподобный Стилиан Пафлагонский в Греции и на православном Кипре почитаем и любим так же, как в нашей стране святитель Николай Чудотворец. Практически в каждом доме имеется икона этого святого. На греческой земле в честь преподобного Стилиана построено большое количество храмов. Его именем очень часто называют сыновей, считая, что таким образом ребенок приобретает надежного заступника и покровителя.

Ежегодно 26 ноября, в день памяти преподобного (у греков – новоюлианский календарь), в храмы святого Стилиана Пафлагонского родители приносят своих малышей, чтобы получить благословение от детского святого на год. Православные греки уверены, что так ребенок получает духовную защиту от болезней, невзгод и несчастий от святого угодника до следующего празднования его дня памяти.

С недавних пор этот раннехристианский греческий святой становится все более известен и в России. Во многих храмах появляются иконы преподобного Стилиана Пафлагонского. Сегодня чудотворный лик греческого святого можно найти в Зачатьевском ставропигиальном женском монастыре г. Москвы, в храме Успения Пресвятой Богородицы в Косино (Москва), в храме Покрова Пресвятой Богородицы в пос. Дедовичи Псковской области, в Покровском храме исторического района г. Гатчины – Мариенбург (Ленинградская область).

О чем молятся святому

Имя Стилиан (греч. «столп») производное от глагола «стилоно» в значении «укреплять», «поддерживать». Так святой, родившейся в пятом веке, поддерживает и укрепляет христиан в веке двадцать первом.

  • Как детскому святому ему молятся о здоровье и исцелении детей.
  • Известный еще при жизни, как чудотворец для бесплодных родителей, он помогает бездетным парам.
  • Как чадозаступник он приходит на помощь многодетным семьям.
  • Как христианскому педагогу ему молятся о помощи в воспитании детей.

Родители, по благословению Самого Господа, являются творцами и покровителями своих детей. Их главная задача – созидать молитвенный очаг, который оживит дом и благоустроит жизнь каждого члена семьи. И помощником в этих трудах всегда будет святой Стилиан Пафлагонский – чадозаступник и молитвенник о семьях людских.

Екатерина Маликова

Похожие статьи

Спасибо, что дочитали до конца!

Хотим привлечь ваше внимание к проблеме разрушенных храмов, пострадавших в безбожные годы. Более 4000 старинных церквей по всей России ждут восстановления, многие находятся в критическом положении, но их все еще можно спасти.

Один из таких храмов, находится в городе Калач, это церковь Успения Божией Матери XVIII века. Силами неравнодушных людей храм начали восстанавливать, но средств на все работы катастрофически не хватает, так как строительные и реставрационные работы очень дорогие. Поэтому мы приглашаем всех желающих поучаствовать в благом деле восстановления храма в честь Пресвятой Богородицы. Сделать это можно на сайте храма

Помочь храму

Рекомендуем статьи по теме

Добавить комментарий

Получать новые комментарии по электронной почте. Вы можете подписаться без комментирования.

Следите за нами в социальных сетях

+