'

Вопросы священнику

Задайте интересующий вопрос прямо на сайте и получите ответ от священника

Полезные материалы

Об исцелении читают акафист свт. Луке Крымскому

О чтении акафиста святителю Луке (Войно-Ясенецкому)

Как просить помощи у матушки Матроны Московской

О молитве блаженной Матроне Московской

О чтении акафиста Кресту Господню

Крест рисуют на стенах квартир, ставят его начертание на дверных косяках и оконных проемах

Как правильно читать акафист свт. Николаю Чудотворцу

Текст акафиста свт. Николаю на русском языке с ударениями

Спасибо что зашли на наш сайт, перед тем как начать чтение вы можете подписаться на интересную православную mail рассылку, для этого вам необходимо кликнуть по этой ссылке «Подписаться»

Творение иеромонаха Серафима Платинскаго

Конда́к 1

Подо́бен: Взбра́нной Воево́де:
Избра́нный чудотво́рче и изря́дный уго́дниче Христо́в,
всему́ ми́ру источа́яй оби́льныя струи́ духо́внаго наставле́ния
и ди́вных чуде́с мно́жество,
восхваля́ем тя с любо́вию и зове́м ти:
Ра́дуйся, святи́телю о́тче Иоа́нне,
в беда́х ско́рый помо́щниче.

И́кос 1

А́нгела о́бразом яви́ тебе́ в после́дняя времена́ всея́ тва́ри Созда́тель, да с ми́лостию Бо́жиею пече́шися о лю́дех земны́х. Взира́юще же на доброде́тели твоя́, преблаже́нне Иоа́нне, вопие́м ти си́це:
Ра́дуйся, с ра́нняго де́тства благоче́стием украше́нный;
ра́дуйся, со стра́хом и тре́петом во́лю Бо́жию испо́лнивый.
Ра́дуйся, яви́вый благода́ть Бо́жию в та́йных благодея́ниих;
ра́дуйся, бы́строе дале́че су́щих стра́ждущих услы́шание.
Ра́дуйся, любвеоби́льное поспеше́ние бли́жним свои́м во спасе́ние;
ра́дуйся, ра́дование всем с ве́рою к тебе́ припа́дающим.
Ра́дуйся, святи́телю о́тче Иоа́нне, в беда́х ско́рый помо́щниче.

Конда́к 2

Ви́дяще оби́льное доброде́телей твои́х излия́ние, святи́телю сла́вный Иоа́нне, просвеща́емся ду́хом, я́ко бо живоно́сный исто́чник чуде́с Бо́жиих, напоя́еши нас, ве́рно вопию́щих к Бо́гу: Аллилу́ия.

И́кос 2

Ра́зум име́яй преиспо́лненный любве́, ку́пно и богосло́вия, богому́дре Иоа́нне, и богопозна́нием умудре́нный, и к стра́ждущим лю́дем любо́вию украше́нный, познава́ти и́стиннаго Бо́га нас научи́, да и мы во умиле́нии вопие́м ти:
Ра́дуйся, непоколеби́мая тверды́не и́стины Правосла́вия;
ра́дуйся, драгоце́нный сосу́де Ду́ха Свята́го.
Ра́дуйся, честны́й обличи́телю неве́рия и лжеуче́ния;
ра́дуйся, ре́вностный исполни́телю за́поведей Бо́жиих.
Ра́дуйся, подви́жниче, не дая́й на ло́жи себе́ отдохнове́ния;
ра́дуйся, возлю́бленный па́стырю ста́да Христо́ва.
Ра́дуйся, святи́телю о́тче Иоа́нне, в беда́х ско́рый помо́щниче.

Конда́к 3

Си́лою благода́ти Бо́жия благи́й сиропита́тель и наста́вник ю́ношам яви́лся еси́, воспиту́я в стра́се Бо́жием и приуготовля́я их к служе́нию Бо́гови. Сего́ ра́ди ча́да твоя́ взира́ют на тя и, благодаря́ще, вопию́т Бо́гу: Аллилу́ия.

И́кос 3

Име́яше вои́стину, о́тче Иоа́нне, с небесе́ тебе́ песнь воспева́ема бы́ти, а не от земли́: ка́ко бо кто от челове́к возмо́гл бы твои́х дел вели́чие пропове́дати? Мы же, принося́ще Бо́гу, я́же и́мамы, вопие́м ти си́це:
Ра́дуйся, непреста́нною моли́твою покрыва́яй ча́да твоя́;
ра́дуйся, охрани́телю ста́да твоего́ кре́стным зна́мением.
Ра́дуйся, любве́ вели́кия вмести́лище, не взира́яй на язы́ков разли́чие;
ра́дуйся, свети́льниче всесве́тлый и вселюби́мый.
Ра́дуйся, о́бразе моли́твы непреста́нныя и милосе́рдия;
ра́дуйся, утеше́ний духо́вных пода́телю тре́бующим.
Ра́дуйся, святи́телю о́тче Иоа́нне, в беда́х ско́рый помо́щниче.

Конда́к 4

Бу́рею напа́стей одолева́еми: ка́ко досто́йно возмо́жем восхвали́ти чудеса́ твоя́, блаже́нне Иоа́нне? Я́ко проше́л еси́ до коне́ц вселе́нныя, спасе́ния ра́ди па́ствы твоея́ и благовествова́ния Ева́нгелия су́щим во тьме. Благодаря́ще же Бо́га за апо́стольския труды́ твоя́, воспева́ем Ему́: Аллилу́ия.

И́кос 4

Слы́шаша бли́жнии и да́льнии вели́чие чуде́с твои́х, Бо́жиею ми́лостию да́же до на́шего вре́мене явля́емых, те́мже, в тебе́ Бо́гу прославля́ющемуся дивя́щеся, в стра́се вопия́ху:
Ра́дуйся, просвети́телю су́щих во тьме неве́рия;
ра́дуйся, приведы́й люде́й твои́х с восто́ка да́льняго до за́пада.
Ра́дуйся, исто́чниче чуде́с, излива́емых Бо́гом;
ра́дуйся, с любо́вию вразумля́яй заблу́ждших.
Ра́дуйся, ско́рый уте́шителю ка́ющихся о гресе́х свои́х;
ра́дуйся, путевождю́ гряду́щих путе́м пра́вым.
Ра́дуйся, святи́телю о́тче Иоа́нне, в беда́х ско́рый помо́щниче.

Конда́к 5

Богодарова́нный свет яви́лся еси́, бу́ри всех лю́тых разгоня́яй, су́щих на о́строве от ви́хрей смертоно́сных моли́твами твои́ми охраня́яй, святи́телю Иоа́нне, и кре́стным зна́мением огражда́яй. Научи́ и нас, призыва́ющих тя в по́мощь, чудотво́рче святы́й, к Бо́гу с дерзнове́нием взыва́ти: Аллилу́ия.

И́кос 5

Ви́дим мно́гую по́мощь твою́ в напа́стех и обстоя́ниях, преблаже́нне о́тче Иоа́нне, дерзнове́нный бо хода́тай пред Престо́лом Бо́жиим и ско́рый в беда́х помо́щник еси́. Того́ ра́ди и мы на твое́ предста́тельство пред Бо́гом упова́ем и вопие́м ти:
Ра́дуйся, стихи́й опа́сных прогони́телю;
ра́дуйся, моли́твою твое́ю от нужд избавля́яй.
Ра́дуйся, а́лчущим хле́ба при́сный пода́телю;
ра́дуйся, приуготовля́яй прося́щим изоби́лие.
Ра́дуйся, уте́шителю в ско́рбех су́щих;
ра́дуйся, мно́гих па́дших от поги́бели исхи́тивый.
Ра́дуйся, святи́телю о́тче Иоа́нне, в беда́х ско́рый помо́щниче.

Конда́к 6

Пропове́дуя спасе́ние, я́ко но́вый Моисе́й гугни́вый, яви́лся еси́, изводя́ лю́ди твоя́ из пле́на безбо́жных, преблаже́нне Иоа́нне. Изба́ви и нас от рабо́ты грехо́вныя и враго́в неви́димых, да, ра́дующеся, вопие́м к Бо́гу: Аллилу́ия.

И́кос 6

Возсия́в пра́ведностию твое́ю, соверши́л еси́ неисполни́мое, о до́брый па́стырю: преклони́л бо еси́ вла́сти мирски́я сострада́ти о лю́дех твои́х. Того́ ра́ди с ни́ми ку́пно и мы благода́рственно вопие́м ти:
Ра́дуйся, па́стырю до́брый, па́стве твое́й, пресе́льником, ти́хое приста́нище угото́вавый;
ра́дуйся, о де́тех и боля́щих наипа́че попече́ние име́вый.
Ра́дуйся, усе́рдно тя призыва́ющим ве́рно помога́яй;
ра́дуйся, я́ко в немощне́м телеси́ твое́м си́ла Бо́жия незави́стно соверша́шеся.
Ра́дуйся, отрази́телю нападе́ния нечести́вых;
ра́дуйся, помрачи́телю лжи и прояви́телю и́стины.
Ра́дуйся, святи́телю о́тче Иоа́нне, в беда́х ско́рый помо́щниче.

Конда́к 7

Хотя́ досто́йно просла́вити дре́вних святы́х за́пада, отпа́дшаго от и́стины, возстанови́л еси́ почита́ние их в Це́ркви Правосла́вной, о люби́телю святы́х восто́ка и за́пада. Днесь с ни́ми на небеси́ моли́ о нас, пою́щих на земли́: Аллилу́ия.

И́кос 7

Но́ваго ви́дим тя избра́нника Бо́жия, и́же вку́пе со святи́тели дре́вния Га́ллии яви́лся еси́ в после́дняя времена́, я́ко еди́н от сих, вдохновля́я па́ству твою́ соблюда́ти правосла́вную ве́ру, я́коже си́и на за́паде испове́даху. Сохрани́ и нас в ве́ре сей пребыва́ти, вопию́щих ти:
Ра́дуйся, но́вый Марти́не в воздержа́нии, по́двизех и чудесе́х твои́х;
ра́дуйся, но́вый Ге́рмане во испове́дании твое́м правосла́вныя ве́ры.
Ра́дуйся, но́вый Ила́рие в боже́ственном богосло́вии;
ра́дуйся, но́вый Григо́рие в почита́нии и прославле́нии уго́дников Бо́жиих.
Ра́дуйся, но́вый Фа́всте и́ноческим усе́рдием;
ра́дуйся, но́вый Кеса́рие в тве́рдой любви́ ко пра́вилом Це́ркве Бо́жии.
Ра́дуйся, святи́телю о́тче Иоа́нне, в беда́х ско́рый помо́щниче.

Конда́к 8

Стра́нное виде́ние предста́ ти: в земли́ но́вей встре́тил еси́ па́ству твою́ бы́вшую, смуща́ему скорбьми́ мно́гими, но я́ко ди́вный па́стырь наста́вил еси́ ю́ поуче́нием, терпе́нием и пра́ведностию твое́ю, и це́рковь Бо́жия Ма́тере, я́же всех скорбя́щих Ра́дость есть, воздви́гл еси́: мы же, удивля́ющеся терпе́нию и смире́нию твоему́, благода́рно вопие́м к Бо́гу: Аллилу́ия.

И́кос 8

Всего́ себе́ преда́в Христу́, был еси́ де́латель виногра́да Его́, богоно́сне о́тче, не ве́дал бо еси́ поко́я до конца́ многострада́льнаго живота́ твоего́. Помози́ и нам, недосто́йным, в де́ланиих на́ших и в на́шем прилежа́нии в ве́рности Христу́, да, сла́вяще, вопие́м ти:
Ра́дуйся, претерпе́вый до конца́ и дости́гший спасе́ния;
ра́дуйся, пред ико́ною Богома́тере умре́ти сподо́бивыйся.
Ра́дуйся, посреде́ гоне́ния непра́веднаго му́жественный пра́вды храни́телю;
ра́дуйся, соверши́вый служе́ние свое́ до конца́ и кончи́ну прие́мый седя́, я́ко иера́рх.
Ра́дуйся, по сме́рти уте́шивый па́ству чуде́сным свои́м возвраще́нием;
ра́дуйся, мно́гих чуде́с пода́телю к ра́це твое́й с ве́рою и любо́вию притека́ющим.
Ра́дуйся, святи́телю о́тче Иоа́нне, в беда́х ско́рый помо́щниче.

Конда́к 9

Все естество́ а́нгельское восхожде́нием твоея́ души́ в небе́сныя оби́тели возра́довася, мы же, удивля́ющеся твои́м чудесе́м на земли́, де́йством Свята́го Ду́ха явля́емым, воспева́ем Бо́гу: Аллилу́ия.

И́кос 9

Вити́и многовеща́ннии не возмо́гут изобрази́ти по достоя́нию свя́тости жития́ твоего́, о пра́ведне о́тче Иоа́нне, поне́же дом благода́ти неизрече́ннаго Бо́га был еси́, мы же не мо́жем умолча́ти, чудеси́, явле́ну на́шему малове́рному ве́ку, дивя́щеся, и прославля́ем тя си́це:
Ра́дуйся, боже́ственных наставле́ний пала́то;
ра́дуйся, смире́нным де́ланием а́нгелы сослужи́тели себе́ сотвори́вый.
Ра́дуйся, обреты́й ве́чное и нерукотво́рное жили́ще на небесе́х;
ра́дуйся, враче́бнице, в не́йже всяк неду́г от Бо́га врачу́ется.
Ра́дуйся, моли́твеннаго по́двига храни́лище;
ра́дуйся, освяще́нный хра́ме Ду́ха Свята́го.
Ра́дуйся, святи́телю о́тче Иоа́нне, в беда́х ско́рый помо́щниче.

Конда́к 10

Спасти́ хотя́ мир, и́же всех Спаси́тель, но́ваго свята́го посла́ нам и чрез него́ из те́мных глуби́н грехо́вных воззва́ ны. Слы́шаще же его́, нас призыва́юща, мы, недосто́йнии, взыва́ем к Бо́гу: Аллилу́ия.

И́кос 10

Стена́ еси́ всем прибега́ющим к твоему́ небе́сному заступле́нию, о́тче Иоа́нне, те́мже и нас от де́монских нападе́ний огражда́й, в беда́х и ну́ждах, стужа́ющих нам на земли́, помога́й, да с ве́рою тебе́ взыва́ем:
Ра́дуйся, осле́пших прозре́ние;
ра́дуйся, си́лою моли́твы жизнь на сме́ртном одре́ су́щим подава́яй.
Ра́дуйся, богооткрове́нное вразумле́ние в смяте́нии и сомне́ниих су́щим;
ра́дуйся, спаси́тельная вла́го, ороша́ющая в зно́йной печа́ли погиба́ющих.
Ра́дуйся, си́рым и оста́вленным оте́ческое заступле́ние;
ра́дуйся, святы́й учи́телю и́щущих и́стины.
Ра́дуйся, святи́телю о́тче Иоа́нне, в беда́х ско́рый помо́щниче.

Конда́к 11

Пе́ние непреста́нное ко Пресвяте́й Тро́ице, преблаже́нне о́тче Иоа́нне, мы́слию, сло́вом и доброде́ланием прине́сл еси́: мно́гим разуме́нием и́стинныя ве́ры Бо́жия повеле́ния уясни́л еси́, ве́рою, наде́ждою и любо́вию наставля́я нас в Тро́ице Еди́ному Бо́гу воспева́ти: Аллилу́ия.

И́кос 11

Светода́тельна свети́льника Правосла́вия су́щим во мра́це неве́дения зрим тя, ста́да Христо́ва до́брый па́стырю. Та́ко и по успе́нии твое́м явля́еши и́стину не ве́дущим ея, просвеща́я ду́ши ве́рных, вопию́щих ти такова́я:
Ра́дуйся, просвеще́ние му́дростию Бо́жиею су́щих в неве́рии;
ра́дуйся, ра́дуго ти́хия ра́дости кро́тких.
Ра́дуйся, гро́ме, устраша́яй во гресе́ упо́рствующих;
ра́дуйся, мо́лние, е́реси пожига́ющая.
Ра́дуйся, одожде́ние догма́тов Правосла́вия;
ра́дуйся, ороше́ние богомы́слия.
Ра́дуйся, святи́телю о́тче Иоа́нне, в беда́х ско́рый помо́щниче.

Конда́к 12

Благода́ть, да́нную ти от Бо́га, ве́дуще сию́ с благогове́нием и благода́рностию прие́млем, к заступле́нию твоему́ чу́дному притека́юще, о всехва́льне о́тче Иоа́нне, твоя́ же чудеса́ прославля́юще, взыва́ем к Бо́гу: Аллилу́ия.

И́кос 12

Пою́ще хвалу́ Бо́гу, небе́сный сонм святы́х ра́дуется, я́ко не оста́ви Госпо́дь па́дший и безве́рный мир, но яви́л есть всемогу́щую си́лу Свою́ на тебе́, кро́тком и смире́нном служи́тели, о блаже́нне о́тче Иоа́нне, и мы, со все́ми святы́ми ра́дующеся, чтим тя си́це:
Ра́дуйся, но́вая звездо́ пра́ведности, на небеси́ возсия́вшая;
ра́дуйся, но́вый проро́че, по́сланный пред коне́чным воцаре́нием зла.
Ра́дуйся, я́коже Ио́на о возме́здии за грехи́ предреки́й;
ра́дуйся, я́коже Крести́тель всех к моли́тве и покая́нию призыва́вый.
Ра́дуйся, я́коже Па́вел мно́го терпе́вый ра́ди Ева́нгелия и пропове́дания ве́ры;
ра́дуйся, апо́столе но́вый, свои́ми чудесы́ вселя́яй в нас благогове́йный тре́пет и ве́ру.
Ра́дуйся, святи́телю о́тче Иоа́нне, в беда́х ско́рый помо́щниче.

Конда́к 13

О пресве́тлый и преди́вный уго́дниче Бо́жий, святи́телю о́тче наш Иоа́нне, утеше́ние всем, в ско́рбех су́щим, ны́нешнее на́ше моли́твенное приими́ приноше́ние, да моли́твами твои́ми от гее́нны о́гненныя изба́вимся и богоприя́тным твои́м хода́тайством сподо́бимся во ве́ки воспева́ти: Аллилу́ия.

Сей конда́к глаго́лется три́жды.

И па́ки чте́тся 1-й и́кос и 1-й конда́к.

Моли́тва 1

О святи́телю о́тче наш Иоа́нне, па́стырю до́брый и тайнови́дче душ челове́ческих! Ны́не у Престо́ла Бо́жия за нас мо́лишися, я́коже и сам посме́ртне изре́кл еси́: «А́ще и умро́х, но жив есмь». Умоли́ всеще́драго Бо́га проще́ние нам во гресе́х дарова́ти, да бо́дренно воспря́нем, и Бо́гу возопие́м о дарова́нии нам ду́ха смире́ния, стра́ха Бо́жия и благоче́стия во вся́ческих путе́х жи́зни на́шея, я́ко ми́лостивый сиропита́тель и иску́сный наста́вник на земли́ быв, ны́не бу́ди нам путеводи́тель и в сму́тах церко́вных Христо́во вразумле́ние. Услы́ши стена́ние смяте́нных ю́ношей на́шего лихоле́тия, обурева́емых беснова́нием вселука́вым, и при́зри на уны́ние изнемога́ющих па́стырей от утесне́ния тлетво́рнаго ду́ха ми́ра сего́ и томя́щихся в нераде́нии пра́здном и ускори́ на моли́тву, сле́зно вопие́м ти, о те́плый моли́твенниче; посети́ нас си́рых, по всему́ лицу́ вселе́нныя разсе́янных и во оте́чествии су́щих, во тьме страсте́й блужда́ющих, но сла́бою любо́вию ко све́ту Христо́ву влеку́щихся и жду́щих твоего́ оте́ческаго наставле́ния, да благоче́стию навы́кнем и насле́дницы Ца́рствия Небе́снаго яви́мся, иде́же ты пребыва́еши со все́ми святы́ми, сла́вяще Го́спода на́шего Иису́са Христа́, Ему́же честь и держа́ва, ны́не и при́сно и во ве́ки веко́в. Ами́нь.

Моли́тва 2

О святи́телю чу́дне Иоа́нне, толи́ко распространи́л еси́ се́рдце свое́, я́ко нете́сно вмеща́ется в нем мно́жество почита́ющих тя челове́к от разли́чных племе́н и наро́дов! При́зри на убо́жество слове́с на́ших, оба́че от любве́ тебе́ приноси́мое, и помози́ нам, уго́дниче Бо́жий, поне́ отны́не очища́ти себе́ от вся́кия скве́рны пло́ти и ду́ха, рабо́тающе Го́сподеви со стра́хом и ра́дующеся Ему́ с тре́петом. И что возда́мы тебе́ за ра́дость о́ную, ю́же ощути́хом, зря́ще в хра́ме святе́м мо́щи твоя́ святы́я и прославля́юще па́мять твою́; вои́стину, не и́мамы, чим возда́ти, то́чию а́ще на́чнем себе́ исправля́ти, быва́юще но́ви вме́сто ве́тхих. Сея́ благода́ти обновле́ния бу́ди нам хода́тай, свя́те Иоа́нне, помози́ нам в не́мощех, исцели́ боле́зни, уврачу́й стра́сти моли́твами твои́ми; преста́вленный же от сего́ вре́меннаго во ино́е жити́е ве́чное, в не́же наста́ви тя Пречи́стая Влады́чица, Одиги́трия разсе́яния ру́сскаго, чудотво́рною Свое́ю ико́ною Коренно́ю-Ку́рскою, Ея́же спу́тник ты яви́лся еси́ в день преставле́ния своего́, ра́дуешися ны́не в ли́це святы́х, сла́вящих Еди́наго в Тро́ице сла́вимаго Бо́га, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

В июне 2019 года будет праздноваться двадцатипятилетие прославления святителя Иоанна, архиепископа Шанхайского и Сан-Францисского, Чудотворца и обретения его мощей. Удивительного подвижника и аскета еще при жизни называли святым, а его молитвенные обращения к Богу были настолько сильны, что одерживали победу даже над смертью.

св. Иоанн Шанхайский, фото

Св. Иоанн Шанхайский, фото

Краткое жизнеописание

Миша Максимович (так звали в миру святителя) появился на свет в конце 19 столетия в семье православных дворян Бориса и Глафиры Максимовичей, которые после Октябрьской революции эмигрировали в Сербию. Михаил, уже получивший прекрасное юридическое образование, в Белграде оканчивает духовную семинарию. Пострижен в монахи с наречением имени Иоанн.

Интересный факт
В роду Максимовичей-Васильковских в 17 столетии уже был прославленный подвижник — миссионер и просветитель земли Сибирской, святитель Иоанн Тобольский. В честь своего предка молодой монах и получил новое имя.

Со дня своего рукоположения и всю жизнь Иоанн Шанхайский и Сан-Францисский спал очень кратким сном либо в кресле, либо на полу перед иконостасом, соблюдал строгий пост с вкушением пищи единожды в день поздно вечером, ежедневно причащался Святых Христовых Таин.

Полезные материалы

 

Через 3 года его возводят в сан иеромонаха. Будущий святитель начинает свое пастырское служения епископом Шанхая в 1934 году. При нем завершается воздвижение собора в честь иконы «Споручница грешных», строится большой приют для беспризорных детей в честь святителя Тихона Задонского.

Владыка каждый день пешком, чаще всего босиком, обходил больницы и приюты, где совершал таинства Исповеди и Причастия. Он навещал больных и страждущих независимо от времени суток. Его горячие молитвы у постели безнадежных пациентов творили настоящие чудеса.

Епископа Шанхайского в 1946 г. возводят в сан архиепископа, а через пять лет из-за пришедшей к власти коммунистической партии русская православная община спешно покидает Шанхай и находит временное прибежище на Филиппинах. Немалых усилий стоило отцу добиться разрешения от американских властей принять 3000 русских в Соединенные Штаты Америки.

С 1951 г. владыка 11 лет нёс служение в Западной Европе, где его очень почитали, называя «Русским Архиепископ», «Иоанном Босым», «Святым Иоанном». По возвращении в Калифорнию архиепископ смиренно перенес ложные обвинения, доносы и судебные разбирательства, но в результате он был оправдан.

2
Июль
1966 года

Владыка, как и предвидел, скончался в Сиэтле. Это произошло после Божественной литургии в Николаевском соборе перед чудотворной Курской-Коренной иконой. Тело святого положили в кафедральном соборе «Всех скорбящих радость», который он построил в период пастырского служения.

Память святителя Иоанна Шанхайского и Сан-Францисского совершается дважды в год: 19 июня/2 июля — день его блаженной кончины; 29 сентября/12 октября — обретение мощей.

После преставления святого один из его духовных чад, православный священник, писал: «У меня нет и не будет больше духовного отца, который звонил бы мне в полночь с другого континента и говорил: «Иди теперь спать. То, о чем ты молишься, получишь».

О чём молятся святому


Архиепископ Иоанн Шанхайский и Сан-Францисский в своей жизни временной всегда стремился помогать нуждающимся, помогает он и после нее. Его почитают как утешителя всех скорбящих и просят сил душевных и телесных.
К нему возносят молитвенные прошения:

  • в исцелении душевных и физических болезней;
  • особенно горячо его молят о тяжелобольных;
  • о детях и их духовном становлении;
  • как покровителя эмигрантов испрашивают помощи в трудоустройстве (в особенности заграницей).

В каких случаях читают акафист Иоанну Шанхайскому


«Всегда радуйтесь, непрестанно молитесь, за все благодарите» (1Фес. 5:16–18) – говорится в Первом Послании апостола Павла к Фессалоникийцам. Акафист Иоанну Шанхайскому есть особого рода молитвенный диалог со святым чудотворцем. Как правило, верующие читают его с целью прошения помощи в сложных обстоятельствах жизни.

Являясь «несидельной песнью», это молитвословие возносят стоя, (послабления допустимы людям больным), можно келейно, т.е. дома, или в храме перед святым образом, в удобное для вас время. Начинается чтение с утренних или вечерних молитв (допустимо – с молитвы «Царю Небесный…»), далее читается тропарь и кондак, потом акафист, молитва и в завершении – величание. Желательно попросить благословение у священника или духовника на чтение акафиста, поскольку это является серьезным духовным трудом.

О духовной жизни христианина святитель Иоанн говорил: «Бог наш огнь поядаяй есть (Евр 12, 29). Когда предмет прикасается к огню, то меняется: или сгорает, или закаляется. Так человек, прикасаясь к Богу, или гибнет, или спасается. Огонь — всегда огонь! Но вот от прикосновения к нему получается и пепел, и сталь — в зависимости от того, что прикасается. Так происходит и с человеком, и все зависит от того, что принесет он к огню Божественному — в каком состоянии он прикоснется к Богу. Если держит себя как железо, то железная сила станет стальной. Если распускается до слабости соломы — сгорит»

Главное в молитвенном обращении к святому угоднику – вера в его предстательство за нас пред Господом. Святитель Иоанн Шанхайский и Сан-Францисский для каждого просящего — скорый помощник в бедах и утешитель в скорбях и искушениях.
Автор: Екатерина Маликова

Похожие статьи

Рекомендуем статьи по теме

Добавить комментарий

Получать новые комментарии по электронной почте. Вы можете подписаться без комментирования.

Комментарий 1
  1. Катерина

    Удивительный святой. Тем удивительнее, что святитель Иоанн Шанхайский и Сан-Францисский — наш современник. Дивный случай произошел с русской общиной во время их пребывания на Филиппинах. Этот архипелаг являлся местом встречи сезонных тайфунов. Однако, как рассказывают участники тех событий, в течение 27 месяцев пребывания русского лагеря только единожды была реальная угроза тайфуна, но в последний момент страшный циклон изменил направления и обошел остров стороной. В разговоре сами филиппинцы объясняли это явление так: «ваш святой человек благословляет ваш лагерь каждую ночь со всех четырех сторон». После эвакуации русской общины страшный тайфун все же обрушился на остров, уничтожив все имеющиеся строения.

Следите за нами в социальных сетях

+