'

Вопросы священнику

Задайте интересующий вопрос прямо на сайте и получите ответ от священника

Полезные материалы

О чтении акафиста Кресту Господню

Крест рисуют на стенах квартир, ставят его начертание на дверных косяках и оконных проемах

Как и когда читать акафист Сергию Радонежскому

В православной традиции акафист считается особым видом духовной поэзии ...

Акафист Семистрельной (Умягчение злых сердец) иконе Божией Матери

Образы «Семистрельная» и «Умягчение злых сердец» похожи, однако есть некоторые отличия.

Как просить помощи у матушки Матроны Московской

О молитве блаженной Матроне Московской

Спасибо что зашли на наш сайт, перед тем как начать чтение вы можете подписаться на интересную православную mail рассылку, для этого вам необходимо кликнуть по этой ссылке «Подписаться»

Св. Василий Великий

Иконография: Василий Великий, святитель Датировки: XVII в. Материал: дерево, темпера. Размеры иконы:  высота 75,5 см, ширина 52 см. В среднике помещено поясное изображение святителя Василия Великого. Правой рукой он благословляет, в левой держит Евангелие. Поступила в 1931 году в составе дореволюционной коллекции музея, первоначальное местонахождение не установлено.Реставрация: ВХНРЦ, 1992 г., реставратор – Чернова Ю.В.Инв. № 655/7. © Череповецкое музейное объединение. Литература: Куликова О.В. Древние лики Русского Севера. Из музейного собрания икон XIV-XIX веков города Череповца. М., 2009. Кат. № 44 (Илл. 45).

Молитвы святителю Василию Великому, архиепископу Кесарии Каппадокийской

О, вели́кий во иера́рсех, вселе́нныя учи́телю богому́дрый, преблаже́нне о́тче Васи́лие! Ве́лия по́двиги и труды́ твоя́, я́же во сла́ву святы́я Це́ркве соверши́л еси́: ты испове́дник тве́рдый и свети́льник ве́ры Христо́вы на земли́ был еси́, све́том Богове́дения ве́рныя озаря́яй, ло́жная уче́ния попаля́яй, и всему́ ми́ру сло́во спаси́тельныя и́стины возвеща́яй. Ны́не же, ве́лие на Небесе́х име́яй дерзнове́ние ко Святе́й Тро́ице, помози́ нам, со смире́нием к тебе́ припа́дающим, тве́рдо и неизме́нно святу́ю правосла́вную ве́ру до конца́ жития́ на́шего сохрани́ти, от малове́рия же, сомне́ний и колеба́ния в ве́ре соблюди́, да не прельще́ни бу́дем богопроти́вных и душепа́губных уче́ний словеса́ми. Дух ре́вности святы́я, е́юже ты пламене́л еси́, о пресла́вный Це́ркве Христо́вы па́стырю, возгре́й предста́тельством твои́м и в нас, и́хже Христо́с поста́ви бы́ти па́стырями, да всеусе́рдно просвеща́ем и утвержда́ем в пра́вей ве́ре слове́сное ста́до Христо́во. Испроси́, о, милосе́рдый святи́телю, от Отца́ све́тов и всем, вся́кий дар коему́ждо благопотре́бен: младе́нцем благо́е в стра́се Бо́жием возраста́ние, ю́ным целому́дрие, ста́рым и немощны́м укрепле́ние, скорбя́щим утеше́ние, неду́гующим исцеле́ние, заблу́ждшим вразумле́ние и исправле́ние, оби́димым заступле́ние, сирота́м и вдови́цам защище́ние, искуша́емым благода́тное поможе́ние, отше́дшим от сего́ вре́меннаго жития́, отце́м и бра́тиям на́шим блаже́нное упокое́ние. Ей, свя́тче Бо́жий, при́зри ми́лостиво от оби́телей го́рних на нас смире́нных, мно́гими собла́знами и напа́стьми обурева́емых, и с земли́ приве́рженных возведи́ к высоте́ небе́сней. Препода́ждь нам, преблаги́й о́тче, твое́ архипа́стырское и свято́е благослове́ние, да о́ным осеня́емии, в сие́ но́вое ле́то и во все про́чее вре́мя живота́ на́шего в ми́ре, покая́нии и послуша́нии Святе́й Правосла́вной Це́ркви поживе́м, за́поведи Христо́вы усе́рдно творя́ще, по́двигом до́брым ве́ры подвиза́ющеся, и та́ко Ца́рствия Небе́снаго дости́гнем, иде́же с тобо́ю и все́ми святы́ми сподо́би Тро́ицу Святу́ю, Единосу́щную и Неразде́льную, пе́ти и сла́вити во ве́ки веко́в. Ами́нь.

Молитва вторая 

О, вели́кий и пресвяты́й святи́телю о́тче Васи́лие, пресла́вный вселе́нския Це́ркве учи́телю, сла́вы Пресвяты́я Тро́ицы всеусе́рдный побо́рниче, Ма́тере Бо́жия и Ея́ пренепоро́чнаго де́вства предызбра́нный испове́дниче, пресве́тлый чистоты́, смире́ния и терпе́ния о́бразе. Се аз многогре́шный и недосто́йный на высоту́ небе́сную взира́ти, смире́нно молю́ тя, о прему́дрый Це́ркве Христо́вы учи́телю, научи́ мя та́ко богобоя́зненно житие́ свое́ проводи́ти, да никогда́ же на путь, Бо́жиим повеле́нием проти́вен, уклоню́ся или совраще́н бу́ду. Соблюди́ и изба́ви мя твои́м многомо́щным предста́тельством от собла́знов ми́ра и ко́зней диа́вольских, я́коже изба́вил еси́ от них ю́ношу, от Сладча́йшаго Спаси́теля на́шего отступи́вша и во власть сатаны́ впа́дша. Да́руй мне си́лу душе́вную усе́рдным бы́ти подража́телем доброде́телей твои́х высо́ких: соде́лай мя в ве́ре пра́вей тве́рда и непоколеби́ма, укрепи́ мя малоду́шнаго в терпе́нии и упова́нии на Го́спода, возгре́й в се́рдце мое́м и́стинную Христо́ву любо́вь, да небе́сных благ па́че всех жела́ю и и́ми услажда́юся. Испроси́ мне у Го́спода и́скреннее о гресе́х сокруше́ние, да про́чее вре́мя живота́ моего́ в ми́ре, покая́нии и исполне́нии за́поведей Христо́вых провожда́ти бу́ду. Егда́ же час моего́ сконча́ния прибли́зится, ты, о преблаги́й о́тче, с Преблагослове́нною Де́вою Мари́ею, тогда́ ускори́ на по́мощь, защити́ мя от зло́бных наве́тов вра́жиих, и сподо́би мя насле́дника бы́ти ра́йских селе́ний, да ку́пно с тобо́ю и со все́ми святы́ми непристу́пнаго Бо́жия вели́чества Престо́лу предста́ну и Живонача́льную, Единосу́щную же и Неразде́льную Тро́ицу прославля́ю и воспева́ю, при́сно и в безконе́чныя ве́ки. Ами́нь.

Молитва третья 

О, вели́кий и пресла́вный святи́телю Христо́в, всея́ вселе́нския Це́ркве учи́телю богому́дрый, правосла́вия тве́рдый испове́дниче и побо́рниче, всеблаже́нне о́тче Васи́лие! При́зри от высо́т небе́сных на нас, смире́нно к тебе́ припа́дающих, и умоли́ Го́спода Вседержи́теля, Его́же ве́рный на земли́ служи́тель был еси́, да да́рует нам ве́ры пра́выя тве́рдое и неизме́нное сохране́ние, Це́ркви святе́й послуша́ние, жития́ на́шего исправле́ние, и во всех ну́ждах, ско́рбех и искуше́ниих ско́рое поможе́ние, терпе́ние же и укрепле́ние. Пода́ждь нам твое́ свято́е благослове́ние, да о́ным осеня́емии, сие́ но́вое ле́то и во вся дни богоуго́дно в ми́ре и покая́нии поживе́м и во Ца́рствии Небе́снем сподо́бимся ку́пно с тобо́ю и со все́ми святы́ми Живонача́льную Тро́ицу воспева́ти и сла́вити, Отца́ и Сы́на и Свята́го Ду́ха, во ве́ки веко́в. Ами́нь.

Молитва четвертая 

О, вели́кий и пресвяты́й святи́телю, о́тче Васи́лие! При́зри от высо́т небе́сных на нас, раб Бо́жиих (имена), и умоли́ Го́спода, Его́же ве́рный на земли́ служи́тель был еси́, да да́рует нам ве́ры пра́выя тве́рдое и неизме́нное сохране́ние, Це́ркви Святе́й послуша́ние, жития́ на́шего исправле́ние и во всех ну́ждах, скорбе́х и искуше́ниях ско́рое поможе́ние, терпе́ние же и укрепле́ние. Пода́ждь нам твое свято́е благослове́ние, да о́ным осеня́емии во вся дни богоуго́дно в ми́ре и покая́нии поживе́м и во Ца́рствии Небе́снем сподо́бимся ку́пно с тобо́ю и со все́ми святы́ми Живонача́льную Тро́ицу, Отца́ и Сы́на и Свята́го Ду́ха, воспева́ти и сла́вити во ве́ки веко́в. Ами́нь.

Тропарь

Святителю Василию Великому, глас 1

Во всю зе́млю изы́де веща́ние твое́,/ я́ко прие́мшую сло́во твое́,/ и́мже боголе́пно научи́л еси́,/ естество́ су́щих уясни́л еси́,/ челове́ческия обы́чаи украси́л еси́,/ ца́рское свя́щение, о́тче преподо́бне,/ моли́ Христа́ Бо́га//

Кондак

Святителю Василию Великому, глас 4

Яви́лся еси́ основа́ние непоколеби́мое Це́ркве,/ подая́ все́м некра́домое госпо́дьство челове́ком,/ запечатле́я твои́ми веле́ньми,// небоявле́нне Васи́лие, преподо́бне.

Величание

Велича́ем тя, / святи́телю Христо́в Васи́лие, // благоче́стно Це́рковь Христо́ву сохра́ншаго.

Богослов, борец с ересями, создатель богослужебных текстов…

Это один из немногих святых, которого именуют Великим – по множеству и важности совершенных им деяний на благо Церкви. Один из ярких борцов с еретиками, умный богослов, создатель одного из первых уставов монашеской жизни, наконец – богослужебных текстов, включая Литургию – все это свт. Василий.

***

Три Святителя

Иконография: Василий Великий, святитель Датировки: XVI в. Третья четверть XVI века. Иконописная школа или художественный центр:  Тверь. Происхождение: из церкви села Георгиевское Бежецкого района Калининской области. Материал: дерево, левкас, темпера. Размеры иконы:  высота 100 см, ширина 32 см. Ростовое изображение Василия Великого. Обеими руками поддерживает развернутый свиток с текстом. На святителе белая крестчатая фелонь и белые омофор и подризник. КП 0257. © Центральный музей древнерусской культуры и искусства имени Андрея Рублева

Он родился в 330 г. в Малой Азии в городе Кесарии. Его родители воспитали 9 детей, трое из которых (включая Василия) стали архиереями, прославлены как святые. Почитает Церковь также старшую сестру святителя, Макрину, избравшую монашеский путь. Все это неудивительно: служение Господу выбирали несколько поколений этой семьи:

  • бабушка угодника Божия, Макрина («старшая»). а также его дед с отцовской стороны пострадали во время антихристианских гонений;
  • Еммелия, мать святого – сама внучка мученика.

При такой христианской настроенности родные святого не были чужды образованности. Свои первые книги Василий прочитал дома, под руководством отца, бывшего учителем риторики.

Духовные искания

Будущего святителя, кажется, равно влекли наука и духовная жизнь. Поначалу даже казалось, что ему придется делать выбор. Яркая страница молодости святого – учеба у лучших философов центра тогдашней образованности, Афин. Здесь он встречает первых своих учителей, знакомится с Григорием, позднее известным с именованием Богослова.

Пять лет они постигают философию, риторику, астрономию, языки. «Кораблем, нагруженным ученостью» назовет впоследствии Василия его друг. Но однажды всю эту ученость друзья вменили ни во что.

Полезные материалы

 

Около 358 г. молодой человек, во многом под влиянием своих родных – матери, избравшей иночество после кончины мужа, и Макрины – решает оставить мир, став монахом. Он уходит в Египет, славный уже своими подвижниками, где несколько лет живет под руководством опытного наставника. А затем основывает собственный монастырь. Вскоре здесь же принимает иночество его духовный друг Григорий. Вспоминая то время, свт. Григорий Богослов писал:

«Кто даст мне сии псалмопения, бдения и молитвенные к Богу переселения? Кто даст жизнь как бы невещественную и бесплотную? Кто даст согласие и единодушие братьев, которых ты ведёшь на высоту и к обоженью? Кто даст соревнование и поощрение к добродетели, которое мы ограждали письменными уставами и правилами? Кто даст трудолюбие в чтении Божьих словес, и при путеводительстве Духа обретаемый в них свет?»

В тиши обители, среди подвигов поста, молитвы, мечтал святой прожить до конца дней. Но иное судил Господь.

Епископ

Знания скромного инока вскоре понадобились Церкви, обуреваемой ересью арианства, отрицавшей Божество Христа. Из тишины монастыря Василий около 363 г. был вызван на родину, в Кесарию. Здесь епископ Евсевий с трудом убедил его принять священство. Но благоволение архиерея продолжалось недолго.

Видя нападки еретиков на православных, святой не смог молчать: в спорах о чистоте веры проявились его незаурядные таланты, а это вызвало ревность епископа, начавшего подозревать, что священник хочет занять его место. Ведь его так хорошо знали с детства и любили горожане.

Пресвитер даже удалялся из города, дабы прекратить раздор. Но в 370 г. все закончилось само собой: после смерти Евсевия предстоятелем христиан Кесарии становится Василий. Скорее всего, он не раз жалел о днях своей жизни в пустыне: на новом посту, который благословил ему Господь, пастырю пришлось бороться с арианами, стремившимися занять ключевые церковные должности, писать многочисленные сочинения, обосновывая православный взгляд на Христа.

Именно благодаря свтт. Василию и Григорию родился так называемый «каппадокийский синтез» опытной веры и философии, нашедшей верные слова для определения важных церковных догматов.

1
Янаря
379 года
Святитель, еще при жизни именуемый Великим, отошел к вечной жизни. Лишь 9 лет правил Василий паствой родного города.

О чем молятся святому верующие

К святому чаще обращаются:

  • при тяжких болезнях; ведь сам он тоже долго болел, приняв раннюю смерть всего в 48 лет;
  • прося поддержки в учении, науках;
  • обращаются к нему для укрепления веры, помощи в уразумении ее истин.

Почему архиепископа просят о помощи в делах

Кроме этого, к святителю часто обращаются за помощью при мирских нуждах – о работе, торговле. Это связано с тем, что при жизни угодник Божий, практически не имея собственности, постоянно помогал нуждающимся и даже подвигал на это других.

Например, еще будучи священником в Кесарии, Василий спас множество людей от голода во время засухи 368 г. Тогда своим личным примером (полностью раздав собственное имущество) он убедил богатых граждан помочь голодающим.

Читайте также: Житие и творения святителя Василия Великого

Моление ему и вместе  ним

Стоит помнить, что молитвенное общение со святителем возможно не только как обращение к нему, но также как молитва Господу словами составленных им молитвенных прошений. Им написаны:

  1. читаемые ныне православными молитвы утреннего правила 5 и 6;
  2. чин литургии, которая совершается ныне несколько раз в году, включая день памяти святого.

Митрополит Антоний Сурожский рекомендовал перед чтением молитвы того или иного угодника Божия своими словами попросить его помощи, чтобы моление стало совместным. Кроме того, мера духовного опыта святого не всегда доступна нам. По слову митр. Антония:

«в молитвах есть такие места, которые мы можем сказать вместе со святым от себя, но есть места, до которых мы не доросли. Тогда надо признать: Господи, я это говорю по вере, доверяя святому, доверяя Тебе, говорю по вере, что это так, но я еще не могу влить свою душу в эти слова… Если вы так будете стараться молиться, то все слова молитвослова станут живыми. И тогда молитва уже будет не уставным упражнением, не чтением, которое мы приносим Богу с расчетом, что мы, можно сказать, свою дань Ему отплатили и теперь квиты с Ним. Мы Ему приносим эту молитву вместе с тем или другим святым, и так учимся молиться от себя.»

Запретительные молитвословия: где находятся, когда используются, кто может их читать

Среди составленных святителем молений есть также совершаемые по особым случаям, читаемые только священником. Среди них – так называемые «запрещательные». Они совершаются над теми, кто подвержен действию бесовских сил. Молитвы находятся в Требнике в составе соответствующего Чина над одержимыми от духов нечистых.

Появились они в Русской Церкви сравнительно недавно, во второй половине XVII в., после богослужебной реформы патриарха Никона, когда произошло «исправление» Требника по образцу, как считают многие современные ученые, редакции этой богослужебной книги, созданной на Украине свт. Петром Могилой около 1646 г.

Тогда в Требнике появились некоторые чины, заимствованные из богослужебной практики католиков (Украина принадлежала тогда католическому Польскому королевству). К числу таких последований относится и этот чин, ранее не известный Русской Церкви, в составе которого находятся молитвы свт. Василия.

Эмоциональность, резкость этих прошений в отношении сил бесовских, дерзновенное, доступное только святым, упование на Бога, столь велики, что, например, писатель Н.С.Лесков, к которому однажды попал текст чина «отчитки» почел за благо не только не читать книгу самому, но вообще отдать ее в ближайший монастырь.

Таким образом, чтение «запрещательных» молитв требует:

  • священнического сана;
  • особого благословения.
Оно категорически не благословляется мирянам.

Святитель Василий велик своими трудами, книгами, раскрывающими истины веры, духовными подвигами, смирением, святостью. Каждый, любящий святого, молящийся ему – а равно вместе с ним – найдет в нем что-то родное и близкое себе.

Наталья Сазонова

 

КАНОН

Святителю Василию Великому

Песнь 1

Ирмос: Грядите, людие, поим песнь Христу Богу, раздельшему море и наставльшему люди, яже изведе из работы египетския, яко прославися.

Твоему гласу подобаше приити, Василие, начати хотящим хвалы твоя, но, отче, мольбу прием, благодать подавай независтно нам.

Добродетелей ты жестокий шествовал еси путь, в гладкий достигл еси и несопротивный Небесный восход и всем явился еси образ, Василие.

Страстное взыграние, томящее плоть, любомудрия желанием наказал еси, темже в нетленных водворяешися Царствиих, отче Василие.

Душевныя страсти благопотребно, Василие, вкупе же и телесныя, духовным посекл еси мечем, себе же Владыце жертву принесл еси.

Ты, быв неизреченных таинник, Василие, Христову Царствию тайнонаучил еси, священне отче, яве Троический свет облистал еси нам.

Богородичен: Кто изрещи Твое по достоинству возможет, еже паче слова зачатие? Бога бо родила еси плотию, Всечистая, нам явльшася Спаса и Господа.

Песнь 3

Ирмос: Утверди нас в Тебе, Господи, Древом умерщвлей грех, и страх Твой всади в сердца нас, поющих Тя.

Спритече Христову и спросия память твоя, отче, Рождеству, Егоже несказанное таинство твоими ученьми яве сотворил еси.

Страхом Господним утверждаем, начало бо мудрости сей есть, любовию лучшею вперился еси премудрости, о Василие.

Наказания быв всякаго исполнен, не токмо дольнаго и попираемаго, много же паче лучшаго, показался еси миру свет, Василие.

Василие премудре, вшел еси деянием, и деяние вшествие видения Божественнейшаго показал еси, и сущих разуму научился еси яве.

Богородичен: Безсеменно во чреве Бога зачала еси и раждаеши несказанно воплощенна, на Негоже зрети не смеют, Чистая, Небесных силы, Приснодево.

Седален, глас 8.

Премудрости слова навык и писание закона отложив, всем проповедал еси благодати слово и душ скрижали угладил еси словесы твоими, в нихже начертал еси Божественная учения. Темже и мрак прошед облаком покрова телесе, и просиял еси духом, святителю Василие. Моли Христа Бога грехов оставление подати чтущим любовию святую память твою.

Песнь 4

Ирмос: Услышах, Господи, слух Твоего смотрения, и прославих Тя, Едине Человеколюбче.

Украшается Рождеством Христова невеста Церковь, тако и памятию твоею, всеблаженне.

Непреборим явился еси, по Бозе боря, Василие, во всех Того повелению покаряяся.

Церкви подадеся от Бога ограждение и стена тверда, Василие всеблаженне.

Сопротивобожным сечиво ты секательное и огнь, поядаяй прелесть, явился еси, отче Василие.

Богородичен: Молим Тя, Чистая, яже Бога безсеменно заченши, присно молити за рабы Твоя.

Песнь 5

Ирмос: Света Подателю и веков Творче, Господи, во свете Твоих повелений настави нас, разве бо Тебе, иного бога не знаем.

Водит воистину сугуб Церковь праздник днесь обрезания, яко младенца Владыки, явльшагося на земли, и память раба, мудра и треблаженна.

Непостижимый свет почив в тебе, преподобне, пресветлу свещу миру тя показа Христос, темже память твою поем, Василие.

Всетемно написанное в Синаи бытие Моисеем, ты, сказуя от Божественных сокровищ, начертал еси всем, преблаженне Василие.

Ни законоположник Моисей, ни первее закона Иосиф бысть, иже по тебе пищи пшеницомеритель: Божественныя бо плоти сам раздробитель явился еси, Василие.

Богородичен: Тебе, рождшей Христа, всех Содетеля, зовем: радуйся, Чистая, радуйся, Свет возсиявшая нам, радуйся, вместившая Бога Невместимаго.

Песнь 6

Ирмос: Бездна мя многа греховная окружает, и вопию Ти, пророка подражаяй: от тли мя, Господи, возведи.

Напитал еси души, тающия гладом, нищих обильно и алчущих сердца всякаго исполнил еси, Василие, Божественнаго веселия.

Напитал еси, богатно алчущия пищею Небесною: хлеб бо Ангельский есть слово твое, Василие, имже изряден пшеницодавец был еси.

Собрал еси пчельный, Василие, люботрудно добродетели всякия цвет и, худог быв, в нихже ублажаешися.

Потщался еси мира отлучитися и с Богом пожити, темже нестоятельная и тленная, всеблаженне Василие, оставль, пребывающая, яко мудр, стяжал еси.

Богородичен: Спаси от бед рабы Твоя, Богородице, яко вси по Бозе к Тебе прибегаем, яко к Нерушимей Стене и Предстательству.

Кондак, глас 4

Явился еси основание непоколебимое Церкве, подая всем некрадомое господьство человеком, запечатлея твоими веленьми, небоявленне Василие преподобне.

Икос:

Целомудрия чаша, уста премудрости и степень учений, Василий Великий всем облистает мысленно. Приидите убо, и станем в дому Божии, тепле взирающе, чудесы сего красящеся, якоже лучею, облиставшеся жития, чистым духом прохлаждшеся, подобящеся того вере, и теплоте, и смирению, имиже дом явися естества Божия. К немуже вопиюще, поем: небоявленне Василие преподобне.

Песнь 7

Ирмос: Образу златому, на поле Деире служиму, трие Твои отроцы небрегоша безбожнаго веления, посреде же огня ввержени, орошаеми, пояху: благословен еси, Боже отец наших.

Образ Отца Сын, и Сына Дух есть. Ты же Духа, о Василие, несквернено зерцало, дом же всея Троицы. Блаженна память твоя, и славящии ю воспрославляются.

Углубив ум во глубины Божия непостижимыя и собрав многоценный ты бисер разума, наполнил еси мир премудростию и звати научил еси: благословен еси, Боже отец наших.

О, едино дохновение ума священных сопруг, якоже едина душа во двою телесех нераздельно: в Григории Василий, желанием Божественным совокуплени, в Василии же Григорий, ныне молите Христа о стаде вашем.

Отец сирот, и вдов защитник, и богатство нищих, болящих утешение и сущих в богатстве окормление, старости жезл явился еси, и наказание юности, и монашествующих добродетели правило, Василие.

Очистив от всякаго тиннаго сквернения ум, Василие, сразсмотрил еси духовная желанным твоим духом. Темже, воспевая Троицу, со дерзновением взывал еси: благословен еси, Боже отец наших.

Богородичен: Тя купину Моисей в горе Синайстей огнепалиму, Чистая, провидяше, приемшую неопально нестерпимую зарю Неизглаголаннаго Существа, соединившагося дебельству плоти единыя в Нем святых Ипостасей.

Песнь 8

Ирмос Неизреченною мудростию составльшаго всяческая Бога Слова и от не сущих во еже быти приведшаго, благословите, дела, яко Господа, и превозносите во вся веки.

Несказанным Промыслом даровавшаго Василия миру, свет благочестия, трубу же Богословия, благословите, дела Господня, Господа.

Богатным действом всельшася в мудраго Василия и тем благочестно Богословившаго, благословите, дела Господня, Господа.

Божественных твоих словес насладившиися, Василие, непрестанно в твоей памяти торжествующе, вопием: благословите, дела Господня, Господа.

Лучи словес испустил еси, Василие, миру, светом наставляющия Едино чествовати Тройческое Естество: благословите, дела Господня, Господа.

Богородичен: Из Отца, прошедшаго прежде век, и безлетнаго Бога Слова и в последняя возсиявша из Девы, благословите, дела Господня, Господа.

Песнь 9

Ирмос: Яже прежде солнца светильника Бога, возсиявшаго, плотски к нам пришедшаго из боку Девичу, неизреченно воплотившая, Благословенная, Всечистая, Тя, Богородице, величаем.

Перваго пастыря, яко овча верное Христово, Василие, живоносным стопам последовал еси, мучителю бо твою душу, отче, предал еси, доблественне предбедствуя о Церкви, всеблаженне.

Церковное всесвященное Христово видев совокупление, твоим украшено святительством, мудре, всегубитель, яко от грома, тресновен быв, падеся мучитель, сущия бо в тебе Духа зари не стерпе, Василие.

Апостолов седалища, лика же страдалец Христовых, патриархов скинии, и праведных сладости, и радости пророков сподобился еси, Василие: Богородицы бо служитель и Троицы таинник был еси.

Богородичен: Превыспренняя водами покрываяй Един Господь, востязуяй море, бездны же изсушаяй, из Тебе, Чистая, плоть восприемый, от Вифлеема тщится ко Иордану креститися плотию.

Светилен

Любомудрия желанием обрезал еси, отче, души твоея покрывало, и миру показался еси, яко солнце, чудесы, и верных озарил еси мысли, Богомудре, Троицы таинниче, о Василие мудре, и служителю Богородицы.

АКАФИСТ 

Святителю Василию Великому

Кондак 1

Взбранный Царя Небеснаго служителю и великий Церкве Христовы святителю, правыя веры исповеданием во всем мире просиявый, велие имеяй дерзновение ко Святей Троице, от всяких нас бед ограждай, со умилением тебе вопиющих:

Радуйся, Василие, великий иерарше, Православия всемирный светильниче.

Икос 1

Ангелов Творец, от века предызбравый тя, преблаженне отче Василие, быти великаго светильника Церкве Своея, ангелоподобна житием яви тя: вельми бо богомыслием и пощеньми в пустыни подвизався, на высоту добродетели восшел еси. Темже, велию на небесех славу стяжавый, приими от нас смиренных, восхваляти тя дерзающих, сия хвалебныя глаголы:

Радуйся, Василие, царствия тезоименитый; радуйся, иерарше Христов великий.

Радуйся, Церкве непоколебимый столпе; радуйся, рода святаго пречестная отрасле.

Радуйся, от юности Царю Небесному всеусердно служивый; радуйся, всею земною, наипаче же небесною, премудростию ум свой обогативый.

Радуйся, купно со другом твоим Григорием Богословом в любомудрии преуспевавый; радуйся, учителя твоего Еввула премудрыми словесы ко Христу обративый.

Радуйся, чистоты и целомудрия предивный хранителю; радуйся, ко спасению верный путеводителю.

Радуйся, душепагубных ересей разорителю; радуйся, богомудрый вселенныя учителю.

Радуйся, Василие, великий иерарше, Православия всемирный светильниче.

Кондак 2

Видя Церковь Христову арианским зловерием обуреваему, и Божию призванию повинуяся, изшел еси, преподобне отче, из пустыни, юже возлюбил еси, во град Кесарию, идеже благодать священства восприял еси и во архиепископа поставлен был еси, слово спасения велегласно всем концем земли благовествуя, верныя же по вся дни поучая Богу, Создателю всех, достойно воспевати: Аллилуиа.

Икос 2

Разум верных боговедением просвещая, святителю Христов Василие, естество сущих изъяснил еси, и Бога невидимаго в творениих руку Его познавати научил еси. Темже и мы, твоими богомудрыми ученьми просвещаемии, взываем сице:

Радуйся, познанием Бога, в шесть дний вся сотворша, верныя озаривый; радуйся, дивныя дела Его достойно восхваляти научивый.

Радуйся, палато мудрости преукрашенная; радуйся, сокровищница богословия преизобильная.

Радуйся, яко тайны премудрости Божия во всем мире видети научал еси; радуйся, яко и в малых вещех величие Божие зрети наставлял еси.

Радуйся, света первозданнаго красоту живописавый; радуйся, твердую силу перваго глагола Божия во вселенней показавый.

Радуйся, былием травным скорую гибель славы земныя изобразивый; радуйся, во благолепии светил небесных Солнце Правды Христа зрети указавый.

Радуйся, трудолюбием малой твари от лености людей отвращавый; радуйся, человеку, царю тварей, над страстьми царствовати повелевавый.

Радуйся, Василие, великий иерарше, Православия всемирный светильниче.

Кондак 3

Силою Всевышняго укрепляемь, отче святый Василие, противоборствовал еси богоотступнику Иулиану, и злое его на христианы умышление разрушити умолил еси Господа и Пречистую Его Матерь, да вси Единому Богу благодарно поют: Аллилуиа.

Икос 3

Имеяй ревность велию по Бозе Вседержителе и меч слова Его в руце восприим, плевелы языческаго Иулианова нечестия скоро посекл еси, верныя же во благочестии утвердил еси; научи и нас, преподобне отче, единому точию Богу чистым житием служити, зовущих ти сице:

Радуйся, гордаго Иулиана в богоотступстве мужественно обличивый; радуйся, христоненавистныя его начинания разрушивый.

Радуйся, молитвою слезною, яко копьем, того поразивый; радуйся, скорую его погибель предвозвестивый.

Радуйся, люди Божия, якоже Моисей древле Израиля, от идолослужения свободивый; радуйся, плевелы нечестия истребивый.

Радуйся, пищею словес Божиих верныя изобильно насытивый; радуйся, струями благодати сердца напоивый.

Радуйся, скрижали велений Христовых твердо содержати увещевавый; радуйся, учение уст твоих житием утвердивый.

Радуйся, рабе благий и верный; радуйся, делателю вертограда Христова усердный.

Радуйся, Василие, великий иерарше, Православия всемирный светильниче.

Кондак 4

Бурю ярости царя Уалента, арианским зловерием одержима, ты, святче Божий, силою Духа в тебе живуща, утишил еси, и мир Церкви Святей даровал еси, святыми трудами твоими и теплыми к Богу молитвами Емуже радуяся воспел еси: Аллилуиа.

Икос 4

Слышав злочестивый Уалент, яко ты, иерарше Божий, во истине стоиши, и вси вернии гласу твоему повинуются, восхоте от правыя веры тя отвратити; сего ради посла к тебе епарха своего Модеста, послежде же и сам прииде в Кесарию. Но ты, богоносе отче, ни гнева царева, ни прещений грознаго его воеводы не устрашился еси; мы же, прославляюще сицевое твое твердое исповедание, вопием ти:

Радуйся, поборниче правыя веры непоколебимый; радуйся, пастырю, душу за верныя положити готовый.

Радуйся, твердое исповедание Петрово показавый; радуйся, Илиину ревность о славе Святыя Троицы явивый.

Радуйся, гнев царя нечестиваго боголепием священнослужения утишивый; радуйся, богомудрыми словесы уста зловернаго воеводы заградивый.

Радуйся, яко прещения изгнанием и муками не убоялся еси; радуйся, яко и смерть за Христа восприяти желал еси.

Радуйся, гонение за веру претерпевый; радуйся, скорбьми многими в радость Господа вшедый.

Радуйся, истину Христову пред цари и владыки небоязненно вещавый; радуйся, вернаго служителя Царя Небеснаго твердым исповеданием себе показавый.

Радуйся, Василие, великий иерарше, Православия всемирный светильниче.

Кондак 5

Боготечная звезда явился еси, святителю Христов Василие, пресветлыми милосердия лучами нощь скорбей мрачную осиявающая, мглу бед отгоняющая, и всем, в море жития бурном плывущим, путь верный к Царству Небесному показующая, да вси спасающему Богу радующеся поют: Аллилуиа.

Икос 5

Видевше вси тя, святителю Божий, яко отца чадолюбива, в напастех и скорбех от тебе помощи усердно искаху; ты же о всех милосердовал еси, образ веры истинныя в себе сим показуя. Буди, преблагий отче, скорый помощник и нам, грехми и скорбьми обуреваемым, с любовию ти вопиющим:

Радуйся, светильниче любве, от Христа возсиявый; радуйся, Отцу Небесному в милосердии подражавый.

Радуйся, неимущих богатое сокровище; радуйся, в нуждах верное прибежище.

Радуйся, гладныя, якоже Иосиф древле, препитавый; радуйся, многи обители бездомным и убогим в Кесарии основавый.

Радуйся, прокаженных раны своима рукама, яко самарянин добрый, врачевавый; радуйся, гонителя твоего Модеста недугующа исцеливый и от народныя казни того избавивый.

Радуйся, вдовицу убогую от обиды епарха защитивый; радуйся, жене грешнице прощение грехов у Бога испросивый.

Радуйся, сирот отче и страждущих утешение; радуйся, во гресех погибающих вразумление и исправление.

Радуйся, Василие, великий иерарше, Православия всемирный светильниче.

Кондак 6

Проповедник всему миру истины Христовы явился еси, святителю отче Василие, силою благодатною слова твоего, яко острием меча, греховная сердца проницаяй и к покаянию возбуждаяй, да вси чистым сердцем Троице Святей поют: Аллилуиа.

Икос 6

Возсиял еси на тверди церковней, яко великое светозарное светило, отче Василие, всю поднебесную разумением веры истинныя просвещающее, мрак же страстей греховных отгоняющее, от нихже и нас свободи, зовущих ти сице:

Радуйся, Троицы Святыя верный служителю; радуйся, таин веры богоозаренный изъяснителю.

Радуйся, яко Отцу Сына Единосущна и Духа сопрестольна велегласно проповедал еси; радуйся, яко истину о Свете Превечном, от Света Превечна просиявшем, верным изъяснил еси.

Радуйся, Господа Спасителя, яко Бога воплощенна и Творца всех век исповедавый; радуйся, таинство двух естеств и единой Ипостаси во Христе Бозе показавый.

Радуйся, силою царственнаго слова твоего богатым житницы открыти повелевый; радуйся, от корысти неправедныя многи учением отвративый.

Радуйся, душепагубное пиянство словом, яко громом, поражавый; радуйся, жестокосердие и зависть из сердец истреблявый.

Радуйся, воздержания ревнительный наставниче; радуйся, покаяния неумолчный проповедниче.

Радуйся, Василие, великий иерарше, Православия всемирный светильниче.

Кондак 7

Хотя верныя от соборищ арианских оградити, ты, святче Божий Василие, вся в церкви благоукрасил еси, и чин умилительный Божественныя Литургии мудре сложил еси, многи же молитвы, яко миро благовонное, от уст твоих огнедохновенных излияшася, имиже во гресех прощения себе и усопшим братиям просим, Троицу же Пресвятую славим, поюще: Аллилуиа.

Икос 7

Новаго Аарона вернии зряху в тебе, отче святый Василие, егда боголепно Жертву Безкровну священнодействовал еси, даровании Святаго Духа, яко многоценными каменьми светящеюся одеждою, украшен. Ныне же в вышнем жертвеннице о Церкви предстательствуяй, поминай выну и нас, тебе умиленно зовущих:

Радуйся, архиерею Божий, преизобильную, якоже и Аарон, благодать священства восприявый; радуйся, велие дерзновение в молитве за люди стяжавый.

Радуйся, таин Божиих мудрый строителю; радуйся, чина церковнаго благоукрасителю.

Радуйся, служению Литургии от Самаго Христа, якоже и Иаков апостол, наученный; радуйся, молитвенниче, Духом Божиим озаренный.

Радуйся, небесным светом, якоже нецыи видеша, в служении осияваемый; радуйся, Ангелы, яко некиими пресветлыми мужами, окружаемый.

Радуйся, яко твоею первее молитвою к восприятию Таин Христовых себе уготовляем; радуйся, яко твоими словесы в вечер Пятидесятницы коленопоклонная прошения возсылаем.

Радуйся, Кесарийскаго святительскаго престола славо и украшение; радуйся, яко иереом всея Церкве подаеши от Бога благодатное в служении укрепление.

Радуйся, Василие, великий иерарше, Православия всемирный светильниче.

Кондак 8

Странное и преславное видение открыся о тебе, святителю Василие, преподобному Ефрему Сирианину: единожды бо показа ему тя Бог, яко столпа огненна, высоты небесныя досязающа, послежде же, пришед в Кесарию, преподобный узре тя огненным языком люди поучающа и умиленно возопи Богу: Аллилуиа.

Икос 8

Весь светом небесным серафимския любве пламенел еси, богоносе Василие; словеса бо твоя беша, яко молния, ереси попаляющая, души же верных пламенем веры и любве просвещающая; даждь убо и нам, отче, молитвою твоею, искру хотя малую твоея любве имети, зовущим сицевая:

Радуйся, пламеновидный столпе, ереси попаляяй; радуйся, огнь веры истинныя и любве нелицемерныя возгреваяй.

Радуйся, лжи Ариевы ереси твердый обличителю; радуйся, истины Христовы пламенный ревнителю.

Радуйся, яко гордаго Евномиа, Сына Божия хуливша, посрамил еси; радуйся, яко Македониево хуление Духа Святаго препрел еси.

Радуйся, суемудрия Несториева разорителю; радуйся, чести Пресвятыя Богоматере усердный защитителю.

Радуйся, пастырю, небесным блистанием любве осияваемый; радуйся, учителю веры, словеса молниеносная вещавый.

Радуйся, богонасажденная маслино, многих святых Церкви произведшая; радуйся, лозо, богомудрых Православия поборников израстившая.

Радуйся, Василие, великий иерарше, Православия всемирный светильниче.

Кондак 9

Все еретическое соборище не возможе противостояти благодатней, яже в тебе, святый отче, обиташе, силе; юношу бо некоего, во власть сатаны впадша, силою молитвы твоея от сетей вражиих отъял еси, покаявшася же ко Христу возвратил еси, благодарно поя Спасителю Богу: Аллилуиа.

Икос 9

Витийством богодухновенным твоим, святителю Василие, побеждаемии и видевше преславное на юноше бывшее чудо, мнози от еретик ко единей присоединишася Церкви, еяже верными и послушными чадами и нас быти сподоби, зовущих ти сице:

Радуйся, вся концы земли небесным учением осиявый; радуйся, благодатию Христовою темныя силы ада побеждавый.

Радуйся, юношу от сетей сатаны свободивый; радуйся, Телом и Кровию Христовою того насытивый.

Радуйся, яко душе, Кровию Христовою искупленней, погибнути не дал еси; радуйся, яко, в погибельный грех впадша, юношу простити Христа умолил еси.

Радуйся, яко преславным чудом люди удивил еси; радуйся, яко обращением заблуждша Ангелы возрадовал еси.

Радуйся, просити у Господа Ангелов ограждения нас научаяй; радуйся, Ангела Хранителя молитвою твоею к нам приближаяй.

Радуйся, от наветов вражиих свободителю; радуйся, во искушениих скорый защитителю.

Радуйся, Василие, великий иерарше, Православия всемирный светильниче.

Кондак 10

Спасти хотя Творец Свое словесное создание, показа тя твердаго верных защитителя, отче Василие, и Церкве Своея хранителя, да свет Православия тобою всему миру явлен будет, и вси вернии благодарне Троице Святей воспевают: Аллилуиа.

Икос 10

Стена еси Церкве, и твердое верных ограждение явился еси, о великий в иерарсех Василие, егда во граде Никейстем врата церковная силою молитвы твоея отверзл еси и истину правыя веры сим явил еси, уста же хулящих имя Христово заградил еси. Нам же, Господа Спасителя православно исповедающим, отверзи, отче, милосердия Божия двери, заступлением твоим, да зовем ти сице:

Радуйся, Ангеле земный, Церкве Христовы хранителю; радуйся, Богом предъизбранный верных защитителю.

Радуйся, врата церковная, якоже Илиа древле небо, молитвою открывый; радуйся, храм святый, еретиками восхищенный, паки верным возвративый.

Радуйся, верных от ересей оградивый; радуйся, Церковь Христову неврежденну от лжеучений сохранивый.

Радуйся, превеликое на небеси имя Христово и на земли чудесы возвеличивый; радуйся, Православие во вселенней утвердивый.

Радуйся, яко тобою гордость нечестивых низложися; радуйся, яко тобою смирение верных вознесеся.

Радуйся, яко тобою вера святая прославляется; радуйся, яко тобою Церковь Христова дивно красуется.

Радуйся, Василие, великий иерарше, Православия всемирный светильниче.

Кондак 11

Пение подобаше возносимо быти тебе с небеси, а не от земли, о пречудный Василие, небес бо явление на земли был еси, к небеси богомудрыми ученьми твоими умы верных возводил еси, и ныне с небес на ны милостиво призираеши и преизобильную всем нам благодать подаеши от Щедродателя Христа Бога, Емуже со Ангелы в небесех выну поеши: Аллилуиа.

Икос 11

Светоносный светильниче, весь многими дарами Божиими и добродетельми сияющ, был еси, святче Божий Василие, имиже и ны просвети, в добродетели настави и ко Царствию Небесному направи, зовущих тебе сице:

Радуйся, Церкве Христовы незаходимое сияние и пресветлое украшение; радуйся, яко подаеши христианом во вся веки в вере правей утверждение.

Радуйся, таланты, Богом врученныя тебе, усовершивый; радуйся, от земныя мудрости вся ко спасению полезная собравый.

Радуйся, сыну цареву во славу правоверия чудесное исцеление даровавый; радуйся, целомудренное житие Анастасиа пресвитера и супружницы его прозревый.

Радуйся, кротко обидящим тя прощавый; радуйся, смирением и терпением клеветы на тя побеждавый.

Радуйся, устав совершеннаго жития иноком учредивый; радуйся, многи иноки в обителех собравый.

Радуйся, правила и каноны и спасительная учения в наследие Церкви оставивый; радуйся, богомудрыми списаньми твоими многоценное сокровище к назиданию христианом даровавый.

Радуйся, Василие, великий иерарше, Православия всемирный светильниче.

Кондак 12

Благодать великую дарова тебе Христос Бог, святителю отче Василие, не точию заблуждшия к покаянию приводити, но и многи неверныя ко Христу обращати; егда бо уже смертно болезновал еси, ко блаженней кончине приближаяся, евреанина врача, с женою и чады, Святым Крещением просветил еси и Троице Святей купно с ними благодарственную воспел еси песнь: Аллилуиа.

Икос 12

Поют ти велия похвалы вси вернии, о великий иерарше Василие, вельми бо на земли до конца жития твоего во славу правоверия потрудився, в Небесная Святая Святых вшел еси, и яко верный Божий служитель, Троице Святей предстал еси, идеже и о нас выну молися, о преблагий отче, верою чадех твоих, с любовию зовущих ти сице:

Радуйся, царское священие, прехвальне Василие; радуйся, Троицы Святыя преукрашенное селение.

Радуйся, чудесными деяньми Царя Небеснаго прославивый; радуйся, ревности своея о славе веры и в болезни смертней не оставивый.

Радуйся, ради обращения неверна чудесное продление себе жития у Бога испросивый; радуйся, своима рукама, возстав с одра смертнаго, Крещением того просветивый.

Радуйся, трудами и мудростию силу зловерия победивый; радуйся, благоверным царем победы па враги испросивый.

Радуйся, апостолом в трудех единонравный; радуйся, со святители Григорием Богословом и Иоанном Златоустом, по повелению твоему, единочестно прославляемый.

Радуйся, нетлением мощей просиявый и славою на небесех увенчанный; радуйся, теплый и великий заступниче, от Бога нам дарованный.

Радуйся, Василие, великий иерарше, Православия всемирный светильниче.

Кондак 13

О пресвятый и великий иерарше Христов Василие, Православия светило и верных ограждение! Призри с небесе на сие, приносимое ти нами, хваление, и молитвами твоими от страстей и бед нас огради, в правей вере соблюди и Царствия Небеснаго сподоби, да купно с тобою и всеми святыми Троице Святей во веки веков поем: Аллилуиа.

Этот кондак читается трижды, затем 1-й икос «Ангелов Творец…» и 1-й кондак «Взбранный Царя Небеснаго…».

 

Похожие статьи

Рекомендуем статьи по теме

Добавить комментарий

Получать новые комментарии по электронной почте. Вы можете подписаться без комментирования.

Следите за нами в социальных сетях

+