О чтении акафиста иконе «Умягчение злых сердец»

Икона и акафист Божией Матери «Умягчение злых сердец» 

Икона Богородицы «Умягчение злых сердец»

 Сейчас вряд ли возможно сказать в точности, сколько создано образов Божией Матери. В месяцеслове их насчитывается около трехсот. И к самым чтимым в нашей стране относится икона Пресвятой Девы «Умягчение злых сердец».

Значение образа

Содержание этого извода восходит к Новому Завету. Как сказано в Евангелии, старцу Симеону, известному своей святой жизнью, было обещано, что он еще до своей кончины узрит  Мессию. Однажды, придя в храм в Иерусалиме, старец  встретил там Марию и Иосифа, принесших своего Младенца Иисуса.

Симеон понял, что это и есть та обещанная ему встреча с Мессией. Он благословил Матерь и ее Младенца, произнеся: «се, лежит Сей на падение и на восстание многих в Израиле и в предмет пререканий, — и Тебе Самой оружие пройдет душу, — да откроются помышления многих сердец».

Икона Божией Матери «Семистрельная»

Если не знать этого евангельского текста, смысл изображения останется темным. На иконе изображается Богородица Мария, с вонзенными в грудь клинками: по три с обеих сторон, и один снизу. Этой деталью образ «Умягчение злых сердец» отличается от очень сходного  по сюжету «Семистрельного», который пишется с четырьмя остриями с одной стороны и с тремя – с другой.

Оружие, проникающее «в душу» (по слову Симеона Богоприимца) Марии, символизирует не только душевное состояние Матери при виде мук Ее распятого Сына. Эти стальные клинки – олицетворение всех людских прегрешений, которыми мы раним сердце нашей Заступницы и Молитвенницы.

Мечей ровно семь, и это не случайно. В Библии это число является знаком полноты, завершенности чего-либо. В данном случае речь идет о полноте того горя и мук, которые перенесла Богородица при жизни, и тех ран, которыми мы продолжаем ранить Ее ежечасно.

Точное время и обстоятельства появления иконы «Умягчение злых сердец»  неизвестны. Образ имеет, вероятно, происхождение из южных областей нашей страны. Самая старинная икона написана красками по холсту, что дает основания датировать ее XVIII-м столетием. Возможно, у художника был перед глазами какой-то более древний образец, но об этом нам сейчас ничего неизвестно.

 Чему посвящен акафист

Икона Божией Матери «Умягчение злых сердец»

Акафист иконе «Умягчение злых сердец» состоит из 12-ти икосов и 13-ти кондаков. В них излагается весь страдальческий путь Пресвятой Девы от момента, когда Она, не имея, где Ей преклонить голову, произвела на свет Младенца в пещере пастухов («вертепе») до того дня, когда увидела Своего Сына на кресте. Отдельный кондак посвящен встрече со старцем Симеоном. Не опущены и такие события, как удаление в Египет, эпизод, когда Мария и Иосиф потеряли отрока Иисуса и отыскали Его в Иерусалимском храме, годы странствий Иисуса, воскрешение Лазаря и прибытие Его в Иерусалим для принятия тернового венца и крестной муки.

В каких случаях прибегают к чтению этого акафиста

К чтению акафиста этой иконе обращаются в тех случаях, когда нужно:

— умерить душевную или телесную боль;

— улучшить взаимоотношения между супругами, родственниками;

— снять враждебность, распри в отношениях с другими людьми, в том числе, с начальством;

— избавиться от иных опасностей, в том числе, вызванных действиями врагов.

 Как молиться 

Акафист  можно прочитывать как в храме, так и дома. Если вы читаете его утром или вечером,  то сначала произносятся обычные утренние или вечерние молитвы, а затем и сам текст акафиста.

О молитве по соглашению

Есть такая практика в Церкви: в особо трудных, неразрешимых ситуациях, люди договариваются о молитве по соглашению, чтобы всем вместе просить Бога, Богородицу или святых угодников, о помощи в беде. Совместная молитва близких, неравнодушных людей может помочь даже в самых безнадежных ситуациях, и тому есть много примеров.

В последнее время такая молитва приобрела большую известность благодаря прот. Владимиру Головину из г. Болгар, хотя она и имеет несколько другой оттенок. Ведь там молятся по соглашению люди, которые никогда друг друга не видели, они не знают в чем ваша проблема, а вы не знаете ничего о них. Поэтому, многие священники подвергают сомнению такую молитву по соглашению.

Молитва к Божией Матери поможет забыть ссоры и неурядицы

Все, кто прибегает к чтению этого текста с подлинной, горячей верой, обретают душевный мир и осознание того, что их молитвы не пропали втуне. Больные избавляются от недугов, скандалящие родные люди примиряются, успокаиваются ссоры и неурядицы, злонамеренные поступки не причиняют вреда. Таких рассказов очень много.

Автор: Ольга Ельникова.

Икона Божией Матери «Умягчение злых сердец»

Акафист Пресвятой Богородице в честь иконы «Семистрельная» и «Умягчение злых сердец»

Кондак 1

Избра́нной Де́ве Мари́и, превы́сшей всех дще́рей земли́, Матери Сы́на Бо́жия, Е́юже дае́тся спасе́ние ми́ра, со умиле́нием взыва́ем: воззри́ на многоско́рбное житие́ на́ше, воспомяни́ ско́рби и боле́зни, я́же претерпе́ла еси́, я́ко на́ша земноро́дная, и сотвори́ с на́ми по милосе́рдию Твоему́, да зове́м Ти:

Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.

Икос 1

А́нгел возвести́ па́стырем вифлее́мстим о Рождестве́ Спаси́теля ми́ра, и с ним мно́жество во́ев небе́сных восхваля́ху Бо́га, пою́ще: «Сла́ва в вы́шних Бо́гу, и на земли́ мир, в челове́цех благоволе́ние». Ты же, Ма́ти Бо́жия, не име́вши где главу́ преклони́ти, зане́ не бе ме́ста во оби́телех, родила́ Сы́на Своего́ Пе́рвенца в верте́пе, и пови́ла Его́ пелена́ми, и положи́ла Его́ в я́слех. Те́мже, скорбь се́рдца Твоего́ ве́дуще, вопие́м Ти:

Ра́дуйся, дыха́нием Свои́м Сы́на Своего́ возлю́бленнаго согре́вшая; ра́дуйся, Преве́чнаго Младе́нца пелена́ми пови́вшая.

Ра́дуйся, Носи́теля вселе́нныя мле́ком Свои́м пита́вшая; ра́дуйся, верте́п в не́бо обрати́вшая.

Ра́дуйся, престо́л херуви́мский соде́лавшаяся; ра́дуйся, в рождестве́ и по рождестве́ Де́ва пребы́вшая.

Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.

Кондак 2

Ви́дяще Преве́чнаго Младе́нца пови́та лежа́ща в я́слех, прише́дше, поклони́шася Ему́ па́стыри вифлее́мстии и глаго́лаша рече́нное им а́нгелы о Отроча́ти. Мариа́м же соблюда́ше вся глаго́лы сия́ в се́рдце Свое́м. По проше́ствии же осьми́ дней обре́зан бе Иису́с по зако́ну Изра́илеву, я́ко Челове́к. Воспева́юще смире́ние и терпе́ние Твое́, Богоро́дице, пое́м Ве́чному Бо́гу: Аллилу́иа.

Икос 2

Ра́зум иму́ще в Бо́зе утвержде́нный и соблюда́юще Зако́н Госпо́день, в четыредеся́тый день, егда́ испо́лнишася дни́е очище́ния, вознесо́ста Иису́са во Иерусали́м роди́телие Его́, е́же поста́вити Его́ пред Го́сподем и да́ти за Него́ же́ртву по рече́нному в Зако́не Госпо́днем; мы же вопие́м Богоро́дице си́це:

Ра́дуйся, Созда́теля вселе́нныя во исполне́ние Зако́на в храм Иерусали́мский прине́сшая; ра́дуйся, та́мо ста́рцем Симео́ном ра́достно сре́тенная.

Ра́дуйся, Еди́на Чи́стая и Благослове́нная в жена́х; ра́дуйся, крест Твой, скорбьми́ преукраше́нный, во смире́нии не́сшая.

Ра́дуйся, во́лю Бо́жию николи́же преслу́шавшая; ра́дуйся, о́браз терпе́ния и смире́ния нам Собо́ю яви́вшая.

Ра́дуйся, сосу́де, испо́лненный благода́ти Ду́ха Свята́го; ра́дуйся, ро́ждшая Сы́на Единоро́днаго Отца́ Небе́снаго.

Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.

Кондак 3

Си́лою свы́ше укрепля́ема была́ еси́, Ма́ти Бо́жия, егда́ услы́шала еси́ словеса́ праведнаго ста́рца Симео́на: «Се, лежи́т Сей на паде́ние и на воста́ние мно́гим во Изра́или и в зна́мение пререка́емо, и Тебе́ же Само́й ду́шу про́йдет ору́жие, я́ко да откры́ются от мно́гих серде́ц помышле́ния». Оба́че скорбь ве́лия пронзе́ се́рдце Богоро́дицы, и возопи́ Сия́ Бо́гу: Аллилу́иа.

Икос 3

Име́я тща́ние погуби́ти Отроча́, посла́ И́род изби́ти вся де́ти, су́щия в Вифлее́ме и преде́лех его́, от двою́ ле́ту и нижа́йше, по вре́мени, е́же испыта́ от волхво́в. И се, повеле́нием Бо́жиим, да́нным чрез а́нгела во сне ста́рцу Ио́сифу, бежа́ все Свято́е Семе́йство во Еги́пет и пребы́сть та́мо седмь лет до сме́рти И́рода. Те́мже со умиле́нием воспое́м Ти, Богоро́дице:

Ра́дуйся, всю тесноту́ стра́нствия поне́сшая; ра́дуйся, я́ко вси и́доли падо́ша в стране́ Еги́петстей, не возмо́гше терпе́ти кре́пости Сы́на Твоего́.

Ра́дуйся, с нечести́выми язы́чники пребыва́вшая; ра́дуйся, из Еги́пта с Пе́рвенцем О́троком и Свои́м обру́чником в Назаре́т прише́дшая.

Ра́дуйся, со ста́рцем Ио́сифом древоде́лом в нищете́ жи́вшая; ра́дуйся, все вре́мя Свое́ в труде́х провожда́вшая.

Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.

Кондак 4

Бу́ря ско́рби обдержа́ Пречи́стую Ма́терь, егда́ возвраща́ющимася и́ма из Иерусали́ма не обрето́ша в пути́ О́трока Иису́са. Сего́ ра́ди возврати́стася во Иерусали́м, взыска́юще Его́. И бысть по трие́х днех, обрето́ста Его́ в це́ркви, седя́щаго посреде́ учи́телей, и послу́шающаго их, и вопроша́ющаго их. И рече́ к Нему́ Ма́ти Его́: «Ча́до, что сотвори́ на́ма та́ко? Се оте́ц Твой и Аз, боля́ще, иска́хом Тебе́.» И рече́ к ни́ма Иису́с: «Что я́ко иска́сте Мене́? Не ве́сте ли, я́ко в тех, я́же Отца́ Моего́, досто́ит быти Ми?» Ты же, Пречи́стая, соблюда́ла еси́ глаго́лы сия́ в се́рдце Свое́м, вопию́щи Бо́гу: Аллилу́иа.

Икос 4

Услы́шала еси́, Ма́ти Бо́жия, я́ко Иису́с прохожда́ше всю Галиле́ю, уча́ на со́нмищих, пропове́дуя Ева́нгелие Ца́рствия и исцеля́я всяк неду́г и вся́кую я́зю в лю́дех. И изы́де слух о Нем по всей стране́, и приведо́ша к Нему́ вся боля́щия разли́чными неду́ги и страстьми́, одержи́мыя бе́сы и разсла́бленныя, и исцели́ их. Ты же, Ма́ти Бо́жия, ве́дущи проро́чество, скорбя́щи се́рдцем, познава́ла еси́, я́ко вско́ре прии́дет час, егда́ Сын Твой принесе́т Себе́ в же́ртву за грехи́ ми́ра. Те́мже ублажа́ем Тя, многоско́рбная Ма́ти Бо́жия, вопию́ще:

Ра́дуйся, Сы́на Своего́ на служе́ние наро́ду иуде́йскому отда́вшая; ра́дуйся, ско́рбная се́рдцем, но поко́рная во́ли Божией.

Ра́дуйся, мир от пото́па грехо́внаго спа́сшая; ра́дуйся, главу́ дре́вняго зми́я сте́ршая.

Ра́дуйся, Себе́ в же́ртву Бо́гу прине́сшая; ра́дуйся, Госпо́дь с Тобо́ю, Благослове́нная.

Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.

Кондак 5

Ца́рствие Бо́жие на земли́ пропове́дуя, облича́ше Иису́с го́рдость фарисе́ев, мне́вших себе́ пра́ведники быти. Те́мже слы́шаще при́тчи Его́, разуме́ша, я́ко о них глаго́лет, и иска́ша взя́ти Его́, но убоя́шася наро́да, поне́же я́ко проро́ка Его́ име́яху; сия́ вся ве́дающи, скорбя́щи Богоро́дица о Сы́не Свое́м возлю́бленнем, страда́ше, да не убию́т Его́, оба́че вопию́ще Бо́гу: Аллилу́иа.

Икос 5

Ви́девше не́ции от иуде́й воскреше́ние Ла́заря, идо́ша к фарисе́ем и реко́ша им, я́же сотвори́ Иису́с; и рече́ им Каиа́фа, архиере́й сый ле́ту тому́: «У́не есть нам, да еди́н челове́к у́мрет за лю́ди, а не весь наро́д поги́бнет». И от сего́ дне совеща́ша, да убию́т Его́. Мы же вопие́м Ти, Пречи́стая:

Ра́дуйся, Спаси́теля ми́ра ро́ждшая; ра́дуйся, спасе́ния на́шего глави́зно.

Ра́дуйся, от рожде́ния в Ма́терь Спа́су на́шему предызбра́нная; ра́дуйся, Ма́ти Бо́жия, обрече́нная на страда́ние.

Ра́дуйся, Благослове́нная, Цари́ца Небе́сная соде́лавшаяся; ра́дуйся, вы́ну за ны моля́щаяся.

Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.

Кондак 6

Пре́жде пропове́дник сло́ва Бо́жия, последи́ же преда́тель, Иу́да Искарио́тский, еди́н от обоюна́десяте апо́столов, и́де ко архиере́ом, преда́ти хотя́ Учи́теля своего́; они́ же, слы́шавше, обра́довашася и обеща́ша ему́ сре́бренники да́ти. Ты же, Богома́ти, скорбя́щи о Сы́не Свое́м возлю́бленнем, вопия́ла еси́ го́рце Бо́гу: Аллилу́иа.

Икос 6

Возсия́ла есть после́дняя ве́черя ученико́м Христо́вым, на нейже Учи́тель умы́ но́зе им, о́браз смире́ния показу́я, и рече́ им: «Еди́н от вас преда́ст Мя, яды́й со Мно́ю». Мы же, го́рю Матери Божией сострада́юще, воспева́ем Ей:

Ра́дуйся, Ма́ти Бо́жия, му́кою серде́чною истомле́нная; ра́дуйся, вся претерпе́вшая в юдо́ли сей многоско́рбней.

Ра́дуйся, в моли́тве успокое́ние находи́вшая; ра́дуйся, всех скорбя́щих Ра́досте.

Ра́дуйся, утоле́ние на́ших печа́лей; ра́дуйся, из ти́ны грехо́вныя нас спаса́ющая.

Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.

Кондак 7

Хотя́й яви́ти любо́вь Свою́ к ро́ду челове́ческому Госпо́дь наш Иису́с Христо́с на Та́йней ве́чери, благослови́в и преломи́в хлеб, даде́ Свои́м ученико́м и апо́столом, рек: «Приими́те, яди́те, сие́ есть те́ло Мое́» и, прие́м ча́шу и хвалу́ возда́в, даде́ им, глаго́ля: «Сия́ есть кровь Моя́ Но́ваго Заве́та, я́же за мно́гия излива́емая во оставле́ние грехо́в». Благодаря́ще Милостиваго Бо́га за милосе́рдие Его́ к нам неизрече́нное, пое́м Ему́: Аллилу́иа.

Икос 7

Но́вое зна́мение ми́лости Своея́ яви́ Госпо́дь ученико́м Свои́м, обеща́я им посла́ти ина́го Уте́шителя — Ду́ха и́стины, И́же от Отца́ исхо́дит, да свиде́тельствует о Нем. Тебе́ же, Матери Божией, па́ки освяще́нней Ду́хом Святы́м в день Пятьдеся́тницы, вопие́м си́це:

Ра́дуйся, Ду́ха Свята́го обита́лище; ра́дуйся, черто́же всесвяты́й.

Ра́дуйся, простра́нное селе́ние Бо́га Сло́ва; ра́дуйся, Би́сер Боже́ственный произве́дшая.

Ра́дуйся, рождество́м Твои́м ра́йския две́ри нам отверза́ющая; ра́дуйся, зна́мение ми́лости Божией нам Собо́ю яви́вшая.

Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.

Кондак 8

Стра́нно и приско́рбно нам слы́шати, я́ко лобза́нием предаде́ Учи́теля своего́ и Го́спода Иу́да Искарио́тский. Спи́ра же и ты́сящник и слуги́ архиере́йстии взя́ша Иису́са и связа́ша Его́, и ведо́ша к первосвяще́ннику А́нне пе́рвее, посе́м же к Каиа́фе архиере́ови. Ма́терь же Бо́жия, сме́ртнаго сове́та на Сы́на Своего́ возлю́бленнаго ожида́ющи, вопия́ше Бо́гу: Аллилу́иа.

Икос 8

Вси иуде́и ведо́ша Иису́са от Каиа́фы в прето́р к Пила́ту, глаго́люще Его́ злоде́я быти. Пила́т же вопроси́ Его́ и глаго́ла им, я́ко ни еди́ныя вины́ обре́те в Нем. Мы же Матери Божией, поноше́ния Сы́на Своего́ ви́дящей, уми́льно вопие́м:

Ра́дуйся, се́рдце го́рем истерза́нное име́вшая; ра́дуйся, сле́зы о Сы́не Свое́м пролива́вшая.

Ра́дуйся, Ча́до Свое́ люби́мое на суди́лище преда́нное зре́вшая; ра́дуйся, вся претерпе́вшая без ро́пота, я́ко раба́ Госпо́дня.

Ра́дуйся, стеня́щая и рыда́ющая; ра́дуйся, Цари́це небесе́ и земли́, прие́млющая моли́твы раб Свои́х.

Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.

Кондак 9

Вси ро́ди блажа́т Тя, честне́йшую Херуви́м и сла́внейшую без сравне́ния Серафи́м, Влады́чицу и Ма́терь Изба́вителя на́шего, рождество́м Свои́м ра́дость всему́ ми́ру прине́сшую, последи́ же скорбь ве́лию име́вшую, ви́дящи Сы́на Своего́ возлю́бленнаго на поруга́ние, бие́ние и смерть пре́даннаго. Мы же умиле́нное пе́ние прино́сим Ти, Пречи́стая, вопию́ще Всемогу́щему Бо́гу: Аллилу́иа.

Икос 9

Вити́и многовеща́ннии не возмо́гут изрещи́ всех страда́ний, Тобо́ю пренесе́нных, Спа́се наш, егда́ во́ини, спле́тше вене́ц из те́рния и возложи́вше на главу́ Твою́, и в ри́зу багря́ну обле́кше Тя, глаго́лаху: «Ра́дуйся, Царю́ Иуде́йский», и бия́ху Тя по лани́тома. Мы же, Ма́ти Бо́жия, страда́ния Твоя́ познава́юще, вопие́м Ти:

Ра́дуйся, Сы́на Своего́ бие́ннаго зре́вшая; ра́дуйся, багряни́цею и терно́вым венце́м оде́яннаго зре́вшая.

Ра́дуйся, Его́же мле́ком Свои́м пита́ла еси́, терза́емаго ви́девшая; ра́дуйся, страда́нием Его́ спострада́вшая.

Ра́дуйся, все́ми ученики́ Его́ оста́вленнаго ви́девшая; ра́дуйся, непра́ведными судия́ми Его́ осужде́ннаго зре́вшая.

Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.

Кондак 10

Спасти́ хотя́ Иису́са, рече́ Пила́т иуде́ем: «Есть же обы́чай вам, да еди́наго вам отпущу́ на Па́сху. Хо́щете ли у́бо, да отпущу́ вам Царя́ Иуде́йска?» Но вси возопи́ша, глаго́люще: «Не Сего́, но Вара́вву». Прославля́юще милосе́рдие Отца́ Небе́снаго, И́же та́ко возлюби́ мир, я́ко Сы́на Своего́ Единоро́днаго отда́л есть на кре́стную смерть, да искупи́т ны от ве́чныя сме́рти, вопие́м Ему́: Аллилу́иа.

Икос 10

Стена́ и огражде́ние бу́ди нам, Влады́чице, изнемога́ющим от ско́рби и боле́зни. Ты бо и Сама́ страда́ла еси́, слы́шащи иуде́ев, вопию́щих: «Распни́, распни́ Его́!» Ны́не же услы́ши нас, вопию́щих Ти:

Ра́дуйся, Ма́ти милосе́рдия, отъе́млющая вся́кую слезу́ от лю́те стра́ждущих; ра́дуйся, слезу́ умиле́ния нам подаю́щая.

Ра́дуйся, погиба́ющих гре́шников спаса́ющая; ра́дуйся, предста́тельство христиа́н непосты́дное.

Ра́дуйся, от страсте́й нас избавля́ющая; ра́дуйся, се́рдцу сокруше́нному отра́ду подаю́щая.

Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.

Кондак 11

Пе́ние всеумиле́нное Спаси́телю ми́ра прино́сим, на во́льное страда́ние ше́дшему и крест Свой не́сшему. Во́ини же, прише́дше на Голго́фу, пропя́ша Его́. Стоя́ху при кресте́ Иису́сове Ма́ти Его́, и сестра́ Ма́тере Его́ — Мари́я Клео́пова, и Мари́я Магдали́на. Иису́с же, ви́дев Ма́терь и ученика́ стоя́ща, его́же любля́ше, глаго́ла Матери Свое́й: «Же́но, се сын Твой»; пото́м глаго́ла ученику́: «Се Ма́ти твоя́». И от того́ ча́са поя́т Ю учени́к во своя́си. Ты же, Ма́ти Бо́жия, обезче́щенна ви́дящи на кресте́ Сы́на и Го́спода, терза́лася еси́, вопию́щи Бо́гу: Аллилу́иа.

Икос 11

Сы́не Мой и Бо́же Предве́чный, Тво́рче всех тва́рей, Го́споди! Ка́ко те́рпиши на кресте́ страсть, — Чи́стая Де́ва, пла́чущи, глаго́лаше. — О стра́шнем Твое́м Рождестве́, Сы́не Мой, па́че всех матере́й возвели́чена бых, но увы́ Мне: ны́не Тя ви́дящи, распаля́юся утро́бою». Мы же, сле́зы пролива́юще и Тебе́ вне́млюще, вопие́м Ти:

Ра́дуйся, ра́дости и весе́лия лише́нная; ра́дуйся, во́льная страда́ния Сы́на Твоего́ на кресте́ ви́девшая.

Ра́дуйся, Ча́до Свое́ возлю́бленное уязвле́нным зре́вшая; ра́дуйся, А́гнца, на закла́ние ведо́маго, Ма́ти.

Ра́дуйся, Изба́вителя язв душе́вных и теле́сных я́звами покры́таго ви́девшая; ра́дуйся, Сы́на Своего́ воскре́сшаго из ме́ртвых зре́вшая.

Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.

Кондак 12

Благода́ть пода́ждь нам, Спа́се Всеми́лостивый, на Кресте́ дух Свой испусти́вый и согреше́ний на́ших рукописа́ние растерза́вый. «Се, све́те Мой сла́дкий, наде́ждо и животе́ Мой благи́й, Бо́же Мой, уга́сл еси́ на Кресте́», — Де́ва, стеня́щи, глаго́лаше. Потщи́ся, Ио́сифе, к Пила́ту приступи́ти и проси́ его́ сня́ти с дре́ва Учи́теля своего́ уязвле́ннаго: «Даждь ми Сего́ стра́ннаго, И́же не и́мать где главы́ преклони́ти». Богома́терь же, ви́девши Сы́на Своего́ безсла́вна, на́га на дре́ве, возопи́: «Увы́ Мне, Ча́до Мое́, увы́ Мне, све́те Мой, ду́шу про́йде Мне ору́жие по рече́нию праведнаго ста́рца Симео́на». Мы же, Пречи́стей Де́ве состра́ждуще, вопие́м Бо́гу: Аллилу́иа.

Икос 12

Пою́ще милосе́рдие Твое́, Человеколю́бче, покланя́емся бога́тству ми́лости Твоея́, Влады́ко. «Созда́ние Твое́ спасти́ хотя́, смерть подъя́л еси́, — рече́ Пречи́стая, — но Воскресе́нием Твои́м, Спа́се, поми́луй всех нас». Мы же Богоро́дице, о нас моля́щейся, вопие́м:

Ра́дуйся, ме́ртваго зря́щая, бездыха́нна Преблага́го Го́спода; ра́дуйся, лобза́вшая те́ло Сы́на Твоего́ возлю́бленнаго.

Ра́дуйся, Све́та Своего́ сла́дкаго на́га и уязвле́ннаго Мертвеца́ зре́вшая; ра́дуйся, Сы́на Своего́ гро́бу преда́вшая.

Ра́дуйся, плащани́цею но́вою те́ло Его́ обви́вшая; ра́дуйся, Воскресе́ние Его́ ви́девшая.

Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.

Кондак 13

О Всепе́тая Ма́ти, изнемога́ющая от ско́рби у креста́ Сы́на Твоего́ и Бо́га! Внемли́ воздыха́нием и слеза́м на́шим, умягчи́ зла́я сердца́, востаю́щая на нас, изба́ви от ско́рби, боле́зней и ве́чныя сме́рти всех упова́ющих на неизрече́нное Твое́ милосе́рдие и вопию́щих Бо́гу: Аллилу́иа.

Этот кондак читается трижды, зате́м 1-й икос «А́нгел возвести́ …» и 1-й кондак «Избра́нной Де́ве Мари́и …».

Моли́тва

О многоско́рбная Ма́ти Бо́жия, превы́шшая всех дще́рей земли́ по чистоте́ Свое́й и по мно́жеству страда́ний, Тобо́ю на земли́ пренесе́нных! Приими́ многоболе́зненныя воздыха́ния на́ша и сохрани́ нас под кро́вом Твоея́ ми́лости. Ина́го бо прибе́жища и теплаго предста́тельства, ра́зве Тебе́, не ве́мы, но, я́ко дерзнове́ние иму́щи ко И́же от Тебе́ Рожде́нному, помози́ и спаси́ ны моли́твами Свои́ми, да непреткнове́нно дости́гнем Ца́рствия Небе́снаго, иде́же со все́ми святы́ми бу́дем воспева́ти хвалу́ в Тро́ице Еди́ному Бо́гу, всегда́, ны́не, и при́сно, и во ве́ки веко́в. Ами́нь.

Моли́тва вторая

О кто не ублажи́т Тя, Де́во Благода́тная, кто не воспое́т Твое́ милосе́рдие к ро́ду челове́ческому. Тебе́ мо́лимся, Тебя́ про́сим: не оста́ви нас, во зле погиба́ющих, раствори́ любо́вию сердца́ на́ша и ко врага́м на́шим пошли́ стрелу́ Свою́, да уязвля́ет сердца́ на́ша ми́ром к гоня́щим нас. А́ще мир нас ненави́дит — Ты простри́ любо́вь Свою́ к нам, а́ще мир нас го́нит — Ты приими́ нас. Пода́ждь нам Благода́тную си́лу терпе́ния — без ро́пота перенести́ испыта́ния, в ми́ре сем быва́емая. О Госпоже́! Умягчи́ сердца́ злых челове́ков, восстаю́щих на нас, да не поги́бнут сердца́ их во зле, но умоли́, Благода́тная, Сы́на Твоего́ и Бо́га на́шего, да умири́т сердца́ их ми́ром, диа́вол же — оте́ц зло́бы — да посрами́тся! Мы же, воспева́юще милосе́рдие Твое́ к нам, злым, непотре́бным, воспое́м Ти, о Пречу́дная Госпоже́ Де́во Благода́тная: услы́ши нас в час сей, сокруше́нная сердца́ иму́щих, огради́ нас ми́ром и любо́вию друг ко дру́гу и ко враго́м на́шим, искорени́ от нас вся́кую зло́бу и вражду́, да воспое́м Тебе́ и Сы́ну Твоему́, Го́споду Иису́су Христу́ на́шему: Аллилу́иа! Аллилу́иа! Аллилу́иа!

Велича́ние

Велича́ем Тя, Пресвята́я Де́во, Богоизбра́нная Отрокови́це, и чтим о́браз Твой святы́й, и́мже то́чиши исцеле́ния всем с ве́рою притека́ющим.