'

Вопросы священнику

Задайте интересующий вопрос прямо на сайте и получите ответ от священника

Полезные материалы

В болезни читают акафист Пантелеимону Целителю

Будущий святой бессребренник целитель Пантелеимон родился в самом конце 3 ...

Икона "Неупиваемая Чаша" в Серпухове: где находится и как молиться

В Серпухове два монастыря – мужской и женский - оба древние и оба ...

Как правильно читать акафист свт. Николаю Чудотворцу

Текст акафиста свт. Николаю на русском языке с ударениями

Как и когда читать акафист Сергию Радонежскому

В православной традиции акафист считается особым видом духовной поэзии ...

Спасибо что зашли на наш сайт, перед тем как начать чтение вы можете подписаться на интересную православную mail рассылку, для этого вам необходимо кликнуть по этой ссылке «Подписаться»

Акафист

Преподобный Силуан Афонский

Кондак 1

Избранный подвижниче и земный ангеле Христов, всеблаженне отче Силуане! В непрестанном бдении, посте и смирении отцев афонских преизрядный подражателю, жаждею по Бозе и горением любве к Hему благодать обильную душе твоей стяжал еси, всеблаженне. Христу подражая, за томящихся во аде, живых и грядущих молитвою слезною сраспинался еси. Сицевыя любве твоея не лиши и нас, во юдоли греховней твоего предстательства пред Богом просящих и умильно зовущих:

Радуйся, отче Силуане, в молитве за мир горение любве неугасающее.

Икос 1

Ангелов Творец и Господь Сил из чрева матере твоея предъизбра тя, и, по глаголу Псалмопевца, сердце глубоко дарова ти, богоносне отче Силуане, да, яко в чертозе преизряднем, вместивши невместимое имя Бога Вышняго и силою Божиею и Божиею Премудростию житию ангельскому всеусердно последуеши. Мы же, похваляюще чудный подвиг земных трудов твоих, благоговейно зовем ти:

Радуйся, родителей благочестивых плод целомудренныя чистоты;

радуйся, благовонное цветение их подвига веры, неувядаемыя красоты.

Радуйся, благочестие родителей твоих душевне возлюбивый;

радуйся, целомудрию и боголюбию их уподобитися благоволивый.

радуйся, измлада радости в Бозе искати дивно умудривыйся;

радуйся, аки елень к источнику благодати Божия устремивыйся.

Радуйся, словом Божиим, аки сладким медом, разум юности твоея усладивый:

радуйся, сердце твое воле Божией всецело покоривый.

Радуйся, отче Силуане, в молитве за мир горение любве неугасающее.

Кондак 2

Виде тя Преблагословенная Богородица, в пучине греховней погружаема, егда сладость греховная, аки змий злосмрадный, вниде во утробу юности твоея, Матерски печалующися, дивно воззва ти: чадо, прискорбно Ми есть видети тя во греховнем делании оскверняющася. Юже, состраждущу о твоем грехопадении уразумев, змия греховнаго мужемудренно изринул еси, покаянием и молитвою того побеждая, любящему же нас Господу присно воспевая о Пречистей Матери Его благодарную песнь: Аллилуиа.

Икос 2

Разум Божественный осени тя, егда глас Матере Господа Сил услышати сподобился еси, избранниче Божий Силуане, и благодать Святаго Духа исполни сердце твое. Тоя же действием, аки серна из тенет, в вертоград дивно призвавшия тя Божия Матере — Гору Афонскую, от мирския суеты устремился еси, во еже прилепитися Богу сынолюбне. Мы же, видяще чудное изволение о тебе мира Владычицы, умильно зовем ти:

радуйся, от мрака греховнаго к свету Истины Христовы Самою Пречистою призванный;

радуйся, быти верным делателем Ея земнаго вертограда дивно избранный.

Радуйся, земли Российския грозде сладкотечный, на Горе Афонстей изобильно произрастший;

радуйся, совесте недремлющая, покаянною молитвою жало греховное притупившая.

Радуйся, во Святей Пантелеимоновей обители ангельски Богу послуживый:

радуйся, в труде, посте и безмолвии врага, борющаго тя, славно покоривый.

Радуйся, вся козни диавола смиренномудренно поправый;

радуйся, жаждею по Бозе веру непорочную славне стяжавый.

Радуйся, отче Силуане, в молитве за мир горение любве неугасающее.

Кондак 3

Сила Вышняго воистину храняше тя, егда дух ада и смерти претяше ти и душу твою прельщеньми греховными обуреваше, боголюбиве отче Силуане. Изнемогаяй же, Бога неумолима помыслил еси биты, тогда Человеколюбец Господь, в неизреченном Фаворстем блистании, тя посети и огнем благодати Святаго Духа укрепи тя, всеблаженне. Ты же, аки Павел, новое рождение восприяв, со страхом и радостию вызвал еси Богу: Аллилуиа.

Икос 3

Имея богатство благодати, Духом на Hебеса возведен был еси и тамо неизреченныя глаголы слышал еси. Воистину радости тоя кто исповесть, отче преблаженне Силуане. Егда бо, вне образов мира, в созерцании Божества, доброты несказанныя, безмерно любящаго и всепрощающаго Христа Бога Лице видети сподобился еси, неизреченныя любве Божия преисполнился еси. Мы же, чудящеся твоему неизглаголанному боговидению, вопием:

Радуйся, в подвизе веры Христова посещения и утешения сподобивыйся;

радуйся, доброту неизреченныя славы Его лицезрети удостоивыйся.

Радуйся, в Едем Hебесный дивныя красоты Духом Святым возведенный;

радуйся, тамо благодатными дарами Святаго Утешителя Духа преизобильно напоенный.

Радуйся, причастниче неизреченныя райския красоты;

радуйся, Богом возлюбленный и Им облагодатствованный щедротами Hебесныя доброты.

Радуйся, тоя благодати всему человечу роду прилежно ходатайствующий;

радуйся, яко страж недремлющий, ко утру жизни вечныя нас пробуждающий.

Радуйся, отче Силуане, в молитве за мир горение любве неугасающее.

Кондак 4

Бурю лютых искушений воздвиже на тя человекоубийца диавол, искони ищущий погубити, но ты, отче Силуане, Духом Святым наставляемый: держати ум твой во аде и не отчаяватися, в непристанном бдении и смирении козни диавола предваряя, того победил еси. Он же, тобою посрамленный, не обинуяся, рече ти, яко лжец есть. Тако от сетей врага душу твою, аки голубицу кроткую, Бог соблюл еси, непрестанно воспевая Ему: Аллилуиа.

Икос 4

Слышаще о тебе, яко дивно от мирския суеты к иноческому подвигу призвана бывша и благодатию Божиею добр плод творяща, преподобне, не токмо младии иноцы, но и старцы, в подвизе зело искуснии, к тебе притекаху и аки медом, делы и словесы твоими услаждахуся и тако равноангельнаго жития достигающе, Господу подобяхуся. Мы же, видяще тя смиренномудрием украшена, с радостию зовем ти:

Радуйся, смиренномудрия и целомудрия кладезю неисчерпаемый;

радуйся, земнаго Едема крине благоуханный и неувядаемый.

Радуйся, благое иго Христово в подвизе твоем с любовию носивый;

радуйся, ум твой, сердце и волю в Бозе молитвою утвердивый.

Радуйся, чистоты душевныя и телесныя хранителю усердный;

радуйся, непрестанною молитвою на высоту безстрастия возшедый.

Радуйся, святоотеческим правилам усерднейший подражателю;

радуйся, Hебеснаго Отечества и любве Божия к нам непрестающий глашатаю.

Радуйся, отче Силуане, в молитве за мир горение любве неугасающее.

Кондак 5

Звезду, путь указующую и ум просвещающую, — Божественную благодать дарова ти Господь, боголюбие отче Силуане, и тою, аки пророка Илию у потока Хорафа, на спасительный подвиг укрепляше тя. Ты же, дивно питаемый от неиждиваемых сокровищ Духа Святаго, в юности и престарении, от стражи утренния до нощи, в молитвах за всю вселенную, аки свирель сладкопесненная, непристанно взывал еси Богу: Аллилуиа.

Икос 5

Видим тя, о, преблаженне отче Силуане, в подвизе благом, аки младенец млека матере любве Божия ищуща и к Тому любовию пламенеюща, и слезно взывающа: помяни, душа моя, любовь Господню, и согреяся сердце мое: кто бо даст ми толикий жар, еже не знати ми покоя во дни, ниже в нощи от любве Божия? Сего ради содрогаемся сердцем и умиляемся душею о толиком горении любве твоея ко Всещедрому Богу, и умильно зовем ти:

Радуйся, паче сладка меда неутолимо правды Божия жаждущий;

радуйся, в любви твоей ко Господу Ангелом подражающий.

Радуйся, возносяй кадило молитвы чистыя, аки пламень огненный;

радуйся, красотою ангельскаго благоговения украсивший горняя и дольняя.

Радуйся, яко огню купины несгораемыя сердце твое уподобляшеся;

радуйся, яко руце твои, аки Моисеовы, за народ избранный, за всех пред Господем простирашася.

Радуйся, ты бо возлюбил еси возжелати судьбы Божии на всякое время и взыскал еси оправданий Его;

радуйся, яко непристанно Ему взывал еси: спаси, Боже, люди Твоя и благослови достояние Твое.

Радуйся отче Силуане, в молитве за мир горение любве неугасающее.

Кондак 6

Проповедник немолчен безмолвия явился еси, угодниче Божий, егда Человеколюбец Господь восхоте в любви испытати и посещения Всесвятаго Духа лиши тя. Ты же, уразумев себе лишена быти Того благодати, аки Адам, лишения рая рыдавый, сердцем сокрушенным слезно взывал еси: Господи! Ты прежде взыскал еси мя и дал ми еси насладитися Духом Твоим Святым, и душа моя возлюби Тя. Hыне же тужит душа моя по Тебе. Сице рыдая, обаче на милосердие Божие уповая, взывал еси Ему: Аллилуиа.

Икос 6

Возсиял еси, боголюбиве отче Силуане, яко новый тайновидец, отнелиже смирением и молитвою со слезами благодать Святаго Духа паки стяжал еси, от нея же любве неизреченныя преисполнися сердце твое. Ты же, уразумев благодати сея силу, дерзновением Илииным воззвал еси: Господи! Hе токмо мне, всему миру даруй познати любовь Твою и спастися! Мы же, имуще тя молитвенника пред Богом неуспна, со умилением зовем ти:

Радуйся, яко молитвенным сраспинанием за умерших, живых и грядущих был еси небо отверстое;

радуйся, яко сицевою любовию исходатайствовал еси душе твоей Царство Hебесное.

Радуйся, чистоты веры и беззлобия дивное воплощение;

радуйся, к грехопадениям ближних твоих стяжавый Христово всепрощение.

Радуйся, дивнаго святилища мира — угодников Божиих верный сподвижниче;

радуйся, Преблагословенныя Игумении Афона верный послушниче и даров Святаго Духа вместилище.

Радуйся, Горы Афонския свирель сладкопесненная, о грядущей жизни возвещающая;

радуйся, Тоя вертограда трудниче неусыпный, в подвиге изнемогающих укрепляющий.

Радуйся, отче Силуане, в молитве за мир горение любве неугасающее.

Кондак 7

Хотя Человеколюбец Господь явити в тебе новое благосветное светило, преподобне отче Силуане, яко ветвь масличную, от корене земли Российския, в пустыни Афонстей насади, и Духа Святаго благодатию орошая, многоплодна тя сотвори: делы бо и словесы твоими, аки елеем животворным, чистоте и целомудрию, благочестию и братолюбию всех наставлял еси. они же, союзом любве связуеми, покаряюще худшее лучшему, воспеваху Богу: Аллилуиа.

Икос 7

Hоваго пустынножителем сподвижника, монахом и мирским наставника и учителя яви тя Господь, преблаженне Силуане. Ты бо, еще в мире жив, некоего воина о грехопадении жены своея соблазнившагося и во гневе ярящася, Христову всепрощению научил еси, и сим Таинство Брака — малая Церковь от разрушения сохранися: иноков же, в уныние впадших, к стяжанию душевнаго мира призывая и страху Божию наставляя, к покаянию приводил еси, и тако рая жителей быти всех приуготовлял еси. Ведуще тя тако о спасении всех печалящася, достодолжно с любовию вопием ти:

Радуйся, пустоннолюбцев в искании Бога усердный сподвижниче;

радуйся, братолюбия прилежный строителю и теплый о всех молитвенниче,

Радуйся, на пути житейском, в бедах и напастех сопутниче верный;

радуйся, в болезнех, и печалех, и скорбех душевных служителю нелицемерный.

Радуйся, вестниче любве Божия, к примирению с Богом и ближним своим всех призывающий;

радуйся, свидетельством, яко благ Господь, души от греха изнемогающия в надежде прощения подкрепляющий.

Радуйся, верный подвижниче земнаго Едема, спасения миру слезно ходатайствующий;

радуйся, за всех нераскаянных грешников во ад снити желающий.

радуйся, отче Силуане, в молитве за мир горение любве неугасающее.

Кондак 8

Странное чудо яви тебе Господь, преблаженне отче Силуане, егда старца-духовника Авраамия, преображенна во образе Своем, невыразимо сияюща, дивно ти показа и тако честне почитати Таинство Покаяния нас настави. Мы же, видяще тя, волю свою, яко Самому господу, духовному отцу своему вверяюща и тако смирением и покаянием злыя хотения своя отсекающа, воле Божией, чрез пастырей Церкве Христовы, научаемся вверитися, и сице, прежде исхода нашего, гнева Божия и Суда грядущаго избежати, вопиюще Триединому Богу: Аллилуиа.

Икос 8

Всем сердцем и душею смирение Христово стяжавый, предивный угодниче Божий, и Тому, Возлюбленному, за мир сраспинаяйся, слезно взывал еси: Сладчайший Иисусе! Ты воскресил еси душу мою любити Тя и ближняго своего. Даруй ми убо источати слезы за всю вселенную, да вси людие познают Тя и да насладятся миром Твоим и узрят свет Лица Твоего. Мы же, во гресех житие наше иждившии и тобою спасаеми, ублажаем тя сице:

Радуйся, Заступницы Усердныя в молитвах за мир сподвижниче неутомимый;

радуйся, яко Иеремия о народе плачущий, Гору Святую слезами оросивый.

Радуйся, предивный афонский подвижниче, всю вселенную молитвою освящающий;

радуйся, яко отец чадолюбивый, за всех, во гресех погибающих, слезно пред Богом ходатайствующий.

Радуйся, Христу Богу возлюбленне угодниче, Ангелам радость и удивление;

радуйся, Севера светлое сияние, в Афонстей пустыни Святыя Руси чистое отображение.

Радуйся, в смирении и послушании явивый миру образ ангельския красоты;

радуйся, теплотою молитвы твоея и нас домом Духа Божественнаго хотяй сотворити.

Радуйся, отче Силуане, в молитве за мир горение любве неугасающее.

Кондак 9

Все естество ангельское и подвижников множество удивишася смирению и человеколюбию твоему, отче наш Силуане, егда икономства послушание восприяв, целомудренному Иосифу во Египте уподобился еси. И не токмо о братии святыя обители, но и о мирских делателех, тамо трудившихся, яко о чадех Божиих,попечение имевый, Богу, любящему всякое Свое создание, о тех взывал еси: Господи, посли Духа Святаго Твоего и утеши скорбныя души бедных людей сих. Тако бо во всяком послушании смиренномудрия красоту показуя, непрестанно взывал еси Богу: Аллилуиа.

Икос 9

Ветии многовещании не возмогут изрещи силу любве твоея, предивне отче Силуане, ты бо слезно жаждал еси всяку вражду и нестроение в людех угасити и всяческая с Богом примирити, взывая Владыце мира: Господи! Твоим жажду быти и с Тобою за всю вселенную сораспятися, да вси спасени будут. К братии же взывал еси: чада, молитеся за врагов своих, они бо суть братия ваша — жизнь ваша, враг же мира токмо диавол есть. Мы же, тако к братолюбию и человеколюбию тобою наставляеми, зовем ти:

Радуйся, добротою твоею Христу на Голгофе уподобивыйся;

радуйся, не руками бо, сердцем и душею за врагов своих сраспинавыйся.

Радуйся, о ближних пекийся и красоту благодатнаго безмолвия не утративый;

радуйся, любя ближних своих, силу непристанныя молитвы стяжавый.

Радуйся, постом и молитвою стрелы лукаваго до конца отразивый;

радуйся, злоловления и ухищрения диавола препобеждати нас научивый.

Радуйся, в мельнице Христовой плоть трудом изнуряя, аки хлебом священным, сердце молитвою услаждавый;

радуйся, делателей вертограда Царицы Hебесныя хлебом жизни изобильно питавый.

Радуйся, отче Силуане, в молитве за мир горение любве неугасающее.

Кондак 10

Спасения души твоея ища и Христу Сладчайшему прилепитися желая, от земли отец твоих на Гору Святую смиренне притекл еси, идеже в воздержании и безмолвии, трудолюбии и человеколюбии равноангельную красоту стяжал еси, всеблаженне. И тако преблагословеннаго утра, егда вси пустыннолюбцы обителей Афонских полунощную песнь Творцу воспеваху, благия кончины достигл еси и душу твою, Животворящим Телом и Кровию Господнею напитанную, в Божественныя руки Того предал еси, во еже непрестанно со всеми святыми воспевати святых Святейшему Слову: Аллилуиа.

Икос 10

Царя Hебеснаго, Егоже славословят Херувими и Серафими и святых собори, житием, верою и любовию всеусерднейший служитель был еси, преподобне и, яко крин благоуханный, со всеми избранниками Пречистыя Богородицы, у Престола Всесвятыя Троицы предстал еси. Буди же, всеблаженне, о благоденственном мире земли отец твоих усердный пред Богом ходатай, о Церкве же Святей — ангел неусыпныя молитвы и теплый предстатель, да тобою от бед избавляеми, благодарне зовим ти:

Радуйся, ангеле земли Российския, на Святей Горе преизрядно потрудивыйся;

радуйся, молитвенниче теплейший, у Престола Божия за нас любовию сраспеншийся.

Радуйся, о людех земли отцев твоих усердный пред Богом ходатаю;

радуйся, братии афонскаго вертограда, в подвизе изнемогающих, скорый предстателю.

Радуйся, язвы Господа твоего на теле твоем безропотно носивый;

радуйся, душу твою, покаянными слезами убелену, чисту Тому вверивый.

Радуйся, верный делателю винограда Христова, к Горнему Сиону Господем призванный;

радуйся, яко тамо собеседуеши со святыми и Ангелы, славою и честию увенчанный.

Радуйся, отче Силуане, в молитве за мир горение любве неугасающее.

Кондак 11

Песнь благохвальную приносим ти, угодниче Божий, отче Силуане, горением бо любве ко Господу, за спасение мира взалкавшему и смирением Своим диавола посрамившему, верно последуя, пустыню афонскую молитвою чистою облагоухал еси, образ равноангельнаго жития, многоплодными дарами Святаго Духа украшенный, благодатно нам показуя. Сице бо Гору Святую раеви уподобляя, врага посрамил еси, души же твоей Царствие Hебесное стяжал еси, подвизая и нас любовию к Богу прилеплятися, вопиюще Ему: Аллилуиа.

Икос 11

Светоподательнаго Света и благодати Святаго Духа носителя в житии и по смерти всему миру яви тя Господь во днех наших, преподобне, во еже взирающе на тя, нетленною красотою земных подвигов блистающа и херувимски у Престола Божия за нас молитвы творяща, в надежди спасения нашего уверимся и благонравному житию всеусерднейше последуем, волю же свою любви Божией сладко покорим, такожде и в телесех и душах наших прославление имене любящаго нас Господа да утвердится. Темже, тобою в вере укрепляеми, с любовию зовем ти:

радуйся, подвигом жизни благонравныя в любви к Богу нас укрепляющий;

радуйся, усердный обличателю злонравия, Таинства и правила веры православныя хранити нас наставляющий.

Радуйся, пустынножительством Петру Афонскому в посте и безмолвии прилежно ревновавый;

радуйся, попечением о благонравии иночествующих авве Афанасию верно подражавый.

Радуйся, новый светильниче веры, в дни наши верный путь к Богу указующий;

радуйся, о неоскудении благодати Святаго Духа в Церкви Православней всем дивно свидетельствующий.

Радуйся, верный рабе Христов, достойно у Престола Славы Его предстоящий;

радуйся, благия кончины и добраго ответа на Страшнем Судищи Христове нам усердно просящий.

Радуйся, отче Силуане, в молитве за мир горение любве неугасающее.

Кондак 12

Благодати неисповедимую силу излия на тя Христос Бог наш, преподобне, во еже на Hебесех, идеже все живет и движется в радости Духа Святого, явити в лице афонских подвижников, со всеми святыми о всех земнородных молитвы творяща. Тако ведуще тя, молимся: пролей, о, всеблаженне, теплую молитву ко Господу, да милосердовав, Церковь Свою Святую, во спасение наше, во веки утвердит, пустыннолюбцев земнаго Едема, всяко сохранит и укрепит, да во веки славословится имя Божие от земных и Hебесных, поющих: Аллилуиа.

Икос 12

Поюще преславную память твою, богоносне отче Силуане, достойно ублажаем болезни и труды твоя, яже во бдении и пощении со всеми избранниками Божия Матере всеусердне понесл еси. Кто бо изочтет труды и воздыхания ваша, в молитвах за мир слезно приносимыя, имиже Господь гнев Свой, грехов ради наших, на милование преложи и человеколюбием Своим клятву, еюже клятся — Церкви Святей до скончания века утвержденней быти — не разори. Мы же, благодарни суще сицевому предстательству твоему, умильно зовем ти:

Радуйся, водительству Святаго Духа усердный последователю;

радуйся, Христа — Благость и Премудрость Божию — телесными очима лицезрителю.

Радуйся, Христов смиренный подвижниче, Матери Божией пред всеми Hебесными и земными радость и похваление;

радуйся, неусыпный о мире молитвенниче, нашего спасения надеждо и утешение.

Радуйся, наследниче Царства Христова, подвигом своим Гору Афонскую украсивый;

радуйся, нашего спасения верный сподвижниче, путь, ведущий к Богу, нам освятивый.

Радуйся, златокованная трубо, со всеми святыми и Ангелами славу Божию возвещающая;

радуйся, венцем безсмертия Богом увенчанный, в молитвах своих нас не оставляющий.

Радуйся, отче Силуане, в молитве за мир горение любве неугасающее.

Кондак 13

О, предивный угодниче Божий Силуане, земли Российския благодатное рождение, пустыннолюбцев Горы Афонския похвало и украшение! Приими от нас малое сие моление и испроси у Распеншагося за мир Христа Бога нашего, да помилует всех нас, чад Своих, и благодатию Святаго Духа в союз любве Своея свяжет нас и, имиже весть судьбами, к Себе приведет, во еже твоими молитвами непостыдно явитися нам в день Судный пред Лицем славы Его и сподобитися со всеми святыми и Ангелами воспевати победную песнь: Аллилуиа. (трижды)

Икос 1

Ангелов Творец и Господь Сил из чрева матере твоея предъизбра тя, и, по глаголу Псалмопевца, сердце глубоко дарова ти,богоносне отче Силуане, да, яко в чертозе преизряднем, вместивши невместимое имя Бога Вышняго и силою Божиею и Божиею Премудростию житию ангельскому всеусердно последуеши. Мы же, похваляюще чудный подвиг земных трудов твоих, благоговейно зовем ти:

Радуйся, родителей благочестивых плод целомудренныя чистоты;

радуйся, благовонное цветение их подвига веры, неувядаемыя красоты.

Радуйся, благочестие родителей твоих душевне возлюбивый;

радуйся, целомудрию и боголюбию их уподобитися благоволивый.

радуйся, измлада радости в Бозе искати дивно умудривыйся;

радуйся, аки елень к источнику благодати Божия устремивыйся.

Радуйся, словом Божиим, аки сладким медом, разум юности твоея усладивый;

радуйся, сердце твое воле Божией всецело покоривый.

Радуйся, отче Силуане, в молитве за мир горение любве неугасающее.

Кондак 1

Избранный подвижниче и земный ангеле Христов, всеблаженне отче Силуане! В непрестанном бдении, посте и смирении отцев афонских преизрядный подражателю, жаждею по Бозе и горением любве к Hему благодать обильную душе твоей стяжал еси, всеблаженне. Христу подражая, за томящихся во аде, живых и грядущих молитвою слезною сраспинался еси. Сицевыя любве твоея не лиши и нас, во юдоли греховней твоего предстательства пред Богом просящих и умильно зовущих:

Радуйся, отче Силуане, в молитве за мир горение любве неугасающее.

Молитва

О, предивный угодниче Божий, отче Силуане! По благодати, тебе от Бога данной, — слезно молитися о всей вселенней — мертвых, живых и грядущих — не премолчи за нас ко Господу, к тебе усердно припадающих и твоего предстательства умильно просящих. Подвигни, о, всеблаженне, на молитву Усердную Заступницу рода христианскаго, Преблагословенную Богородицу и Приснодеву Марию, чудно призвавшую тя быти верным делателем в Ея земном вертограде, идеже избранницы Божии о гресех наших милостива и долготерпелива быти Бога умоляют, во еже не помянути неправд и беззаконий наших, но, по неизреченней благости Господа нашего Иисуса Христа, ущедрити и спасти нас по велицей Его милости.

Ей, угодниче Божий, с Преблагословенною Владычицею мира — Святейшею Игумениею Афона и святыми подвижниками Ея земнаго жребия испроси у святых Святейшаго Слова Святей Горе Афонстей и боголюбивым пустынножителем ея от всех бед и наветов вражиих в мире сохранитися. Да Ангелы святыми от зол избавляеми и Духом Святым в вере и братолюбии укрепляеми, до скончания века о Единей, Святей, Соборней и Апостольстей Церкви молитвы творят и всем спасительный путь указуют, да Церковь Земная и Hебесная непрестанно славословит Творца и Отца Светов, просвещающи и освящающи мир в вечней правде и благости Божией.

Hародам земли всей испроси благоденствие и мирное житие, дух смиренномудрия и братолюбия, добронравия и спасения, дух страха Божия. Да не злоба и беззаконие ожесточают сердца людския, могущия истребити любовь Божию в человецех и низвергнуть их в богопротивныя вражду и братоубийства, но в силе Божественныя любве и правды, якоже на Hебеси и на земли да святится имя Божие, да будет воля Его святая в человецех, и да воцарятся мир и Царствие Божие на земли.

Такожде и земному Отечеству твоему — земли Российстей испроси, угодниче Божий, вожделенный мир и небесное благословение, во еже, всемощным омофором Матере Божия покрываемому, избавитися ему от глада, губительства, труса, огня, меча, нашествия иноплеменников и междоусобныя брани и от всех враг видимых и невидимых, и тако святейшим домом Преблагословенныя Богородицы до скончания века ему пребыти Креста Животворящаго силою и в любви Божией неоскудеваему утвердитися.

Нам же всем, во тьму грехов погружаемым и покаяния тепла, ниже страха Божия не имущим и сице безмерно любящаго нас Господа непрестанно оскорбляющим, испроси, о, всеблаженне, у Всещедраго Бога нашего, да Своею Всесильною благодатию божественне посетит и оживотворит души наша, и всяку злобу и гордость житейскую, уныние и нерадение в сердцах наших да упразднит.

Еще молимся, о еже и нам, благодатию Всесвятаго Духа укрепляемым и любовию Божиею согреваемым, в человеколюбии и братолюбии, смиренномудрии и молитвенном сраспинании друг за друга и за всех, в правде Божией утвердитися и в благодатней любви Божией благонравно укрепитися, и сынолюбне Тому приближитися. Да тако, творяще Его всесвятую волю, во всяком благочестии и чистоте временнаго жития путь непостыдно прейдем и со всеми святыми Небеснаго Царствия и Его Агнчаго брака сподобимся. Ему же от всех земных и небесных да будет слава, честь и поклонение, со Безначальным Его Отцем, Пресвятым и Благим, и Животворящим Его Духом, ныне и присно, и во веки веков. Аминь.

Почитание преподобного

Схимонах Силуан Афонский, один из самых почитаемых афонитов, почти полвека был насельником Свято-Пантелеимонова монастыря. Очень любил, и всегда испрашивал его монашеских молитв владыка Николай (Велимирович). Бережно сохранял переписку и уважал монаха Силуана епископ Вениамин (Федченков).

При жизни смиренный инок старался быть незаметным среди других монахов. 

Почитание схимонаха Силуана родилось не в монастырских стенах, а пришло из послевоенной Европы, когда вернувшийся с Афона иеромонах Софроний (Сахаров), самый близкий ему человек, выпустил книгу «Старец Силуан Афонский».

Преподобный Силуан Афонский

Духовный путь святого

Святой Силуан был уроженцем Тамбовской губернии.

12
Сентябрь
1866 года
В зажиточной крестьянской семье Ивана Антонова родился сын. Ребенка назвали Семеном.

Родитель дал ребенку первые уроки христианской любви.

«Вот такого старца я хотел бы иметь: он никогда не раздражался, всегда был ровным, кротким».  

В детстве боголюбивую душу отрока растрогали рассказы о затворнике юродивом Иоанне Сезёновском (память 14 декабря). Отрок решил: «Если он святой, то значит Бог с нами, и незачем мне ходить по всей земле – искать Его». Так он обрел веру.

В юности красивый и сильный Симеон предался разгульной жизни, позабыв свое детское влечение к монашеству. Но Сама Пресвятая Богородица пожалела заблудившегося юношу. В полусне он увидел змею, заползающую ему в рот, от отвращения пробудился и расслышал неземной красоты и сладости глас:

«Ты проглотил змею во сне, и тебе противно; так Мне нехорошо смотреть, что ты делаешь».

Семеном овладело чувство глубокого стыда за свою прежнюю жизнь, он твердо решил после демобилизации не возвращаться в мир, полный соблазнов.

Полезные материалы

Срочную службу Семен Антонов проходил в Санкт-Петербурге в гвардейских войсках. «Умом он был на Афоне и на Страшном Суде» — так о нем говорил сослуживец. Перед демобилизацией, не застав отца Иоанна в Кронштадте, солдат написал ему письмо, где просил святых молитв, чтобы мир его не задержал.

В 1892 году Семен Антонов поступил в братство Свято-Пантелеимонова монастыря.

Молодой послушник предался аскетическим подвигам: крайне скудно питался, спал всего два часа в сутки, все время, свободное от послушаний, проводил в келье, в непрестанной горячей молитве.

Прошло всего три недели, и Иисусова молитва непрестанно стала совершаться в сердце. Грубые материальные соблазны оставили его, но осталось самое коварное из искушений, зачастую губящее иноков: тщеславие и превозношение. Началась брань с тщеславными помыслами, которая длилась пятнадцать лет.

«Можно много молиться, много поститься и много добра делать, но если при этом будем тщеславиться, то будем подобны бубну, который гремит, а внутри пустой. Тщеславие опустошает душу, много надо опыта, нужна долгая борьба, чтобы победить его».

Шло время, а сила демонических нападений возрастала. Все чаще посещали помыслы безнадежности. Никто из людей не мог помочь унывающему иноку. И тогда, Сам Христос Спаситель открыл ему Свою Любовь.

«Я пошел в церковь на вечерню и, глядя на икону Спасителя сказал: «Господи Иисусе Христе, помилуй меня грешного». И с этими словами увидел на иконе вместо иконы живого Господа…  И наполнилась душа и тело неизреченной сладости, и душа Духом Святым познала Господа нашего Иисуса Христа, и что Господь милостив, и красоты и кротости неизреченной, и вразумилась душа, и с тех пор горит любовью ко Господу…»
Интересный факт
Сорок шесть лет молился преподобный Силуан за всех людей, возрастая в смирении, неся хлопотливую должность эконома.

Он обрел чистую молитву и стал носителем Духа Святого.

«Крепко верь, что мы страдаем только до тех пор, пока не смиримся, а как только смиримся, так конец скорбям, ибо Дух Божий за смирение извещает душу, что она спасена…».

День памяти святого

В Церкви память старца празднуется 24 сентября

24
Сентябрь
1938 года
В этот день угодник Божий упокоился также мирно и благоговейно, как и жил.  Спустя пятьдесят лет старца Силуана (Антонова) канонизировали.

Наставления и молитвы — наследие прп. Силуана

О духовничестве:

«Великую силу имеют молитвы духовника. Много за гордость страдал я от бесов, но Господь смирил и помиловал меня за молитвы духовника, и теперь Господь открыл мне, что на духовниках почивает Дух Святой, и потому я много почитаю духовников. За их молитвы мы получаем благодать Святого Духа и радость о Господе, Который нас любит и дал нам все нужное для (спасения) души.»

О молитве

«О, человече, учись Христову смирению, и даст тебе Господь вкусить сладости молитвы. И если ты хочешь чисто молиться, то будь смирен, воздержан, чисто исповедуйся, и возлюбит тебя молитва. Будь послушлив, с благою совестью подчиняйся властям, и будь доволен всем, и тогда ум твой очистится от суетных помыслов. Помни, что тебя видит Господь, и будь в страхе, как бы не оскорбить чем-либо брата; не осуди его и не опечаль его хотя бы видом, и Дух Святый возлюбит тебя, и Сам во всем будет тебе помогать.»

Молитва, составленная святым

«Господи Милостивый, научи всех нас Духом Твоим Святым жить по воле Твоей, чтобы все мы во Свете Твоем познали Тебя, истинного Бога, ибо без Света Твоего мы не можем понять полноту любви Твоей. Просвети нас благодатью Твоею, и она согреет сердца наши любить Тебя».

В каких случаях прибегают к чтению акафиста:

  • когда человека охватывает отчаяние и печаль;
  • о вразумлении заблудших;
  • преподобный сам страдал головной болью, поэтому помогает при частых мигренях.

Кладезь смиренномудрия

Брат Силуан изучил опыт монашеского возрастания не по книжкам, а вел войну с темными силами за спасение бессмертной души.  «Держи ум свой во аде и не отчаивайся» — эти Божии слова согревали его душу.

Ирина Кощеева

Похожие статьи

Рекомендуем статьи по теме

Добавить комментарий

Получать новые комментарии по электронной почте. Вы можете подписаться без комментирования.

Комментарий 1
  1. Катерина

    Спаси Господи!
    Отрадно осознавать, что родился на одной земле с таким святым угодником Божьим! Преподобный Силуан Афонский родился в селе Шовское Тамбовской губернии, а сегодня это Лебедянский район Липецкой области. С сентябре 2016 года отреставрированный дом, где родился и жил преподобный старец, открылся как музей преподобного Силуана Афонского Елецкой епархии Русской Православной Церкви. В музее более 300 экспонатов, среди которых письма, предметы быта, икона и семейные фотографии рода Антоновых. Особое место занимает икона преподобного с частицей его мощей, переданная в дар музею Святейшим Патриархом Московским и всея Руси Кириллом.

Следите за нами в социальных сетях

+