В каких случаях прибегают к чтению акафиста святому Даниилу Московскому

Акафист святому благоверному князю Даниилу, Московскому чудотворцу

Кондак 1
Избранный чудотворче и предивный угодниче Христов, града Москвы и державы Российския крепкое ограждение, раздоров и нестроений искоренителю, благоверный княже Данииле, похвальная восписуем ти, к раце мощей твоих притекающе. Ты же, яко имеяй дерзновение ко Господу, от всяких нас бед свободи, зовущих: Радуйся, преподобне княже Данииле, Московский чудотворче.
Икос 1
Ангелов Творец и Господь во дни великих бед и напастей, обышедших страну нашу от нечестиваго царства агарянскаго, восхотев людем страждущим утешение даровати, яви тя, княже Данииле, яко плод красен от чресл великаго князя Александра; людие же, о рождении твоем радости исполнившеся, взываху ти сицевая:
Радуйся, корене благочестиваго прозябение; радуйся, добродетелей отца твоего и матере наследниче.
Радуйся, рождением твоим люди града Владимира возвеселивый; радуйся, грядущую славу Москвы предвозвестивый.
Радуйся, избранниче Божий; радуйся, правило веры благочестивыя.
Радуйся, образе кротости духовныя; радуйся, Бога, яко истиннаго Отца нашего, издетска познавый.
Радуйся, яко Иосиф, от братии твоея досаждения сладце претерпевый; радуйся, последи и братию свою в любовь себе призвавый.
Радуйся, преподобне княже Данииле, Московский чудотворче.
Кондак 2
Видяще ближнии твои, блаженне, день от дне во благочестии тя возрастающа, и не точию млеком матерним, но паче благодатию Божиею питаема, радовахуся и, Господа о сем хваляще, взываху: Аллилуия.
Икос 2
Разум богопросвещен имея, уразумел еси, всехвальне, по словеси апостольскому, яко нужнейши всего есть благочестие, имже и потщался еси обогатити душу твою, в молитвах и научении словеси Божию всеусердно пребывая. Того ради людие ублажаху тя сице:
Радуйся, молитвенниче теплейший; радуйся, послушниче Евангелия усерднейший.
Радуйся, добродетели высокия в сердце твоем вкоренивый; радуйся, в заповедех Господних вся дни живота твоего ходивый.
Радуйся, образом жития твоего мир посреде братии водворивый; радуйся, Господа твоего паче всех возлюбивый.
Радуйся, положити душу свою за други своя непрестанное желание имевый; радуйся, благодать Господню в сердце свое заключивый.
Радуйся, и тело свое тою просветивый; радуйся, оное и по смерти нетленно сохранивый.
Радуйся, преподобне княже Данииле, Московский чудотворче.
Кондак 3
Сила Вышняго укрепляше тя, блаженне, егда в кротости и в смирении души твоея возрастая, уготовлял еси себе на служение княжеское и о помощи небесней молился еси, взывая Богу: Аллилуия.
Икос 3
Имея присно в души твоей глагол Господень, пророку реченный: «На кого воззрю, токмо на кроткаго и смиреннаго, и трепещущаго словес Моих», потщался еси, святе, оными добродетельми себя украсити. Того ради ублажаем тя сице:
Радуйся, подвижниче доблий, на высоту добродетелей возшедый; радуйся, нищетою духовною Царствие Небесное стяжавый.
Радуйся, кротости ради землю обетования наследивый; радуйся, правды и истины паче всего искавый.
Радуйся, чистотою сердца твоего Господа созерцавый; радуйся, миротворец нарочит в житии своем явивыйся.
Радуйся, изгнания правды ради смиренно претерпевый; радуйся, мзду вечную добродетельми стяжавый.
Радуйся, чистоты душевныя и телесныя сокровище; радуйся, любве и кротости Христовы вместилище.
Радуйся, преподобне княже Данииле, Московский чудотворче.
Кондак 4
Бурею агарянскаго нашествия людие российстии потрясаеми, на тя, всечестне, яко на избранника Божия, взираху и, под кров твой державный прибегающе, защищение и утешение приимаху, вкупе с тобою взывающе Богу: Аллилуия.
Икос 4
Видяще, святе, братия твоя отрока тя еще мала суща, наследия отча лишити тя умыслиша и удел малейший, Московский, точию вдати ти изволиша; ты же, кроток сый и незлобив, ничтоже противовещал еси и за обидящих тя Господеви молился еси. Сего ради ублажаем тя сице:
Радуйся, кротости Христовы подражателю; радуйся, предивный нестяжателю.
Радуйся, удел твой малейший возвеличивый; радуйся, всего себе воле Божией предавый.
Радуйся, от Него токмо единаго помощи искавый; радуйся, богатство тленное презревый.
Радуйся, сокровища духовная возлюбивый; радуйся, от юности в благодати у Бога и человек возраставый.
Радуйся, яко и по скончании земнаго жития твоего тую же благодать сугубо восприявый; радуйся, яко и мы благодати Божия по молитвам твоим сподобляемся.
Радуйся, преподобне княже Данииле, Московский чудотворче.
Кондак 5
Боготечней звезде подобяся, на земли течение твое светло совершил еси, благоверный княже Данииле, лучи святости и потоцы милости всем изливая; ихже ради и в сонме святых пребываеши, поя с ними: Аллилуия.
Икос 5
Слышавше ближнии и дальнии, яко в малем еще граде Москве на высоте стола княжескаго возоблистал еси, преславне княже Данииле, под сень крилу твоею притекаху, похвалы таковыя ти приносяще:
Радуйся, княже благосердый, любовию своею вся покрываяй; радуйся, владыко прелюбимый, бедствующия защищаяй.
Радуйся, мудрость отца твоего, князя Александра, восприявый; радуйся, страны Московския утверждение.
Радуйся, державы Российския украшение; радуйся, Церкве Христовы похвало высокая.
Радуйся, людей российских упование благонадежное; радуйся, тобою бо во едино братство совокупляемся.
Радуйся, яко твоим научением от распрей свобождаемся; радуйся, заповедей Божиих верный исполнителю.
Радуйся, преподобне княже Данииле, Московский чудотворче.
Кондак 6
Проповедник Царствия Божия явился еси, благоверный княже Данииле: над людьми бо своими царствуя, слезу всяку от лица страждущих отымал еси, подвизая звати всех: Аллилуия.
Икос 6
Возсиял еси, яко пресветлое солнце, на престоле Московстем, благоверный княже Данииле, величием души твоея и добродетельми всю землю Российскую озаряя и подвизая всех ублажати тя сице:
Радуйся, мужу желаний духовных; радуйся, стяжателю даров небесных.
Радуйся, милосердия сокровище неисчерпаемое; радуйся, кротости наставниче.
Радуйся, заповедей евангельских делателю неленостный; радуйся, нищету вольную Христа ради возлюбивый.
Радуйся, сиротам и вдовицам отче благосердый; радуйся, людем твоим помощниче богодарованный.
Радуйся, в чине властителя кротость детскую проявивый; радуйся, душу твою в храм Божий добре претворивый.
Радуйся, преподобне княже Данииле, Московский чудотворче.
Кондак 7
Хотяй Всевидец Господь прославити тя, блаженне, постави тя владыку преславна во смирении людем Своим, иже и взирающе на тя, и добродетелей твоих богатству чудящеся, пояху Ему: Аллилуия.
Икос 7
Новаго и дивнаго устроителя земли Российския вемы тя, княже Данииле, кротостию бо, смиренномудрием, братолюбием и мудростию небесною княжение Московское возвеличил еси и сильно сотворил еси е. Сего ради приими от нас сицевая:
Радуйся, мудрость Соломонову стяжавый; радуйся, кротость Давидову восприявый и тою враги твоя победивый.
Радуйся, многия други себе стяжавый; радуйся, стольный град твой храмы Божиими украсивый.
Радуйся, величию Москвы тем послуживый; радуйся, воине Христов неодоленный.
Радуйся, от бед и скорбей всем скорое прибежище; радуйся, от всех зол твердое защищение.
Радуйся, унывающим доброе вразумление; радуйся, всем братолюбцем присное ободрение.
Радуйся, преподобне княже Данииле, Московский чудотворче.
Кондак 8
Странника и пришельца себе на земли быти помышляя, час кончины твоея пред очима твоима присно имел еси и сего ради обитель иноком во славу тезоименитаго ти преподобнаго Даниила возградил еси, идеже молитвы твоя Господеви возсылал еси, поя Ему: Аллилуия.
Икос 8
Всего себе от юности Господу возложив, вся дни живота твоего, благоверный княже. Тому усердно работал еси и, ко блаженному успению достиг, в мире глубоце дух свой Ему предал еси. Людие же княжения твоего, окрест гроба твоего собравшеся, пояху ти сицевая:
Радуйся, княже наш превожделенный, ко Господу отошедый; радуйся, нетленное тело твое нам оставивый.
Радуйся, ароматы добродетелей твоих нам благоухаяй; радуйся, сиянием небеснаго света озаренный.
Радуйся, обилием любве твоея вся удививый; радуйся, и врагом твоим благое упокоение у себе устроявый.
Радуйся, крепость державы твоея тем созидавый; радуйся, наследником твоим присное научение.
Радуйся, гроб твой, аки краеугольный камень, граду Москве положивый; радуйся, яко молитва твоя о людех и по смерти не оскудевает.
Радуйся, преподобне княже Данииле, Московский чудотворче.
Кондак 9
Вси небеснии чини и святых собори радостно тя прияша, богомудре, подвиг земнаго течения своего добре совершивша и к вечному животу пресельшася, идеже с ними поеши: Аллилуия.
Икос 9
Витий человеческих уста не возмогут изрещи пречуднаго прославления памяти твоея, угодниче Божий, егда бо гроба твоего место забвению предадеся, сам яве предстал еси юноше благочестивому, господина месту тому себе нарицая, и князя Иоанна обличая, и глаголя: «Чесо ради предал мя еси забвению? Аще же и забвен аз тобою, не забы мя Господь». Мы же, явление Твое благоговейно почитающе, сице вопием:
Радуйся, града нашего Москвы Богом данный покровителю; радуйся, обители твоея неусыпный хранителю.
Радуйся, яко и по успении твоем нас не оставляеши; радуйся, яко милосердие Божие о гресех наших умоляеши.
Радуйся, мзду трудов твоих восприявый; радуйся, небесною славою душу твою осиявый.
Радуйся, наследников твоих добрый учителю; радуйся, к добродетели твердый тем наставниче.
Радуйся, всем людем благий пред Богом предстателю; радуйся, молитвы их к престолу Его возносяй.
Радуйся, преподобне княже Данииле, Московский чудотворче.
Кондак 10
Спастися всем хотяй Господь вельможу некоего, гроб твой, святе, поправша, недугом порази, обаче согрешение свое познавша и прощение от тебе приемша помилова, да и мы вси, достойно почитающе тя, благодарно вопием: Аллилуия.
Икос 10
Стену необоримую и забрало крепкое граду Москве и всей державе Российстей Господь дарова тя, блаженне, верным в скорбех и нуждах пребыстрое заступление, да зовем ти сице:
Радуйся, призывающим тя во благое скорый помощниче; радуйся, чистоты душевныя и телесныя сокровище.
Радуйся, душевных и телесных недугов целителю; радуйся, державы нашея утверждение.
Радуйся, Церкве Российския украшение; радуйся, яко отец чадолюбивый, чада твоя назираяй.
Радуйся, яко воевода непобедимый пределы земли нашея ограждаяй; радуйся, небрегущия о святыне страхом вразумляяй.
Радуйся, яко кающимся скорое прощение испрошаеши; радуйся, яко благим подвигом тех научаеши.
Радуйся, преподобне княже Данииле, Московский чудотворче.
Кондак 11
Пение всеумиленное приими от нас, прехвальне, и молитвы, приносимыя тебе, не презри: к тебе бо в скорбех прибегаем и пред гробом твоим слезы проливаем, зовуще: Аллилуия.
Икос 11
Светозарна светильника благодати яви тебе всех Творец, силою бо, данною ти свыше, юношу при гробе твоем от одра смерти возставил еси. Сего ради ублажаем тя сице:
Радуйся, милостивый скорбящим помощниче; радуйся, сосуде, Святаго Духа исполненный.
Радуйся, дарами Того обогащенный; радуйся, сими дарами и молящихся тебе обогащаяй.
Радуйся, ко Святей Троице дерзновение велие стяжавый; радуйся, дерзновение сие на помощь людем направляяй.
Радуйся, силу чудес от Бога приявый; радуйся, за грешныя Господа умоляяй.
Радуйся, любве и кротости Христовы вместилище; радуйся, безпомощных скорый помощниче.
Радуйся, преподобне княже Данииле, Московский чудотворче.
Кондак 12
Благодатию, данною ти свыше, недуги исцеляеши, враги и супостаты от нас отгоняеши, жизнь нашу умиряеши и душам нашим полезная подаеши, да благодарственно взываем Богу: Аллилуия.
Икос 12
Поем честныя подвиги твоя, ублажаем чистое житие твое, восхваляем священную память твою, Данииле благоверне, и, прославляюще Господа всех, вопием ти сице:
Радуйся, яко крест богоугоднаго жития до конца понесл еси; радуйся, яко о скорбех твоих Бога благодарил еси.
Радуйся, всяку добродетель в себе изобразивый; радуйся, иго Христово возлюбивый.
Радуйся, немощи немощных на себе носивый; радуйся, благоволение Божие людем твоим испросивый.
Радуйся, присно на Небеси торжествуяй; радуйся, на земли преславно чудодействуяй.
Радуйся, людем твоим помощниче богодарованный; радуйся, ангелом собеседниче достойный.
Радуйся, преподобне княже Данииле, Московский чудотворче.
Кондак 13
О преславный угодниче Христов и чудотворче, преподобне княже Данииле, отрадо и утешение всех с верою к тебе прибегающих! Приими от нас, недостойных, сие малое моление, с любовию тебе приносимое, и теплым ходатайством твоим ко Господу огради святую обитель твою, умири жизнь нашу и даруй нам покаяние совершенное, избави нас от бед и вечныя муки, да купно с тобою благодарственно вопием: Аллилуия.

Этот кондак читается трижды, затем икос 1-й и кондак 1-й
Молитва: Церкве Христовы похвало высокая, града Москвы стено необоримая, державы Российския Божественное утверждение, преподобне Данииле. К раце мощей твоих притекающе, усердно молим тя: призри на нас, память твою воспевающих и с верою под кров молитв твоих прибегающих. Пролей теплое твое ходатайство ко Спасу всех, яко да утвердит миром страну нашу, грады и веси ея и обитель сию добре да сохранит, благочестие и любовь в людех твоих насаждая, злобу же, междоусобие и нравов развращение искореняя; всем же нам вся благая ко временному животу и вечному спасению даруй молитвами твоими, яко да прославляем дивнаго во святых Своих Христа Бога нашего во веки веков. Аминь.
Тропарь, глас 3-й
Явился еси в стране нашей, яко звезда пресветлая, благоверный княже Данииле, лучами света твоего озаряя град твой и обитель твою, людем православным поборник еси, пленным свободитель и нищим защитетель. Моли Христа Бога державе Российстей даровати мир и спасти души наша.
Кондак, глас 6-й
Еже по образу соблюд непреложно и яже в мире тленная оставив, со Ангельскими лики предстоиши Христу, преподобне княже Данииле, никакоже забывая чад твоих, но милостивно посещая и глаголя им: аз есмь с вами и никтоже на вы.

Житие святого благоверного князя

Смирение — одна из фундаментальных христианских добродетелей. Оно определяет отношение человека и к Богу, и к ближним. Следуя по этому пути, христианин выбирает самую короткую дорогу к обретению праведности. Такой стезей шел и благоверный князь Даниил Московский. Агиография святого включает в себя описание его миротворческих  подвигов и  большой жизненной мудрости, дарованной свыше.

Он родился в 1261 году и был младшим сыном Александра Невского. Полководец скончался, когда Даниилу исполнилось два года. По некоторым источникам, спустя недолгое время окончила земной путь и его матушка. В иных описаниях есть сведения о том, что она ушла в монастырь, приняв имя Васса. Так или иначе маленький Даниил оказался в одной из обителей, где его обучили всему, что полагалось знать княжескому отпрыску. Из ее стен он вынес в мирскую жизнь не только знания, но также мудрость и смирение.

Молодой князь получил в наследство мизерный удел — Москву. Пока Даниил рос, княжеством управляли наместники. Но возмужав, он взял управление в свои руки. Обустройство своей вотчины начал с постройки монастыря за Москвой — рекой, который по сей день носит его имя — Даниловский. Он стал первым из обителей, которые защищали южные подступы к Москве. Позже возникнут и другие храмы, имеющие в том числе и оборонительное значение. Всерьез взялся князь и за хозяйственную жизнь. За время своего правления он построил дорогу, которая связала города и усилила роль Москвы как торговой столицы

В годы междоусобиц и борьбы за великокняжеский престол Даниил радел за мирное разрешение территориальных споров. Используя дипломатические способности, он избавил удельные княжества от множества распрей и кровопролития, начал политику объединения разрозненных земель. Со временем границы Москвы расширились, в 1302 (по некоторым источникам в 1301 году) к ней мирным путем присоединилось  Пе­ре­я­с­лав­ское кня­же­ство.

Наследника Александра Невского назвали в честь подвижника  Даниила Столпника. Святой возвел столп на месте языческого капища и  провел на нем много лет в  трудах и молитвенном подвиге.

За время правления сталкивался Даниил и с предательством. Однажды старший брат Андрей привел под стены Москвы ордынское войско и обещал Даниилу не разорять город, если тот откроет ворота. Но слово свое не сдержал и Москва была сожжена дотла. Ее правитель за год вновь отстроил город на собственные средства. Князь не раз  находил правильные пути, даже когда решение не было очевидным. Помогала мудрость, дарованная Богом, и готовность пройти посланные испытания. Святой благоверный князь отошел от светских дел в 41 год и принял схиму.

С какими просьбами обращаются

При жизни князь  радел за мирное разрешение территориальных споров, поэтому покровительствует тем, кто выступает за мир и прекращение войн.

Наиболее раннее сохранившееся изображение Даниила Александровича — в стенописи Архангельского собора Московского Кремля, возобновленной в 1652–1666 гг. по первоначальной программе 1564–1565 гг.
Фигура святого помещена при входе в собор на южной стороне северо-западного столпа: Даниил Александрович с нимбом, в темно-коричневой монашеской мантии, охряная ряса перехвачена широким черным монашеским поясом с пряжкой, куколь схимы синего цвета (цвета одеяний те же, что и в миниатюрах Летописного свода), в правой руке князя — свернутый свиток, левая — в молении к благословляющему небесному покровителю прп. Даниилу Столпнику. Даниил Александрович изображен средовеком с тонкими чертами лица, удлиненной полукруглой бородой с проседью, изможденным. В Архангельском соборе в схиме изображен также только брат Даниила Александровича — великий князь Димитрий Александрович Переяславский (в северо-западном углу на западной стене), что подчеркивает преемственность Москвы от Переяславля и избранную роль Московского государства с самого начала его истории.

Речь идет не только о городах и странах. Молитва святому помогает наладить мир в доме, настроив домочадцев на добросердечное существование.

Стремление к мирному разрешению споров звучат в унисон с желаниями миллионов верующих. Акафист святому благоверному князю читают в следующих случаях:

• в защите от нападений;
• при приобретении жилья и в решении жилищных проблем;
• в общественных и семейных спорах;
• при выборе руководителя.

Даже в тяжелые времена, когда брат идет войной  на брата, истинный христианин способен находить решения, помогающие избежать ненужных распрей и остаться праведником в людской памяти.

Евгения Пономарёва