О семейном благополучии читают акафист святым Гурию, Самону и Авиву

Святые мученики Гурий, Самон и Авив жили и пострадали в разное время. Самон и Гурий жили при императорах Диоклетиане и Максимиане, их кончина последовала между 293 и 306 годом. Мученик Авив пострадал в 322 году при Ликинии.

Святые мученики Гурий, Самон и Авив

Все трое мучеников жили в городе Эдессе (Едессе) в Македонии.

Акафист

Кондак 1

Избраннии чудотворцы Христовы и святыя веры исповедницы, Гурие, Самоне и Авиве добронравнии, память вашу чтущи песньми похвальными, воспеваем яко христиан заступников, страждущих покровителей. Вы же, имуще дерзновение ко Господу, от всяких бед и напастей свободите нас, верою и любовию зовущих: Радуйтеся, Гурие, Самоне и Авиве, страстотерпцы Христовы и обидимых покровителие!

Икос 1

Ангелы во плоти Тройце Святей равночисленнии, любовию к Богу горяще идолы попрасте, веру Христову укреписте, Троицу Святую прослависте, темже убо похваляюще подвиги ваша, глаголем вам сице: Радуйтеся, светильники благочестия. Радуйтеся, обличители нечестия. Радуйтеся, утверждения веры Христовой. Радуйтеся, столпы Церкви Божия. Радуйтеся, верных надеждо и заступление. Радуйтеся, неверных страх и посрамление. Радуйтеся, Гурие, Самоне и Авиве, страстотерпцы Христовы и обидимых покровителие!

Кондак 2

Видя нечестие людей града Эдеса, святии Гурий и Самон в пустыню удалишися, бегая князя мира сего и соблазнов и усердно служаще Богу, день и ночь воспеваху: Аллилуиа.

Икос 2

Разум премудр имея, святии мученицы, выну трудишася во славу Божию, языческое нечестие обличая, ищущия истины на путь правый наставляя и мнози неверныя к Богу Истинному привлекоша, сего ради глаголем вам сице: Радуйтеся, насадители истиннаго богопочитания. Радуйтеся, искоренители демонскаго служения. Радуйтеся, тьмы нечестия обличители. Радуйтеся, идольския прелести низложители. Радуйтеся, исповедницы Христовы изряднии. Радуйтеся, cвeтилa веры православней. Радуйтеся, Гурие, Самоне и Авиве, страстотерпцы Христовы и обидимых покровителие!

Кондак 3

Силою свыше осененнии святии мученицы, гонителей святой веры неустрашишася, веления нечестиваго Антониана небрегоша и веру Христову велегласно прославиша, темже и в темницу ввержени пояху Богу: Аллилуиа.

Икос 3

Имея веру во Христа адаманта твердейшую и силою тоя вооружившиися, мужественно претерпели есте, святии мученицы, темничные узы и самую смерть, сего ради похваляюще таковое мужество, ублажаем вас сице: Радуйтеся, истинныя веры исповедницы. Радуйтеся, Царствия Божия наследницы. Радуйтеся, мучеников похвало. Радуйтеся, страстотерпцев славо. Радуйтеся, святыя Церкви утверждение. Радуйтеся, всего рода христианскаго украшения. Радуйтеся, Гурие, Самоне и Авиве, страстотерпцы Христовы и обидимых покровителие!

Кондак 4

Бурею помышлений сумнительных одержимый, нечестивый царь Ликиний воздвиже жестокое гонение на христианы, ты же, страстотерпче Авиве, того не убояся, с твердою верою взывал еси Христу Богу: Аллилуиа.

Икос 4

Слышав царь Ликиний твои подвиги, досточудный Авиве, и твое твердое веры исповедание, разъярися на тя злобою, повеле предати тя смерти лютей яко противника царева, ты же, уведев о сем, добровольно потекл еси на мучение, и с радостию претерпел еси огненное сожжение, сего ради дивящеся великому мужеству твоему, величаем тя сице: Радуйся, поборниче веры во Христа неустрашимый. Радуйся, воине Христов непобедимый. Радуйся, повешанный на древе за Pacпpoстepшагo руце Свои на древе крестнем. Радуйся, строганный когтьми железными. Радуйся, утешение подаваяй скорбящим. Радуйся, скорый помощниче всем за истину терпящим. Радуйтеся, Гурие, Самоне и Авиве, страстотерпцы Христовы и обидимых покровителие!

Кондак 5

Боготечным звездам на тверди небесней подобнии были есте, святии мученицы, лучами жития своею тьму языческаго нечестия просвещающии и многих на путь истинны наставляющии. Темже благоговейно чтуще память вашу, благодарно поем Богу: Аллилуиа.

Икос 5

Видеша людие града Эдеса многие чудеса, бываемыя от раки святых мучеников Гурия, Самона и Авива, зело радовахуся и Господа всем сердцем прославляху, мы же чтуще святую память вашу, святии мученицы, умильно взываем: Радуйтеся, неправедно гонимых заступницы. Радуйтеся, верных рабов Христовых друзи. Радуйтеся, сущих во узах и темницах хранителие. Радуйтеся, гонителей и обидящих вразумители. Радуйтеся, плачущих утешители. Радуйтеся, от наглыя и лютыя смерти избавители. Радуйтеся, Гурие, Самоне и Авиве, страстотерпцы Христовы и обидимых покровителие!

Кондак 6

С высоты мудрии благодать приемше, за сущих во искуплении предстоите, всехвальнии, темже отроковицу, святии, от смерти горькия избависте. Вы бо воистинну есте граду Эдесу слава и миру радость, сего ради воспеваем ко Господу: Аллилуиа

Икос 6

Вражия работы избави нас, Иисусе Жизнодавце, Твоих страдалец мольбами умоляем, яко да не порабощенну стяжав от страстей душу и тело, восхваляем тех скорейшую помощь, якоже во гробе затворенную мужем и сию скоро предваривше от смерти избавиша, темже взываем вам сице: Радуйтеся, невинную жену от лютыя смерти спасшии. Радуйтеся, дивным спасением ея зверства мучителя победившии. Радуйтеся, злаго мужа жестокое деяние обличившии. Радуйтеся, и того веровати в силу Бога христианскаго научившии. Радуйтеся, податели милости тоя требующим. Радуйтеся, стражи неусыпнии почитающих память вашу. Радуйтеся, Гурие, Самоне и Авиве, страстотерпцы Христовы и обидимых покровителие!

Кондак 7

Хотяй Человеколюбец Господь явити милость Свою людям Своим, сохрани телеса ваши нетленны, чудеса точащии, от них же вси вернии токи исцелений получают, зовуще Богу: Аллилуиа.

Икос 7

Новых заступников и дивных чудотворцев ведуще, людие из града Эдеса святой храм в память вашу создаша, в нем же и мощи ваша положиша, да вси страждущии помощь в них почерпают, мы же такожде тверду надежду на вас имуще, взываем вам сице: Радуйтеся, душевных и телесных недугов наших целители. Радуйтеся, бесов о имени Господни изгонители. Радуйтеся, Евангельския истины «благодати» благовестители. Радуйтеся, Божественныя благодати носители. Радуйтеся, скорби многи за имя Господне приявшии. Радуйтеся, дивно во святых Его просиявшии. Радуйтеся, Гурие, Самоне и Авиве, страстотерпцы Христовы и обидимых покровителие!

Кондак 8

Странно и страшно неверным слышати, каковы дивные дела от святых мощей ваших совершаются: недузи врачуются, страсти исцеляются, мы же, тверду надежду на нас имуще, Богу о вас тако благодеющему с верою взываем: Аллилуиа.

Икос 8

Всеми добродетельми исполненнии, за нихже и славою Божиею почтении, внимайте, святии мученицы, молитвам верных, чтущих святую память вашу, от нихже слышисте сицевая: Радуйтеся, нищии духом, яко ваше есть Царствие Небесное. Радуйтеся, плачущии, яко утешистеся. Радуйтеся, кротции, яко наследовасте землю. Радуйтеся, алкавшии и жаждавшии правды, яко насытишася. Радуйтеся, милостивии, яко стяжали есте помилование. Радуйтеся, чистии сердцем, яко уже Бога узресте. Радуйтеся, Гурие, Самоне и Авиве, страстотерпцы Христовы и обидимых покровителие!

Кондак 9

Всякия напасти, находящия на град Эдес, разоряли есте, святии мученицы, темже и ныне не оставите нас смиренных и грешных, но вся люди страны нашия в православии и единомыслии утвердите, да вси едиными усты и единым сердцем воскликнем прославившему вас Господу: Аллилуиа.

Икос 9

Витии многовещаннии, яко рыбы безгласнии зрим о вас, святии мученицы: недоумеют бо, како в пустыни духом витали есте и посреде человек неусыпными подвиги подвизастеся. Мы же радующися, яко таковы имамы учители и молитвенники, прославляем вас, глаголюще: Радуйтеся, кимвалы Слова Божия. Радуйтеся, теплии о нас пред Богом ходатаи. Радуйтеся, иудеев и еллинов просветители. Радуйтеся, тридневнаго Божества благовестители. Радуйтеся, кротости и воздержания учители. Радуйтеся, лжи и татьбы обличителие. Радуйтеся, Гурие, Самоне и Авиве, страстотерпцы Христовы и обидимых покровителие!

Кондак 10

Спасти хотя люди града Эдеса от мысленнаго волка, твердо увещали есте тех стояти во истинней вере ниже козней вражиих устрашатися, но и в скорбех и напастех за вас благодарити Бога, поюще Ему: Аллилуиа.

Икос 10

Стена тверда и надежнее прибежище есте, святии мученицы, всем к вам прибегающим и скорыя помощи требующим, сего ради во умилении сердца нашего взываем: Радуйтеся, всех скорбящих радование. Радуйтеся, всех угнетенных и порабощенных прибежище и освобождение. Радуйтеся, вдов и сирот заступление. Радуйтеся, от ересей и расколов ограждение. Радуйтеся, яко вси нечестивии житию вашему удивляются. Радуйтеся, яко вси благочестивии о имени вашем веселятся. Радуйтеся, Гурие, Самоне и Авиве, страстотерпцы Христовы и обидимых покровителие!

Кондак 11

Пение благодарственное приносите ко Господу и о нас, теплии заступницы наши, молим вас присно не отступати от нас, грех наших ради, но милосердие от Господа всем испросите, вопиющим Ему: Аллилуиа.

Икос 11

Светозарную троицу святых мучеников восхваляюще, вернии, устранимся распрей и раздоров в жизни сей, убежим несогласий и разделений в Православней вере и храняще единение духа в союзе мира, из глубины души воскликнем тако: Радуйтеся, громогласныя трубы Евангельскаго благовестия. Радуйтеся, сладкозвучныя гусли проповеди спасения. Радуйтеся, крепции правды рачителие. Радуйтеся, непоколебимии неправды истребители. Радуйтеся, благочестивым семействам мира и блага податели. Радуйтеся, жестоким и неверным супругом строгие наказатели. Радуйтеся, Гурие, Самоне и Авиве, страстотерпцы Христовы и обидимых покровителие!

Кондак 12

Благодать, данную вам от Бога, ведуще, память вашу празднуем, святые мученицы, с усердным молением к вашему честному образу притекающе, вашею твердою помощию, яко необоримою стеною ограждаемся, сего ради восхваляем вас, страстотерпцы Христовы, и усердно зовем Богу: Аллилуиа.

Икос 12

Поюще ваше дивное житие и мученическую кончину, молим вас, страстотерпцы Христовы Гурие, Самоне и Авиве, будете нам во всем благие помощницы, благословите нас миром и любовию, подайте нам твердую веру, чистоту жизни и страх Божий, да вси душевный покой имуще, в радости воскликнем: Радуйтеся, яко имена ваша и между неверными прославляются. Радуйтеся, покой и отрадо скорбящим, Радуйтеся, страх и удивление обидящим. Радуйтеся, невинную жену от лютыя смерти спасшии. Радуйтеся, злаго мужа ея достойно покаравшии. Радуйтеся, Гурие, Самоне и Авиве, страстотерпцы Христовы и обидимых покровителие!

Кондак 13

О святии страстотерпцы Христовы Гурие, Самоне и Авиве, приимите сие наше хвалебное пение и, услышав усердно желание наше, избавите нас теплым своим к Богу предстательством, от всякаго зла, от вражды и несогласий и всяких лютых бед и болезней, да с любовию вас чтуще, выну зовем Богу: Аллилуиа, Аллилуиа, Аллилуиа.

(Этот кондак читается трижды, затем икос 1 и кондак 1)

Моли́тва
О, святи́и му́ченицы и испове́дницы Христо́вы Гу́рие, Само́не и Ави́ве! Те́плии о нас хода́таи и моли́твенницы пред Бо́гом, во умиле́нии серде́ц на́ших, взира́я на пречи́стый ваш о́браз, смире́нно мо́лим вас: услы́шите нас, гре́шных и недосто́йных рабо́в свои́х, су́щих в беда́х, ско́рбех и напа́стех, и призре́в на́ша тя́жкая и безчи́сленная прегреше́ния, яви́те нам свою́ вели́кую ми́лость, воздви́гните нас из глубины́ грехо́вныя, просвети́те наш ум, смягчи́те зло́е и окая́нное се́рдце, прекрати́те за́висть, вражду́ и раздо́ры, в нас живу́щие. Осени́те нас ми́ром, любо́вию и стра́хом Бо́жиим, умоли́те милосе́рднаго Го́спода, да покры́ет мно́жество грехо́в на́ших Свои́м неизрече́нным милосе́рдием. Да соблюде́т Це́рковь Свою́ Святу́ю от неве́рия, ересе́й и раско́лов. Да пода́ст стране́ на́шей мир, благоде́нствие, земли́ плодоро́дие; супру́гом любо́вь и согла́сие; ча́дам послуша́ние; оби́димым терпе́ние; оби́дящим страх Бо́жий; скорбя́щим благоду́шие; ра́дующимся воздержа́ние. Всех же нас да покры́ет Свое́ю всеси́льною десни́цею, и да изба́вит от гла́да, губи́тельства, тру́са, пото́па, огня́, меча́, наше́ствия иноплеме́нников и междоусо́бныя бра́ни, и напра́сныя сме́рти. Да огради́т нас ополчением святы́х Свои́х а́нгелов, во е́же изба́витися нам по исхо́де на́шем из жития́ сего́ от ко́зней лука́ваго и та́йных воздушных мыта́рств его́, и неосужде́нными предста́ти Престо́лу Го́спода Сла́вы, иде́же ли́цы святы́х А́нгел со все́ми святы́ми вы́ну сла́вят пресвято́е и великоле́пое и́мя Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Это интересно: Святые помощники семьи Гурий, Самон и Авив

Краткое житие мучеников

Гурий и Самон были проповедниками Слова Божьего. Вместе они служили Господу, вместе удалились из Эдессы, когда не могли больше выносить беззакония и развращения, распространившихся в родном городе.

Вокруг Гурия и Самона собралась община христиан, обращенных друзьями из язычества. Римский наместник Антонин приказал солдатам схватить всех и привести на суд. Он задумал не казнить граждан своего города, а склонить к идолопоклонству.

Решив, что вначале следует заставить отречься от веры наставников, Антонин призвал на суд Гурия и Самона и предложил принести жертвы языческому божеству. Святые отказались и были подвергнуты мучениям. Руку Гурия связали с рукой Самона, к ногам привязали камень и повесили, затем забивали в деревянные колодки, держали в темнице без воды и пищи.

Даже воины, охранявшие мучеников, просили их прекратить страдания и отречься от Христа, но те хранили стойкость.

На последний суд к правителю Музонию, специально прибывшему на суд из Рима, святого Самона вели под руки, а святого Гурия несли, так как идти он не мог.

Избрав смерть за Христа как награду в земной жизни, мученики были обезглавлены. Обращенные ими в христианство ученики тайно погребли Гурия и Самона.

Мученик Авив жил во времена, когда гонения на христиан должны были прекратиться.  Такое условие поставил святой Равноапостольный император Константин мужу своей сестры Ликинию, отдавая под его начало Восточные земли, в силе которых была и Эдесса. Но Ликиний нарушил слово.

Авив был диаконом, он проповедовал в Эдессе, обращая ко Христу множество людей. Ликиний приказал схватить диакона. Авив, чтобы вместо него не пострадали невинные люди, сам отдался в руки стражи. После многих мучений Авива повели на казнь.

За ним шли близкие, среди них мать святого. Он ободрял их, а потом сам взошел на костер. Когда костер угас, мать нашла тело не пострадавшим от огня. Авива погребли рядом с Самоном и Гурием, потому что их мученичество совершилось в один день.

День памяти

День памяти святых 15 (28) ноября.

«Итак всякого, кто исповедает Меня пред людьми, того исповедаю и Я пред Отцем Моим Небесным; а кто отречется от Меня пред людьми, отрекусь от того и Я пред Отцем Моим Небесным». (Мф. 10: 32-33)

О чем молятся святым

Православное предание сохранило память о чудесах, совершаемых мучениками. Одно из них — Эдесское чудо, благодаря ему святые считаются покровителями семьи и брака.

Спустя некоторое время после кончины мучеников в Эдессе жила благочестивая вдова по имени София. Ее единственная дочь Евфимия была так прекрасна, что мать не допускала, чтобы ее увидели мужчины. Но в доме стоял на постое воин из германского племени, один из охранявших город.

Он добился, чтобы отроковицу выдали за него замуж и увез на родину. Там Евфимия узнала, что тот уже женат. Претерпев множество страданий и бед, Евфимия воззвала с молитвой к мученикам Гурию, Самону и Авиву. И совершилось чудо – в одну ночь Евфимия была перенесена к матери в Эдессу.

Сложилась традиция молиться святым мученикам:

• о верности в браке;
• о защите жены от несправедливых обвинений и насилия со стороны мужа;
• об утешении обманутых жен;
• о защите обиженных;
• о даровании терпения.

Святые мученики Гурий, Самон и Авив помогают тем, кто с верой прибегает к их молитвенной помощи как в семейной жизни, так и в укреплении веры.

Это интересно: Значение иконы святых Гурия, Самона и Авива

Марина Рогова