Избавляющая от уз: акафист св. Анастасии Узорешительнице

Память святой великомученицы Анастасии празднуется 22 декабря/4 января.

Какие узы связывают человека? Они могут быть душевными, духовными и телесными. И во всех этих случаях на помощь, как и прежде, приходит святая Анастасия Узорешительница. Спасает, помогает, вразумляет, ведет к покаянию.

Вмц. Анастасия Узорешительница

Акафист великомученице Анастасии Узорешительнице

Кондак 1

Избранной угоднице Христовой, всеблаженней велико-мученице Анастасии похвальное пение приносим, яко имущей многое дерзновение ко Господу еже от всяких бед, скорбей и болезней свобождати верныя, и с любовю взываем сице: Радуйся, всеблаженная великомученице Анастасие, узников святая посетительнице и молитвеннице о душах наших.

Икос 1

Ангелом уподобилася еси разумом чистым, познавши Того, Иже есть всего видимаго и невидимаго вечное начало и единый конец желаний всех благочестивых; мы же, восхваляюще мудрое обучение твое от святаго мученика Хрисогона, с любовию вопием ти: Радуйся, возлюбившая веру Христову; Радуйся, последовавшая благочестию матери твоея Фавсты. Радуйся, соблюдшая чистоту девства твоего; Радуйся, всегда невидимо охраняемая Ангелами. Радуйся, чистотою твоею к Богу приблизившаяся; Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 2

Видящи святая Анастасия, яко мнози христиане страждут в темницах за Имя и учение Иисус Христово, начат со усердием служити им, утешати же и целити я содействующу Богу, со благоговением поюще: Аллилуиа.

Икос 2

Уразуме богомудрая Анастасия, яко вся мира сего красная тлению причастна суть, и того ради презревши светлыя одежды и утвари многоценны, тайно оболкшися во одежды нищих, вхождаше в темницы послужити исповедником Христовым; мы же мысленно споследствующе ей, взываем к ней с любовию: Радуйся, подражательнице Христова; Радуйся, посетительнице заключенных в темнице. Радуйся, утешительнице исповедников Христовых; Радуйся, злато и сребро твое на них расточившая. Радуйся, теми стяжавшая Царствие Небесное; Радуйся, руце и нозе святых омывавшая и власы их очищавшая. Радуйся, недуги их врачевавшая и телеса их честне погребавшая; Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 3

Силою укрепляема свыше, святая мученице, послужи благочестно святым и посрами ненавистника всякия добродетели диавола, напустившаго рабыню оклеветати ю пред мужем неверным; мы же, восхваляюще благотворения твоя, Анастасие, поем вкупе с тобою: Аллилуиа.

Икос 3

Имущи великую любовь о Господе ко всем, в темницах страждущим за Имя Христово, ея же ради множицею биена бывши от невернаго мужа, напоследок в дому его себе темницу обрете; темже мужеству ея дивящеся, вопием к ней: Радуйся, избранная невесто Христова; Радуйся, заповедей Христовых усердная хранительнице. Радуйся, не словом точию, но и делом сия исполнившая; Радуйся, душу свою за други твоя положити готовая. Радуйся, многое озлобление за Христа приявшая; Радуйся, терпением своим адаманту крепкому уподобившаяся. Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 4

Бурю ярости своея воздвиже на тя нечестивый мучитель муж твой, яко пленницу и рабу вмени тя, святая Анастасие; мы же, воспоминающе озлобления от него и страдания твоя, поем укреплявшему тя Господу: Аллилуиа.

Икос 4

Слыша блаженная Анастасия, яко много претерпе святый учитель ея Хрисогон за Христа, ему же и последова страданьми своими и тайно восписа ему сице: “Учителю! Чаю умрети и ничтоже ино остается, точию да испустивши дух, паду мертва”. Мы же, чудящеся терпению твоему, глаголем сице: Радуйся, не пощадившая плоти своея честныя; Радуйся, во дни и в нощи повергавшаяся к стопам Христовым. Радуйся, желавшая расточити богатство твое Бога ради неимущим; Радуйся, мудро куплю деющая. Радуйся, едино имущая попечение о страждущих во узах; Радуйся, невозбранно вшедшая в Чертог Небесный. Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 5

Яко боготечная звезда явилася еси в римстей стране, великомученице Анастасие, посещающи страждущих за Христа в темницах и сердца их в вере утверждающи, да присно взывают с тобою Спасителю всех Богу: Аллилуиа.

Икос 5

Виде тя богоносный учитель твой Хрисогон в смущении и волнении мира сего сущу, повеле с пророком взывати тебе: “Вскую прискорбна еси, душе моя, и вскую смущавши мя, уповай на Бога”; мы же, поминающе скорбь и печаль твою яже по Бозе, зовем ти: Радуйся, возложившая все упование твое на Господа; Радуйся, претерпевшая тесноту Царствия ради Небеснаго. Радуйся, чистотою твоею со ангелы жити на небесех сподобившаяся; Радуйся, скорбьми твоими к Богу приблизившаяся. Радуйся, молитвами твоими избавляющая нас от многих скорбей; Радуйся, ходатайством твоим свобождающая от искушений. Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 6

Проповедует весь мир христианский честныя подвиги твоя, великомученице Анастасие, и страдания твоя славит, мученическую кончину твою ублажает и поет Богу: Аллилуиа.

Икос 6

Возсияла еси паче солнца добродетельми твоими в великом граде Риме, егда исполнися предречение учителя твоего святаго Хрисогона о погибели безбожнаго мужа твоего. Свободна бо сущи, с вящшим усердием начала еси пещися о мученицех Христовых; мы же, взирающе с любовию на деяния твоя, глаголем ти сице: Радуйся, усердная помощнице страждущим; Радуйся, божественными словесы утешавшая друзей Христовых. Радуйся, имевшая велие попечение о трех девах: Агапии, Хибнии и Ирине; Радуйся, тех на подвиг мученичества укрепившая. Радуйся, ум твой горе имевшая; Радуйся, сердце твое жилище Святаго Духа соделавшая. Радуйся, огнем любви к Богу всецело возгоревшая; Радуйся, в крове крил Его небесный покров обретшая. Радуйся, мужеством твоим врага спасения до конца низложившая; Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 7

Хотение святаго Хрисогона, еже умрети за Христа, — исполнися Божиим Промыслом: егда же узрела еси честныя мощи своего учителя страстотерпца, любезно их лобызающи, восплакалася еси, из глубины души износящи Богу песнь: Аллилуиа.

Икос 7

Новую благодать и силу дарова тебе Господь наш, егда восприяла еси подвиг преходити из града в град, посещающе во узах седящих. Мы же, последующе странствованию твоему, умильно вопием ти: Радуйся, последовательнице стопам Христовым; Радуйся, служительнице многим святым. Радуйся, чистотою уневестившаяся Христу; Радуйся, великомученице прославленная. Радуйся, узорешительнице проименованная; Радуйся, златом твоим купующая свободу верным от уз темничных. Радуйся, молитвами твоими избавляющая нас уз греховных; Радуйся, врачевание больным низпосылающая. Радуйся, Божиим велением полумертвых возставляющая; Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 8

Странствование твое со святою мученицею Феодотиею многим ослабу подаде: болящим дарова исцеление, многим умершим уготова погребение, живым на вящшия подвиги добродетели укрепление; нас же недостойных сподоби, святая, молитвами твоими пети разумно Богу: Аллилуиа.

Икос 8

Весь храмины темницы исполнися многим плачем и рыданиями твоими, егда рано притекши в ню по обычаю твоему и не единаго же обретши от узник, за Имя Христово всажденных, вси бо в нощь едину повелением злочестиваго царя смерти преданы быша; мы же, вспоминающе скорбь твою о друзех Божиих, взываем тако: Радуйся, со усердием поискавшая в темницах рабов Христовых; Радуйся, паки обретшая тех в Небесных Селениих. Радуйся, вземшая с любовию на рамо свое крест Господень; Радуйся, сподобльшаяся всюду зрети разумными очесы Господа Вседержителя. Радуйся, за любовь твою к ближним велие дерзновение к Богу стяжавшая; Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 9

Нечестивии мучителие совет сотвориша на тя, страстотерпице непобедимая, хотяще приклонити тя ко идольскому служению; ты же небоязненно взывала еси к ним: “Раба Христова есмь, и пою Ему день и нощь: Аллилуиа”.

Икос 9

Витийствова с тобою начальнейший жрец идольский, хотяй лестию уловити святую душу твою; ты же, познавше всю хитрость вражию, посрамила еси мучителя и пременила вся злая во благая, безтрепетно взирающи на орудия мучительския и на вся муки; мы же, дивящеся мужеству твоему, зовем ти умиленными гласы: Радуйся, добровольно оставившая вся мира сего красная; Радуйся, возжелавшая прияти различныя муки за Христа. Радуйся, с любовию на смерть идти возхотевшая; Радуйся, и самех мучителей терпением твоим удивившая. Радуйся, страданиями твоими Церковь Христову украсившая; Радуйся, демоны ногама твоима поправшая. Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 10

Спастися всем хотящим людям споспешествуй молитвами твоими, великомученице, пред Господем и испроси разрешение грехов почитающим страдания твоя, да вопием с тобою: Аллилуиа.

Икос 10

Царя Небеснаго возлюби всем сердцем своим святая Анастасия и в темницу ввержена бысть за Сладчайшаго Иисуса, надолзе гладом и жаждею истаявающи и молитвою укрепляющися; темже прославляюще тоя честная страдания, возсылаем к ней пение таковое: Радуйся, последовательнице страстем Христовым; Радуйся, украсившаяся победоносною славою. Радуйся, благочестивым женам похвало и величание; Радуйся, земною темницею в Небесный Чертог востекшая. Радуйся, тамо с мученики водворившаяся; Радуйся, молитвою твоею у Престола Божия воспоминающая нас. Радуйся, узы греховныя скоро разрушающая; Радуйся, демоны от человек прогоняющая. Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 11

Пение всеумиленное приносим ти, прославляюще твоя за Христа страдания, и молим тя: святая страстотерпице, испроси у милостиваго Господа всем людем здравие, долгоденствие и на враги победу и одоление. Нам же, восхваляющим мучения твоя, подаждь мир и спасение, да поем Богу во веки: Аллилуиа.

Икос 11

Светлым и радостным лицем последовала еси на страдание, уготованное ти от мучителей, еже помышляюще с радостию зовем: Радуйся, от потопления в мори Божиим смотрением избавльшаяся; Радуйся, протяженная мучители к четырем столпом и тем уподобльшаяся Распятому на Кресте Сыну Божию. Радуйся, жегомая огнем даже до смерти; Радуйся, сокровищнице исцелений неоскудная. Радуйся, чаше даров Божиих преизобильная; Радуйся, всех благих желаний скорая исполнительнице. Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 12

Благодать свыше ниспосли всем нам, притекающим с любовию к раце мощей твоих, и испроси у Господа прощение согрешений наших, болящим же и страждущим исцеление, да благодарственно вси вопием дивному во святых Богу: Аллилуиа.

Икос 12

Поюще подвиги твоего вольнаго мучения за Христа, покланяемся страданию твоему, великомученице досточудная, почитаем святую кончину твою и молим тя, простри твою с небесе помощь и на нас, живущих во тьме страстей и искушений и вопиющих ти: Радуйся, великомученице святая, принесшая тело свое в богоприятную жертву во многоразличных мучениих; Радуйся, горлице, взлетевшая во Иерусалим Вышний. Радуйся, чистая и непорочная невесто Христова; Радуйся, кадильнице духовная, фимиам молитвы о нас к Богу приносящая. Радуйся, почитающим память твою и страдания твоя богоугоднаго жития зерцало; Радуйся, болезни душевныя и телесныя скоро исцеляющая. Радуйся, светлый образе жития всем, чающим улучити христианскую кончину; Радуйся, всеблаженная великомученице Анастасие, узников святая посетительнице и молитвеннице о душах наших.

Кондак 13

О многострадальная и предивная, святая великомученице Анастасие! Нынешнее наше малое моление приими от недостойных раб твоих, с любовию приносимое тебе, и испроси нам у Христа Бога греховных уз разрешение, да избавимся молитвами твоими гнева Божия и вечнаго осуждения, и да удостоимся в Небесном Царствии купно с тобою во веки пети Богу: Аллилуиа.

(Этот кондак читается трижды, затем икос 1 и кондак 1)

Молитва 

О многострадальная и премудрая великомученице Христова Анастасие! Ты душею на небеси у престола Господня предстоиши, на земли же, данною тебе благодатию, различная совершаеши исцеления. Призри убо милостивно на нас (имена), просящия твоей помощи: простри ко Господу святыя молитвы твоя о нас, и испроси нам оставление согрешений наших, недужным исцеление, скорбящим и бедствующим скорую помощь; умоли Господа, да подаст всем нам христианскую кончину и добрый ответ на Страшнем суде Своем, да сподобимся и мы купно с тобою славити Отца и Сына и Святаго Духа во веки веков. Аминь.

Тропарь святой великомученице Анастасии, именуемой Узорешительница

Тропарь, глас 4

Победоноснаго Воскресения истинноименитая наречена еси, мученице Христова, победы на враги поставила еси мук терпением, Христа ради, Жениха твоего, Егоже возлюбила еси. Того моли спасти души наша.

При жизни она помогала узникам в темницах

В Риме, когда правил император Диоклетиан, в семье, где мать была тайной христианкой, а отец язычником, родилась девочка. Та, которую позже назовут святой Анастасией Узорешительницей.

Воспитанная христианином Хрисогоном в любви, преданности Богу и ближним, она являла чудеса храбрости и самоотверженности, помогая заточенным в тюрьмы гонимым христианам, часто спасая их от неминуемой смерти. Помнила слова Апостола Павла:

Девушка надевала нищенскую одежду, пробиралась в темницы, где содержали узников. Помогала всем: кормила, мыла, перевязывала, старалась утешить, находила добрые слова поддержки.

Когда муж-язычник, узнал про посещения тюрем, то избил Анастасию до полусмерти. Но вскоре он утонул при кораблекрушении. Став свободной, девушка отправилась странствовать и продолжила служение. Находила темницы, приходила к страдальцам, помогала, избавляла от уз страха, отчаяния.

О том, что Анастасия христианка, узнали власти. Девушку пытали, но она выжила. Тогда применили пытку голодом. 60 дней Анастасия провела без крошки во рту. И снова осталась невредимой. Чтобы уничтожить Анастасию и других пленников, их посадили на судно с пробитым дном и отправили в море.

Корабль стал тонуть, но в этот момент появилась сподвижница Анастасии святая Феодотия, которая приняла мученическую смерть совсем недавно. Она чудным образом предотвратила потопление и вывела судно к берегу. Увидев это чудо своими глазами, 120 человек сразу приняли крещение.

Узнав о случившемся, власти казнили всех, кто принял христианство,  а Анастасию, растянув над кострищем меж четырех столбов, привели к мученической смерти и святому венцу.

Святую мученицу похоронили, а когда гонения закончились, верующие поставили на этом месте церковь.

В конце V века мощи святой перенесли в Константинополь. Честная глава находилась в монастыре Анастасии Узорешительницы, расположенном в горах на полуострове Халкидики, недалеко от города Фессалоники (Салоники).

Почему святой молятся от тюрьмы  и о справедливом суде

На Руси давно заметили, что святая являет быструю помощь заключенным. Вот и молится тюремный люд великой подвижнице, чтобы суд был справедливым, заточение менее тягостным. Матери и жены тоже просят за своих сынов и мужей.

Случаи помощи

Когда в храмах служат акафист Анастасии Узорешительнице, родственники заключенных стоят на молитве. Просят угодницу Божию избавить близких от уз тюрьмы, облегчить страдания. В последствии люди узнают о неожиданной амнистии, уменьшении срока заключения. Бывало, повторные безнадежные судебные разбирательства приводили к оправданию человека.

Так, Сергея Феоклистова из Перьми освободили после второго суда потому, что сразу не учли важный документ. А Елену Новикову из Москвы, отбывающую срок после дтп, освободили от тяжелой работы и перевели трудиться в тюремную больницу.

А сколько заключенных покрестились в тюремных храмах Анастасии Узорешительницы! Покаялись в содеянном, стали на праведный путь.

Любят и верят православные святой Анастасии. Наверно, поэтому так распространено у нас имя Настя (Анастасия).

Светлана Сушко