Сколько апостолов с именем Иаков упоминается в Евангелии

Даже юные (и не очень) семинаристы нередко путают целиком или частично соименных апостолов. Что говорить о простых мирянах, пусть даже искренне верующих? Тем временем, христианская история знает трех апостолов, носящих имя Иаков, это брат Господень, Алфеев и Заведеев. И у каждого из них был свой путь, только вера – одна.

Апостол Иаков, Брат Господень

Апостол Иаков, брат Господень

Иакова называют Братом Господним, хотя он даже не входил в число ближайших Его учеников. Апостол от семидесяти, он не состоял в кровном родстве со Спасителем. Однако было между ними духовное родство.

Житие

Те, кто видел Иакова при жизни, говорили, что он был очень похож на Иисуса – и внешне, и манерой речи. Но такое сходство часто возникает между людьми, которые проводят рядом долгое время.

Иаков был сыном Иосифа от первого брака – пасынком Марии, и не единственным. Иисус вырос на глазах у своих сводных братьев. Конечно, сначала никто из них не верил в Его Божественную природу. Но Иаков уверовал первым, услышав проповедь Христа.

Он вообще был юношей необычным. С ранних лет ограничивал себя в пище и прочих наслаждениях плоти, почти не спал, вознося молитвы ночи напролет. Власяница была единственным его одеянием, а кожа на его коленях стала огрубела, от постоянных земных поклонов. В общем, душа этого человека стала благодатной почвой для семени нового христианского учения.

После Распятия Иаков отправился в пещеру ждать Его Воскресения. И действительно был удостоен особой чести – увидеть явление Иисуса.

Апостол Иаков, Брат Господень, прожил долгую жизнь. В течение 30 лет был Епископом Иерусалимским и обращал в новую веру язычников. В народе его очень любили. Но погиб апостол страшно, в результате заговора фарисеев.

Они предложили ему на праздник Пасхи взойти на крышу Иерусалимского храма и обратиться к людям, чтобы они отреклись от Христа. Но апостол, согласившись для виду, стал, напротив проповедовать христианское учение. Тогда фарисеи столкнули его вниз. Иаков выжил, и его жестоко избивали, пока он не испустил дух.

Где он был похоронен?

Иакова, Брата Господня похоронили на месте гибели, рядом с Иерусалимским храмом. Позже здесь установили памятник.

Мощи

Мощи Епископа Иерусалимского обнаружили в 1200 году, благодаря жившему в пустыне затворнику. Ему во сне явился апостол Иаков, который попросил забрать его тело. Отшельник рассказал о видении действующему епископу, и мощи перенесли в Константинополь. Там они хранились в Халкопратийской церкви, которой ныне уже не существует.

В России частичка мощей также хранится. Приложиться к ним можно на Старо-Иерусалимском подворье.

Икона

На иконах Иакова, апостола от 70-ти изображают седым старцем с грубой кожей, худощавым и кротким. Он одет во власяницу и держит хартию в руке.

День памяти

• 5 ноября
• 17 января – Собор 70-ти апостолов

О чем молятся Иакову, Брату Господню?

Иаков, как и другие, сначала сомневался в словах Христа, но уверовал однажды и навсегда, а потому к нему обращаются в делах духовных. Если человека мучают сомнения, и на его долю выпадает много искушений, можно помолиться Иакову, Брату Господню и попросить укрепления в вере.

Храмы в России

В России всего один храм освящен во славу Брата Господня. Нарядная желто-голубая церковь находится в городе Губкин, Белгородской области. В других городах, в том числе в Москве, есть церкви с пределами, освященными во имя апостола.

Апостол Иаков Алфеев

Апостол Иаков Алфеев

Об Иакове Алфееве, несмотря на то, что он был одним из ближайших учеников Христа, практически ничего не известно. Его имя упоминается в Евангелии, но факты о жизни его крайне скудны.

Житие

Упоминание его имени в Новом Завете встречается только раз:

«И поставил из них двенадцать, чтобы с Ним были и чтобы посылать их на проповедьи чтобы они имели власть исцелять от болезней и изгонять бесов; поставил Симона, нарекши ему имя Петр, Иакова Зеведеева и Иоанна, брата Иакова, нарекши им имена Воанергес, то есть «сыны громовы», Андрея, Филиппа, Варфоломея, Матфея, Фому, Иакова Алфеева, Фаддея, Симона Кананита и Иуду Искариотского, который и предал Его». (Мк. 3-19)

Отцом Иакова был некто Алфей, а матерью – Мария Клеопова. О ней мы знаем, что она стояла вместе с другими женщинами недалеко от Креста во время Распятия. Иаков приходился братом евангелисту Матфею.

Сначала Иаков занимался миссионерством на Родине, затем сопровождал апостола Андрея во время проповеди в Греции, а затем судьба забросила его в палестинские земли.

Апостол Иаков шел по стопам своего учителя не только в жизни, но и в смерти – он также принял мученическую смерть на кресте. Язычники распяли проповедника в Острацине, небольшом городке на территории Римской Империи.

Где он был похоронен?

Так как рядом не было братьев по вере, Иакова Алфеева похоронили там же, недалеко от места казни.

Мощи

Мощи апостола – одна из главных реликвий Санти-Апостоли, собора в Риме, где хранятся и мощи других подвижников. Но здесь они пребывают не целиком:

• главу его передали в Венецию, в церковь Сан-Марко;
• частицу мощей – в храм Святого Николая, в Бари.
• еще частицу – в афонский монастырь Эсфигмен.

Лобную кость извлекли, и теперь она является частью иконы, что хранится в Успенском Соборе на Донской улице (Москва).

Икона

В иконографии принято изображать апостола Иакова Алфеева мужчиной средних лет с большой окладистой бородой, в одежде красно-зеленого цвета. Его руки сложены в молитвенном жесте, либо в правой он держит крест, который является символом и апостольства, и мученической кончины.

День памяти

• 22 октября
• 13 июля – Собор славных и всехвальных 12-ти апостолов

О чем молятся Иакову Алфееву?

Как и другому апостолу, Брату Господню, Иакова Алфеева часто просят об укреплении в вере. Но также перед иконой молятся о:

• защите от козней;
• помощи в наставлении неверующих;
• исцелении от недугов.

После сошествия Святого Духа многие апостолы получили дар исцеления, поэтому к каждому из них можно обращаться в болезни.

Храмы в России

Единственный храм, освященный во славу Иакова Алфеева также находится в Белгородской области, в селе Александровка. Скромное здание из красного кирпича с небесно-голубой кровлей было построено в 2003 году. В других городах, например, в Успенском соборе на Донской в Москве есть придел, освященный во имя апостола.

Апостол Иаков Зеведеев

Апостол Иаков Зеведеев

Иаков Зеведеев также был одним из двенадцати. Он первым погиб за Христа в 44 году, и только о его гибели сообщается в Деяниях апостолов.

Житие

Иаков был из рыбацкой семьи и жил в Вифсаиде – там же, где Андрей и Петр. Помогая отцу, он также занимался рыбной ловлей вместе с братом Иоанном.

«Оттуда, идя далее, увидел Он других двух братьев, Иакова Зеведеева и Иоанна, брата его, в лодке с Зеведеем, отцом их, починивающих сети свои, и призвал их. И они тотчас, оставив лодку и отца своего, последовали за Ним». (Мф. 4:21-22)

За вспыльчивый характер Спаситель называл братьев «сынами грома». В Евангелии говорится, что они, разгневавшись на самарян, которые не оказали Иисусу гостеприимства, хотели сжечь их селение. Но Христос, разумеется, не позволил.

После сошествия Святого Духа на апостолов Иаков Зеведеев проповедовал во многих странах, но, в конце концов, все-таки вернулся в Иерусалим. Он был смелым, отважным человеком, не боялся выступать с проповедями в присутствии фарисеев. Те, не в силах найти аргументы против, даже наняли философа Гермогена.

Тот был не только мыслителем, но и колдуном, и, исчерпав свои доводы, наслал на апостола злых духов. Однако ангелы сошли с небес и встали на его защиту. Гермоген испугался, что теперь мстительные сущности растерзают его самого. Но апостол Иаков вручил ему свою трость, и ни один бес не смог коснуться философа. Тогда он уверовал, сжег свои книги и привел к христианской вере своего ученика Филита.

Ученик Мессии слишком мешал царю Ироду Агриппе. Так что святого арестовали и вскоре казнили через усекновение главы:

«В то время царь Ирод поднял руки на некоторых из принадлежащих к церкви, чтобы сделать им зло, и убил Иакова, брата Иоаннова, мечом». (Деян. 12:1-2)

Где он был похоронен?

Согласно легенде, останки апостола Иакова бросили в лодку и отправили ее в Средиземное море. Но, по волей Божией, лодка не затонула и не разбилась о скалы, а причалила к побережью Испании. Там она оставалась долгое время, пока восемьсот лет спустя одинокий отшельник, не обнаружил ее. На этом месте возвели одну из главных святынь страны басков – Собор Сантьяго-де-Компостела.

Мощи

Мощи хранятся в крипте собора, где устроена украшенная звездой гробница. Приближаться к ним нельзя – можно только взглянуть на раку через решетку, стоя в двух метрах от нее.

Икона

Иакова Зеведеева иконописцы изображают довольно молодым человеком, русоволосым, с бородой и усами, в алом хитоне и зеленой гиматии. В его руке зажат свиток. Чаще всего встречаются поясные изображения, либо сюжетные иконы с другими апостолами и самим Спасителем.

День памяти

• 13 мая
• 13 июля – Собор славных и всехвальных 12-ти апостолов

О чем молятся Иакову Зеведееву?

Как и другим апостолам, Иакову Зеведееву можно молиться, чтобы Бог избавил от сомнений в правильности выбранного пути. Также перед его иконой просят:

• благословения на паломничество, так как этот апостол считается покровителем паломников;
• исцеления от болезней;
• помощи воинам, апостол явил немало чудес во время Реконкисты, когда испанцы сражались с маврами.

Храмы в России

Единственная церковь, освященная во славу Иакова Зеведеева располагалась в селе Яковлево, Нижегородской области. Здесь апостола особенно почитали, так как некоторые источники указывали на то, что святой подвижник мог добраться и сюда. К сожалению, этого храма больше не существует. В Ленинградской области, Москве и Республике Крым есть несколько церквей с приделами, освященными во имя апостола.

Кто является автором Послания апостола Иакова

Именно сводный брат Иисуса, оставил знаменитое послание. Предчувствуя скорую смерть, он обратился ко всем братьям и сестрам по вере. Но, в особенности, конечно, к тем, кто недавно принял Крещение.

Главная мысль этого текста выражается в одной очень краткой и емкой фразе:

«Вера без дел мертва».

И, кажется, что здесь автор противоречит своему брату по вере, апостолу Павлу. Ведь тот писал совершенно обратное:

«Человек оправдывается не делами закона, а только верою в Иисуса Христа, и мы уверовали во Христа Иисуса.» (Гал. 2:16)

Но, на самом деле, нет. Апостол Павел говорил как раз о том, что дела без веры не имеют смысла. То есть, эти два послания дополняют друг друга. Чтобы быть христианином, нужно и верить, и исполнять особую миссию милосердия. Только тогда душа может спастись.

Также Иаков, Брат Господень в своем Послании утешает новообращенных, которым предстоит трудный крестовый путь. Он говорит о том, что это не должно смущать их. Ведь именно на этом пути и обретается главная ценность христианского вероучения.

Литургия Апостола Иакова

Иаков, Брат Господень составил и первую в мире Божественную Литургию. В первые века христианства как такового чина богослужения еще не было. Священник молился так долго, как позволяли возможности тела. Службы могли длиться три, пять, восемь часов… При этом молитвы не были упорядочены.

Божественная Литургия апостола Иакова тоже была довольно длинной в первоначальном варианте, но все-таки ее совершали ограниченное время. Служили ее везде: в Греции, Италии, Антиохии, в Палестине вплоть до IX века.

Постепенно она менялась, добавлялись песнопения, например, «Символ Веры», «Святый Боже» и некоторые другие. Но характер оставался прежним. Аскетичность, глубина молитвенного погружения, атмосфера близости к Господу и к тем, самым первым христианам отличают Литургию Иакова от обычных богослужений.

Также имеется интересная евхаристическая особенность. Миряне вкушают Дары раздельно: сначала облатку, и только затем – вино. Византийские более поздние литургии, составленные святыми, уже не предполагают такого порядка.

В Иерусалиме Литургию Иакова служат трижды, когда поминают Брата Господня, Апостолов от семидесяти и Сродников Господних. Интересно, что в нашей стране о ней не знали вплоть до 1970 года. Потом ее стали совершать в семинариях, а в наши дни – уже в 25 епархиях РПЦ.

Минуло уже более двух тысяч лет с того дня, как сложил главу последний апостол. Имена и даты стираются, забываются даже самые ревностные из подвижников, погибших за веру. Вот почему так важно, чтобы образованный христианин знал и различал трех апостолов, от которых почти ничего не осталось, кроме имен. Но главное – не только помнить их, но и стараться следовать их примеру, подкрепляя веру делами.

Арина Зубкова

Акафист святому апостолу Иакову, брату Господню по плоти

Конда́к 1

Апо́столу Христо́ву, иера́рху пресла́вному, столпу́ необори́му Це́ркви Христо́вой и му́ченику, Иа́кову прему́дрому, бра́ту Бо́жию блаже́нному похва́льная воспису́ем, я́ко хода́таю и ско́рому помо́щнику на́шему. Ты́ же, предстоя́й престо́лу Пресвяты́я Тро́ицы, не преста́й моли́тися о на́с и твои́ми моли́твами сохраня́й на́с от вся́ких бе́д и зо́л, ве́рою пра́зднующих па́мять твою́ и зову́щих:

Ра́дуйся, Иа́кове, пе́рвый иера́рше Це́ркви Иерусали́мстей и сла́вный священному́чениче.

И́кос 1

А́нгелов Творе́ц и всея́ тва́ри Соде́тель, яви́ тя́, Иа́кове, я́ко звезду́ многосве́тлую, возсия́вшую на тве́рди Церко́вней, тьму́ лжеве́рия прогоня́ющей, по́двигом све́та ми́р просвеща́ющую. Мы́ же, прибега́юще к заступле́нию твоему́, сицева́я ра́достно тебе́ прино́сим:

Ра́дуйся, я́ко Бо́гом избра́н для объявле́ния та́йн спасе́ния;

Ра́дуйся, я́ко по пло́ти Госпо́день бра́т показа́лся еси́, учени́к и самови́дец неизрече́нных та́йн Его́;

Ра́дуйся, сла́во Це́ркви Вселе́нския;

Ра́дуйся, я́ко без стра́ха и велегла́сно словеса́ Бо́жии среди́ я́рых иуде́ев лю́дям приноси́вший;

Ра́дуйся, це́ркви и́стинный упра́вителю;

Ра́дуйся, богому́дрый учи́телю непостижи́мых та́йн Бо́жиих;

Ра́дуйся, иера́рше Иерусали́ма до́льняго, ны́не пребыва́ющий во Иерусали́ме го́рнем;

Ра́дуйся, я́ко же́ртву чи́сту прине́сл еси́ Царю́ и Творцу́, его́же пред мучи́тели испове́дал, священному́чениче;

Ра́дуйся, Иа́кове, пе́рвый иера́рше це́ркви Иерусали́мстей и сла́вный священному́чениче.

Конда́к 2

Издале́че прозря́ твое́ жи́тельство, о́тче Иа́кове, бра́та тя́ прия́ Христо́с Человеколю́бец, я́ко ста́рший сы́н в семе́йстве пра́веднаго Ио́сифа Обру́чника бы́л еси́. С ма́лых ле́т, я́ко назоре́й, Бо́гу посвяще́н бы́л, име́я жи́знь возде́ржную. Нра́вов твои́х бла́гостию и ума́ чистото́ю, Христо́в показа́лся еси́ учени́к и́скренний, сподо́бился у престо́ла Влады́ки ве́чно воспева́ти: Аллилу́иа.

И́кос 2

Егда́ же, И́род ца́рь, иска́ Отроча́ Иису́са, дабы́ погуби́ти Его́, се́ А́нгел Госпо́день во сне́ яви́ся Ио́сифу глаго́ля: «Восста́в, поими́ Отроча́ и Ма́терь Его́ и бежи́ во Еги́пет». Ты́ же, Иа́кове, я́ко сро́дник по пло́ти Иису́сов бы́л еси́, пребыва́л со Ио́сифом и Ма́терию Его́, бе́гаяй с ни́ми во Еги́пет. Я́ко дру́г Христо́в бли́жнейший от младе́нства, приими́ от на́с, Иа́кове, усе́рдныя похвалы́:

Ра́дуйся, я́ко сы́н бы́л ходя́щих по пути́ Госпо́дню;

Ра́дуйся, я́ко лице́м к лицу́ Бо́га чрез Христа́ узре́л еси́;

Ра́дуйся, я́ко благода́ть мно́гу прия́л еси́ от Христа́;

Ра́дуйся, я́ко Христо́вым светоли́тием просвеще́н еси́;

Ра́дуйся, я́ко началопа́стыря Христа́ бра́т бы́л еси́ и прие́мник во апо́столех;

Ра́дуйся, я́ко сугу́бы по́чести от Христа́ сподо́бился;

Ра́дуйся, я́ко Христо́м Небе́снаго Отца́ обреты́й;

Ра́дуйся, я́ко и ны́не зри́ши Христа́ во све́те неизрече́ннем;

Ра́дуйся, Иа́кове, пе́рвый иера́рше Це́ркви Иерусали́мстей и сла́вный священному́чениче.

Конда́к 3

По вознесе́нии же, Спаси́теля, ли́к апо́стольский, не состяза́вшись о сла́ве, избра́ тя́ Иа́кове Пра́ведный, священноде́йствовати Христу́ в Сио́не святе́м. Осо́бо яви́ся ти́, Госпо́дь по посвяще́нии тебе́ на престо́л це́ркви Иерусали́мстей, показу́я те́м благоволе́ние Свое́ к тебе́. Мы́ же дивля́шеся тако́му о тебе́ Бо́жию благоволе́нию, пое́м Вседержи́телю: Аллилу́иа.

И́кос 3

Служе́ние апо́стольское тру́дное, прия́л еси́ посреде́ са́мых кова́рных и я́рых враго́в ве́ры христиа́нския. Три́десять ле́т неуста́нно провеща́л и утвержда́л еси́ ве́ру спаси́тельную во гра́де Святе́м и земле́ Палести́нстей. Те́мже, благодаря́ Творца́ и Спа́са на́шего, славосло́вим тя́ вели́каго избра́нника Бо́жия:

Ра́дуйся, я́ко Иерусали́м на пропове́дывание Сло́ва Бо́жия, Про́мыслом Госпо́дним указа́лся тебе́;

Ра́дуйся, я́ко вели́ку вла́сть от Бо́га прия́л еси́;

Ра́дуйся, благове́стниче А́гнца Бо́жия, взе́млющаго грехи́ ми́ра;

Ра́дуйся, крестя́й наро́д иуде́йский во и́мя Отца́, и Сы́на, и Свята́го Ду́ха;

Ра́дуйся, па́стырю до́брый и учи́телю све́тлый, я́ко тобо́ю Бо́г украси́ це́рковь свою́;

Ра́дуйся, кла́дезе из него́ же воды́ живо́й напоя́емся;

Ра́дуйся, я́ко прие́мши кре́ст апо́стольский неутоми́мо стопа́м Спаси́телевым после́довал еси́;

Ра́дуйся, я́ко Боже́ственнаго Ду́ха светозаре́нием, тьму́ лжеве́рия разруша́л и ве́рных сердца́ просвеща́л еси́;

Ра́дуйся, Иа́кове, пе́рвый иера́рше Це́ркви Иерусали́мстей и сла́вный священному́чениче.

Конда́к 4

Мно́го наро́да иуде́йскаго к Це́ркви Христо́вой обрати́л еси́, о́тче пра́ведный, по вели́кому дове́рию к сло́ву твоему́. Пра́ведным житие́м свои́м, обрета́л еси́ любо́вь и почита́ние и иуде́ев необраще́нных. Сего́ ра́ди восхваля́юще неуста́нные труды́ твоя́, усе́рдно зове́м Бо́гу: Аллилу́иа.

И́кос 4

Не взира́я на не́нависть к христиа́ном синедрио́на и первосвяще́нников иуде́йских, оклеветава́ющих христиа́н, я́ко враго́в зако́на Моисе́ова, ты́ о́тче Иа́кове, мудроде́юще свиде́тельствовал: обраща́ющийся к ве́ре Христо́вой – не отпа́дает от и́стинной ве́ры оте́честей. Мы́ же, ви́дя премно́гую твою́ доброде́тель, па́стыря неутоми́маго Це́ркви Христо́вой, благода́рно зове́м ти́:

Ра́дуйся, я́ко житие́м твои́м пра́ведным злосла́вные враги́ укроти́ и посрами́;

Ра́дуйся, я́ко пути́ вся́ вра́жия стесня́еши широто́ю Боже́ственнаго ра́зума;

Ра́дуйся, я́ко благода́тию, излива́ющейся от у́ст твои́х, науча́л о́вцы слове́сныя ве́ровати в Тро́ицу Единосу́щную;

Ра́дуйся, сто́лпе благоче́стия непоколеби́мый и стена́ Це́ркви необори́мая;

Ра́дуйся, я́ко возсия́л еси́ су́щим во тьме́ неразу́мия, все́х созыва́юще к высоте́ благоче́стия;

Ра́дуйся, я́ко собра́в пропове́данием высо́каго жития́ твоего́, ста́до твое́, сие́ от волко́в лю́тых изба́вил еси́;

Ра́дуйся, я́ко Бра́т Бо́жий, Сы́на Бо́га Вы́шняго до́блественне испове́дал на земли́;

Ра́дуйся, я́ко му́дростию обложе́н, благода́тию озаре́н, ми́рною красото́ю укра́шен, апо́столе свя́те.

Ра́дуйся, Иа́кове, пе́рвый иера́рше це́ркви Иерусали́мстей и сла́вный священному́чениче.

Конда́к 5

Служе́ние иера́рше в Це́ркви Иерусали́мстей соверша́л еси́ с ве́лиим благоразу́мием, воздава́я до́лжное и и́стинней ве́ре отце́в. Ревни́тели же зако́на ветхозаве́тнаго, ви́деша в тебе́, о́тче Иа́кове, я́ко о́браз первосвяще́нника изра́ильскаго. Мы́ же, дарова́вшему тебе́ прему́дрость ве́лию, Бо́гу немо́лчно воспева́ем: Аллилу́иа.

И́кос 5

Проводя́ пу́ть сво́й земны́й свя́то от чре́ва ма́тери своея́, сподо́бился входи́ти во Свята́я хра́ма Иерусали́мскаго. Усе́рдно моли́лся еси́ об отпуще́нии грехо́в наро́да. Ожесте́ли коле́ни твои́, о́тче Иа́кове, от беспреста́нных преклоне́ний в моли́твах. Сего́ ра́ди и мы́ восхваля́ем тя́ по достоя́нию, я́ко моли́твенника на́шего пред Бо́гом:

Ра́дуйся, я́ко житие́м твои́м доброде́тельным, лю́ди своя́ просвеща́л, я́ко светоза́рное со́лнце;

Ра́дуйся, я́ко де́я учи́л презира́ти пло́ть, прилежа́ти же душе́ безсме́ртней;

Ра́дуйся, де́латель вертогра́да Христо́ва усе́рдный;

Ра́дуйся, я́ко Боже́ственнаго Ду́ха благода́ть прие́м, попали́л еси́ тьму́ лжеве́рия;

Ра́дуйся, я́ко пло́ть ду́ху соверше́нно порабо́тивый;

Ра́дуйся, моли́твенниче к Бо́гу неуста́нный;

Ра́дуйся, я́ко сою́зом любви́ спря́г ста́до твое́;

Ра́дуйся, я́ко благода́ти испо́лнен, све́т ми́ра и со́ль вселе́нныя бы́л еси́;

Ра́дуйся, Иа́кове, пе́рвый иера́рше Це́ркви Иерусали́мстей и сла́вный священному́чениче.

Конда́к 6

Ду́хом Святы́м просвеща́ем бы́л еси́, о́тче Иа́кове, егда́ чи́н Боже́ственныя литурги́и му́дре устро́ил еси́. Уподо́бился се́ятелю до́браго се́мени, стокра́тный пло́д принося́щаго. И ны́не с небе́с на ны́ ми́лостиво призира́еши и преизоби́льно все́м на́м благода́ть подае́ши от ще́драго Христа́ Бо́га, ему́ же со а́нгелы в небесе́х пое́ши: Аллилу́иа.

И́кос 6

Служе́нию Боже́ственныя литурги́и от Сама́го Христа́ науче́н бы́л еси́. Зако́н жи́зни Це́ркви Христо́вой положи́л еси́, о́тче Иа́кове, жизнода́тельным ду́хом законополага́я и веща́я неизрече́нныя та́йны Бо́жии. Па́ству свою́ та́инствы церко́вными освяща́я и та́йнам ве́ры уча́. Мы́ же тебе́, Тро́ицы Святы́я ве́рному служи́телю воспева́ем такова́я:

Ра́дуйся, чи́на церко́внаго благоукраси́телю;

Ра́дуйся, я́ко ми́р просвети́л, блаже́нне, уче́ньми твои́ми.

Ра́дуйся, я́ко Ду́хом Святы́м чрез тебе́ све́т Богопозна́ния излия́шася в ми́р;

Ра́дуйся, я́ко чрез тебе́ начерта́ны та́йны не́ба и земли́;

Ра́дуйся, я́ко в та́йны Бо́жии ду́хом вознесы́йся;

Ра́дуйся, я́ко Боже́ственными заря́ми пропове́дания твоего́, возсия́л седя́щим во тьме́ пре́лести, све́т благода́тный;

Ра́дуйся, я́ко умо́м чи́стым и святы́ми уста́ми Богодохнове́нне спасе́ние все́м ве́рным предложи́л еси́;

Ра́дуйся, я́ко Бо́г Сло́во бога́тно просвети́ тя́ блиста́нии Боже́ственныя благода́ти;

Ра́дуйся, Иа́кове, пе́рвый иера́рше це́ркви Иерусали́мстей и сла́вный священному́чениче.

Конда́к 7

Бы́вша посреде́ благовеству́ющих наро́дом язы́ческим сло́во Христо́во, ра́спря и состяза́ние о зако́не Моисе́ове. Со́бран бы́сть сего́ ра́ди собо́р апо́стольский во гра́де Иерусали́ме, под предста́тельством твои́м, о́тче Иа́кове. Сло́во твое́ весо́мое о спасе́нии души́ в Це́ркви христиа́нской, не сохраня́я ве́сь обря́д зако́на Моисе́ова, собо́р единоду́шно прия́л еси́ и чрез апо́столов це́рквам возвести́л еси́. Мы́ же ублажа́ем тя́, научи́вшу я́ко пра́во разуме́ти уче́ние Христо́во и пе́ти Тому́: Аллилу́иа.

И́кос 7

Му́дре вразумля́л, о́тче Иа́кове, на собо́ре о сконча́нии вре́мени Заве́та Ве́тхаго и па́ки о Про́мысле Бо́жием о обраще́нии и спасе́нии наро́дов язы́ческих. Предста́тельством же на собо́ре апо́стольском се́м, иера́рха це́ркви Иерусали́мстей – ма́тери Церкве́й, низлага́ется е́ресь лати́нских па́п о Богоустано́вленности пе́рвенства престо́ла Ри́мскаго. Мы́ же, я́ко вели́кому во иера́рсех Христо́вых, взыва́ем ти́:

Ра́дуйся, истолкова́тель во́ли Бо́жией, ему́ же без ро́пота покори́лась вся́ це́рковь иуде́ев-христиа́н;

Ра́дуйся, я́ко науча́еши о спасе́нии благода́тиею Христо́вой не то́лько иуде́ев, но и язы́чников;

Ра́дуйся, я́ко свиде́тельствуеши о согла́сии сло́ва Христо́ва с уче́нием проро́ков и преда́ний оте́ческих;

Ра́дуйся, я́ко седя́щим во тьме́, зако́ны спаси́тельныя предлага́л и к све́ту благове́рия приводи́л;

Ра́дуйся, разу́мнаго све́та заре́, церко́вное свети́ло, святи́тельская красото́;

Ра́дуйся, глубо́кий кла́дезе и́стиннаго Богове́дения;

Ра́дуйся, я́ко ре́ки источа́еши Богоглаго́ливаго твоего́ чре́ва;

Ра́дуйся, я́ко прему́дрости ча́ша яви́лся еси́, доброде́тели испо́лненна;

Ра́дуйся, Иа́кове, пе́рвый иера́рше це́ркви Иерусали́мстей и сла́вный священному́чениче.

Конда́к 8

Яви́лся еси́ ты́, о́тче Иа́кове, я́ко му́дрый христиа́нин, миротво́рец и истолкова́тель Зако́на и И́стины в сло́ве – посла́нии «ко двуна́десяти коле́ном в рассе́янии», ко́и пребыва́ли в нема́лом броже́нии и недоуме́нии о уче́нии Христо́вом. Просвеща́л еси́ и вразумля́л, я́ко во́ля Бо́жия е́сть во́ля Бо́га Изра́илева, Бо́га Авраа́ма, Исаа́ка, Иа́кова. Те́м же и на́с научи́ пе́ти от всего́ се́рдца Творцу́ и Зижди́телю: Аллилу́иа.

И́кос 8

Про́поведь же апо́стольская доноси́лась и к су́щим дале́че от гра́да Свята́го коле́ном изра́илевым. Смуще́ние бы́сть у пра́ведных иуде́ев: явле́ние Христо́во – ча́яние наро́да Бо́жия или́ низложе́ние зако́на Моисе́ова. Вои́стину Богоразу́мно окормля́л ты́, о́тче Иа́кове, Це́рковь Иерусали́мскую, не оставля́я обря́да Моисе́ова – укрепля́л обраще́нных в благода́ти Христо́вой. Ре́кл ты́ Па́влу апо́столу: «Ско́лько ты́сящ уве́ровавших иуде́ев, и все́ ревни́тели Зако́на су́ть». Мы́ же восхваля́ем тя́, го́рнюю прему́дрость стяжа́вшаго:

Ра́дуйся, я́ко сло́вом Богоразу́мия лю́ди от неве́дения избавля́л и ко Христу́ приводи́л еси́;

Ра́дуйся, я́ко Боже́ственный ра́зум стяжа́л еси́;

Ра́дуйся, я́ко труды́ свои́ми к воде́ спаси́тельной о́вцы слове́сныя приводи́л еси́;

Ра́дуйся, я́ко пра́ведно даде́ся ти́ жре́бий па́стырскаго о душа́х попече́ния;

Ра́дуйся, я́ко притяжа́л еси́ па́ствы сердца́ и любве́ к тебе́ испо́лненная;

Ра́дуйся, я́коже со́лнца заря́ возсия́л еси́ ми́ру уче́нии твои́ми, Богогла́се;

Ра́дуйся, иску́сный лови́тель ду́ш людски́х;

Ра́дуйся, Боже́ственной благода́ти свети́ло;

Ра́дуйся, Иа́кове, пе́рвый иера́рше це́ркви Иерусали́мстей и сла́вный священному́чениче!

Конда́к 9

Вети́я многовеща́нныя не сме́ют вити́йствовати о твое́й, о́тче Иа́кове, му́дрости. Егда́ же ропта́ние бы́сть у иуде́ев-новообраще́нных о уче́нии Христо́вом, слы́шавше, я́ко спаса́ется челове́к то́кмо ве́рою, полага́вше ло́жно, я́ко в уго́ду «язы́ком» обраща́емым, упраздня́лись дела́ зако́на Моисе́ова. Тогда́ ты́, о́тче Иа́кове, в посла́нии твое́м вразумля́еши, я́ко не в еди́ном кни́жнем науче́нии и вне́шнем испове́дании е́сть ве́ра спаси́тельная, а в ве́ре поспешеству́емой любо́вию и дела́ми во и́мя Христо́во. Ему́ же, милосе́рдному Человеколю́бцу непреста́нно взыва́ем: Аллилу́иа.

И́кос 9

Ве́дал ты́, о́тче Иа́кове, ка́ко поврежде́на бы́сть же́ртвенная ве́ра Авраа́мля, в ве́ру лицеме́рную и ме́ртвую вожде́й иуде́йских. Ве́рно облича́еши «учи́телей му́дрости» и наставля́еши наро́д в ве́ре христиа́нской – терпели́вей во испыта́ниях, упова́ющей на Бо́га, несу́щей тя́гости во смире́нии. Мы́ же, тебе́ я́ко Богому́дрому наста́внику, благода́рно воспева́ем:

Ра́дуйся, я́ко возвеща́еши: те́ло без ду́ха ме́ртво е́сть, та́ко и ве́ра без де́л мертва́ е́сть;

Ра́дуйся, я́ко науча́еши: ра́дость име́йте, егда́ во искуше́ния впа́даете разли́чна;

Ра́дуйся, я́ко просвеща́еши: блаже́н му́ж и́же претерпи́т искуше́ния, зане́ прии́мет вене́ц жи́зни;

Ра́дуйся, я́ко глаго́леши: искуше́ния ва́шея ве́ры соде́лывает терпе́ние;

Ра́дуйся, я́ко умудря́еши: ве́дущему у́бо добро́ твори́ти, и не творя́щему гре́х е́сть;

Ра́дуйся, я́ко вразумля́еши: любы́ ми́ра сего́ – вражда́ Бо́гу е́сть;

Ра́дуйся, я́ко призыва́еши: моли́теся дру́г за дру́га, мно́го бо мо́жет моли́тва пра́веднаго поспешеству́ема;

Ра́дуйся, я́ко взыва́еши: обрати́вый гре́шника от заблужде́ния пути́ его́, спаса́ет ду́шу от сме́рти.

Ра́дуйся, Иа́кове, пе́рвый иера́рше Це́ркви Иерусали́мстей и сла́вный священному́чениче!

Конда́к 10

Укрепля́л еси́, о́тче Иа́кове, обраще́нных в ве́ре и к страда́нием предуготовля́л предстоя́щим. Призыва́л к и́стинному едине́нию с проро́ками, терпе́нию и упова́нию моли́твенному на Бо́га, все́х и вся́ Содержа́щему в десни́це Свое́й. И на́с, недосто́йных, сподо́би моли́твами твои́ми, разу́мно пе́ти Бо́гу: Аллилу́иа.

И́кос 10

Та́ко науча́л еси́, лю́ди твоя́, ве́ре Христо́вой, спаси́тельной: «Ве́ра бо чи́ста и нескве́рна пред Бо́гом е́сть, е́же посеща́ти си́рых и вдови́ц в ско́рбех и́х и нескве́рна блюсти́ себе́ от ми́ра» и еще́ «Ми́лость е́сть жи́знь души́». Мы́ же, о́тче Иа́кове, тебе́ моля́щемуся о обновле́нии окамене́нных и изсо́хших серде́ц на́ших неуста́нно взыва́ем:

Ра́дуйся, я́ко рече́ши: су́д без ми́лости не сотво́ршему ми́лости.

Ра́дуйся, я́ко вразумля́еши: гне́в бо му́жа, пра́вды Бо́жия не соде́лывает.

Ра́дуйся, я́ко просвеща́еши: пло́д пра́вды в ми́ре се́ется творя́щими ми́р.

Ра́дуйся, я́ко глаго́леши: Госпо́дь го́рдым проти́вится, а смире́нным дае́т благода́ть.

Ра́дуйся, я́ко взыва́еши: смири́теся пред Го́сподем и вознесе́т вы́.

Ра́дуйся, путеводи́телю на́ш на небеси́.

Ра́дуйся, сло́ва Бо́жия нело́жный истолкова́телю.

Ра́дуйся, на́с на по́двиг деятельные любви́ подвигающий.

Ра́дуйся, Иа́кове, пе́рвый иера́рше Це́ркви Иерусали́мстей и сла́вный священному́чениче!

Конда́к 11

Отпа́вшие от благода́ти вожди́ иуде́йския, ви́деша, я́ко мно́жество муже́й и же́н к Це́ркви Христо́вой прилага́ется, дове́рия ра́ди апо́стола всесла́внаго. Зломы́слили, лжеучи́тели, коне́ц положи́ти сему́. Нестерпи́м бо бы́л синедрио́ну пра́ведник и́стинный, служа́щий Го́споду беспоро́чно. На́с же, о́тче Иа́кове, благослови́, укрепи́ и наста́ви возраста́ти в ве́ре спаси́тельной, пою́ще Бо́гу: Аллилу́иа.

И́кос 11

Во дне́х пра́зднования Па́схи, собра́шася вся́ коле́на иуде́йския и мно́жество язы́чников во гра́д Иерусали́мский. Ты́ же, о́тче Иа́кове, неуста́нно пропове́дывал глаго́лы жи́зни ве́чныя. Ве́давше об отъе́зде, во дне́х си́х, прокуро́ра Фе́ста, нача́льницы иуде́йския сове́т положи́ша уби́ти тя́, па́стыря гра́да Свята́го. Мы́ же тебе́, я́ко му́жественну во́ину Христо́ву усе́рдно вопие́м:

Ра́дуйся, я́ко и́стину Христо́ву пред вожди́ небоя́зненно веща́вый.

Ра́дуйся, правосла́вия свети́ло.

Ра́дуйся, пра́вил церко́вных нелицеприя́тный блюсти́телю.

Ра́дуйся, я́ко тобо́ю Це́рковь Христо́ва ди́вно красу́ется.

Ра́дуйся, я́ко Богому́дрыми уче́ньми умы́ ве́рных к небеси́ возво́диши.

Ра́дуйся, я́ко кре́постию про́поведи зиму́ пре́лести разруши́л еси́.

Ра́дуйся, всему́дрый ло́вче, святы́й иера́рше и пропове́дниче.

Ра́дуйся, я́ко лу́ч Со́лнца Пра́вды испусти́ тя́ Христо́с, просвети́вшаго всю́ зе́млю.

Ра́дуйся, Иа́кове, пе́рвый иера́рше Це́ркви Иерусали́мстей и сла́вный священному́чениче!

Конда́к 12

Первосвяще́нник, же иуде́йский, саддуке́й Ана́н, повеле́л пред хра́мом Иерусали́мским созва́ти собра́ние наро́да вели́кое. Ле́стию же, о́тче Иа́кове, завлеще́н бы́л еси́ на криле́ хра́ма Свята́го, где́ нечести́выми вопроше́н бы́л пред собо́ром людски́м: «Ре́ки на́м о Ра́спятом». Ты́ же, си́лою, от Бо́га тебе́ дарова́нною обле́клся еси́, гото́вый муче́ния вся́кия претерпе́ти Христа́ ра́ди. Мы́ же, Бо́гу, в му́ченичестем по́двизе тебя́ укрепи́вшем гла́сом ве́лиим воспева́ем: Аллилу́иа.

И́кос 12

Испо́лнився же, Ду́ха Свята́го, ты́ о́тче Богоно́сче, изре́к пред наро́дом: «О́н седи́т на небесе́х, одесну́ю Си́лы Всевышней и гряде́т на о́блацех небе́сных». Слы́шавше сия́ нечести́вии, скрежета́ху зубы́ свои́ми и единоду́шно устреми́лись на́нь. Низве́ржен бы́л до́лу апо́столе свя́те, с криле́ хра́ма Свята́го. Воста́в же на коле́на, Творцу́ моли́лся о поми́ловании убива́ющих тя́. Ка́мением до сме́рти побива́емь бы́л при стене́ хра́ма Свята́го. Та́м же па́ствою твое́ю погребе́н бы́сть. Мы́ же, ти́, предста́вшу пред престо́лом Святы́я Тро́ицы ра́достно зове́м:

Ра́дуйся, я́ко от иуде́й све́ржен бы́л, небе́сных черто́гов сподо́бился еси́.

Ра́дуйся, я́ко подража́тель стра́сти Госпо́дней бы́л убива́емь.

Ра́дуйся, го́рняго Иерусали́ма апо́стольское основа́ние.

Ра́дуйся, я́ко же́ртву чи́сту прине́сл еси́ Царю́ и Творцу́.

Ра́дуйся, я́ко в Це́рковь Небе́сную свяще́нно вше́л еси́, облива́емь, блаже́нне, кро́вию.

Ра́дуйся, я́ко тя́ засту́пника кре́пкаго пред Бо́гом име́ем.

Ра́дуйся, я́ко престо́лу Святы́я Тро́ицы предстои́ши венцено́сче пра́ведный, нетле́нных наслажда́ешися че́стей.

Ра́дуйся, священному́чениче непобеди́мый, иера́рше прехва́льный и свети́льниче всеми́рный.

Ра́дуйся, Иа́кове, пе́рвый иера́рше Це́ркви Иерусали́мстей и сла́вный священному́чениче!

Конда́к 13

О,пресла́вный апо́столе Иа́кове, бра́те Госпо́день, Це́ркви Христо́вой свети́льниче многосве́тлый. Приими́ от благогове́йных серде́ц с любо́вию приноси́мое хвале́ние тебе́. Испроси́ на́м у Христа́ Бо́га утвержде́ние в ве́ре, оставле́ние прегреше́ний и избавле́ния от ве́чнаго осужде́ния и да удосто́имся в Небе́снем Ца́рствии, ку́пно с тобо́ю, во ве́ки пе́ти Бо́гу: Аллилу́иа.

Этот конда́к читается трижды, затем и́кос 1-й и конда́к 1-й.

И́кос 1

А́нгелов Творе́ц и всея́ тва́ри Соде́тель, яви́ тя́, Иа́кове, я́ко звезду́ многосве́тлую, возсия́вшую на тве́рди Церко́вней, тьму́ лжеве́рия прогоня́ющей, по́двигом све́та ми́р просвеща́ющую. Мы́ же, прибега́юще к заступле́нию твоему́, сицева́я ра́достно тебе́ прино́сим:

Ра́дуйся, я́ко Бо́гом избра́н для объявле́ния та́йн спасе́ния;

Ра́дуйся, я́ко по пло́ти Госпо́день бра́т показа́лся еси́, учени́к и самови́дец неизрече́нных та́йн Его́;

Ра́дуйся, сла́во Це́ркви Вселе́нския;

Ра́дуйся, я́ко без стра́ха и велегла́сно словеса́ Бо́жии среди́ я́рых иуде́ев лю́дям приноси́вший;

Ра́дуйся, це́ркви и́стинный упра́вителю;

Ра́дуйся, богому́дрый учи́телю непостижи́мых та́йн Бо́жиих;

Ра́дуйся, иера́рше Иерусали́ма до́льняго, ны́не пребыва́ющий во Иерусали́ме го́рнем;

Ра́дуйся, я́ко же́ртву чи́сту прине́сл еси́ Царю́ и Творцу́, его́же пред мучи́тели испове́дал, священному́чениче;

Ра́дуйся, Иа́кове, пе́рвый иера́рше це́ркви Иерусали́мстей и сла́вный священному́чениче.

Конда́к 1

Апо́столу Христо́ву, иера́рху пресла́вному, столпу́ необори́му Це́ркви Христо́вой и му́ченику, Иа́кову прему́дрому, бра́ту Бо́жию блаже́нному похва́льная воспису́ем, я́ко хода́таю и ско́рому помо́щнику на́шему. Ты́ же, предстоя́й престо́лу Пресвяты́я Тро́ицы, не преста́й моли́тися о на́с и твои́ми моли́твами сохраня́й на́с от вся́ких бе́д и зо́л, ве́рою пра́зднующих па́мять твою́ и зову́щих:

Ра́дуйся, Иа́кове, пе́рвый иера́рше Це́ркви Иерусали́мстей и сла́вный священному́чениче.

Моли́тва

О,вели́кий уго́дниче Бо́жий, богоизбра́нный и богопросла́вленный апо́столе Иа́кове, бра́те Госпо́день! Ты́ еси́ вели́кий архиере́й гра́да Свята́го, те́плый на́ш засту́пниче и хода́тай, предстоя́щий Престо́лу Пресвяты́я Тро́ицы. Не отри́ни на́с от твоего́ заступле́ния, но воздви́гни на́с низве́рженных мно́гими грехи́. Я́ко священному́ченик, име́яй вла́сть реша́ти и вяза́ти, разреши́ зо́л на́ших соу́зы и любви́ Бо́жией причти́ на́с и Ца́рствия Небе́снаго прича́стники, блаже́нне соде́лай моли́твами твои́ми. Моли́ Христа́ Спа́са, да сподо́бит непреткнове́нно соверша́ти на́ше земно́е стра́нствие, да ве́чныя и блаже́нныя жи́зни на небеси́ сподо́бимся и та́мо, с тобо́ю вку́пе, вы́ну восхваля́ти Тро́ицу Неразде́льную, воспева́ти Еди́но Божество́ Отца́, и Сы́на, и Ду́ха Всесвята́го, во ве́ки веко́в. Ами́нь.

Канон святому апостолу Иакову Алфееву

Припев: Святы́й апо́столе Иа́кове, моли́ Бо́га о на́с.

Пе́снь 1.

Ирмо́с: Я́ко по су́ху пешеше́ствовав Изра́иль по бе́здне стопа́ми, гони́теля фарао́на ви́дя потопля́ема, Бо́гу побе́дную пе́снь пои́м, вопия́ше.

Ру́ку ми́ да́ждь, Богови́дче и учениче́ Христо́в, Иа́кове, честны́й тво́й пра́здник похвали́ти устреми́вшуся, и све́т се́рдцу моему́ твои́ми моли́твами возсия́й.

Струя́ми Боже́ственныя му́дрости напое́н, река́ исте́кл еси́ от рая́ сла́дости и земно́е лице́ тече́ньми благоче́стия и́стинно я́ве напои́л еси́.

Свяще́ннейшему ли́ку учени́к Христо́вых счета́лся еси́, Иа́кове, исполня́я число́ двонадеся́тных; с ни́миже, Влады́це предстоя́, на́с помина́й.

Богоро́дичен: Тя́, Пречи́стая Де́во, не́бо простры́й Госпо́дь и зе́млю основа́вый, не́бо земно́е на́м яви́л е́сть, из Тебе́ проше́д пло́тию.

Пе́снь 3.

Ирмо́с: Не́сть свя́т, я́коже Ты́, Го́споди Бо́же мо́й, вознесы́й ро́г ве́рных Твои́х, Бла́же, и утверди́вый на́с на ка́мени испове́дания Твоего́.

Боже́ственнаго Ду́ха я́ве прие́м зарю́, во тьме́ су́щим, я́ко у́тро, показа́лся еси́ све́тло, Со́лнца мы́сленнаго возвеща́я все́м явле́ние.

Нога́ твоя́ ста́ я́вственно в пра́вости, блаже́нне, у Царя́ Пра́ваго же и Блага́го, лику́ющи боголе́пно и ше́ствующи стезю́ Небе́сную.

Сы́на Безнача́льна Бо́жия, вся́ творя́щаго Боже́ственною вла́стию, неле́стна Тайноучи́теля, зна́ния и́стины тя́ науча́юща, име́л еси́, Иа́кове.

Богоро́дичен: Мари́е, все́х наде́ждо на Тя́ наде́ющихся, ро́ждши Сло́во, воплоще́нное на́с ра́ди, разли́чных мя́ напа́стей и бе́д, Пречи́стая, изба́ви.

Седа́лен, гла́с 8.

Му́дрость и́стинно учи́теля име́в, тя́ науча́ющую су́щим па́че ума́, му́дрость объюро́дил еси́ е́ллинскую, богодухнове́нне; и язы́ком бы́л еси́ свети́льник Боже́ственный, благоче́стия словесы́ направля́я безу́мныя. Те́м изба́вленнии тобо́ю от пре́лести, досто́йно пое́м тя́ и ве́рно ублажа́ем, богоглаго́ливе Иа́кове: моли́ Христа́ Бо́га грехо́в оставле́ние пода́ти чту́щим любо́вию святу́ю па́мять твою́.

Богоро́дичен: Со́лнца о́блаче разу́мнаго, Боже́ственнаго Све́та Свети́льниче златокова́нный, Нескве́рная, Небла́зная, Всенепоро́чная Влады́чице, омраче́нную ду́шу мою́ ослепле́нием страсте́й безстра́стия заре́ю просвети́, молю́ся; и оскверне́нное мое́ се́рдце омы́й пото́ки умиле́ния, покая́ния же слеза́ми, и от тиме́ния мя́ очи́сти де́л мои́х, да любо́вию зову́ Ти́: Богоро́дице Присноде́во, моли́ Христа́ Бо́га прегреше́ний оставле́ние пода́ти ми́, Тебе́ бо име́ю наде́жду, ра́б Тво́й.

Пе́снь 4.

Ирмо́с: Христо́с моя́ си́ла, Бо́г и Госпо́дь, Честна́я Це́рковь боголе́пно пое́т, взыва́ющи от смы́сла чи́ста о Го́споде пра́зднующи.

Са́м тя́ Госпо́дь Еди́н Святы́й честно́му ли́ку ученико́в, блаже́нне, сочета́, честно́е и све́тлое жития́ твоего́ прови́девый.

Чуде́с испо́лнен Боже́ственнаго Ду́ха бы́в, богопропове́дниче, чудотвори́ши бо, неду́ги отгоня́я, и лука́вства духо́в челове́ки свободи́л еси́.

Боже́ственное сия́ние, наше́дшее се́рдцу твоему́, блаже́нне, богосве́тло сие́ соде́ла и прия́тно па́че ума́ дарова́ний сотвори́.

Богоро́дичен: Боже́ственным Твои́м Рождество́м, Де́во Всечи́стая, а́нгельстии чи́ни и земны́х собо́ри совокупи́шася; Миронача́льника бо Христа́ и Спа́са все́х родила́ еси́.

Пе́снь 5.

Ирмо́с: Бо́жиим све́том Твои́м, Бла́же, у́тренюющих Ти́ ду́ши любо́вию озари́, молю́ся, Тя́ ве́дети, Сло́ве Бо́жий, И́стиннаго Бо́га, от мра́ка грехо́внаго взыва́юща.

Со́лнцу, блаже́нне, у́мному собесе́дник бы́в, лучи́ ты́ отту́ду прие́мля, е́же по существу́ пе́рвый То́й е́сть, вторы́й по благода́ти бы́л еси́, сла́вне.

У́м чисте́йший име́в, све́тло же и чи́сто се́рдце ты́ стяжа́в, вопло́щшагося Бо́га ви́дел еси́, непостижи́маго ра́зумом.

Уступа́ет ти́, учениче́, вся́ко проро́чество, и вся́ко законоположе́ние, пребога́те; те́ми бо дре́вле Пропове́даемаго самови́дно сподо́бился еси́, блаже́нне, ви́дети.

Богоро́дичен: Се́, Де́во, проро́чески име́ла еси́ во чре́ве Твое́м, Су́щаго над все́ми Влады́ку и Го́спода, и неизрече́нно Сего́, Чи́стая, родила́ еси́, Де́во, по Рождестве́ нетле́нна пребы́вши.

Пе́снь 6.

Ирмо́с: Жите́йское мо́ре, воздвиза́емое зря́ напа́стей бу́рею, к ти́хому приста́нищу Твоему́ прите́к, вопию́ Ти́: возведи́ от тли́ живо́т мо́й, Многоми́лостиве.

Но́ги твоя́ кра́сныя ми́р неле́стно я́ко благовеству́юще, ми́р су́що преесте́ственный, и у́м преиму́щий, учениче́ Христо́в всече́стне.

Разуме́ти та́инство и пропове́дати стра́шное Бо́жия воплоще́ния сподо́бился еси́, Иа́кове, перводе́льныя лучи́ прие́мый от Самаго́ Высоча́йшаго, приснопа́мятне.

Неизрече́ннаго све́та сия́я све́тлостьми досто́йно, верхо́вный Христо́в апо́столе, приле́жно моли́ся о творя́щих па́мять твою́, сла́вне, пречестну́ю.

Богоро́дичен: Все́ми влады́чествующа тва́рьми я́ко Бо́га Блага́го ро́ждши, согреше́ний мои́х, Пречи́стая, стру́пы до конца́ потреби́, благоутро́бна содева́ющи Ро́ждшагося из Тебе́.

Конда́к, гла́с 2.

Тве́рдо му́дрости догма́ты в ду́ши благочести́вых вложи́вшаго похвала́ми да ублажи́м я́ко Боговеща́теля вси́ Иа́кова: Престо́лу бо сла́вы Влады́чню предстоя́ и со все́ми А́нгелы ра́дуется, моля́ непреста́нно о все́х на́с.

И́кос.

Я́ко учени́к Христо́в и дру́г Невеще́ственным лико́м спребыва́яй при́сно, и, Све́том озаря́емь невече́рняго светодая́ния, ума́ моего́ тьму́ разреши́, всеблаже́нне: я́ко да твою́ светоно́сную па́мять воспою́, ю́же пое́т вся́ тва́рь, благоче́стно пра́зднующи дне́сь; все́х бо ве́рных наста́вник и свети́льник бы́л еси́, Иа́кове, моля́ непреста́нно о все́х на́с.

Пе́снь 7.

Ирмо́с: О́троцы в Вавило́не, пе́щнаго пла́мене не убоя́шася, но посреде́ пла́мене вве́ржени, ороша́еми, поя́ху: благослове́н еси́, Го́споди, Бо́же оте́ц на́ших.

Све́тлостьми и сия́ньми Ду́ха просвеще́ннаго, язы́к мно́жество се́мя Боже́ственное тя́ имену́ет, зову́ще: благослове́н еси́, Го́споди, Бо́же оте́ц на́ших.

Му́дростию укра́шен богодарова́нною ти́ разори́л еси́ мирску́ю му́дрость, богому́дренно зовы́й, апо́столе: благослове́н еси́, Го́споди, Бо́же оте́ц на́ших.

Во всю́ зе́млю изы́де веща́ние твое́, апо́столе Иа́кове, е́же возвести́л еси́, я́ко гро́м, все́м страна́м, прему́дре, Воплоще́нное Сло́во досто́йно пропове́дая.

Богоро́дичен: Святы́х святе́йши, Де́во Ма́ти, Ты́ была́ еси́, я́ко ро́ждши Бо́га несказа́нно, Его́же воспева́юще, непреста́нно зове́м: благослове́н еси́, Го́споди, Бо́же оте́ц на́ших.

Пе́снь 8.

Ирмо́с: За зако́ны оте́ческия блаже́ннии в Вавило́не ю́ноши, предбе́дствующе, царю́ющаго оплева́ша повеле́ние безу́мное и, совоку́плени и́мже, не свари́шася огне́м, Держа́вствующему досто́йную воспева́ху пе́снь: Го́спода по́йте дела́ и превозноси́те во вся́ ве́ки.

Священноучени́к, Небе́сным науче́н и́стинно, блаже́нне, та́инством, проше́л еси́ всю́ вселе́нную, апо́столе, пропове́дая велегла́сно сло́во ве́ры Христо́вы и науча́я неизрече́нною благода́тию: Го́спода воспева́йте дела́ и превозноси́те во вся́ ве́ки.

Бога́т бы́л еси́ и блаже́н, сподо́блен вся́каго блаже́нства, я́ко собесе́дник и сообита́тель бы́в Влады́це, и коне́чное и́стинно жре́бием до́бре обога́щся, и Сло́ву, свеселя́ся, воспева́ше: Го́спода по́йте дела́ и превозноси́те во вся́ ве́ки.

За ми́р моли́твенник изя́щнейший ко Спа́су ста́ни, блаже́нне апо́столе, прося́ свы́ше бога́тнаго ми́ра Це́рквам, и хва́лящим тя́ ве́рно прегреше́ний оставле́ние, и душа́м спасе́ние, вопию́щим: Го́спода по́йте дела́ и превозноси́те во вся́ ве́ки.

Богоро́дичен: Ты́ спасе́ния все́м Хода́таица, Богома́ти, яви́лася еси́, Еди́на Всепе́тая, Спа́са ро́ждши Бо́жия, Бо́га Сло́ва, изба́вльшаго на́с дре́вния кля́твы и благослове́ние дарова́вшаго ве́рою зову́щим: Го́спода по́йте дела́ и превозноси́те во вся́ ве́ки.

Пе́снь 9.

Ирмо́с: Не рыда́й Мене́, Ма́ти, зря́щи во гро́бе, Его́же во чре́ве без се́мене зачала́ еси́, Сы́на: воста́ну бо, и просла́влюся, и вознесу́ со сла́вою непреста́нно я́ко Бо́г ве́рою и любо́вию Тя́ велича́ющия.

Яви́лся еси́ ми́ру, я́коже мо́лния претека́я, во тьме́ дре́вле и се́ни неве́дения седя́щия, влеки́й ко Све́ту незаходи́мому Вопло́щшагося Единоро́днаго Сы́на, Его́же самови́дец и де́йственный слуга́ бы́л еси́, блаже́нне; Его́же велича́ем.

Бу́рное, блаже́нне, от небесе́ носи́мое дыха́ние прие́м и язы́ком огнедохнове́нным обога́щся, пожига́еши, я́ко те́рние, безбо́жную мирску́ю му́дрость, свеща́тельными заря́ми пропове́дания Христо́ва сия́я и мра́к разоря́я, Богоблаже́нне.

Приими́, Богогла́се апо́столе Иа́кове, моле́бную пе́снь, ю́же ти́ прино́сим, твою́ пра́зднующе пречестну́ю и пресве́тлую па́мять; изба́ви от грехо́в рабы́ твоя́, верхо́вный Христо́в апо́столе, приле́жно моля́ся, да досто́йно тя́ велича́ем.

Богоро́дичен: Я́ко неискусому́жно во чре́ве Твое́м прие́мши Сло́во, пребыла́ еси́ Нетле́нна, Пречи́стая Де́во, и ро́ждши на́м Емману́ила, су́щаго вку́пе Бо́га и Челове́ка. Сего́ сугу́ба естество́м ве́дуще, Тя́ велича́ем.

Свети́лен.

Не я́ко сы́на Алфе́ева, но я́ко ученика́ Сло́ва, разуме́ем тя́, Иа́кове, апо́столов сла́во: и́бо Боже́ственное сия́ние я́вственно прия́л еси́ и благода́ть чуде́с отгоня́ти неду́ги от челове́к, ве́рою соверша́ющих всесвяще́нную па́мять твою́.

Богоро́дичен: Я́ко иму́щи благоутро́бие и ми́лость вели́кую, Богоро́дице Де́во, при́зри, Пренепоро́чная, на мое́ смире́ние и стра́стную бу́рю и печа́лей нахожде́ние разжени́, Чи́стая, и огня́ гее́нскаго изба́ви мя́ Твои́ми моли́твами.

Канон святому апостолу Иакову Зеведееву

Припев: Святы́й апо́столе Иа́кове, моли́ Бо́га о на́с.

Пе́снь 1.

Ирмо́с: Колесницегони́теля фарао́ня погрузи́ чудотворя́й иногда́ Моисе́йский же́зл, крестообра́зно порази́в и раздели́в мо́ре, Изра́иля же беглеца́, пешехо́дца спасе́, пе́снь Бо́гови воспева́юща.

Твое́ю мре́жею, я́ко лове́ц иску́сен, от прегреше́ний глубины́ возве́д, блаже́нне, ду́шу мою́ просвети́ светолу́чными сия́нии и похвали́ти твою́ досто́йно, о богоявле́нне Иа́кове, па́мять, учениче́, сподо́би.

Преве́чный Отцу́, Собезнача́льный, пресоверше́нный же Бо́г, вопло́щся, яви́ся на земли́ я́ко Челове́к и соде́йственника благода́ти показа́, блаже́нне, и служи́теля тя́ прему́дра, си́лою Его́ укрепля́ема.

Разуме́ твоея́ души́ благоро́дие, тя́ Прове́дец Бо́г, и тве́рдость, учениче́, и непобори́му мы́сль, сла́вне, Свои́м служи́телем лу́чша поста́ви, язы́ком возвеща́юща.

Богоро́дичен: Сове́та Вели́каго, о́тче, А́нгел, от Де́вы Ма́тере я́влься ми́ру, пло́ть прие́мь, я́ко доброде́тельми укра́шена ученика́ тя́ показу́ет и богогла́сника, Иа́кове, словеса́ Его́ вети́йствующа.

Пе́снь 3.

Ирмо́с: Утвержде́й в нача́ле небеса́ ра́зумом и зе́млю на вода́х основа́вый, на ка́мени мя́, Христе́, за́поведей Твои́х утверди́, я́ко не́сть свя́т, па́че Тебе́, еди́не Человеколю́бче.

Свы́ше тя́ дыха́ние ну́ждное Уте́шителя разже́гше, му́дра богогла́сника, вети́йствующа я́ве вели́чия показа́ вопло́щшагося Сло́ва, Его́же и самови́дец бы́л еси́.

Тя́, я́коже стрелу́ избра́нну, сло́вом изощре́нну, в сердца́ враго́в вонзи́, растерза́я ду́ши сопроти́вных, прему́дре, и пленя́я, таи́нниче, си́х коры́сти, Иа́кове.

Нескве́рныя твоея́ души́ ти́хость Влады́це узре́ся, и пре́жде зва́ния, блаже́нне, достоприя́тен Ему́ яви́лся еси́, о Иа́кове, и смотре́ния Его́ учени́к бы́л еси́.

Свяще́нным твои́м, му́дре, житие́м и светоно́сным, е́же к Бо́гу сро́дством, всеблаже́нне, украша́емь я́сно, и соо́бщник показа́лся еси́, измла́да бо яви́лся еси́ Сло́ва ссе́льник.

Богоро́дичен: Две́рь яви́ся мы́сленная Восто́ка свы́ше, су́щим на земли́ я́вльшагося, Де́во: Тобо́ю бо к на́м Сло́во прии́де спасти́ все́х от безслове́сия, Пречи́стая.

Седа́лен:

Улови́в язы́ки апо́стол сла́вный и научи́в концы́ земны́я Тебе́ кла́нятися со Отце́м и Ду́хом, Христе́ Бо́же, того́ ра́ди утверди́ Це́рковь Твою́ и ве́рным низпосли́ благослове́ние Твое́, Еди́не Ми́лостиве и Человеколю́бче.

Богоро́дичен: Прему́дрость и Сло́во в Твое́м чре́ве заче́нши неопа́льно, Ма́ти Бо́жия, ми́ру родила́ еси́ ми́р Содержа́щаго, и во объя́тиях понесла́ еси́ вся́ Нося́щаго, Пита́теля все́х и Творца́ тва́ри. Те́мже молю́ Тя, Всесвята́я Де́во, и ве́рно сла́влю Тя́ изба́витися ми́ от прегреше́ний, и в де́нь Суда́, егда́ предста́ти и́мам пред лице́м Созда́теля моего́, Влады́чице Де́во Чи́стая, Твою́ по́мощь тогда́ пода́ждь ми́: вся́ бо мо́жеши, ели́ка хо́щеши, Всепе́тая.

Пе́снь 4.

Ирмо́с: Ты́ моя́ кре́пость, Го́споди, Ты́ моя́ и си́ла, Ты́ мо́й Бо́г, Ты́ мое́ ра́дование, не оста́вль не́дра О́тча, и на́шу нищету́ посети́в. Те́м с проро́ком Авваку́мом зову́ Ти: си́ле Твое́й сла́ва, Человеколю́бче.

Пропове́дник Христо́в бы́в, боже́ственный Иа́кове, ты́, зва́н, у́бо ско́ро после́довал еси́, оте́ческую любо́вь презре́в и ве́чная измени́в теку́щими; те́м неизрече́ннаго небе́снаго насле́дия сподо́бился еси́, блаже́нне приснопа́мятне.

О, те́плаго жела́ния твоего́ ко Влады́це Христу́! Ты́ бо Сего́ зело́ возжела́л еси́, сия́нием Того́ просве́щся, я́коже и вообрази́тися, и яви́тися все́м све́т вторы́й, пе́рваго заря́ми озари́вся и сла́вою, всече́стне блаже́нне Иа́кове.

Житие́ че́стно име́л еси́ и пречу́дно, жела́нием бо жела́ние неодержи́мо прие́мь, жела́нии богонача́лия соверше́ннаго блаже́нства дости́гл еси́, богови́дче, со безпло́тными поя́: си́ле Твое́й сла́ва, Человеколю́бче.

Всего́ себе́ манове́нию отда́в Влады́чню, учениче́ Богозра́чне, доброде́тельми взя́лся еси́ явле́нно к высоте́ и боже́ственному вои́стинну кра́ю, и отту́ду целе́б ре́ки источа́еши па́мять твою́ ве́рно сла́вящим.

Богоро́дичен: Ты́ ве́рных похвала́ еси́, Безневе́стная, Ты́ Предста́тельница, Ты́ и прибе́жище христиа́н, стена́ и приста́нище, к Сы́ну бо Твоему́ мольбы́ но́сиши, Всенепоро́чная, и спаса́еши от бе́д ве́рою и любо́вию Богоро́дицу Чи́стую Тебе́ зна́ющия.

Пе́снь 5.

Ирмо́с: Вску́ю мя́ отри́нул еси́ от лица́ Твоего́, Све́те незаходи́мый, и покры́ла мя́ е́сть чужда́я тма́ окая́ннаго? Но обрати́ мя, и к све́ту за́поведей Твои́х пути́ моя́ напра́ви, молю́ся.

Но́в, я́коже Илия́, ре́вностию разжига́емь, непоко́ршияся пропове́данию твоему́ попали́ти восхоте́л еси́, сла́вне, но возбрани́ тебе́ Хоти́тель милосе́рдия, науча́я кро́тости благода́тней.

Вше́д, доброде́телию коне́чною впери́м любве́ ра́ди лу́чших, престо́л Влады́ки возжела́л еси́, прему́дре, нача́льная держа́ти, не я́ко жела́я сла́вы су́етныя, но зре́ти посреди́ Его́же возжела́л еси́.

Превзы́де уста́вы, Спа́се, Иа́ков челове́чества, во Твою́ бо си́лу, я́ко в ри́зу, обле́кся, исцеле́ния то́чит ре́ки и чуде́с и просвеща́ет ве́рою концы́.

Све́тел тя́ о́блак Сло́ва, облиста́юща сла́вою обоже́на, на Фаво́рстей горе́ осени́, блаже́нне Иа́кове, и гла́с слы́шати Оте́ческий сподо́бился еси́, известву́яй Того́ Сыновство́.

Пе́снь 6.

Ирмо́с: Бе́здна грехо́в и прегреше́ний бу́ря мя́ смуща́ет и во глубину́ ну́жднаго ре́ет мя́ отча́яния, но Твою́ кре́пкую ру́ку мне́ простри́, я́ко Петро́ви, о Упра́вителю! и спаси́.

Струи́, я́ко от исто́чника, исцеле́ний непреста́нно излива́я и просвеще́ние уче́ния благоче́стно источа́я, му́дре, ду́ши, благоче́стно любо́вию, Иа́кове, приступа́ющия, просвеща́еши, преблаже́нне.

Сосу́д вместя́щ Влады́ка обре́т тя́, преблаже́нне, Своего́ бога́тнаго и честна́го дая́ния, оби́лует дарова́нии, и́же па́че ума́ та́инств, служи́телю присносу́щныя жи́зни.

Умерщвле́ние на́с ра́ди Влады́ка восхоте́ восприя́ти, ме́ртвых вину́ и́стиннаго воскресе́ния, я́ко му́дра таи́нника, блаже́нне, тя́ взя́т соде́тельника, в нощи́, в не́йже предая́шеся.

Богоро́дичен: Бе́здну щедро́т ро́ждшая, Богоро́дице Де́во, от печа́льных жития́ ду́шу мою́ спаси́ и ра́дости духо́вныя две́ри ми́ отве́рзи, на Тя́ бо еди́ну наде́жду мою́ возложи́х.

Конда́к:

Гла́с Боже́ственный слы́шав, призыва́ющ тя́, любо́вь отца́ презре́л еси́ и прите́кл еси́ ко Христу́, Иа́кове, с сро́дником твои́м, сла́вне, с ни́мже сподо́бился еси́ ви́дети Госпо́дне Боже́ственное преображе́ние.

И́кос:

Вку́пе сы́й с бра́том в се́лех небе́сных, и́же свята́я ны́не ага́ряны попира́ющия, нога́ми скве́рными и нечи́стыми ходя́щия, боже́ственными ва́шими моли́твами отжени́те, и мучи́телем умышле́ния отсе́кше, и и́же от ни́х мно́жества ра́ди согреше́ний на́ших держи́мых, ны́не свобожде́ния сподо́бите: я́ко да во еди́но собра́вшеся, ви́дим Госпо́дне Боже́ственное преображе́ние.

Пе́снь 7.

Ирмо́с: Бо́жия снисхожде́ния о́гнь устыде́ся в Вавило́не иногда́, сего́ ра́ди о́троцы в пещи́, ра́дованною ного́ю, я́ко во цве́тнице, лику́юще поя́ху: благослове́н еси́, Бо́же оте́ц на́ших.

Ча́шу испи́л еси́, я́коже обеща́лся Влады́це Христу́, креще́нием Сего́ ты́ крести́лся еси́, богоблаже́нне. Ему́же ны́не усе́рдно зове́ши, ра́дуяся: благослове́н Бо́г оте́ц на́ших.

Заре́ю осия́емь боговиде́ния, яви́лся еси́, Иа́кове. Сего́ ра́ди тя́ венце́м Ца́рствия Благода́тель Христо́с украша́ет, со а́нгелы пою́ща: благослове́н Бо́г оте́ц на́ших.

Се́ тебе́ испо́лни обеща́ния Великода́вец, к Нему́ возне́сся подо́бием страда́ний Его́, Ему́же предстоя́, ны́не зове́ши, ра́дуяся: благослове́н Бо́г оте́ц на́ших.

Богоро́дичен: Дво́ицу у́бо естество́м, но не лице́м, Ма́ти, пропове́дуем, из Тебе́ воплоще́ннаго. Его́же пло́тию изобража́ем и покланя́емся зра́ка воображе́нию, Тебе́ ра́ди Бо́гу прими́ршиися, Чи́стая.

Пе́снь 8.

Ирмо́с: Седмери́цею пе́щь халде́йский мучи́тель богочести́вым неи́стовно разжже́, си́лою же лу́чшею спасе́ны сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Авраа́мское предложе́ние ты́, богови́дче, стяжа́л еси́, призва́вшему тя́ Христу́ после́дуя, и пресве́тел служи́тель бы́л еси́ Ему́, я́ко Соде́телю и Изба́вителю, поя́: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Крепча́йше яви́ся гро́ма твое́ провозглаше́ние, зако́ннаго о́браза шуме́ние. Христа́ бо возгреме́л еси́ вселе́нней все́й, Бо́га, и Соде́теля, и Изба́вителя, поя́: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Удиви́лся еси́, сла́вне, муче́ния све́тлостию и благоче́стия и́стинным просвеще́нием, я́ко кня́зь апо́стол поста́влен бы́л еси́ по все́й земли́, Соде́телю и Изба́вителю поя́: о́троцы, благослови́те, свяще́нницы, воспо́йте, лю́дие, превозноси́те Христа́ во ве́ки.

Богоро́дичен: Вити́йстии язы́цы Тебе́ воспе́ти не мо́гут, о Богороди́тельнице, Мари́е Богоневе́сто! Бо́га бо родила́ еси́, су́щаго над все́ми, Отрокови́це Чи́стая, Соде́теля и Изба́вителя, Ему́же вопие́м: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Пе́снь 9.

Ирмо́с: Ужасе́ся о се́м не́бо, и земли́ удиви́шася концы́, я́ко Бо́г яви́ся челове́ком пло́тски, и чре́во Твое́ бы́сть простра́ннейшее небе́с. Те́м Тя́, Богоро́дицу, а́нгелов и челове́к чинонача́лия велича́ют.

Свя́то преше́д твое́ житие́, святы́х селе́ния дости́гл еси́, иде́же, ра́дуяся, зарю́ зри́ши трисия́нную; ея́же наслажда́яся, прему́дре, испо́лнены весе́лия певцы́ твоя́ и ра́дости, преблаже́нне, покажи́ твои́ми моли́твами, о Иа́кове!

Ви́дети тя́ злоде́и и уби́йцы, я́коже твоего́ Влады́ки пре́жде, не терпя́ще: те́х бо дея́ния укоря́я, твоего́ жития́ предложе́нием обличи́л еси́, убива́ют мече́м подража́теля Христу́, распя́тому пло́тию за челове́ки, о богоглаго́ливе преблаже́нне!

Ору́жием небе́сным томле́н бы́в, ра́нами И́род поги́бе, я́ко Твоя́, Сло́ве, служи́тели и ученики́, и́хже апо́столы наре́кл еси́, убива́ти не дово́лен бы́сть окая́нный. Те́мже тя́, пра́ведному промышле́нию Благода́теля, уди́вльшеся, велича́ем.

Богоро́дичен: Яви́лася еси́, о Де́во, Ма́ти Бо́жия, па́че естества́ ро́ждши пло́тию Бо́га Сло́ва, Его́же Оте́ц отры́гну от се́рдца Своего́, пре́жде все́х ве́к, я́ко Бла́г, Его́же ны́не и теле́с превы́шша разумева́ем, а́ще и в те́ло облече́ся.

Свети́лен:

Иа́кова воспое́м Зеведе́ова вси́: со Христо́м бо взы́де на го́ру Фаво́рскую, и зри́тель бы́сть Боже́ственнаго преображе́ния, и, соше́д, пропове́даша в четвероконе́чную всю́ с Петро́м и Иоа́нном.