' Георгий Победоносец: в чем помогает молитва и акафист святому, в день памяти именины у Юрия

Вопросы священнику

Задайте интересующий вопрос прямо на сайте и получите ответ от священника

Полезные материалы

Икона Николая Чудотворца: описание, значение, помощь

Святитель родился около 270 года в древней византийской провинции, в небольшом городе Патара ...

Житие святителя Луки (Войно-Ясенецкого) как руководство к святости

Удивительный человек, с удивительной судьбой. На первый взгляд ...

Как и для чего читают акафист Матроне Московской

Кто такая блаженная Матрона Московская

Икона Матроны Московской: история, значение, примеры помощи

Незрячая от природы, она видела больше, чем многие из нас.

Спасибо что зашли на наш сайт, перед тем как начать чтение вы можете подписаться на интересную православную mail рассылку, для этого вам необходимо кликнуть по этой ссылке «Подписаться»

На Руси, наверное, не было княжеского имени более распространенного, чем Георгий, а крестьяне молились ему, воину, в совсем не военных нуждах. Всадник, разящий копьем змия – на гербе Москвы. Крест святого, его изображение входят в состав государственных эмблем России, Великобритании.

Георгий Победоносец

Великомученик Георгий Победоносец XIII в. 35.7 × 29 см Монастырь св. Екатерины, Синай, Египет Георгий, великомученик († 303)

Житие

При столь широком почитании святого есть множество неясностей относительно деталей его жизни, так что уже с IV в. существовало множество версий событий, от опирающихся на известные факты, документы, до легендарных, почти мифических. Только к X в. прп. Симеон Метафраст, византийский историк, писатель, смог выделить среди множества рассказов о великомученике наиболее достоверные. Составленное им житие святого было признано Церковью как каноническое.

Семья, военная карьера

Будущий великомученик был уроженцем Каппадокии, области полуострова Малая Азия. Родители его, Геронтий и Полихрония, представляли верхи тогдашнего римского общества: отец был воином (по другим данным, даже сенатором), мать, Полихрония, происходила из знатного рода. Семья святого исповедовала христианство.

По некоторым данным, двоюродной сестрой великомученика была Нина, принесшая истинную веру на землю Грузии. Именно на родстве двух святых основано особое почитание св. Георгия в этой стране.

Христиане были верными подданными римских императоров. Они не разделяли языческой веры, но это не мешало им занимать высокие должности, а присущая верующим честность снискивала всеобщее уважение. Видимо, так случилось с Георгием, выбравшим военное поприще в правление императора Диоклетиана.

Это римский государь (284-305 гг.) считается блестящим администратором, реформатором, умевшим ценить таланты своих подданных. Одним из тех, кто пользовался его особым покровительством, был тысяченачальник Георгий (некоторые авторы даже думают, что он возглавлял отряд личных телохранителей). Вскоре, однако, все изменилось.

Подвиг

В 300 г. Диоклетиан, которого не устраивала духовная свобода его подданных-христиан, начал гонение, чтобы уничтожить молодую Церковь физически, либо принудить непокорных поклониться римским богам – в их числе, кстати, чтилась особа самого императора.

Автор «Церковной истории» Евсевий, епископ Кесарийский, пишет:

«Когда впервые был оглашён указ о церквах Диоклетиана, некий человек самого высокого, по мирским представлениям, звания, движимый ревностью по Боге и побуждаемый горячей верой, схватил указ, прибитый в Никомидии в общественном месте, и разорвал его на куски как богохульный и нечестивейший…»

Предполагается, что речь может идти о св. Георгии. Житие описывает, как поражен был его поступком император, как не верил он, что его преданный воевода готов на смерть за свою веру, наконец, как Георгия предали пыткам.

Георгий Победоносец

Святой Георгий
Двусторонняя икона
Школа или худ. центр: Новгород
Ок. 1170 г.
Лазарев 1969: Ок. 1170 г.
Каменская 1971: XII в.
Лазарев 1986: 1180-е годы
Лазарев 2000/1: Ок. 1170 г.
Иконы Успенского собора 2007: Конец XI — начало XII вв.
174 × 122 см

Согласно прп. Симеону Метафрасту его пытали семь дней:

  • держали в темнице с огромным камнем на груди;
  • вращали на утыканном острыми ножами колесе;
  • бросали в яму, полную извести;
  • перебивали кости;
  • когда же мученик остался невредим – заставили бежать в железных сапогах, предварительно раскаленных на огне (другой версии, внутрь их набили гвоздей);
  • отчаявшись победить, как говорили мучители, «волхвование» христианское, святого просто начали жестоко бить, но наутро он предстал пред императором здоровым;
  • тогда ему дали сильнейший яд, но, перекрестив чашу, Георгий, выпив отраву, не потерпел вреда.

 

Наконец, император решил уговорить бывшего любимца поклониться Аполлону. Как бы соглашаясь, святой отправился к храму, где крестным знамением сокрушил идола. Потрясенные язычники в великом множестве уверовали в Истинного Бога. Среди них была даже сама царица Александра. Житие называет ее женой Диоклетиана, однако документы говорят, что супругой его была Приска (возможно, имя Александры она получила при Крещении, однако полной ясности здесь нет). Во всяком случае, мужественная женщина казнена вместе с великомучеником через отсечение главы. По другим данным, она преставилась по пути к месту казни.

А вот Георгий действительно погиб от меча.

Ночью перед казнью он призвал слугу, которому отдал распоряжения о своем имении, а также завещал отнести его останки на Святую Землю.

День памяти

Церковь чтит святого особыми службами:

  • 6 мая, когда он завершил свой подвиг;
  • 16 ноября – в этот день освящен храм в Лидде, где находятся честные останки святого;
  • 23 ноября особо чтится в Грузии как память чудного исцеления мученика Ангелов после колесования;
  • 9 декабря – память освящение Георгиевского Киевскогохрама (1051 г.)

Подробно можно прочитать здесь: Юрьев и другие дни памяти Георгия Победоносца

Это так называемый «Юрьев день», когда уже завершена уборка урожая. Он был удобным временем, когда крестьяне обычно меняли место жительства, если хотели перейти к другому владельцу. Традиция впервые юридически зафиксирована Судебником Ивана III (1497 г.).

Чудеса и почитание

Сказания о чудесах сохраняются с древности. В основном это посмертные явления мученика, не раз избавлявшего верующих от различных бед.

«Чудо о змии»

Это самое известное из знамений милости Божией, явленных через святого. Однако по самому событию нет ясности, случилось оно при земной жизни великомученика (так полагают греческие авторы) или же по кончине (славянское «прочтение» чуда).

Источники упоминают место события – город Ласию (иногда встречаются также названия Гевал, Нагав), скорее всего, в Сирии. Рядом с поселением обитал дракон, нападавший на жителей. Язычники, они решили «задобрить» змея ежедневным принесением ему в жертву юноши или девушки. Постепенно очередь дошла до дочери правителя. Тогда-то появился воин Георгий, сразился со змием и убил его.

Вразумление гордого

Составители житий святого относят эту историю к VII или VIII в., когда один из византийских императоров решил обновить храм святого. Для колонн, которые должны были его украсить, нашли лучший мрамор. Тогда же благочестивая вдовица, чтившая святого, на последние деньги также купила мраморную колонну. Однако, занимавшийся доставкой мрамора чиновник отказался принять этот, по его мнению, слишком ничтожный дар. Колонну даже отказались погрузить на корабль.

Тогда расстроенной женщине во сне явился сам великомученик. Благодаря ее за усердие, он спросил, в каком месте лучше поставить колонну. А затем перстом написал на ней: «Этот вдовицын столб должен быть поставлен на правой стороне церкви после перваго столба, чтобы он был вторым».

Каково же было всеобщее удивление, когда начальник, привезя мрамор, нашел у храма мраморный столб, в котором узнал дар вдовы. Повеление св. Георгия было точно исполнено: колонну до сих пор показывают в его храме.

Обретение веры

Еще одно чудо произошло, когда Палестина была захвачена мусульманами-арабами. Один из них, войдя в христианскую церковь города Рамле, увидел образ мученика и дерзко пустил в него стрелу. Стрела не достигла иконы, ранила его самого. Не прошло даже суток, как оказалось, что араб близок к смерти. Поняв, что наказан за кощунство, он призвал христианского священника, а тот посоветовал обратиться лично к св. Георгию с просьбой о прощении. Ночь молился страдалец пред той самой иконой, над которой глумился. Он получил исцеление телесное, а затем духовное, став христианином. Оставшиеся дни земной жизни человек посвятил проповеди о Христе, за что был убит.

О помощи

Покровитель воинов

Ратные доблести святого снискали ему особую любовь среди военачальников, да и рядовых воинов. Имя святого носили десятки русских князей, среди которых:

  • блгв. Ярослав Мудрый;
  • Юрий Долгорукий, основавший Москву;
  • Георгий, сын блгв. Даниила Московского.

Орден Святого Великомученика Георгия

Екатерина II учредила «Военный орден Святого великомученика и Победоносца Георгия» в 1769 году.

Екатерина II учредила «Военный орден Святого великомученика и Победоносца Георгия» в 1769 году.

Награда установлена указом Екатерины II 26 ноября 1769 г. Девизом ордена, имевшего четыре степени, было «За службу и храбрость». Среди награжденных:

  • военачальники М.И.Кутузов (один из четырех полных кавалеров, имевших все 4 степени «Георгия»), А.В.Суворов, Ф.Ф.Ушаков, А.П.Ермолов, М.Д.Скобелев, десятки других;
  • тысячи офицеров, рядовых; больше всего награжденных приходится на 1 мировую войну: тогда 4 степень ордена получили почти 4000 человек; среди 200 награжденных посмертно – летчик Петр Нестеров, совершивший воздушный таран.

В чем еще помогает

Русские крестьяне считали святого также помощником в сельскохозяйственных работах и особенно – покровителем домашнего скота. Мнение, вероятно, возникло на основании иконографии великомученика, где он изображается на коне, а также по совпадению дней его памяти с вехами сельскохозяйственных работ (посев, начало которого приходится весеннего «Георгия», подготовка к зиме – на «осенний» праздник). Покровителем пастухов, земледельцев считают святого также греки.

св. Георгий Победоносец

св. Георгий Победоносец

Кроме того, ему молятся:

  • во время эпидемий;
  • желая защититься от нападения змей;
  • при гонениях от врагов.
Святого глубоко почитают не только христиане, но и мусульмане. Они чтят «Эль-Худера» как пророка. От арабов-христиан мусульманам известно житие святого. С XIV в. есть несколько часовен, возведенных ими в память великомученика.

Иконография

Святой пишется юношей, без бороды. На главе его иногда можно увидеть венец.

С древности святой изображается:

  • как мученик, держащим крест;
  • как воин, пеший или на коне; самый распространенный обра такого рода – на тему чуда о змии.

Изображения

С древности святого изображали на монетах Византии, иногда вместе с императором. Всадника можно увидеть и на русских монетах, отсюда именование одной из них «копейкой», от копья в руках изображенного. Однако историки полагают, что изначально такие изображения представляютвсе же великого князя Московского. Первые узнаваемые изображения на деньгах – Георгий, поражающий змея – относятся только к середине XVIII в.

А вот гербе русской столицы образ можно увидеть намного раньше. С 1667 г. утвержден герб России, на котором также – св. Георгий, убивающий дракона. Щит с изображением всадника на белом коне – часть герба также современной Российской Федерации

Места и храмы связанные с именем святого

По всему миру только храмов святого более 100. Кроме того, освящен не один источник, именем св. Георгия нередко называют военные учебные заведения.

Православный храм города Дербент

Это первый построенный здесь в середине XIX в. христианский храм, первоначально предназначенный для духовных нужд военных. С 1902 г. он стал кафедральным Дербентской епархии. Ныне церковь не существует, она уничтожена в 1938 г.

Храм в Коптево

Небольшой однопрестольный деревянный храм находится на севере столицы. Он существует с 1997 г., проект создан архитектором В.В.Ивановым. Сейчас на приходе работает воскресная школа, православный молодежный клуб, секция рукопашного боя.

В Витязево

Поселок находится на побережьи Черного моря, отстоя на 11 км от Анапы. Храм был здесь с XIXв., когда основано поселение, однако разрушен за советские годы.

Интересный факт
Восстановление святыни началось с 1990-х. Ныне здесь можно увидеть 17 икон, написанных на горе Афон. Храмовый образ св. Георгия выполнен мозаикой.

Освящение храма состоялось 14 апреля 2011 г.

Храм святого Георгия Победоносца в  с. Витязево

Храм святого Георгия Победоносца в с. Витязево

Пулковский парк

Церковь св. Георгия – первый храм, построенный в северной столице после развала СССР (1996) – находится при мемориальном парке памяти погибших во время Великой Отечественной войны. Основание фундамента хранит капсулы с землей, привезенной из мест важнейших сражений войны, городов-героев.

Часовня Георгия Победоносца (Андижан)

Она появилась с 1898 г. как памятник погибшим во время антирусского восстания. Внутри на специальных табличках написаны их имена, включая одного священника. До революции богослужения здесь совершались ежедневно. Сейчас часовня не действует.

Церковь в Казахстане (Кокшетау)

Этот храм до наших дней не сохранился. Он был первой православной церковью Кокшетау. В начале XX в. церковь конфисковали, какое-то время здесь был склад. С 1940 г. здание снесено.

Святой источник Георгия Победоносца

В честь святого освящены десятки водных источников по всей России. Один из наиболее известных – близ Топловской обители св. Параскевы в Крыму. Здесь монахини трижды видели всадника, в котором узнали св. Георгия. Ныне при роднике – две купели, маленькая колокольня. По благочестивой традиции, звонить в колокола здесь может любой паломник.

Уваровский кадетский корпус

Это учебное заведение в Уварово Тамбовской области появилось с 2006 г.

Новобранцы Уваровского кадетского корпуса

Новобранцы Уваровского кадетского корпуса

Своим покровителем кадеты почитают св. мученика. Ежегодно 6 мая служится молебен святому, затем проводятся парад на центральной площади города, концерт. При корпусе работает центр духовно-нравственного воспитания.

«Мы, сильные, должны сносить немощи бессильных…» (Рим.15:1).

Так писал Апостол о тех, чья твердость веры – пример для многих. Вот и св. Георгий, живший много веков назад ныне близок тысячам людей, обращающихся к нему за помощью.

Наталья Сазонова

Молитва

Молитва 1‑я

Святы́й, сла́вный и всехва́льный великому́чениче Гео́ргие! Со́браннии в хра́ме твое́м и пред ико́ною твое́ю свято́ю покланя́ющиися лю́дие, мо́лим тя, изве́стный жела́ния на́шего хода́таю, моли́ с на́ми и о нас умоля́емаго от Своего́ благоутро́бия Бо́га, да ми́лостивно услы́шит нас, прося́щих Его́ благосты́ню, и не оста́вит вся на́ша ко спасе́нию и житию́ ну́ждная проше́ния, и да́рует стране́ на́шей побе́ду на сопроти́вныя; и па́ки, припа́дающе, мо́лим тя, святы́й победоно́сче: укрепи́ да́нною тебе́ благода́тию во бране́х правосла́вное во́инство, разруши́ си́лы востаю́щих враго́в, да постыдя́тся и посра́мятся, и де́рзость их да сокруши́тся, и да уве́дят, я́ко мы име́ем Боже́ственную по́мощь, и всем, в ско́рби и обстоя́нии су́щим, многомо́щное яви́ свое́ заступле́ние. Умоли́ Го́спода Бо́га, всея́ тва́ри Созда́теля, изба́вити нас от ве́чнаго муче́ния, да прославля́ем Отца́, и Сы́на, и Свята́го Ду́ха и твое́ испове́дуем предста́тельство ны́не, и при́сно, и во ве́ки веко́в. Ами́нь.

Молитва 2‑я

О, всехва́льный, святы́й великому́чениче и чудотво́рче Гео́ргие! При́зри на ны ско́рою твое́ю по́мощию и умоли́ Человеколю́бца Бо́га, да не осу́дит нас, гре́шных, по беззако́ниям на́шим, но да сотвори́т с на́ми по вели́цей Свое́й ми́лости. Не пре́зри моле́ния на́шего, но испроси́ нам у Христа́ Бо́га на́шего ти́хое и богоуго́дное житие́, здра́вие же душе́вное и теле́сное, земли́ плодоро́дие и во всем изоби́лие, и да не во зло обрати́м дару́емая нам тобо́ю от Всеще́драго Бо́га, но во сла́ву свята́го И́мени Его́ и в прославле́ние кре́пкаго твоего́ заступле́ния, да пода́ст Он стране́ на́шей и всему́ боголюби́вому во́инству на супоста́ты одоле́ние и да укрепи́т непременя́емым ми́ром и благослове́нием. Изря́днее же да огради́т нас святы́х А́нгел Свои́х ополче́нием, во е́же изба́витися нам по исхо́де на́шем из жития́ сего́ от ко́зней лука́ваго и тя́жких возду́шных мыта́рств его́ и неосужде́нным предста́ти Престо́лу Го́спода сла́вы. Услы́ши нас, страстоте́рпче Христо́в Гео́ргие, и моли́ за ны непреста́нно Триипоста́снаго Влады́ку всех Бо́га, да благода́тию Его́ и человеколю́бием, твое́ю же по́мощию и заступле́нием обря́щем ми́лость со А́нгелы и Арха́нгелы и все́ми святы́ми одесну́ю Правосу́днаго Судии́ ста́ти и Того́ вы́ну сла́вити со Отце́м и Святы́м Ду́хом ны́не, и при́сно, и во ве́ки веко́в. Ами́нь.

Личное прошение

О, святы́й сла́вный великому́чениче Христо́в Гео́ргие! Молю́ тя, раб твой (имя): моли́ с на́ми Бо́га, да ми́лостивно услы́шит нас, прося́щих Его́ (содержание прошения) и многомо́щное яви́ твое́ заступле́ние. Да всегда́ прославля́ем Отца́ и Сы́на и Свята́го Ду́ха, и твое́ испове́дуем предста́тельство, ны́не и при́сно и во ве́ки ве́ков. Ами́нь.

Тропарь, кондак, величание

Тропарь великомученику Георгию Победоносцу, глас 4

Я́ко пле́нных свободи́тель/ и ни́щих защи́титель,/ немощству́ющих вpач,/ правосла́вных побо́рниче,/ победоно́сче великому́чениче Гео́pгие,// моли́ Хpиста́ Бо́га спасти́ся душа́м на́шим.

Перевод: Пленников освободитель и нищих покровитель, немощных врач, христиан заступник, великомученик победоносец Георгий, моли Христа Бога о спасении душ наших.

Ин тропарь великомученику Георгию Победоносцу, глас 4

По́двигом до́брым подвиза́лся еси́, страстоте́рпче Христо́в,/ ве́рою, и мучи́телей обличи́л еси́ нече́стие,/ же́ртва же благоприя́тна Бо́гу прине́слся еси́,/ те́мже и вене́ц прия́л еси́ побе́ды,// и моли́твами, свя́те, твои́ми все́м подае́ши прегреше́ний проще́ние.

Перевод: Подвигом прекрасным подвизался ты, страстотерпец Христов, верой ты обличил беззаконие мучителей, принеся себя как жертву угодную Богу (Рим.12:1), потому и получил венец победы, и молитвами твоими, святой, всем подаешь прегрешений прощение.

Тропарь великомученику Георгию, ради освящения храма его, глас 4

Днесь блажа́т тя ми́ра концы́,/ Боже́ственных чуде́с испо́лншеся,/ и земля́ ра́дуется, напи́вшися кро́ве твоея́./ Христоимени́тии же лю́дие гра́да Ки́ева/ освяще́нием Боже́ственнаго хра́ма твоего́ ра́достию возвесели́шася,/ страстоте́рпче Гео́ргие,/ сосу́де избра́нный Свята́го Ду́ха, уго́дниче Христо́в./ Его́же моли́/ с ве́рою и мольбо́ю приходя́щим во святы́й твой храм/ да́ти очище́ние грехо́в,// умири́ти мир и спасти́ ду́ши на́ша.

Перевод: Сегодня прославляют тебя все концы света, наполнившиеся Божественных чудес, и земля радуется, напитанная кровью твоей. Христиане же города Киева, радуются торжеству освящения Божественного храма твоего, страстотерпец Георгий, сосуд избранный Святого Духа, угодник Христов. Его же моли приходящим с верой и мольбой в святой твой храм дать очищение от грехов, умиротворить мир и спасти души наши.

Кондак великомученику Георгию Победоносцу, глас 4

Возде́лан от Бо́га показа́лся еси́ благоче́стия де́латель честне́йший,/ доброде́телей рукоя́ти собра́в себе́,/ се́яв бо в слеза́х, весе́лием жне́ши,/ страда́льчествовав же кро́вию, Христа́ прия́л еси́,// и моли́твами, свя́те, твои́ми все́м подае́ши прегреше́ний проще́ние.

Перевод: Возделанный Богом, ты явился земледельцем благочестия достойнейшим, добродетелей снопы собрав себе; ибо посеяв со слезами, пожинаешь с радостью, сражавшись же до крови – Христа приобрел; и ходатайствами твоими, святой, всем подаешь согрешений прощение.

Ин кондак великомученику Георгию Победоносцу, глас 8


К возбра́нному и ско́рому заступле́нию твоему́ прибе́гше ве́рнии,/ мо́лим изба́витися, страстоте́рпче Христо́в, от собла́зн вра́жиих,/ воспева́ющим тя, и вся́ких бед и озлобле́ний, да зове́м:// ра́дуйся, му́чениче Гео́ргие.

Перевод: К быстрой военной обороне твоей прибегнув, верующие, молим избавиться, мученик Христов, от козней вражеских всем, воспевающим тебя, и от всяких бед и несчастий, да взываем: «Радуйся, мученик Георгий».

Кондак великомученику Георгию, ради освящения храма его, глас 2
Боже́ственнаго и венцено́снаго великому́ченика Христо́ва Гео́ргия,/ на враги́ побе́ду взе́мшаго одоле́ния,/ соше́дшеся ве́рою во освяще́нный хра́м, восхва́лим,/ его́же благоволи́ Бо́г созда́ти во и́мя его́,// Еди́н во святы́х почива́яй.

Перевод: Священного и венценосного великомученика Христова Георгия, захватившего трофей победы над врагом, прославим, собравшись с верой в память освящения храма, который благоволил создать во имя его Бог, Единственный во святых почивающий.

Акафист

Кондак 1
Взбра́нному воево́де и Победоно́сцу Гео́ргию соста́вим похвалу́, я́ко хода́таю на́шему и ско́рому помо́щнику: ты же, святы́й великому́чениче, я́ко име́яй дерзнове́ние ко Го́споду, от вся́ких нас бед свободи́, да зове́м ти:

Ра́дуйся, Гео́ргие, вели́кий Победоно́сче.

Икос 1
А́нгелов Творе́ц и всея́ тва́ри Соде́тель, яви́вый тя Це́ркви Свое́й ве́ры побо́рника и за ве́ру непобеди́маго страстоте́рпца, внуша́ет нам за по́двиги страда́ний твои́х восхваля́ти тя, свя́те Гео́ргие, си́це:

Ра́дуйся, до конца́ Иису́са Сы́на Бо́жия возлюби́вый;

ра́дуйся, за и́мя Его́ с любо́вию ду́шу свою́ положи́вый.

Ра́дуйся, испове́дниче, от Бо́га при́званный;

ра́дуйся, подви́жниче, Бо́жиею благода́тию просла́вленный.

Ра́дуйся, А́нгелов сожи́телю;

ра́дуйся, проро́ков равностоя́телю.

Ра́дуйся, Гео́ргие, вели́кий Победоно́сче.

Кондак 2
Ви́дя гоне́ние нечести́вых на христиа́ны, не убоя́лся еси́ ко́зни их и мучи́тельства, богому́дре, но я́ко до́брый во́ин Христо́в, вся своя́ ни́щим разда́в, во́лею поте́кл еси́ на сове́т их непра́ведный, Христу́ вождю́ и Бо́гу своему́ поя́: Аллилу́иа.

Икос 2
Разу́мно уразуме́в Еди́наго Бо́га, в Трие́х Ипоста́сех боголе́пно покланя́емаго, тве́рдым умо́м испове́дал еси́ Его́ на собо́рищи нечести́вых и та́ко обличи́л еси́ безу́мнаго царя́ безу́мное поклоне́ние тва́ри. Сего́ ра́ди за твое́ высо́кое любому́дрие приими́ от нас, Гео́ргие, усе́рдныя похвалы́:

Ра́дуйся, Еди́наго и́стиннаго Бо́га пропове́дниче;

ра́дуйся, Пресвяты́я Тро́ицы ве́рный защи́тниче.

Ра́дуйся, ве́лию правосла́внаго испове́дания та́йну неве́рным показа́вый;

ра́дуйся, и́дольскаго служе́ния пре́лесть обличи́вый.

Ра́дуйся, ри́торе Бо́жий;

ра́дуйся, вити́е, прему́дрости испо́лненный.

Ра́дуйся, Гео́ргие, вели́кий Победоно́сче.

Кондак 3
Си́ла Бо́жия, просвеща́ющая вся́каго челове́ка, гряду́щаго в мир, и в темни́це тя стра́ждущаго посети́ла есть, смиренному́дре Гео́ргие: поне́же ты вся жития́ сего́ тле́нная, я́ко уме́ты презре́в, еди́ному Христу́ прилепи́лся еси́, да за и́мя Его́ до́бре во́инствовав, сподо́бишися Тому́ со А́нгелы вечно воспева́ти: Аллилу́иа.

Икос 3
Име́я ум и се́рдце, Ду́хом Святы́м озаре́нныя, ты по внуше́нию Его́ поревнова́л еси́ подвиза́тися за и́мя Христо́во, до кро́ве стоя́ бо му́жественно в ве́ре, обличи́л еси́ вознесе́нную нечести́ваго собо́рища горды́ню. Сего́ ра́ди хва́лим тя, всему́дре Гео́ргие, си́це:

Ра́дуйся, щи́те, воздви́гнутый на охране́ние благоче́стия;

ра́дуйся, мечу́, подъя́тый на посече́ние нече́стия.

Ра́дуйся, сто́лпе ве́ры;

ра́дуйся, стено́ и утвержде́ние Христо́вы Це́ркви.

Ра́дуйся, ве́рных удобре́ние;

ра́дуйся, неве́рных страх и посрамле́ние.

Ра́дуйся, Гео́ргие, вели́кий Победоно́сче.

Кондак 4
Безу́мный мучи́тель, ды́шащий на тя уби́йством, страстоте́рпче Гео́ргие, жа́ждал бо кро́ве твоея́, я́ко пес а́лчный, повелева́я распя́ти на колесе́ те́ло твое́ и зле́йшим му́кам преда́ти; ты же, возмога́я о Го́споде, с тве́рдым упова́нием к Бо́гу взыва́л еси́: Аллилу́иа.

Икос 4
Слы́шавше от тебе́ Диоклетиа́н и жрецы́ и́дольстии словеса́ прему́дрости, распыха́хуся на тя зло́бою, па́че же егда́ рекл еси́: «О, царю́ мучи́телю! Почто́ мя всу́е истязу́еши? Мне бо е́же жи́ти, Христо́с, и е́же умре́ти, приобре́тение. Тру́дно ти есть проти́ву рожна́ пра́ти». Сего́ ра́ди мы взыва́ем ти, великоимени́те Гео́ргие, си́це:

Ра́дуйся, за му́жественное испове́дание ве́ры на колесе́ кровь свою́ пролия́вый;

ра́дуйся, кро́вию свое́ю торжество́ ве́ры возвели́чивый.

Ра́дуйся, Апо́столов соревни́телю;

ра́дуйся, во́льным Христо́вым Страсте́м подража́телю.

Ра́дуйся, побо́рниче ве́ры непоколеби́мый;

ра́дуйся, страстоте́рпче, адама́нта тверде́йший.

Ра́дуйся, Гео́ргие, вели́кий Победоно́сче.

Кондак 5
Боготе́чной звезде́ подо́бен был еси́ Гео́ргие, чуде́сным бо от А́нгела исцеле́нием и ви́димым от колеса́ отреше́нием научи́л еси́ неве́рных ве́ровати в Тро́ицу Единосу́щную и Той ку́пно с тобо́ю воспева́ти: Аллилу́иа.

Икос 5
Ви́деша наро́ди чудеса́ си́лы Бо́жия, я́ве на тебе́ быва́емыя, с кро́тостию уче́ние Христо́во от тебе́ прия́ша и возопи́ша, глаго́люще: «Вои́стину вели́к Бог христиа́нский!» Сего́ ра́ди и мы, восхваля́я тя, достосла́вне Гео́ргие, взыва́ем си́це:

Ра́дуйся, светоно́сным спасе́ния сло́вом тьму неве́рия разгна́вый;

ра́дуйся, му́ченическим ве́ры испове́данием неве́рныя ко Христу́ обрати́вый.

Ра́дуйся, легио́ны во́инов земны́х в небе́сное во́инство предводя́й;

ра́дуйся, я́ко во́ин Христо́в с небе́сными во́и пребыва́яй.

Ра́дуйся, ратобо́рцев сла́во;

ра́дуйся, пресве́тлаго му́ченическаго ли́ка красото́.

Ра́дуйся, Гео́ргие, вели́кий Победоно́сче.

Кондак 6
Пропове́дником и́стины, духоно́сным Апо́столом поревнова́в, кресто́м ми́ру распя́лся еси́, страстоте́рпче; се бо, я́ко Ио́на во чре́во ки́тово, в пещь нерастворе́нныя и́звести стремгла́в вве́ржен был еси́, да просла́вится тебе́ ра́ди ди́вный во святы́х Госпо́дь, Ему́же ты и в ро́ве изве́стнем, я́ко во хра́ме сла́вы, у́мно взыва́л еси́: Аллилу́иа.

Икос 6
Возсия́вый в тридне́вном Свое́м от гро́ба воста́нии всеси́льный а́да и сме́рти Победи́тель Иису́с спасе́ тя от а́дова истле́ния, страстоте́рпче Гео́ргие: по трие́х бо днех обрето́ша тя в и́звести жи́ва и в воздея́нии рук пою́ща Бо́га; сего́ ра́ди вельми́ пристра́шни бы́ша и ужасо́шася. Мы же, ра́дующеся, воспису́ем ти побе́дную песнь:

Ра́дуйся, позо́рным в и́звестный ров низверже́нием, вознесе́нную диа́вола горды́ню низложи́вый;

ра́дуйся, ди́вным от Бо́га спасе́нием зве́рство мучи́телей победи́вый.

Ра́дуйся, я́ко незло́бив сый, за твори́вших ти напа́сть моли́лся еси́, я́ко за благотво́рцев;

ра́дуйся, я́ко о обраще́нии их, я́ко же Па́вел о евре́ех, боле́зновал еси́.

Ра́дуйся, му́жу жела́ний;

ра́дуйся, сосу́де избра́нный.

Ра́дуйся, Гео́ргие, вели́кий Победоно́сче.

Кондак 7
Хотя́й вся́чески улови́ти се́рдце твое́ к пре́лести и́дол, нечести́вый мучи́тель умышля́ет прельсти́ти тя волшебными чарова́нии; ты же, богоизбра́нне, с Дави́дом восклица́я: «О Бо́зе спасе́ние мое́ и сла́ва моя́», ве́рно Тому́ пел еси́: Аллилу́иа.

Икос 7
Но́вое показа́ зло лука́вый о́ный сатаны́ служи́тель Диоклетиа́н, егда́ в безу́мной свое́й ко и́долом ре́вности повеле́ напои́ти тя, Гео́ргие, я́дом; ты же испо́лнен сый ве́ры и упова́ния, а́ще и сме́ртное испи́л, оба́че без вре́да пребы́л еси́, богохва́льне, те́мже и мы вопие́м ти:

Ра́дуйся, я́ко во упова́нии на Бо́га Жи́ва не посрами́лся еси́;

ра́дуйся, я́ко мучи́теля нивочто́же вмени́л еси́.

Ра́дуйся, бесо́в отгна́телю;

ра́дуйся, волше́бныя ко́зни разруши́телю.

Ра́дуйся, я́ко тобо́ю ди́вен Бог во святы́х Свои́х явля́ется;

ра́дуйся, я́ко тобо́ю благоче́стно и́мя Христо́во прославля́ется.

Ра́дуйся, Гео́ргие, вели́кий Победоно́сче.

Кондак 8
Стра́нный и стра́шный сове́т бысть от не́коего волхва́ нечести́вому царю́, да повели́т ти, в доказа́тельство пра́вости ве́ры Христо́вой, сло́вом воскреси́ти ме́ртваго; ты же, Гео́ргие, ничто́же сумня́ся, воспева́л еси́ Тому́, И́же несть Бог ме́ртвых, но Бог живы́х: Аллилу́иа.

Икос 8
Всежела́нный и Сладча́йший Иису́с, Его́же ты все́ю душе́ю и всем се́рдцем возлюби́л еси́, всеблаже́нне Гео́ргие, слы́ша те́плое ве́ры твоея́ моле́ние, вско́ре повеле́ по сло́ву твоему́ воскре́снути ме́ртвому, прославле́ния ра́ди И́мени Своего́ и ве́рных утвержде́ния, неве́рным же и ослепле́нным на удивле́ние и богопозна́ние. Сего́ ра́ди по до́лгу вопие́м ти:

Ра́дуйся, я́ко Госпо́дь сил ди́вная на тебе́ яви́л есть;

ра́дуйся, я́ко ме́ртваго тобо́ю от гро́ба воскреси́л есть.

Ра́дуйся, ослепле́нному волхву́ у́мное прозре́ние ве́ры дарова́вый;

ра́дуйся, мно́гим, Христа́ ра́ди пострада́вшим, во свята́я святы́х путь показа́вый.

Ра́дуйся, Ри́ма удивле́ние;

ра́дуйся, христиа́нскаго ро́да возвыше́ние.

Ра́дуйся, Гео́ргие, вели́кий Победоно́сче.

Кондак 9
Вси А́нгели восхвали́ша Бо́га, дарова́вшаго ти таково́е му́жество, Гео́ргие, я́ко и в темни́чном заточе́нии не престава́л еси́ моли́твенно бо́дрствовати. Сего́ ра́ди, я́ко вели́кий таи́нник Бо́жия благода́ти, удосто́ился еси́ ви́дети в виде́нии Го́спода, венце́м нетле́ния главу́ твою́ венча́юща, да и мы с тобо́ю вопие́м: Аллилу́иа.

Икос 9
Вити́и многовеща́ннии ри́торскими свои́ми язы́ки не возмо́гут изрещи́ тебе́ досто́йныя хвалы́, Гео́ргие, мно́гих ра́ди твои́х по́двигов и боле́зней, и́хже за Христа́ и Це́рковь подъя́л еси́ во́лею. Сего́ ра́ди и мы, недоуме́я восхваля́ти тя по достоя́нию, воспева́ем си́це:

Ра́дуйся, во́льным за Христа́ и Це́рковь страда́нием ве́тхаго в себе́ Ада́ма распя́вый;

ра́дуйся, за до́блестное страда́ние вене́ц пра́вды от руки́ Госпо́дни прия́вый.

Ра́дуйся, пра́вило ре́вности благочести́выя;

ра́дуйся, о́бразе нищеты́ духо́вныя.

Ра́дуйся, я́ко не себе́, но Еди́ному Бо́гу до́бре угоди́л еси́;

ра́дуйся, я́ко за Христа́ на многообразныя сме́рти гото́в был еси́.

Ра́дуйся, Гео́ргие, вели́кий Победоно́сче.

Кондак 10
Спасти́ хотя́ ду́ши во тьме идолослуже́ния погиба́ющих, боголю́бче Гео́ргие, ты, ревну́я, поревнова́л еси́, я́ко Илия́ по Бо́зе: вшед бо во храм и́дольский, си́лою Бо́жиею разгна́л еси́ бе́сы, сокруши́л и́долы, посрами́л жрецы́ и, я́ко победи́тель, не с челове́ки, но со А́нгелы пел еси́ Бо́гу: Аллилу́иа.

Икос 10
Стены́ бесчу́вственнее окамене́нный се́рдцем мучи́тель твой, Гео́ргие, не уразуме́ Бо́га, я́ве тобо́ю чудоде́йствующа, но до конца́ пребы́л еси́, я́ко а́спид, затыка́яй у́ши свои́. Сего́ ра́ди повеле́ усещи́ тя на позо́рищи во главу́, я́ко злоде́я; ты же, боле́знуя о поги́бели души́ его́, ра́достно прия́л еси́ кончи́ну, за ню́же мы тя ублажа́ем любо́вию си́це:

Ра́дуйся, ве́ру, наде́жду и любы́ до конца́ сохрани́вый;

ра́дуйся, во успе́нии твое́м мно́гия и вели́кия чудеса́ сотвори́вый.

Ра́дуйся, ору́жием благоволе́ния Бо́жия венча́нный на земли́;

ра́дуйся, сла́вою и велеле́пием украше́нный на Небеси́.

Ра́дуйся, челове́че Бо́жий;

ра́дуйся, до́брый во́ине Христо́в.

Ра́дуйся, Гео́ргие, вели́кий Победоно́сче.

Кондак 11
Пе́ние Пресвяте́й Тро́ице па́че ины́х возда́л еси́, святы́й великому́чениче Гео́ргие, не сло́вом то́чию и умо́м, но живы́м всего́ себя́ в же́ртву принесе́нием: подража́я бо распя́тому за ны непоро́чному А́гнцу Христу́, положи́л еси́ ду́шу свою́ за дру́ги своя́ во́лею. Те́мже у́бо а́ще недово́льни есмы к похвале́нию таковы́я твоея́ до́блести, бо́льше бо сея́ любве́ никто́же и́мать, оба́че благода́рни су́ще, пое́м Ди́вному во святы́х: Аллилу́иа.

Икос 11
Светоприе́мный свети́льник и́стиннаго Све́та су́щим на земли́ явля́ешися, богоизбра́нне Гео́ргие, просвеща́еши бо сердца́ ве́рных и к ра́зуму Боже́ственному вся наставля́еши, поуча́я и нас ве́село взыва́ти:

Ра́дуйся, я́ко в пресве́тлых а́нгельских черто́зех вселя́ешися;

ра́дуйся, я́ко не в гада́нии, но лице́м к лицу́, Невече́рняго Тро́ичнаго Све́та причаща́ешися.

Ра́дуйся, ни́щих пита́телю и оби́димых защи́тниче;

ра́дуйся, немощны́х врачу́ и царе́й побо́рниче.

Ра́дуйся, правосла́вным во́ином во бра́нех спобо́рниче;

ра́дуйся, о спасе́нии гре́шников те́плый хода́таю.

Ра́дуйся, Гео́ргие, вели́кий Победоно́сче.

Кондак 12
Благода́ть, да́нную ти от Бо́га, ве́дуще, па́мять твою́ пра́зднуем, великому́чениче Гео́ргие, и с усе́рдным моле́нием к чудотво́рному о́бразу твоему́ притека́юще, твое́ю всеси́льною о Го́споде по́мощию, я́ко необори́мою стено́ю, огражда́емся. Сего́ ра́ди восхваля́я тя, усе́рдно зове́м Бо́гу: Аллилу́иа.

Икос 12
Сла́вную кончи́ну твою́ пою́ще, е́юже возвели́чился еси́, я́ко до́брый во́ин Христо́в, мо́лим тя, страстоте́рпче Гео́ргие: бу́ди нам во всем ко бла́гу помо́щниче и услы́ши ны, усе́рдно взыва́ющих ти:

Ра́дуйся, я́ко тобо́ю Це́рковь ве́рных просвеща́ется;

ра́дуйся, я́ко и́мя твое́ и между́ неве́рными прославля́ется.

Ра́дуйся, ди́вная испове́дников сла́во;

ра́дуйся, высо́кая му́чеников похвало́.

Ра́дуйся, теле́с на́ших целе́бниче;

ра́дуйся, о душа́х на́ших моли́твенниче.

Ра́дуйся, Гео́ргие, вели́кий Победоно́сче.

Кондак 13
О, всеблаже́нный и святы́й великому́чениче Гео́ргие, приими́ сие́ на́ше хвале́бное пе́ние и изба́ви нас от вся́каго зла твои́м те́плым к Бо́гу хода́тайством, да с тобо́ю воспева́ем: Аллилу́иа.

Этот кондак читается трижды, зате́м 1-й икос «А́нгелов Творе́ц…» и 1-й кондак «Взбра́нному воево́де …».

Канон

Творение кира Феофана

Песнь 1Глас 2
Ирмос: Во глубине постла иногда фараонитское всевоинство преоруженная сила, воплощшееся же Слово всезлобный грех потребило есть, препрославленный Господь, славно бо прославися.

Теплою верою и любовию призывающия тя, мучениче Христов, венценосче Георгие, предстоя всесветел честному престолу всеми Владущаго, твоими молитвами и предстательствы сохрани.

Благородно возделание Христу был еси, Георгие, мученическими возделан деянии, и, яко богатство преславно, в Небесных тя сокровищах положи Подвигоположник, яко преизящне храбрствовавшаго.

Твердо и терпеливно устремился еси, самозван, к подвигом, преблаженне Георгие, и, низложив свирепое мучителей ополчение, молитвенник о всех, призывающих тя, был еси.

Блаженную, славне, жизнь ныне восприем, во Христе сокровенную, Георгие, о нейже подвизался еси до крове, верою поющим тя моли спастися от всякаго, страстотерпче, обстояния.

Богородичен: Небо была еси словесное, Слово Небесное в Твоей утробе, Богомати, вмещшая, Имже вся быша: Небо же, и земля, и яже вышше сих. Темже со дерзновением моли спасти поющия Тя.

Песнь 3
Ирмос: Процвела есть пустыня, яко крин, Господи, языческая неплодящая, Церковь, пришествием Твоим, в нейже утвердися мое сердце.

Венцем страдания сияя, славне, благочестно призывающии тя моли Избавителя и Бога от всякия нужды, блаженне, избавити.

Богатыми просвещаемь сиянии, премудре, мрачную отжени печаль и мглу страстей от нас, верою восхваляющих тя.

Надеждею утверждаемь и любовию, верою же ограждься, Георгие, и силою укреплься Христовою, идольскую прелесть низвергл еси.

Богородичен: Просвещшаго концы, Пречистая, родила еси с плотию Безплотнаго и прежде всех Отцу Собезначальна, темже Тя, Богородицу, вернии, чтим.

Седален, глас 8.
Благочестия образы мужески храбрствуя, нечестия прелесть низложив, мучениче, попрал еси врага шатания и, Божественным желанием присно разгараемь, мучителей угасил еси безбожное сверепство. Темже достойно возмездие мук приял еси венец и подаеши исцеления верою притекающим. Страстотерпче Георгие, моли Христа Бога согрешений оставление даровати празднующим любовию святую память твою.

Песнь 4
Ирмос: Пришел еси от Девы не ходатай, ни Ангел, но Сам, Господи, воплощься, и спасл еси всего мя, человека. Тем зову Ти: слава силе Твоей, Господи.

Поем твоя подвиги, преблаженне Георгие, имиже разсыпал еси идольския службы, всю же упразднил еси демонскую прелесть, преславне.

Утиши напастей и бед смущение и всякое наветие злое демонов отжени от поющих тя, Христова воина, досточудне.

Возсиял еси, яко звезда светоносная, Георгие, душевною доблестию и твердостию веры прелесть мрачную отгоня и спасая поющия тя.

Богородичен: Спасение существенное, Дево, родила еси, богатством благости и естественною благостынею спасающее человека и истлевший образ назидающее.

Песнь 5
Ирмос: Просвещение во тьме лежащих, спасение отчаянных, Христе, Спасе мой, к Тебе утренюю, Царю мира, просвети мя сиянием Твоим: иного бо, разве Тебе, бога не знаю.

Мученическое дерзновение яко имея ко Владыце, проси усердно спасения тя поющим, душевных недуг изменяя твоими мольбами, мучениче страстоносче, преблаженне Георгие.

Со Ангельскими ликуя, яко мученик, ликостоянии и безсмертныя и блаженныя, венценосче, насыщаяся славы, покрову твоему прибегающая всякаго треволнения и бури исхити.

Избави нас от всякия нужды, яко Милостив, греховное и бедное отгоня многоразличное смущение, Георгия Твоего угодника молитвы, Христе, приемля.

Богородичен: Долг праматере Евы, Богомати, отдала еси, плотию бо обложила еси из Тебе рожденна Спаса мира. Темже Тя вси блажим, обрадованная Дево Всенепорочная.

Песнь 6
Ирмос: В бездне греховней валяяся, неизследную милосердия Твоего призываю бездну: от тли, Боже, мя возведи.

Паче естества, и слова, и помысла доблести твоея храбрствования, непрестанно певаема, преблаженне мучениче Георгие.

Воинству Небесному собеседник, блаженне, быв и Божественное явление елико достижно зря, тя верою чтущия спасай.

Всеми образы Богу возложен и блистания чудес приемля, дарования требующим раздаваеши, преблаженне Георгие.

Богородичен: Ныне к Тебе прибегаю, Пречистая, спаси мя молитвами Твоими и соблюди: елико бо хощеши, можеши, яко Мати Всемогущаго.

Кондак, глас 4.
Возделан от Бога, показался еси благочестия делатель честнейший, добродетелей рукояти собрав себе: сеяв бо в слезах, веселием жнеши, страдальчествовав же кровию, Христа приял еси и молитвами, святе, твоими всем подаеши прегрешений прощение.

Икос:
За мирский живот душу свою положившаго, Христа Царя желая, воин тщится умрети за Него, ревность же велию Божественную в сердцы имея, себе самого приведе. Того убо и мы вси, Божественнаго Георгия, яко тепла предстателя воспоим верою, яко славнаго суща Христова раба, подобящася яве своему Владыце и всякому молящуся приходяща: спешит бо присно и молит Спаса всем подати согрешений прощение.

Песнь 7
Ирмос: Богопротивное веление беззаконнующаго мучителя высок пламень вознесло есть, Христос же простре Богочестивым отроком росу духовную, Сый благословен и препрославлен.

Твоему подобяся, мучениче, Владыце, волею потекл еси к подвигом, славне, и, победу взем, Церкве Христовы хранитель был еси: Сию присно сохраняй предстательством твоим.

Яко мученик непобедим яко страдалец, яко неодоленный веры поборник, ныне столп непоколебим восхваляющим тя, премудре Георгие, буди, ограждая молитвами твоими.

Мудре земледелав Божественное семя, и сие умножил еси, кровей твоих теченьми напоив, блаженне, и болезней тщанием, и различными ранами, имиже сверепство мучителей угасил еси.

Богородичен: Дева пребыла еси и по рождестве, Бога бо родила еси, питающаго всяческая, за неизреченную милость и милосердие многое Человека бывшаго, Чистая, Егоже ныне моли спастися всем нам.

Песнь 8
Ирмос: Пещь иногда огненная в Вавилоне действа разделяше, Божиим велением халдеи опаляющая, верныя же орошающая, поющия: благословите, вся дела Господня, Господа.

Поток лютых страстей же и бед, и мятежнаго обстояния, и болезней падения, и демонов козни, и злочестивых стремления укроти твоими молитвами, венценосче Георгие.

Весь светом, блаженне, Троическим чисто облистаемь, яко мученик непобедим, яко благочестия поборник, яко победитель Боговенчанен, спаси, Небесный жителю, тя чтущия молитвами твоими.

Венцем разумным различно украшен, и Царствия диадимою, и скиптром удобрен, и багряницею обложен, твоею обагрен кровию, блаженне, сцарствуеши Царю сил.

Богородичен: От Отца, безлетно Рожденнаго и прежде век возсиявша, всяческая сотворшаго, видимая же и невидимая, Дево Мати, родила еси. Темже Тя, Богородицу, вси языцы, славим.

Песнь 9
Ирмос: Безначальна Родителя Сын, Бог и Господь, воплощся от Девы, нам явися омраченная просветити, собрати расточенная. Тем Всепетую Богородицу величаем.

Непрестанно Господа моли о нас, поющих тя, блаженне, яко Христова мученика, яко победивша мучителя, яко лукавых духов отгонителя, яко хранителя неусыпна, яко заступника непостыдна.

Страданий воздаяния богатно тебе дарова всех Владыка, Емуже предстоя со дерзновением, преблаженне, мученическим и с веселием, призывающия тя, объемь, сохрани.

Земля тя сокры, и Небо прият, и отверзеся тебе дверь райская яве, в немже радостно, страстотерпче, ликуя и играя, верно поющия тя твоими молитвами соблюди.

Богородичен: Тя свидения сень прообрази, Пречистая, в нейже скрижали, и стамна, и златый кивот: якоже бо оная, тако и Ты Безначальное Слово во утробе вместила еси, Богородице, воплощаемо.

Светилен
Весна нам возсия, светлое Владычнее и Божественное Воскресение, к Небесней пасце от земли нас пресылая, с неюже просиявает всеславнаго мученика Георгия память светозарная, юже светло совершим, да Божественныя сподобимся благодати от Христа Спаса.

Иной канон 


Песнь 1Глас 4
Ирмос: Лицы израильтестии, невлажными стопами понт Чермный и влажную глубину прогнавше, всадники тристаты, враги, видяще в ней погружены, с веселием пояху: поим Богу нашему, яко прославися.

Страданий священных скончал еси течение, и, к Небеси идый, нетленен венценосец показался еси, благоцветущ, Георгие, явлься путник, и со Ангелы ликуеши: поим Богу нашему, яко прославися.

Потом благих еще боля, премирным явился еси ликом, искапая, Безплотных чины плотскими, Георгие, удивил еси Божественными страдании. С сими ликуя, зовеши: поим Богу нашему, яко прославися.

Богородичен: Жезл Ааронов прозябший, иже от Иессея проображаше израстший корень, Тя, Пречистую, цвет миру возсиявшую, Бога воплощенна, Егоже о нас молящи не престай, Приснодево, прибегающих к Тебе.

Песнь 3
Ирмос: Яко неплоды, роди от язык Церковь, и многое в чадех изнеможе сонмище, чудному Богу нашему возопиим: Свят еси, Господи.

Тихо раздал еси нищим богатство и, умастився елеем любве, телом и душею страдальчески, Георгие, мучителя вкупе победил еси.

Утвердився благодатию и огнем распалаемь ревности, не вопрошающим явился еси, обрелся еси не ищущим, по Христе, Георгие, гневаяся на лесть идольскую.

Богородичен: Яко носиши на руку, Марие, и от сосцу питаеши Питающаго всякое дыхание, Егоже, Богородице, чтуще, проповедаем. Молися Ему, Чистая, о всех нас.

Седален, глас 8.
Благочестия образы мужески храбрствуя, нечестия прелесть низложив, мучениче, попрал еси врага шатания и, Божественным желанием присно разгараемь, мучителей угасил еси безбожное сверепство. Темже достойно возмездие мук приял еси венец и подаеши исцеления верою притекающим. Страстотерпче Георгие, моли Христа Бога согрешений оставление даровати празднующим любовию святую память твою.

Песнь 4
Ирмос: Услышах Твое, Христе, воистину преславное: яко Безсмертен сый Бог уподобися смертным человеком и пребысть, еже бе, и того ради Твою славлю силу.

Ужас пред судища мучителей извествоваше неразсудна сказания словес твоея мудрости, Георгие, Христос же неведущим Бог познавашеся.

Словом веры Христовы, Георгие премудре, мудрецем сплетения разрешил еси басней скверных, страстей же боги делатели поругал еси, Троице поборниче.

Услышавше, слухом словес твоих мучителие посрамишася, ты бо, богом их ругаяся, смех показовал еси, Христа Бога проповедуя, плотию распята, и упразднивша прелесть душегубную.

Богородичен: Тебе, Приснодевую и воистину едину Богородицу, славим, Юже прообразоваше Боговидцу Моисею неопально, Пречистая, купина, огню примесившаяся.

Песнь 5
Ирмос: Просвещение Твое, Господи, низпосли нам и от мглы прегрешений разреши ны, Блаже, Твой мир даруяй.

Страдальчески, Георгие, сплетаяся, винам различныя прелести мужески противяся, мира же наг, державу отъял еси лютаго миродержца.

Оградився, Георгие, оружием Креста, надеждею веры, любовию державною притупил еси остроту и все оружие лютаго борца.

Богородичен: Мучителей разум девственное посрами чрево: Младенец бо язву аспидную душегубную испыта рукою и, отступника гордаго низложив, верным под нозе покори.

Песнь 6
Ирмос: Возопи, прообразуя погребение тридневное, пророк Иона, в ките моляся: от тли избави мя, Иисусе, Царю сил.

Возопил еси со дерзновением к Зиждителю, Георгие: не предаждь беззаконным раба Твоего, но крепость ми подаждь разорити их шатание.

Небрег о мучительных сосудех, Георгие, на подвиги волею мужески притекл еси и почестными победами от Христа Бога венчался еси.

По искушении добродетели твоея, к чудеси, Георгие, преложше прещение, льстивнии мучители, Егоже проповедал еси, Животодавца Христа, удивишася.

Богородичен: Древле убо прельсти мя змий и умори мя праматерию моею Евою; ныне же, Чистая, Тобою Создавый мя из истления воззва.

Кондак, глас 4.
Возделан от Бога, показался еси благочестия делатель честнейший, добродетелей рукояти собрав себе: сеяв бо в слезах, веселием жнеши, страдальчествовав же кровию, Христа приял еси и молитвами, святе, твоими всем подаеши прегрешений прощение.

Икос:
За мирский живот душу свою положившаго, Христа Царя желая, воин тщится умрети за Него, ревность же велию Божественную в сердцы имея, себе самого приведе. Того убо и мы вси, Божественнаго Георгия, яко тепла предстателя воспоим верою, яко славнаго суща Христова раба, подобящася яве своему Владыце и всякому молящуся приходяща: спешит бо присно и молит Спаса всем подати согрешений прощение.

Песнь 7
Ирмос: Авраамстии иногда в Вавилоне отроцы пещный пламень попраша, песньми взывающе: отец наших Боже, благословен еси.

Одержащую видя идольскую лесть, благочестия распалаемь ревностию, Георгие, к подвигом тебе отдал еси, преблаженне, вопия: отец наших Боже, благословен еси.

Проповедуя явился еси гонимую веру, мглу же, прелести обличая, Георгие, глаголал еси: отец наших Боже, благословен еси.

Из корене посекл еси прелесть и возделал еси веру, благочестием большую, Георгие, радовался еси, глаголя: отец наших Боже, благословен еси.

Богородичен: Превышши тварей всех еси, яко Творца рождши и Господа. Темже Ти вопию, Богородице: Благословенная, Господь сил с Тобою.

Песнь 8
Ирмос: Радующеся по осуждении мучительском отроцы, яко да не богом скверным послужат всем, но живому Богу, на огнь дерзнуша, от Ангела же орошаеми, песнь пояху: дела Господня, Господа пойте и превозносите во вся веки.

Духом укрепляемь, о оружных болезнех небрегл еси, яко не глухим идолом хвалу посылаеши, но Христу Богу, к Немуже любезну стяжав, Георгие, веру, глаголал еси: дела Господня, Господа пойте и превозносите во вся веки.

Яко не сущу временную непщуя красоту, различная озлобления подъял еси, Георгие, радуяся надеждею Божественныя жизни, о страшнем же раздроблении небрег, твердостию души глаголал еси: дела Господня, Господа пойте и превозносите во вся веки.

Разсекаемо медными сосуды твое тело, острыми ножи по единому уду раздробляемо видя, вжиляемь душею: будущей славе недостойны нынешния муки, — глаголал еси: дела Господня, Господа пойте и превозносите во вся веки.

Богородичен: От ребра Адамова Создавый Тя от Твоего девства воплотися, Иже всех Господь, Егоже поюще, вопием: вся дела, благословите, пойте Господа и превозносите во вся веки.

Песнь 9
Ирмос: От земнородных рождшися и Творца рождшая, наша похвало, Богородице Чистая, Тя, яко владычествующую тварьми, величаем.

Священнии воспевают, царие восхваляют, и людие твоих страданий хвалу возвещают, мучениче Георгие. Темже тя вси ублажаем.

Воспеша вся Небесныя силы подвиги твоя, ты бо, пожерся, Богу благоугодил еси, мучениче Георгие. Темже тя вси ублажаем.

Богородичен: От земнородных возрастши и Зиждителя рождши, радуйся, наша похвало, Богородице Чистая, Тя, яко обладающую тварьми, величаем.

Светилен Весна нам возсия, светлое Владычнее и Божественное Воскресение, к Небесней пасце от земли нас пресылая, с неюже просиявает всеславнаго мученика Георгия память светозарная, юже светло совершим, да Божественныя сподобимся благодати от Христа Спаса.

Похожие статьи

Рекомендуем статьи по теме

Добавить комментарий

Получать новые комментарии по электронной почте. Вы можете подписаться без комментирования.

Следите за нами в социальных сетях

+