'

Вопросы священнику

Задайте интересующий вопрос прямо на сайте и получите ответ от священника

Полезные материалы

Акафист Семистрельной (Умягчение злых сердец) иконе Божией Матери

Образы «Семистрельная» и «Умягчение злых сердец» похожи, однако есть некоторые отличия.

Читаем акафист св. Спиридону Тримифунтскому

Об акафисте святителю Спиридону Тримифунтскому

Как и когда читать акафист Сергию Радонежскому

В православной традиции акафист считается особым видом духовной поэзии ...

Значение иконы Богородицы "Нечаянная Радость"

История этого образа начинается в монастыре св. пророка Илии города Чернигова

Спасибо что зашли на наш сайт, перед тем как начать чтение вы можете подписаться на интересную православную mail рассылку, для этого вам необходимо кликнуть по этой ссылке «Подписаться»

Есть в Задонске обитель, в которой не оскудевает река паломников, стремящихся припасть к раке с мощами своего заботливого пастыря. Неистощим благодатный источник монастыря, отвечает святой на горячие мольбы, обращенные к нему как под пышными церковными сводами, так и в домашней скромности. Память свт. Тихона отмечается трижды в году, но основной торжественный день – это время блаженной кончины 13 (26) августа.

Тихон Задонский

Святитель Тихон Воронежский, Задонский чудотворец

Молитвы святителю Тихону, епископу Воронежскому, Задонскому чудотворцу

Молитва 1-я

О, вели́кий святи́телю Христо́в и чудотво́рче Ти́хоне! Услы́ши нас, многогре́шных, прибега́ющих к Тебе́ с те́плою ве́рою и умиле́нною мольбо́ю. Зане́ ве́мы ангелоподо́бное благо́е житие́ твое́ на земли́, прославля́ем ко всем твою́ ми́лость, благогове́ем пред высото́ю твои́х христиа́нских доброде́телей, и́миже во благовре́мении преуспева́л еси́ к сла́ве ди́вно просла́вившаго тя Го́спода. Ты вои́стинну был еси́ до́брый па́стырь слове́снаго ста́да Христо́ва, та́ин Бо́жиих до́бльственный строи́тель, сто́лпе и украше́ние Це́ркве Правосла́вный, Росси́йский Златоу́сте, язы́ческих обы́чаев кре́пкий искорени́телю, преиску́сный истолкова́телю Ева́нгельскаго уче́ния, ре́вностный блюсти́телю свяще́нных оте́ческих преда́ний, люби́телю мона́шескаго безмо́лвия, богодухнове́нный собира́телю сокро́вища духо́вныя му́дрости от ви́димаго ми́ра сего́, прему́дро Бо́гом сотворе́ннаго. Ты, я́ко избра́нный сосу́д благода́ти, неле́ностно поуча́л еси́ всех жа́ждавших спасе́ния сло́вом, житие́м, любо́вию, Ду́хом, ве́рою, чистото́ю и смире́нием. Ты был еси́ ми́лостивый защи́тник си́рых, призре́ние вдови́ц, убо́гих и всем су́щим в беда́х и напа́стех ско́рый уте́шитель. И ны́не ве́мы, я́ко предстои́ши пред лице́м Го́спода сла́вы и име́еши ве́лие к Нему́ дерзнове́ние; сего́ ра́ди к Тебе́, о́тче, прибега́ем и усе́рдно мо́лим тя: бу́ди о всех нас хода́тай у Престо́ла Всевы́шняго. Да прости́т Он беззако́ния и непра́вды на́ша; да просвети́т омраче́нный суето́ю ум наш и напра́вит к и́стинному све́ту Богопозна́ния; да сохрани́т слабая се́рдца на́ша от любостра́стных грехо́вных увлече́ний и тлетво́рнаго мудрова́ния ве́ка сего́; да пода́ст земли́ благовре́менное ороше́ние дожде́й и плодоноше́ние и вся нам поле́зная, я́же к животу́ вре́менному и ве́чному, да вси притека́ющии к ра́це нетле́нных моще́й твои́х обрету́т мир, любо́вь и безмяте́жие. Це́ркви на́шей испроси́ у Небе́снаго Царя́ ми́лость, благоде́нствие, спасе́ние, на враги́ же побе́ду и одоле́ние. Оте́чество на́ше огради́ споко́йствием и тишино́ю, сохрани́ оби́тель твою́ святу́ю от вся́ких собла́знов и научи́ всех нас благогове́йно и богобоя́зненно ше́ствовати по стезя́м за́поведей Бо́жиих, да сподо́бимся и мы ку́пно с тобо́ю и со все́ми святы́ми ста́ти одесну́ю Го́спода сил в де́нь стра́шнаго всеми́рнаго Суда́ его́. Помяни́, уго́дниче Христо́в, святи́телю о́тче Ти́хоне, во святы́х свои́х моли́твах и души́ отше́дших оте́ц и бра́тий на́ших, да упоко́ит их Госпо́дь в Небе́сных селе́ниих; не пре́зри и на́ше воздыха́ние, да вы́ну прославля́ем Отца́ и Сы́на и Свята́го Ду́ха, ны́не, и при́сно, и во ве́ки веко́в. Ами́нь.

Молитва 2-я

О, всехва́льный святи́телю и уго́дниче Христо́в, о́тче наш Ти́хоне! А́нгельски пожи́в на земли́, ты я́ко А́нгел благи́й яви́лся еси́ и в ди́внем твое́м прославле́нии. Ве́руем от всея́ души́ и помышле́ния, я́ко ты, благосе́рдый наш помо́щниче и моли́твенниче, твои́ми нело́жными хода́тайствы и благода́тию, оби́льно дарова́нною Тебе́ от Го́спода, при́сно спосо́бствуеши на́шему спасе́нию. Приими́ у́бо, ублажа́емый уго́дниче Христо́в, и в час сей на́ша недосто́йная моле́ния: свободи́ ны твои́м заступле́нием от облега́ющаго нас суесло́вия и суему́дрия, неправове́рия и злове́рия челове́ческаго. Потщи́ся, ско́рый о нас предста́телю, благоприя́тным твои́м хода́тайством умоли́ти Го́спода, да проба́вит Своя́ вели́кия и бога́тыя ми́лости на нас, гре́шных и недосто́йных рабе́х Свои́х, да уврачу́ет Свое́ю благода́тию неисце́льныя я́звы и стру́ны растле́нных душ и теле́с на́ших, да раствори́т окамене́лая се́рдца на́ша слеза́ми умиле́ния и сокруше́ния о премно́гих согреше́ниих на́ших и да изба́вит ны ве́чных мук и огня́ гее́нскаго; всем же ве́рным лю́дем Свои́м да да́рует в ны́нешнем ве́це мир и тишину́, здра́вие и спасе́ние и во всем благо́е поспеше́ние, да та́ко, ти́хое и безмо́лвное житие́ пожи́вше во вся́ком благоче́стии и чистоте́, сподо́бимся со А́нгелы и со все́ми Святы́ми сла́вити и воспева́ти всесвято́е И́мя Отца́ и Сы́на и Свята́го Ду́ха, во ве́ки веко́в. Ами́нь.

Молитва 3-я

О, вели́кий уго́дниче Бо́жий и пресла́вный чудотво́рче, святи́телю о́тче наш Ти́хоне! Со умиле́нием прекло́нше коле́на и припа́дая к ра́це честны́х и многоцеле́бных моще́й твои́х, хва́лим, сла́вим и велича́ем просла́вльшаго тя Бо́га, и нам недосто́йным показа́вшаго в тебе́ ве́лию ми́лость, и всеусе́рдно, ве́рою и любо́вию чту́щия святу́ю па́мять твою́, мо́лим тя: принеси́ моли́тву на́шу к вся содержа́щему и спаса́ющему человеколю́бцу Го́споду, Ему́же ты ны́не с ли́ки А́нгел и со все́ми Святы́ми предстои́ши, да утверди́т во святе́й Свое́й Правосла́вной Це́ркви живы́й дух пра́выя ве́ры и благоче́стия, да вси чле́ны ея́, чи́стии от суему́дрия и суеве́рия, ду́хом и и́стиною покланя́ются Ему́ и усе́рдно пеку́тся о соблюде́нии Его́ за́поведей, па́стырем ея́ да даст святу́ю ре́вность попече́ния о спасе́нии вве́ренных им люде́й — пра́во ве́рующия соблюда́ти, сла́быя и немощны́я в ве́ре укрепля́ти, неве́дущия наставля́ти, проти́вныя облича́ти. И па́ки припа́дающе, с упова́нием, я́коже ча́да отца́ нам су́ща, мо́лим тя, святи́телю Ти́хоне, ве́руем бо, я́ко ты, на Небесе́х живы́й, лю́биши ны то́ю же любо́вию, е́юже вся бли́жняя твоя́ возлюби́л еси́, внегда́ пребыва́ти тебе́ на земли́, испроси́ у всеми́лостиваго Го́спода и всем нам пода́ти дар коему́ждо благопотре́бен и вся, я́же к животу́ вре́менному и ве́чному поле́зная, ми́ра умире́ние, градо́в на́ших утвержде́ние, земли́ плодоно́сие, от гла́да и па́губы избавле́ние, от наше́ствия иноплеме́нных сохране́ние, скорбя́щим утеше́ние, неду́гующим исцеле́ние, па́дшим возстановле́ние, заблужда́ющим на путь и́стины возвраще́ние, подвиза́ющимся в де́лех благи́х укрепле́ние, благоде́лающим преспе́яние, роди́телем благослове́ние, ча́дом в стра́се Госпо́днем воспита́ние и науче́ние, наста́вником ве́дение и благоче́стие, неве́дущим вразумле́ние, си́рым, неиму́щим и убо́гим по́мощь и заступле́ние, отходя́щим от сего́ вре́меннаго жития́ к ве́чному благо́е уготовле́ние и напу́тствование, отше́дшим блаже́нное упокое́ние. Сих всех, наипа́че, проси́ нам, свя́тче Ти́хоне, у Щедрода́вца Бо́га, я́ко имы́й ве́лие к Нему́ дерзнове́ние: тебе́ бо стяжа́хом при́снаго засту́пника и те́плаго моли́твенника о нас пред Го́сподем, Ему́же подоба́ет вся́кая сла́ва, честь и поклоне́ние. Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Молитва 4-я

О, святи́телю, о́тче наш Ти́хоне! Услы́ши нас и потщи́ся благоприя́тным твои́м хода́тайством умоли́ти Го́спода, да проба́вит Своя́ вели́кия и бога́тыя ми́лости на нас, гре́шных и недосто́йных рабе́х Свои́х (имена), да уврачу́ет Свое́ю благода́тию неисце́льныя я́звы и стру́пы растле́нных душ и теле́с на́ших, да раствори́т окамене́лая сердца́ на́ша слеза́ми умиле́ния и сокруше́ния о премно́гих согреше́ниях на́ших и да изба́вит ны от ве́чных мук и огня́ гее́нскаго, да да́рует в ны́нешнем ве́це мир и тишину́, здра́вие и спасе́ние, да та́ко сподо́бимся, со А́нгелы и со все́ми святы́ми, сла́вити и воспева́ти всесвято́е и́мя Отца́ и Сы́на и Свята́го Ду́ха, во ве́ки веко́в. Ами́нь.

Тропарь

глас 8

От ю́ности возлюби́л еси́ Христа́ блаже́нне,/ о́браз всем был еси́ сло́вом, житие́м, любо́вию,/ ду́хом, ве́рою, чистото́ю и смире́нием,/ те́мже и всели́лся еси́ в Небе́сныя оби́тели,/ иде́же предстоя́ Престо́лу Пресвяты́я Тро́ицы,/ моли́, святи́телю Ти́хоне,// спасти́ся душа́м на́шим.

Кондак

глас 8

Апо́столов прее́мниче,/ святи́телей украше́ние,/ Правосла́вныя Це́ркве учи́телю,/ Влады́це всех моли́ся,/ мир вселе́нной дарова́ти// и душа́м на́шим ве́лию ми́лость.

Просветитель и благотворитель Воронежской земли

Мальчик, которого назвали Тимофеем, увидел свет Божий в 1724 году. Он родился в семье сельского псаломщика Савелия Соколова, которая, в скором времени утратив своего единственного кормильца, вынуждена была терпеть крайнюю нищету. С малых лет Тимофей привык к тяжелому труду на своих односельчан, чтобы прокормиться.

К счастью, солдатская служба миновала Тимофея, он поступил в Новгородскую семинарию, которую закончил и где впоследствии делился знаниями с благодарными учениками.

Чудесные знаки Божьего покровительства сподвигли Тимофея вступить на путь монашества, когда ему было уже за 30. Монах Тихон был назначен ректором семинарии в Твери, а в 1761 году сподобился посвящения в епископы. Сначала викарий в Новгороде, потом четыре года самостоятельного архиерейства на Воронежской земле.

Полезные материалы

Не жалея сил в деле утверждения паствы в Слове Божием, ревностный епископ совсем не заботился о своем здоровье. В итоге он был вынужден попроситься на покой, чтобы последние полтора десятилетия своей жизни провести в монашеской обители Задонска.

Тихон Задонский

Святитель Тихон Задонский

Но и там он продолжал трудиться в исследовании Божественного домостроительства: мало спал, много молился, читал Священное Писание, создавал свои душеполезные сочинения и помогал ближним, отдавая всю свою пенсию на дела благотворительности.

«Не должен ты в праздности жить, но в трудах благословенных упражняться. Потому что праздность — всему злу причина, и кто в праздности живет, непрестанно грешит. Исключение составляют немощные и престарелые люди, которые не могут трудиться»,
— подчеркивал святитель.

Он жил в атмосфере нестяжания, оплакивая свою невозможность еще больше потрудиться на благо Церкви. Будучи вспыльчивым по природе, делами своими святитель старался всегда платить добром за оскорбления, просил прощения у тех, кого его действия могли ввести в раздражение.

Святитель Тихон много времени проводил в беседах с простыми людьми, учил детей тому, как молиться, помогал малоимущим деньгами. Он обладал пророческим даром, предсказав события из царствования императора Александра I Освободителя.

13
Августа
1783 года
Душа   ревностного   святителя   отправилась   в   свой   последний   путь.

Нетленные мощи народного учителя открыли через полвека, а в 1861 г. он был причислен  Церковью к лику своих небесных святых.

В советской время благодатные останки хранились в музее. В конце 80-х они были переданы властями в дар главному храму Орловской епархии, а через три года обрели покой в Задонске.

Интересный факт
Самой популярной книгой святителя является его труд под названием «Сокровище духовное, от мира собираемое», написанный в 1770 г. Сборник небольших наставлений и жизненных историй вдохновляет верующих на жизнь по заповедям Христа.

Подробное житие: Святитель Тихон Задонский

Ему молятся об исцелении в болезнях, в безденежье и других трудностях

А еще верующие заметили, что святитель Тихон помогает по молитвам страждущих избавиться от разнообразных зависимостей, мешающих человеку свободно и радостно жить во Христе. Такими душевными и физическими хворями являются:

  • разрушительное пьянство;
  • рабская тяга к курению;
  • страшная наркомания;
  • засасывающая депрессия;
  • одурманивающее помешательство;
  • затмевающее беснование.

Особенно явно отвечает святитель Тихон тем, кто сам или чьи родственники или друзья попадает под власть всевозможных чародеев и колдунов.

Обращаются к святителю и с более обыденными ходатайствами: помочь в учебе и работе, поправить финансовое положение.

Свидетельства благодатной помощи

Многочисленные свидетельства благодатной помощи свт. Тихона по молитвам верующих можно сегодня найти в интернете. Укажем лишь на некоторые примеры.

Одна монахиня сильно страдала от цирроза печени. Медицина со всеми ее дорогими препаратами и современными техническими средствами оказалась бессильной перед разрушительным недугом. Оставалось только молиться, что больная и делала перед образом свт. Тихона. Много дней вопияла она к небесному заступнику, и получила в итоге полное исцеление от болезни.

Даже находясь на смертном одре, человек не теряет надежды продлить свои земные дни, испрашивая позволения об этом у своего Небесного Отца. Помогают нам донести эту молитву святые. Супруг одной прихожанки находился при смерти от холеры. Она обратилась в молитве к святителю Тихону, и смерть отступила. Он поправился и оба отправились в Задонск поблагодарить чудотворца за избавление от смертельной пагубы.

***

Этот святой, пребывая на Небесах, продолжает принимать приходящих за советом и помощью. Он внимательно слушает просьбы и дает свой ответ. Иконы с изображением святителя есть в домашнем иконостасе у многих православных.

Серафим Пересветов

 

Канон

Святителю Тихону, епископу Воронежскому, Задонскому чудотворцу

Припев: Святи́телю, о́тче Ти́хоне, моли́ Бо́га о на́с.

Пе́снь 1.

Ирмо́с: Во́ду проше́д, я́ко су́шу, и еги́петскаго зла́ избежа́в, изра́ильтянин вопия́ше: Изба́вителю и Бо́гу на́шему пои́м.

Святи́телю Христо́в Ти́хоне! Са́м да́руй ми́ у́м и язы́к, да воспою́ по достоя́нию сла́ву, е́юже сла́вно просла́ви тя́ Христо́с Госпо́дь.

Луча́ боже́ственнаго све́та возсия́ на́м, прииди́те, ча́да све́та, да озари́мся е́ю, да возгори́мся ду́хом, пе́сньми святи́теля велича́юще.

Апо́столов прее́мника, святи́телей сопресто́льника, преподо́бных сожи́теля, просла́вим блаже́ннаго Ти́хона, его́же предста́тельством спасе́ние улуча́ем.

Богоро́дичен: Воплоти́вся неизрече́нно Влады́ка все́х из Тебе́, Богороди́тельнице Мари́е, соверше́н бы́сть Челове́к, и роди́вся, я́коже пре́жде рождества́, сохрани́ Тя чи́сту, Его́же моли́ спасти́ от бе́д ду́ши на́ша.

Пе́снь 3.

Ирмо́с: Небе́снаго кру́га Верхотво́рче, Го́споди, и Це́ркве Зижди́телю, Ты́ мене́ утверди́ в любви́ Твое́й, жела́ний кра́ю, ве́рных утвержде́ние, еди́не Человеколю́бче.

Любо́вию Христо́вою уязви́вся, блаже́нне, Тому́ от ю́ности невозвра́тным жела́нием после́довал еси́, вся́кое плотско́е наслажде́ние возненави́дев.

Ю́ношеския стра́сти, пло́ть томя́щия, любому́дрия мече́м посе́кл еси́, же́ртву себе́ Влады́це Христу́ принося́.

Стра́хом Госпо́дним утвержда́емь, нача́ло бо прему́дрости се́й е́сть, любо́вию лу́чшею прилепи́лся еси́ прему́дрости, о Ти́хоне.

Богоро́дичен: Воспои́м боже́ственный хра́м Бо́жий, ублажи́м Святу́ю Де́ву, обоже́ни бы́вше Е́ю и от бе́д избавля́еми.

Седа́лен, гла́с 8:

Хра́м Свята́го Ду́ха от ю́ности бы́л еси́: Уте́шителева бо благода́ть, по ве́ре твое́й очи́стивши ду́шу твою́ от страсте́й, я́ве в не́й вселя́ется, сего́ ра́ди и по преставле́нии соблюде́ся те́ло твое́ нетле́нно. Моли́ Христа́ Бо́га, от тлетво́рных страсте́й изба́витися чту́щим любо́вию па́мять твою́.

Богоро́дичен: Ма́ти сла́дкаго ми́ Иису́са, Чи́стая Богоотрокови́це, прия́телище Ду́ха Свята́го, очи́сти мою́ ду́шу, беззако́нии оскверне́нную, и све́тлое жили́ще доброде́телей соде́лай, Светоно́сная Нетле́нная, отжени́ о́блак страсте́й, да и мене́ Твои́ми моли́твами осени́т Уте́шителева благода́ть.

Пе́снь 4.

Ирмо́с: Ты́ моя́ кре́пость, Го́споди, Ты́ моя́ и си́ла, Ты́ мо́й Бо́г, Ты́ мое́ ра́дование, не оста́вль не́дра О́тча, и на́шу нищету́ посети́в. Те́м с проро́ком Авваку́мом зову́ Ти: си́ле Твое́й сла́ва, Человеколю́бче.

Я́ко овча́, от Христа́ упа́слся еси́, я́коже па́стырь, упа́сл еси́ ста́до, изводя́ на па́жити живоно́сных твои́х уче́ний.

Таи́нник бы́в Христо́ва уче́ния, Сего́ ве́дением просвети́л еси́ лю́ди, де́лы и словесы́ явля́я и́стину Его́.

И́стинен и ве́рен стра́ж до́му Бо́жия бы́л еси́, стреги́й его́ де́лом, я́ко о́браз явля́я житие́м, сло́вом, я́ко уча́ усе́рдно, помышле́нием, я́ко пеки́йся о бла́зе Его́.

Богоро́дичен: Тя́ приста́нище, и сте́ну, и прибе́жище, и наде́жду, и покро́в, и предста́тельницу те́плую обре́тше, ве́рнии, к Тебе́ прибега́ем и вопие́м приле́жно, я́коже научи́ на́с взыва́ти к Тебе́ блаже́нный Ти́хон: Пресвята́я Богоро́дице, спаси́ на́с.

Пе́снь 5.

Ирмо́с: Вску́ю мя́ отри́нул еси́ от лица́ Твоего́, Све́те незаходи́мый, и покры́ла мя́ е́сть чужда́я тьма́ окая́ннаго? Но обрати́ мя, и к све́ту за́поведей Твои́х пути́ моя́ напра́ви, молю́ся.

Его́же возлюби́л еси́, Его́же возжеле́л еси́, Его́же ра́ди подвиза́лся еси́, святи́телю, моли́ ны́не Христа́ о рабе́х, да ми́лостив бы́в, все́м на́м ми́рное состоя́ние да́рует, почита́ющим па́мять твою́.

Любо́вию и ве́рою Христо́вою испо́лнен сы́й, яви́лся еси́ я́ко река́, оби́льно всю́ зе́млю Росси́йскую напоя́я сло́вом уче́ния, блаже́нне Ти́хоне.

Я́ко пчела́ сла́дкий ме́д от цвето́в, ско́ро увяда́ющих, собра́л еси́, о́тче, от тле́ннаго ми́ра духо́вное сокро́вище, и́мже все́х на́с услажда́еши.

Богоро́дичен: Испо́лни весе́лия се́рдце на́ше, Пречи́стая Богоотрокови́це, весе́лия ро́ждшая Вино́внаго, грехо́вную печа́ль вся́кую потребля́ющи.

Пе́снь 6.

Ирмо́с: Очи́сти мя́, Спа́се, мно́га бо беззако́ния моя́, и из глубины́ зо́л возведи́, молю́ся, к Тебе́ бо возопи́х, и услы́ши мя́, Бо́же спасе́ния моего́.

Чи́ст бы́в се́рдцем, чи́стому Христу́ прилепи́лся еси́, святы́й Свято́му, люби́тель Люби́тельному, кро́ткий Кро́ткому, взыва́я непреста́нно: мне́ прилепля́тися Бо́гови бла́го е́сть.

Уте́ху, ро́скошь, че́сть, бога́тство, сла́ву и все́ сокро́вище ми́ра презре́л еси́, воспаря́я к Го́рнему Иерусали́му, к до́му Отца́ Небе́снаго, иде́же оби́тели мно́ги су́ть.

Доса́ды, ско́рби, оби́ды ра́достно терпе́л еси́, помышля́я, я́ко вене́ц без побе́ды, побе́да без по́двига, по́двиг без бра́ни, бра́нь без враго́в не быва́ет.

Богоро́дичен: О, Де́во Госпоже́, Ма́ти Зижди́телева! Небе́сных еси́ чино́в ра́дование и челове́ческому ро́ду благослове́нная Помо́щница, моли́ спасти́ся душа́м на́шим.

Конда́к, гла́с 8:

Апо́столов прее́мниче, святи́телей украше́ние, Правосла́вныя Це́ркве учи́телю, Влады́це все́х моли́ся, ми́р вселе́нней дарова́ти и душа́м на́шим ве́лию ми́лость.

И́кос:

Ду́шу твою́ украси́в доброде́телию, у́м просвети́в любому́дрием, па́стырь до́брый яви́лся еси́ ста́ду Христо́ву, сло́вом и писа́нием уча́, наказу́я и вразумля́я, житие́м свои́м о́браз слове́с явля́я, те́мже на небеси́ венце́м сла́вы украси́лся еси́ от Пастыренача́льника Христа́, на земли́ сия́я нетле́нием моще́й и источа́я оби́льныя то́ки чуде́с ве́рою призыва́ющим тя́, досточу́дне и богому́дре Ти́хоне. Моли́ся ко Го́споду дарова́ти душа́м на́шим ве́лию ми́лость.

Пе́снь 7.

Ирмо́с: Бо́жия снизхожде́ния о́гнь устыде́ся в Вавило́не иногда́, сего́ ра́ди о́троцы в пещи́, ра́дованною ного́ю, я́ко во цве́тнице, лику́юще поя́ху: благослове́н еси́, Бо́же оте́ц на́ших.

Терпе́нием стяжа́л еси́ ду́шу твою́, блаже́нне, путе́м те́сным, еди́ным веду́щим в жи́знь ве́чную, ше́л еси́, вы́ну взира́я на кре́стный пу́ть Подвигополо́жника Христа́ и Сего́ о́браз житию́ твоему́ полага́я.

Всего́ себе́ любви́ Бо́жией пре́дал еси́, ду́шу и те́ло, се́рдце и ра́зум, па́мять и во́лю, наме́рение, начина́ние, сло́во, де́ло и помышле́ние Бо́гу в любо́вь посвяти́л еси́.

Оте́ц сиро́т, и вдо́в защи́тник, и бога́тство ни́щих, боля́щих утеше́ние, и су́щих в бога́тстве наста́вник, ста́рости же́зл, и наказа́ние ю́ности, и мона́шествующим доброде́телей пра́вило яви́лся еси́, блаже́нне Ти́хоне.

Богоро́дичен: Ра́дуйся, Мари́е, ра́дуйся, Спаси́теля ми́ру ро́ждшая, приста́нище бу́ди на́м, жите́йскою бу́рею волну́емым, и оти́шие в пучи́не скорбе́й, и води́тельство к небе́сным селе́нием.

Пе́снь 8.

Ирмо́с: Седмери́цею пе́щь халде́йский мучи́тель, Богочести́вым неи́стовно разжже́; си́лою же лу́чшею спасе́ны сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Ца́рствия небе́снаго еще́ на земли́ сы́н бы́в, вы́ну воздыха́л еси́ к Сы́ну Бо́жию, вопия́ Ему́: бу́ди ми́ пи́ща и питие́, бу́ди све́т души́ моея́, бу́ди отра́да в ско́рби, бу́ди жи́знь ве́чная по воскресе́нии, да превозношу́ Тя во ве́ки.

Ада́ма паде́ние, Христо́выми страстьми́ искупле́ние, ча́с сме́ртный, Стра́шный су́д, муче́ния гре́шных, блаже́нство пра́ведных всегда́ помышля́я, рыда́л еси́, на́м умиле́ния о́браз показу́я, себе́ же предъочища́я к бу́дущей сла́ве.

Труды́ по ве́ре и благоче́стию подъе́м в жи́зни се́й, сла́дце по труде́х почи́л и упоко́ился еси́: соше́л бо еси́ во гро́б, я́ко пшени́ца, для жи́тницы Бо́жия созре́лая, во вре́мя пожа́тая.

Богоро́дичен: Иссо́пом Животворя́щия Кро́ве за спасе́ние ми́ра закла́ннаго А́гнца, из Твои́х пречи́стых крове́й пло́ть прие́мшаго, окропи́ мя, оскверне́ннаго, Влады́чице, и очи́сти мя́, да Твои́м ма́терним заступле́нием па́че сне́га убелю́ся.

Пе́снь 9.

Ирмо́с: Ужасе́ся о се́м не́бо, и земли́ удиви́шася концы́, я́ко Бо́г яви́ся челове́ком пло́тски, и чре́во Твое́ бы́сть простра́ннейшее небе́с. Те́м Тя́, Богоро́дицу, А́нгелов и челове́к чинонача́лия велича́ют.

Хода́тай яви́лся еси́ и моли́твенник те́плый о на́с к Бо́гу, святи́телю. Ми́лостива у́бо моли́твами твои́ми соде́лай Влады́ку, испроси́, о́тче, прегреше́ний оставле́ние, ве́рою свяще́нную па́мять твою́ пра́зднующим и серде́чною любо́вию тя́ велича́ющим.

От Бо́га Све́та небе́сным све́том осия́нный, просвети́ на́с, помраче́нных страстьми́ жите́йскими, реши́ти же и вяза́ти вла́сть от Него́ прие́мый, разреши́ прегреше́ния на́ша, и Ца́рствия небе́снаго сподо́би па́мять твою́ пра́зднующих и досто́йно тя́ велича́ющих.

На́ше хвале́ние сие́, от недосто́йныя и окая́нныя души́, от усе́рдия же бога́таго приноси́мое тебе́, приими́ ми́лостивно, святи́телю, благода́ть проти́ву воздая́ на́м щедрооби́льную.

Богоро́дичен: Ада́ма па́дшаго возста́вила еси́, Богома́ти, ро́ждши Но́ваго Ада́ма, возста́ви и на́с, па́дших по подо́бию дре́вняго, но благода́ти Но́ваго те́пле ве́рующих.

Свети́лен.

Пло́тию а́ще и почи́л еси́, святи́телю Ти́хоне, но ду́хом жи́в сы́й, в Ца́рствии невече́рнем со Христо́м ца́рствуеши, и мо́лишися Ему́ о призыва́ющих тя́ ве́рою и любо́вию.

И́н свети́лен.

В черто́зе Жениха́ Христа́ помышля́я тя́, святи́телю, неизрече́нным све́том сия́юща, Ца́рствия небе́снаго приобщи́тися жела́ю, но от сна́ грехо́внаго объюроде́ мо́й у́м, угасе́ свети́льник, я́ко безъеле́ен, и души́ моея́ оскверне́на е́сть оде́жда, и ви́жду две́ри Ца́рствия мне́ заключе́нныя, но твои́ми моли́твами возбуди́в мя́ от сна́ грехо́внаго, еле́й покая́ния ми́ да́руй, и ри́зою заслу́г Христо́вых прикры́в мою́ наготу́, досто́йна мя́ сотвори́ невече́рняго Ца́рствия.

Похожие статьи

Рекомендуем статьи по теме

Добавить комментарий

Получать новые комментарии по электронной почте. Вы можете подписаться без комментирования.

Следите за нами в социальных сетях

+