Молитва Иоанну Воину от обидчиков и воров

Православная молитва Иоанну Воину

Мч. Иоанн Воин. Икона. Кон. XVII — 1-я пол. XVIII в. (ц. Успения Богородицы в Гончарах, Москва

Не воинской, а христианской доблестью был прославлен мученик Иоанн Воин, день памяти которого празднуется 12 августа. 

Тропарь

глас 4
Всеблага́го Бо́га и Царя́/ благове́рный раб и во́ин яви́лся еси́, Иоа́нне чудоде́телю,/ пострада́в бо ра́ди ве́ры му́жески,/ блаже́нно же сконча́в тече́ние,/ зри́ши Всетворца́ Го́спода в Небесе́х светле́йше./ От Него́же прие́м дарова́ние чуде́с,/ стра́ждущим челове́ком во вся́ких напа́стех помога́еши,/ укрепля́еши во́ины в ра́тех,/ от враго́в плене́ния, ран же и внеза́пных смерте́й и от бед лю́тых изыма́еши./ Те́мже моли́ Влады́ку Христа́, приснопа́мятне,/ да во вся́ком обстоя́нии сотвори́т нам ми́лость/ и не введе́т нас во искуше́ния,// но спасе́т ду́ши на́ша, я́ко Человеколю́бец.

Кондак

глас 6
Благочести́ваго во́ина Христо́ва,/ победи́вшаго враги́ душе́вныя и теле́сныя богому́дренно,/ Иоа́нна му́ченика достодо́лжно пе́сньми восхва́лим,/ чудоде́йствуя бо, подае́т оби́льная исцеле́ния стра́ждущим лю́дем/ и мо́лится Го́споду Бо́гу// от вся́ких бед спасти́ правове́рныя.

Молитвы

Молитва 1-я
О, му́чениче Христо́в, Иоа́нне во́ине! Хра́брый еси́ во бра́нех, и враго́м прогони́тель, и оби́димым засту́пник, всем правосла́вным христиа́ном. О, вели́кий засту́пниче и уго́дниче Христо́в, Иоа́нне вои́нственниче! Поми́луй нас, гре́шных и недосто́йных, и заступи́ в беда́х и в ско́рбех, и в печа́лех и во вся́кой злой напа́сти, и от вся́каго зла́го и оби́дящаго челове́ка, тебе́ бо дана́ бысть такова́я благода́ть от Бо́га, е́же моли́тися за ны, гре́шныя, в беда́х и напа́стех зле стра́ждущия. Изба́ви у́бо нас от оби́дящих и ненави́дящих, бу́ди нам побо́рник кре́пок на вся ви́димыя и неви́димыя враги́ на́ша. О, вели́кий побо́рниче, Иоа́нне во́ине! Не забу́ди нас, всегда́ моля́щихся тебе́, прося́щих по́мощи и неоску́дныя ми́лости твоея́, и сподо́би нас, гре́шных и недосто́йных, получи́ти от Бо́га неизрече́нная блага́я, я́же угото́ва лю́бящим Его́. Я́ко подоба́ет Ему́ вся́кая сла́ва, честь и поклоне́ние, Отцу́ и Сы́ну и Свято́му Ду́ху, ны́не, и при́сно, и во ве́ки веко́в. Ами́нь.

Молитва 2‑я
О, му́чениче Христо́в Иоа́нне Во́ине! Хра́брый во бра́нех, и ско́рый засту́пник правосла́вных христиа́н в беда́х и напа́стях их, по да́нной благода́ти от Бо́га! Бу́ди нам побо́рник кре́пок на вся ви́димыя и неви́димыя враги́ на́ша. Во́инству на́шему на враги́ побе́ду да́руй, да смиря́тся проти́вящиися нам и вразумя́тся, и Бо́га и́стиннаго позна́ют и Святу́ю Его́ Це́рковь Правосла́вную. Мы же, гре́шнии, да сподо́бимся прославля́ти Го́спода Спа́са на́шего во Ца́рствии Его́ вку́пе с тобо́ю во ве́ки. Ами́нь.

Молитва 3‑я
О, вели́кий Христо́в му́чениче Иоа́нне, правосла́вных побо́рниче, враго́в прогони́телю и оби́димых засту́пниче! Услы́ши нас, в беда́х и ско́рбех моля́щихся тебе́, я́ко дана́ тебе́ бы́сть благода́ть от Бо́га печа́льныя утеша́ти, немощны́м помога́ти, непови́нныя от напра́сныя сме́рти избавля́ти и за всех зле стра́ждущих моли́тися. Бу́ди у́бо и нам побо́рник кре́пок на вся ви́димыя и неви́димыя враги́ на́ша, я́ко да твое́ю по́мощию и побо́рством по нас посрамя́тся вси явля́ющии нам зла́я. Умоли́ Го́спода на́шего, да сподо́бит ны, гре́шныя и недосто́йныя рабы́ Своя́ (имена), получи́ти от Него́ неизрече́нная блага́я, я́же угото́ва лю́бящим Его́, в Тро́ице Святе́й сла́вимаго Бо́га, всегда́, ны́не и при́сно и во ве́ки веко́в. Ами́нь.

Личное прошение

Мч. Иоанн Воин

Он спасал христиан во время гонений

 После Константина  трон воссел Юлиан. Его именуют  Отступником, ведь его короткое правление (361-363 гг.) запятнано преследованием христиан.  

На иконах Иоанн Воин предстает в воинских доспехах и при оружии – он и был солдатом. Ему выпала служба в императорском войске как раз в дни гонений. Но воин Иоанн не оставил свой пост, напротив – он использовал положение командира отряда для того, чтобы помогать единоверцам. Получив приказ преследовать христиан, Иоанн Воин тайно предупреждал их о грозящей беде и так многим помог спастись.  

Но его служение ближним не могло долго продолжаться: Иоанн был схвачен. В тюрьме он терпел голод, побои, но остался жив. Вознося молитвы в заключении, Иоанн был готов к мученичеству, но, когда за ним явились стражники, то пришли они с намерением освободить воина.  

 За то время, что Иоанн был в узилище, Отступник погиб в сражении с персами. Преемник его был христианином и повелел отпустить всех, кто томился в тюрьмах.  

В войске Иоанн больше не служил. Он вел жизнь, полную помощи ближним, и прожил до преклонных лет.

После смерти добрые дела его не забылись, а вот место захоронения затерялось.  Тогда  одной  христианке было видение: сам Иоанн Воин показал, где искать  его   мощи.

Святому молятся от злых людей, о возврате долга и об обретении потерянных вещей 

Велико почитание святого Иоанна Воина в народе, поэтому просят верующие его помощи во множестве житейских проблем. Ему молятся:

• о здравии;
• об укреплении в вере;
•  несправедливо осужденные;
• гонимые и терпящие обиды;
• пострадавшие от воровства;
• военнослужащие;
• служащие в правоохранительных структурах;
• об обращении заблудших и отступившихся от веры.

Разбойники вернули украденное и покаялись

Иоанн Воин помогает во многих нуждах, и часто к нему обращаются с просьбами о возврате долга, о том, чтобы нашлись потерянные вещи или каким-то образом вернулись украденные.  Это связано с чудом, которое произошло уже после смерти Иоанна.

Та самая вдова, кому мы обязаны обретением могилы мученика, едва не пострадала от воровства: злодеи залезли к ней в дом, чтобы забрать последнее добро у бедной женщины. Но преступление не состоялось – злоумышленники в страхе бежали из дому, устрашенные грозным воином, облаченным в доспехи. К удивлению вдовы, наутро воры пришли в ней и покаялись. А на образ Иоанна указали как на того, кто явился им этой ночью.

О том, как святой помогает людям

Из летописных источников мы знаем о чуде, которое было засвидетельствовано при  нашествии на Русь татар. В разоренном Серпуховском монастыре  один татарин увидел образ Иоанна Воина. Неизвестно, чем он вызвал особую ярость, но татарин схватился за саблю.  Нанеся три удара, он в ужасе увидел, как сначала из доски с образом потекла кровь, а затем икона сама восстановилась прямо на глазах. После этого чужеземный воин уверовал в воина христианского, а затем и во Христа.

Святой с древних времен не оставляет помощью просящих. Известна история о семье, у которой была единственная ценная вещь — перешедший по наследству персидский ковер. И вот его-то украли. Хозяева помолились Иоанну Воину – и вскоре вор принес украденное. Да еще попросил: пусть хозяева его простят – может, тогда его перестанет преследовать какой-то военный с суровым лицом.

Помогает Иоанн  и тем, кто лишился ценных вещей, потерял ключи или документы.

Одна пожилая женщина собиралась в дальнюю поездку, и накануне  все документы и билеты вместе с сумкой неожиданно потеряла. Поездка срывалась, оставалось только надеяться на чудо и молиться Иоанну Воину. И чудо не замедлило: вскоре  хозяйка  услышала звонок в дверь. Незнакомый человек принес ей сумку, оставленную по рассеянности на остановке транспорта.

***

Иоанн Воин всегда предстает с копьем, крестом и щитом. Но это не орудия страданий, как можно было бы подумать, и не принадлежности военного ремесла, а символы доблести святого, его веры и  защиты, которую Спаситель дает своим воинам.

Читайте также:  Святой Иоанн Воин — защитник от обидчиков и воров

Марина Рогова

Канон мученику Иоанну Воину

Песнь 1
Ирмос: Грядите, людие, поим песнь Христу Богу, раздельшему море и наставльшему люди, яже изведе из работы египетския, яко прославися.

Светлое празднество твое, святе Иоанне, радостно на духовную трапезу нас созывает, в нейже учреждаеши ны вся, к тебе притекающия, даровании, в пользу прошения нам исполняя.

Подвигом добрым подвизався на земли, преблаженне Иоанне, и от злаго мучителя мученики Христовы сохраняя, приял еси от Христа Бога Небесную жизнь, отнюдуже в скорбех нам подаждь помощь.

Воинством истинным, Богомудре, злочестиваго царя небрег мучительства и богатство нищим Христа ради расточив, приял еси дар чудес от Бога, лукавыя человеки обличая, благочестивым способствуеши.

Воинство земное небрегл еси, иногда Христа ради тело свое удручая постом и молитвою, и враги посрамил еси. Сего ради и чудесы от Бога обогатился еси.

Богородичен: Воплотися из Тебе боголепно Слово Безплотное премножеством человеколюбия, Пречистая Дево; Егоже, Владычице, моли вечное блаженство даровати нам.

Песнь 3
Ирмос: На камене мя веры утвердив, разширил еси уста моя на враги моя, возвесели бо ся дух мой, внегда пети: несть свят, якоже Бог наш, и несть праведен, паче Тебе, Господи.

С мученики несумненну веру стяжав, благодушне, и Христу Иисусу быв воин, добродетельми обогатился еси; темже совершающим память твою честную благое просвещение всегда даруй.

Лукавнующим зле невидимый гонитель, мучениче Христов, являешися и крадьбы, в тайне сущия, открываеши, приял бо еси власть от Бога полезная ко спасению всем содевати.

Якоже столп непоколеблем, сердце твое, всечестне Иоанне, имея, любовь мучеником Христовым сотворил еси, не бояся царева суровства, темже в любви Господни утверждатися нам помози.

Яко дерзновение имея к Богу, Иоанне, воин ныне Небесному Царю сый, проси нам грехов оставления, празднующим память твою.

Богородичен: Богородице, Мати Господа Иисуса, со всеми святыми Того моли избавити ны от всех бед и скорбей, яко да посрамятся вси, являющии рабом Твоим злая, хвалити же с Сыном Тя присно нас сподоби.

Седален, глас 8
Царю Небесному и Творцу веков угождая присно, законопреступнаго Иулиана мучителя вся злоковарныя и богомерзкия советы отразил еси, славне, идолом бездушным жертвы возбранив творити, и тако в подвизе душу твою в руце Господу Богу предал еси. Егоже моли, святе Иоанне, прегрешений оставление нам даровати, чествующим святую память твою.

Песнь 4
Ирмос: Пришел еси от Девы не ходатай, ни Ангел, но Сам, Господи, воплощся, и спасл еси всего мя, человека. Тем зову Ти: слава силе Твоей, Господи.

Уподобился еси распеншемуся волею на Древе Христу Богу нашему, всечестне, сраспенся Ему всяким воздержанием, молитвою же, и милостынею, и многими добродеяньми.

Се даже до смерти, Иоанне мучениче, смирился еси: святыя бо твоя мощи на месте в погребении странных быша сокровены, сего ради Господь по всей вселенней тебе прослави.

Царя преступника Иулиана воинство тленное во власти содержав, от того послан был еси убивати Христовы мученики. Но ты, блаженне, тыя храня, в вере утверждал еси, во еже пети: слава силе Твоей, Господи.

Небеснаго ради радования и будущаго праведным веселия земная вся оставил еси мудрования, и, всячески добродетельми Богу угождая, за ны молися, Иоанне всечестне.

Богородичен: Недоумение во спасение предлежит ми, от обышедших мя зол, Пречистая. Темже избави мя от них скоро, благоразумие подающи, к Тебе бо единей прибегох, Богомати.

Песнь 5
Ирмос: Света Подателю и веков Творче, Господи, во свете Твоих повелений настави нас: разве бо Тебе, иного бога не знаем.

Таин Божественных вкусив в разуме, Иоанне, проповедь Божия рождения исповедал еси, глаголя пред всеми: иного бога, разве Всетворца, не знаю.

Возлюбившаго Господа любите, — возглаголал еси, страстотерпче, страждущим мучеником, в Егоже любви утвердився, обогатился еси чудесы, врачуя болезни многия.

Славу мира сего ни во чтоже, Богомудре воине, вменил еси, славы ради Христовы, темже, страдальчество совершив и славы Божественныя сподобився, нам получити оную молися.

Не убоявся законопреступнаго царя повеления, вместо мук христианы заступаше, и сокрывахуся твоим повелением, и сего ради воин бысть Царю силам.

Богородичен: Тя, Владычице, молим, славяще Твое о нас милосердие: всяких ны скорбей, Марие, свободи и помози утреневати нам к Богу и вечнаго блаженства сподобитися.

Песнь 6
Ирмос: В бездне греховней валялся, неизследную милосердия Твоего призываю бездну: от тли, Боже, мя возведи.

Силою Божиею укрепився, мучеников славо, Иоанне, прещений нечестивых небрегл еси; ныне же зря радостне Бога, от злых нас избави.

Молитвами и постом и в целомудрии всяким воздержанием Богу угодил еси, всечестне; свыше назирая, свобождай ны от скорби.

Просимая чествующим тя верно, блаженне, подаеши, злыя человеки обличая, о кающихся же Богу моляся.

Мученическое дерзновение восприим, потщался еси по вере Христове поборати, якоже добрый воин, вооружи себе силою Креста Господня, от Негоже даром чудес обогатися.

Богородичен: Уврачуй, Богородице, страсти душ и телес наших, Врача Христа нам порождши, и вражие злоковарство посрами милосердием Твоим.

Кондак, глас 6
Благочестиваго воина Христова, победившаго враги душевныя и телесныя богомудренно, Иоанна мученика достодолжно песньми восхвалим, чудодействуя бо, подает обильная исцеления страждущим людем и молится Господу Богу от всяких бед спасти правоверныя.

Икос
Кто подвиги твоя и страдания ради веры в Господа Иисуса изрещи возможет, прехвальне Иоанне? Или киими тя увенчаем похвалами, ради мужественнаго твоего в законе Господни и во истиннем благочестии стояния? Попрал бо еси вся козни душетлителя врага, целомудрием и всякими добротворении вооружився; богатство и славу и похоть вредную возненавидев, нищету и поношение Христово возлюбил еси, страждущим в скорбех помогая. Темже, вселився в Небесныя кровы, дарований преславных чудес обогатился еси. Оттуду убо, блаженне, вся, притекающия к тебе, назирай, помощи творя, во еже от всяких бед спасти правоверныя.

Песнь 7
Ирмос: Образу златому, на поли Деире служиму, трие Твои отроцы небрегоша безбожнаго веления, посреде же огня ввержени, орошаемы, пояху: благословен еси, Боже отец наших,

Безбожное мучителя законопреступнаго веление, страстотерпче Иоанне, преобидев, богочестив Всемогущаго Царя воин показался еси, благодатне же орошаемь, с людьми Божиими пел еси: благословен еси, Боже отец наших.

Сладкое и великое и радостное торжество ныне люди Господни облиста, еже мучеников доблейший целомудрый Иоанн вообрази. Точит бо цельбы молящимся верно Господу, иже взывают: благословен еси, Боже отец наших.

Дерзновение имея ко Владыце всех, святе Иоанне, яко ближний угодник Его, во обстоянии напастей наших предстательствуй Ему о нас и помогай избавитися нам от грехов, да богомудренно поем: благословен еси, Боже отец наших.

Дерзновение имея к своему Владыце, о нас молитву сотвори, Иоанне, и прошения наша исполни, и грехов прощения испроси нам молитвами твоими, вопиющим: благословен еси, Боже отец наших.

Богородичен: Преславное совершися таинство в Тебе, Богомати, безсеменно бо зачала еси Сына бремя грех наших упразднившаго. Темже, упование на Тя имуще и Твою помощь зряще, усердно вопием: благословена еси, Дево Владычице.

Песнь 8
Ирмос: Пещь иногда огненная в Вавилоне действа разделяше, Божиим велением халдеи опаляющая, верныя же орошающая, поющия: благословите, вся дела Господня, Господа.

Вышних ищай, на земли прелести возненавидел еси, Богоблаженне. Темже, с мученики Христовыми в любви духовней соединився, дерзновенно Богочеловека Иисуса проповедал еси, о Немже зовеши: благословите, вся дела Господня, Господа.

Неоскудно требования подавая, нищим был еси готовый питатель, воине благочестивомудренне Иоанне. И ныне, притекающия к тебе назирая, исполни тех прошения, да радостно зовем: благословите, вся дела Господня, Господа.

Всезритель Бог, усердие твое, Иоанне, и совершенную веру видев, прослави тя славою вечною. Егоже моли в пользе ущедрити ны, богомудренно поющия: благословите, вся дела Господня, Господа.

Моления наша приими, ныне приносимая тебе, праведному страстотерпцу. Тебе бо даде Господь чудесем дарование подаяти просящим верно прошения и превозносящим Христа во веки и поющим: благословите, вся дела Господня, Господа.

Богородичен: Марие Богоневесто, к Тебе прибегаем и Тебе, припадающе, молимся: виждь, Владычице, скорбь нашу и озлобление от враг наших и умири жизнь всех нас, Миротворца порождши Господа, Егоже благословим во веки.

Песнь 9
Ирмос: Безначальна Родителя Сын, Бог и Господь, воплощся от Девы, нам явися, омраченная просветити, собрати расточенная. Тем Всепетую Богородицу величаем.

Добр явился еси пособник, преславне, людем Божиим, гонимыя сокрывая, и ныне чудесне помоществуеши верным, сего ради в памяти благодеяний твоих Христа Бога величаем.

Твоя чудеса, преблаженне Иоанне, во всем мире проповедаются; темже и днесь, собравшеся, славу возсылаем Христу, тебе прославльшему.

Нас, восхваляющих тя, мучениче Христов, и твоея помощи просящих, днесь услыши, и к полезным управляти не престай, молитвенник теплейший и ходатай к Богу нашему являяся.

Изряден врач сердец человеческих чудодеянии явился еси, Иоанне, помоществуя всем богочестивым; тем, воспевающе тя, Христа величаем.

Богородичен: Пети, Дево, Тя не престаем, Помощницу, покров, скорое заступление и Предстательницу нашу непостыдную; соблюди Твоя рабы от всякаго озлобления и от козней лукаваго свобождай присно.

Светилен
Венценосче святе, предстояй со Ангелы Христову Престолу и света оттуду исполняяйся, страстотерпче, мир миру молитвами твоими исходатайствуй и нам спасение, благочестно память твою совершающим и в скорбех притекающим к тебе, Иоанне всебогате.