О чём молятся Георгию Победоносцу: акафист и краткое житие

 Великомученик Георгий – воин Христов, ныне вселившийся в ангельские чертоги. Преуспев в благовестии, мученичеством служение миру всему «известным сотворил». Язычники, свидетели его свершений, славословили Бога: «Воистину велик Бог христианский!»

Иконография:
Георгий Победоносец, великомученик
Датировки: XX в. Начало XX века.
Иконописная школа или художественный центр:
Палехская школа иконописи
Иконописец: Бабанов Константин Степанович
Материал: Дерево, левкас, темпера, золото
Размеры иконы: высота 31,2 см, ширина 26,6 см
Поясное изображение святого Георгия с копьем, мечом и щитом в руках.

Акафист

Акафист

Кондак 1
Взбра́нному воево́де и Победоно́сцу Гео́ргию соста́вим похвалу́, я́ко хода́таю на́шему и ско́рому помо́щнику: ты же, святы́й великому́чениче, я́ко име́яй дерзнове́ние ко Го́споду, от вся́ких нас бед свободи́, да зове́м ти:

Ра́дуйся, Гео́ргие, вели́кий Победоно́сче.

Икос 1
А́нгелов Творе́ц и всея́ тва́ри Соде́тель, яви́вый тя Це́ркви Свое́й ве́ры побо́рника и за ве́ру непобеди́маго страстоте́рпца, внуша́ет нам за по́двиги страда́ний твои́х восхваля́ти тя, свя́те Гео́ргие, си́це:

Ра́дуйся, до конца́ Иису́са Сы́на Бо́жия возлюби́вый;

ра́дуйся, за и́мя Его́ с любо́вию ду́шу свою́ положи́вый.

Ра́дуйся, испове́дниче, от Бо́га при́званный;

ра́дуйся, подви́жниче, Бо́жиею благода́тию просла́вленный.

Ра́дуйся, А́нгелов сожи́телю;

ра́дуйся, проро́ков равностоя́телю.

Ра́дуйся, Гео́ргие, вели́кий Победоно́сче.

Кондак 2
Ви́дя гоне́ние нечести́вых на христиа́ны, не убоя́лся еси́ ко́зни их и мучи́тельства, богому́дре, но я́ко до́брый во́ин Христо́в, вся своя́ ни́щим разда́в, во́лею поте́кл еси́ на сове́т их непра́ведный, Христу́ вождю́ и Бо́гу своему́ поя́: Аллилу́иа.

Икос 2
Разу́мно уразуме́в Еди́наго Бо́га, в Трие́х Ипоста́сех боголе́пно покланя́емаго, тве́рдым умо́м испове́дал еси́ Его́ на собо́рищи нечести́вых и та́ко обличи́л еси́ безу́мнаго царя́ безу́мное поклоне́ние тва́ри. Сего́ ра́ди за твое́ высо́кое любому́дрие приими́ от нас, Гео́ргие, усе́рдныя похвалы́:

Ра́дуйся, Еди́наго и́стиннаго Бо́га пропове́дниче;

ра́дуйся, Пресвяты́я Тро́ицы ве́рный защи́тниче.

Ра́дуйся, ве́лию правосла́внаго испове́дания та́йну неве́рным показа́вый;

ра́дуйся, и́дольскаго служе́ния пре́лесть обличи́вый.

Ра́дуйся, ри́торе Бо́жий;

ра́дуйся, вити́е, прему́дрости испо́лненный.

Ра́дуйся, Гео́ргие, вели́кий Победоно́сче.

Кондак 3
Си́ла Бо́жия, просвеща́ющая вся́каго челове́ка, гряду́щаго в мир, и в темни́це тя стра́ждущаго посети́ла есть, смиренному́дре Гео́ргие: поне́же ты вся жития́ сего́ тле́нная, я́ко уме́ты презре́в, еди́ному Христу́ прилепи́лся еси́, да за и́мя Его́ до́бре во́инствовав, сподо́бишися Тому́ со А́нгелы вечно воспева́ти: Аллилу́иа.

Икос 3
Име́я ум и се́рдце, Ду́хом Святы́м озаре́нныя, ты по внуше́нию Его́ поревнова́л еси́ подвиза́тися за и́мя Христо́во, до кро́ве стоя́ бо му́жественно в ве́ре, обличи́л еси́ вознесе́нную нечести́ваго собо́рища горды́ню. Сего́ ра́ди хва́лим тя, всему́дре Гео́ргие, си́це:

Ра́дуйся, щи́те, воздви́гнутый на охране́ние благоче́стия;

ра́дуйся, мечу́, подъя́тый на посече́ние нече́стия.

Ра́дуйся, сто́лпе ве́ры;

ра́дуйся, стено́ и утвержде́ние Христо́вы Це́ркви.

Ра́дуйся, ве́рных удобре́ние;

ра́дуйся, неве́рных страх и посрамле́ние.

Ра́дуйся, Гео́ргие, вели́кий Победоно́сче.

Кондак 4
Безу́мный мучи́тель, ды́шащий на тя уби́йством, страстоте́рпче Гео́ргие, жа́ждал бо кро́ве твоея́, я́ко пес а́лчный, повелева́я распя́ти на колесе́ те́ло твое́ и зле́йшим му́кам преда́ти; ты же, возмога́я о Го́споде, с тве́рдым упова́нием к Бо́гу взыва́л еси́: Аллилу́иа.

Икос 4
Слы́шавше от тебе́ Диоклетиа́н и жрецы́ и́дольстии словеса́ прему́дрости, распыха́хуся на тя зло́бою, па́че же егда́ рекл еси́: «О, царю́ мучи́телю! Почто́ мя всу́е истязу́еши? Мне бо е́же жи́ти, Христо́с, и е́же умре́ти, приобре́тение. Тру́дно ти есть проти́ву рожна́ пра́ти». Сего́ ра́ди мы взыва́ем ти, великоимени́те Гео́ргие, си́це:

Ра́дуйся, за му́жественное испове́дание ве́ры на колесе́ кровь свою́ пролия́вый;

ра́дуйся, кро́вию свое́ю торжество́ ве́ры возвели́чивый.

Ра́дуйся, Апо́столов соревни́телю;

ра́дуйся, во́льным Христо́вым Страсте́м подража́телю.

Ра́дуйся, побо́рниче ве́ры непоколеби́мый;

ра́дуйся, страстоте́рпче, адама́нта тверде́йший.

Ра́дуйся, Гео́ргие, вели́кий Победоно́сче.

Кондак 5
Боготе́чной звезде́ подо́бен был еси́ Гео́ргие, чуде́сным бо от А́нгела исцеле́нием и ви́димым от колеса́ отреше́нием научи́л еси́ неве́рных ве́ровати в Тро́ицу Единосу́щную и Той ку́пно с тобо́ю воспева́ти: Аллилу́иа.

Икос 5
Ви́деша наро́ди чудеса́ си́лы Бо́жия, я́ве на тебе́ быва́емыя, с кро́тостию уче́ние Христо́во от тебе́ прия́ша и возопи́ша, глаго́люще: «Вои́стину вели́к Бог христиа́нский!» Сего́ ра́ди и мы, восхваля́я тя, достосла́вне Гео́ргие, взыва́ем си́це:

Ра́дуйся, светоно́сным спасе́ния сло́вом тьму неве́рия разгна́вый;

ра́дуйся, му́ченическим ве́ры испове́данием неве́рныя ко Христу́ обрати́вый.

Ра́дуйся, легио́ны во́инов земны́х в небе́сное во́инство предводя́й;

ра́дуйся, я́ко во́ин Христо́в с небе́сными во́и пребыва́яй.

Ра́дуйся, ратобо́рцев сла́во;

ра́дуйся, пресве́тлаго му́ченическаго ли́ка красото́.

Ра́дуйся, Гео́ргие, вели́кий Победоно́сче.

Кондак 6
Пропове́дником и́стины, духоно́сным Апо́столом поревнова́в, кресто́м ми́ру распя́лся еси́, страстоте́рпче; се бо, я́ко Ио́на во чре́во ки́тово, в пещь нерастворе́нныя и́звести стремгла́в вве́ржен был еси́, да просла́вится тебе́ ра́ди ди́вный во святы́х Госпо́дь, Ему́же ты и в ро́ве изве́стнем, я́ко во хра́ме сла́вы, у́мно взыва́л еси́: Аллилу́иа.

Икос 6
Возсия́вый в тридне́вном Свое́м от гро́ба воста́нии всеси́льный а́да и сме́рти Победи́тель Иису́с спасе́ тя от а́дова истле́ния, страстоте́рпче Гео́ргие: по трие́х бо днех обрето́ша тя в и́звести жи́ва и в воздея́нии рук пою́ща Бо́га; сего́ ра́ди вельми́ пристра́шни бы́ша и ужасо́шася. Мы же, ра́дующеся, воспису́ем ти побе́дную песнь:

Ра́дуйся, позо́рным в и́звестный ров низверже́нием, вознесе́нную диа́вола горды́ню низложи́вый;

ра́дуйся, ди́вным от Бо́га спасе́нием зве́рство мучи́телей победи́вый.

Ра́дуйся, я́ко незло́бив сый, за твори́вших ти напа́сть моли́лся еси́, я́ко за благотво́рцев;

ра́дуйся, я́ко о обраще́нии их, я́ко же Па́вел о евре́ех, боле́зновал еси́.

Ра́дуйся, му́жу жела́ний;

ра́дуйся, сосу́де избра́нный.

Ра́дуйся, Гео́ргие, вели́кий Победоно́сче.

Кондак 7
Хотя́й вся́чески улови́ти се́рдце твое́ к пре́лести и́дол, нечести́вый мучи́тель умышля́ет прельсти́ти тя волшебными чарова́нии; ты же, богоизбра́нне, с Дави́дом восклица́я: «О Бо́зе спасе́ние мое́ и сла́ва моя́», ве́рно Тому́ пел еси́: Аллилу́иа.

Икос 7
Но́вое показа́ зло лука́вый о́ный сатаны́ служи́тель Диоклетиа́н, егда́ в безу́мной свое́й ко и́долом ре́вности повеле́ напои́ти тя, Гео́ргие, я́дом; ты же испо́лнен сый ве́ры и упова́ния, а́ще и сме́ртное испи́л, оба́че без вре́да пребы́л еси́, богохва́льне, те́мже и мы вопие́м ти:

Ра́дуйся, я́ко во упова́нии на Бо́га Жи́ва не посрами́лся еси́;

ра́дуйся, я́ко мучи́теля нивочто́же вмени́л еси́.

Ра́дуйся, бесо́в отгна́телю;

ра́дуйся, волше́бныя ко́зни разруши́телю.

Ра́дуйся, я́ко тобо́ю ди́вен Бог во святы́х Свои́х явля́ется;

ра́дуйся, я́ко тобо́ю благоче́стно и́мя Христо́во прославля́ется.

Ра́дуйся, Гео́ргие, вели́кий Победоно́сче.

Кондак 8
Стра́нный и стра́шный сове́т бысть от не́коего волхва́ нечести́вому царю́, да повели́т ти, в доказа́тельство пра́вости ве́ры Христо́вой, сло́вом воскреси́ти ме́ртваго; ты же, Гео́ргие, ничто́же сумня́ся, воспева́л еси́ Тому́, И́же несть Бог ме́ртвых, но Бог живы́х: Аллилу́иа.

Икос 8
Всежела́нный и Сладча́йший Иису́с, Его́же ты все́ю душе́ю и всем се́рдцем возлюби́л еси́, всеблаже́нне Гео́ргие, слы́ша те́плое ве́ры твоея́ моле́ние, вско́ре повеле́ по сло́ву твоему́ воскре́снути ме́ртвому, прославле́ния ра́ди И́мени Своего́ и ве́рных утвержде́ния, неве́рным же и ослепле́нным на удивле́ние и богопозна́ние. Сего́ ра́ди по до́лгу вопие́м ти:

Ра́дуйся, я́ко Госпо́дь сил ди́вная на тебе́ яви́л есть;

ра́дуйся, я́ко ме́ртваго тобо́ю от гро́ба воскреси́л есть.

Ра́дуйся, ослепле́нному волхву́ у́мное прозре́ние ве́ры дарова́вый;

ра́дуйся, мно́гим, Христа́ ра́ди пострада́вшим, во свята́я святы́х путь показа́вый.

Ра́дуйся, Ри́ма удивле́ние;

ра́дуйся, христиа́нскаго ро́да возвыше́ние.

Ра́дуйся, Гео́ргие, вели́кий Победоно́сче.

Кондак 9
Вси А́нгели восхвали́ша Бо́га, дарова́вшаго ти таково́е му́жество, Гео́ргие, я́ко и в темни́чном заточе́нии не престава́л еси́ моли́твенно бо́дрствовати. Сего́ ра́ди, я́ко вели́кий таи́нник Бо́жия благода́ти, удосто́ился еси́ ви́дети в виде́нии Го́спода, венце́м нетле́ния главу́ твою́ венча́юща, да и мы с тобо́ю вопие́м: Аллилу́иа.

Икос 9
Вити́и многовеща́ннии ри́торскими свои́ми язы́ки не возмо́гут изрещи́ тебе́ досто́йныя хвалы́, Гео́ргие, мно́гих ра́ди твои́х по́двигов и боле́зней, и́хже за Христа́ и Це́рковь подъя́л еси́ во́лею. Сего́ ра́ди и мы, недоуме́я восхваля́ти тя по достоя́нию, воспева́ем си́це:

Ра́дуйся, во́льным за Христа́ и Це́рковь страда́нием ве́тхаго в себе́ Ада́ма распя́вый;

ра́дуйся, за до́блестное страда́ние вене́ц пра́вды от руки́ Госпо́дни прия́вый.

Ра́дуйся, пра́вило ре́вности благочести́выя;

ра́дуйся, о́бразе нищеты́ духо́вныя.

Ра́дуйся, я́ко не себе́, но Еди́ному Бо́гу до́бре угоди́л еси́;

ра́дуйся, я́ко за Христа́ на многообразныя сме́рти гото́в был еси́.

Ра́дуйся, Гео́ргие, вели́кий Победоно́сче.

Кондак 10
Спасти́ хотя́ ду́ши во тьме идолослуже́ния погиба́ющих, боголю́бче Гео́ргие, ты, ревну́я, поревнова́л еси́, я́ко Илия́ по Бо́зе: вшед бо во храм и́дольский, си́лою Бо́жиею разгна́л еси́ бе́сы, сокруши́л и́долы, посрами́л жрецы́ и, я́ко победи́тель, не с челове́ки, но со А́нгелы пел еси́ Бо́гу: Аллилу́иа.

Икос 10
Стены́ бесчу́вственнее окамене́нный се́рдцем мучи́тель твой, Гео́ргие, не уразуме́ Бо́га, я́ве тобо́ю чудоде́йствующа, но до конца́ пребы́л еси́, я́ко а́спид, затыка́яй у́ши свои́. Сего́ ра́ди повеле́ усещи́ тя на позо́рищи во главу́, я́ко злоде́я; ты же, боле́знуя о поги́бели души́ его́, ра́достно прия́л еси́ кончи́ну, за ню́же мы тя ублажа́ем любо́вию си́це:

Ра́дуйся, ве́ру, наде́жду и любы́ до конца́ сохрани́вый;

ра́дуйся, во успе́нии твое́м мно́гия и вели́кия чудеса́ сотвори́вый.

Ра́дуйся, ору́жием благоволе́ния Бо́жия венча́нный на земли́;

ра́дуйся, сла́вою и велеле́пием украше́нный на Небеси́.

Ра́дуйся, челове́че Бо́жий;

ра́дуйся, до́брый во́ине Христо́в.

Ра́дуйся, Гео́ргие, вели́кий Победоно́сче.

Кондак 11
Пе́ние Пресвяте́й Тро́ице па́че ины́х возда́л еси́, святы́й великому́чениче Гео́ргие, не сло́вом то́чию и умо́м, но живы́м всего́ себя́ в же́ртву принесе́нием: подража́я бо распя́тому за ны непоро́чному А́гнцу Христу́, положи́л еси́ ду́шу свою́ за дру́ги своя́ во́лею. Те́мже у́бо а́ще недово́льни есмы к похвале́нию таковы́я твоея́ до́блести, бо́льше бо сея́ любве́ никто́же и́мать, оба́че благода́рни су́ще, пое́м Ди́вному во святы́х: Аллилу́иа.

Икос 11
Светоприе́мный свети́льник и́стиннаго Све́та су́щим на земли́ явля́ешися, богоизбра́нне Гео́ргие, просвеща́еши бо сердца́ ве́рных и к ра́зуму Боже́ственному вся наставля́еши, поуча́я и нас ве́село взыва́ти:

Ра́дуйся, я́ко в пресве́тлых а́нгельских черто́зех вселя́ешися;

ра́дуйся, я́ко не в гада́нии, но лице́м к лицу́, Невече́рняго Тро́ичнаго Све́та причаща́ешися.

Ра́дуйся, ни́щих пита́телю и оби́димых защи́тниче;

ра́дуйся, немощны́х врачу́ и царе́й побо́рниче.

Ра́дуйся, правосла́вным во́ином во бра́нех спобо́рниче;

ра́дуйся, о спасе́нии гре́шников те́плый хода́таю.

Ра́дуйся, Гео́ргие, вели́кий Победоно́сче.

Кондак 12
Благода́ть, да́нную ти от Бо́га, ве́дуще, па́мять твою́ пра́зднуем, великому́чениче Гео́ргие, и с усе́рдным моле́нием к чудотво́рному о́бразу твоему́ притека́юще, твое́ю всеси́льною о Го́споде по́мощию, я́ко необори́мою стено́ю, огражда́емся. Сего́ ра́ди восхваля́я тя, усе́рдно зове́м Бо́гу: Аллилу́иа.

Икос 12
Сла́вную кончи́ну твою́ пою́ще, е́юже возвели́чился еси́, я́ко до́брый во́ин Христо́в, мо́лим тя, страстоте́рпче Гео́ргие: бу́ди нам во всем ко бла́гу помо́щниче и услы́ши ны, усе́рдно взыва́ющих ти:

Ра́дуйся, я́ко тобо́ю Це́рковь ве́рных просвеща́ется;

ра́дуйся, я́ко и́мя твое́ и между́ неве́рными прославля́ется.

Ра́дуйся, ди́вная испове́дников сла́во;

ра́дуйся, высо́кая му́чеников похвало́.

Ра́дуйся, теле́с на́ших целе́бниче;

ра́дуйся, о душа́х на́ших моли́твенниче.

Ра́дуйся, Гео́ргие, вели́кий Победоно́сче.

Кондак 13
О, всеблаже́нный и святы́й великому́чениче Гео́ргие, приими́ сие́ на́ше хвале́бное пе́ние и изба́ви нас от вся́каго зла твои́м те́плым к Бо́гу хода́тайством, да с тобо́ю воспева́ем: Аллилу́иа.

Этот кондак читается трижды, зате́м 1-й икос «А́нгелов Творе́ц…» и 1-й кондак «Взбра́нному воево́де …».

Моли́тва 1-я
Святы́й, сла́вный и всехва́льный великому́чениче Гео́ргие! Собра́ннии в хра́ме твое́м и пред ико́ною твое́ю святою покланя́ющиися лю́дие, мо́лим тя, изве́стный жела́ния на́шего хода́таю, моли́ с на́ми и о нас умоля́емаго от Своего́ благоутро́бия Бо́га, да ми́лостивно услы́шит нас, прося́щих Его́ благосты́ню, и не оста́вит вся на́ша ко спасе́нию и житию́ ну́ждная проше́ния, и да́рует стране́ на́шей побе́ду на сопроти́вныя; и па́ки, припа́дающе, мо́лим тя, святы́й Победоно́сче: укрепи́ да́нною тебе́ благода́тию во бра́нех правосла́вное во́инство, разруши́ си́лы востаю́щих враго́в, да постыдя́тся и посра́мятся, и де́рзость их да сокруши́тся, и да уве́дят, я́ко мы име́ем Боже́ственную по́мощь, и всем, в ско́рби и обстоя́нии су́щим, многомо́щное яви́ свое́ заступле́ние. Умоли́ Го́спода Бо́га, всея́ тва́ри Созда́теля, изба́вити нас от ве́чнаго муче́ния, да прославляем Отца́, и Сы́на, и Свята́го Ду́ха и твое́ испове́дуем предста́тельство ны́не, и при́сно, и во ве́ки веко́в. Ами́нь.

Моли́тва 2-я
О, всехва́льный, святы́й великому́чениче и чудотво́рче Гео́ргие! При́зри на ны ско́рою твое́ю по́мощию и умоли́ Человеколю́бца Бо́га, да не осу́дит нас, гре́шных, по беззако́ниям на́шим, но да сотвори́т с на́ми по велицей Свое́й ми́лости. Не пре́зри моле́ния на́шего, но испроси́ нам у Христа́ Бо́га на́шего ти́хое и богоугодное житие́, здра́вие же душе́вное и теле́сное, земли́ плодоро́дие и во всем изоби́лие, и да не во зло обрати́м да́руемая нам тобо́ю от Всеще́драго Бо́га, но во сла́ву свята́го И́мени Его́ и в прославле́ние кре́пкаго твоего́ заступле́ния, да пода́ст Он стране́ на́шей и всему́ боголюби́вому во́инству на супоста́ты одоле́ние и да укрепи́т непременя́емым ми́ром и благослове́нием. Изря́днее же да огради́т нас святы́х А́нгел Свои́х ополчением, во е́же избавитися нам по исхо́де на́шем из жития́ сего́ от ко́зней лука́ваго и тя́жких воздушных мыта́рств его́ и неосужде́нным предста́ти Престо́лу Го́спода сла́вы. Услы́ши нас, страстоте́рпче Христо́в Гео́ргие, и моли́ за ны непреста́нно Триипоста́снаго Влады́ку всех Бо́га, да благода́тию Его́ и человеколю́бием, твое́ю же по́мощию и заступле́нием обря́щем ми́лость со А́нгелы и Арха́нгелы и все́ми святы́ми одесну́ю Правосу́днаго Судии́ ста́ти и Того́ вы́ну сла́вити со Отце́м и Святы́м Ду́хом ны́не, и при́сно, и во ве́ки веко́в. Ами́нь.

 Краткое житие

 В годовом круге святой чествуется трижды: в день смерти — 6 мая, 16 ноября — в день обновления его храма в Лидде. А также 23 ноября, когда отмечают его исцеление после пытки на колесе. В русской традиции присутствует еще одна дата — 9 декабря — освещение в 1051 году в Киеве церкви его имени. Этот день стал российским государственным праздником, когда чествовали кавалеров ордена святого Георгия. Храм возвел Ярослав Мудрый. Сын Владимира, великого князя, в крещении тоже стал Георгием. 

Гео́ргиевская це́рковь — один из первых монастырских киевских храмов, построенный в XI веке в честь великомученика Георгия Победоносца — небесного покровителя князя Ярослава Мудрого (его христианское имя Георгий, или Юрий). Вид храма до реконструкции конца XIX века

Великомученика Георгия Господь прославил в IV веке – в жестокое время царствования императора Рима Диоклетиана, известного беспощадными гонениями на христиан, фанатичным поборником язычества. В эту эпоху слава Истинного Бога достигла невероятных высот: множество первых христиан ценой жизни подтверждали истинность веры.

Молитва святому Георгию Победоносцу о помощи

Святой родился в Каппадокии, провинции Рима и воспитывался в богатой христианской семье. Некоторые источники упоминают родителей. Согласно некоторым из них, Геронтия, отца Георгия, замучили за исповедание Христа. После смерти мужа Полихрония вместе с сыном переселились в палестинский город Лидду. Не все источники называют имена родителей святого мученика. О родителях подробно рассказывает лишь  апокрифическое  житие «История рождения и детства». Сегодня упоминание этого древнего палестинского места наводит на мысли о пещерах отшельников и суровых аскетах. Именно здесь прошло детство Георгия до той поры пока Диоклетиан не призвал его к служению в римский легион. Благодаря своей воинской доблести он стал тысяченачальником и любимцем императора.

Однажды Диоклетиан созвал верховный совет в Никомидии, чтобы назначить новые жестокие меры против христиан. Услышав о предстоящем поголовном истреблении единоверцев, Георгий исполнился сострадания. Он решил, что наступил решающий момент. Передав  имущество бедным, освободив своих рабов, Георгий явился к правителю и объявил себя тайным христианином. Ему предлагали опомниться и отречься от заблуждений, но тщетно… Тогда молодого воина подвергли нечеловеческим истязаниям: его придавливали камнем, подвергали колесованию, стегали воловьими жилами, погружали в негашеную известь, обували в сапоги с гвоздями. Двое свидетелей пыток – преторы Анатолий и Протолеон, а также жена императора царица Александра уверовали во Христа. Двое первых погибли от меча на месте. Царица  погибла позднее. Она предала дух свой в руки Господа на пути к месту казни. Сила Божия открылась во время страданий в терпении святого мученика, в его молитвенном подвиге и являемых чудесах. Все страстное время мученических испытаний Господь хранил избранника своею благодатью.

Исчерпав арсенал лютых мук и не добившись отречения, злобный правитель заточил истерзанного юношу в темницу, куда стали стекаться христиане слушать наставления в вере и наполняться благодатью Божией. Многие из них приняли мученический венец.

6 мая 303 года великомученик Георгий был усечен мечом.

О чем молятся святому Георгию

Георгий Победоносец защищает христолюбивое воинство. Иконографическая традиция представляет подвижника в образе всадника на белом коне, разящего копьем змея в пасть, что символизирует торжество христианства над дьяволом – «ветхозаветным змием». Это изображение удачно перенесли на герб Москвы.

Во все времена к святому прибегали ратники православного ополчения для одоления врагов.

Ему молятся:

• о сохранении воинов на поле брани;
• о даровании победы;
• о помощи в отыскании без вести пропавших;
• за помощью обращаются земледельцы и скотоводы;
• почитают его и пастухи;
• обращаются при укусах ядовитых змей и насекомых;
• просят об избавления от воздушных мытарств и вечных мук.
• Богу молится Георгий и выздоравливают бесноватые;
•  обращаются о даровании ребеночка бесчадные родители;
• при безденежье;
• в семейном благополучии. 

Примеры помощи

Святой широко известен в странах, граничащих с Капподокией – в Грузии и Армении. Здесь исключительное отношение к святому, как к покровителю местности. Известны случаи, когда по молитвенному обращению к святому случаются настоящие чудеса и в наши дни. 

Чудо о змее. Начало XV в.
55.5 × 44 см
Дом-музей П. Д. Корина (филиал ГТГ), Москва, Россия
Находилась в собрании Н.Репникова. Приобретена у Н.Н.Ефремова.

Спасение девицы, предназначенной на съедение страшному чудовищу

 В соответствии с легендой, представление Георгия как всадника на коне связано с одним из чудес, происшедшим уже после смерти святого. В озере, неподалеку от города Бейрута, поселился дракон. Для умилостивления его жители приносили человеческие жертвы, молодых юношей и девушек. Сразив зверя, Георгий спас очередную жертву, ей оказалась любимая дочь правителя местности. С тех пор в этих краях утвердилось христианство.

А при жизни спас от духовной смерти языческого жреца

Вот как это было. После долгих уговоров Георгий наконец согласился пойти в храм Аполлона. Царь чрезвычайно обрадовался и в сопровождении вельмож и последовал за узником. При появлении святого великомученика идол Аполлона низринулся с пьедестала и рассыпался в прах. Разрушились и остальные идолы. Народ же восклицал:

Главный жрец воскликнул при этом:

За что был немедленно казнён. 

Оживление павшего вола

Другим случаем помощи стало оживление павшего единственного быка земледельца Гликерия. Крестьянин пришел к святому за помощью, когда тот был заключен в темницу. В ответ на просьбу Георгий призвал к вере, душа того откликнулась, вернувшись домой он нашел вола живым.

До революции население русских окраин совершало молебен святому о помощи скотоводам с окроплением домов и животных святой водой. Этот день был назван Юрьевым и праздновался 26 ноября по старому стилю, или 9 декабря по новому.

Зачем читают акафисты святым

«Дивен Бог во святых своих», — говорит Православная Церковь, и Георгий Победоносец — один из самых ярких ее светильников.

Акафист – это хвалебная песнь, посвященная святому, славящая его  дела на пути к Небесам. Это песнопение высокого сердечного накала  дает живую возможность прикоснуться к житию Божьего избранника, духовно воспарить к первообразу святого, так чудесно прославившего Господа своими подвигами.

Так, святой Георгий, скорый в делах и скорбях наших помощник, не оставляет нас и сегодня, а благодарные христиане благоговейно почитают не только его память, но сам животворящий первообраз угодника Божьего.